موقع سلندر الغاز

[(عبدالله)]

السلام عليكم ورحمة الله

بغيت شوركم يا جماعة الخير

مهندس الموقع على بيتي (فلبيني) من كثر ما أمدحه على مبادراته وجودة شغلة
نفذ فكرة من راسه حق مكان سلندر الغاز عبارة عن:

(1)
حفرة 60*60 سم مربع بعمق 70 سم
(2)
عليها عازل مائي دار ما دارها +فتحة صرف صحي
(3)
الغطا عبارة عن شبكة حديد بحيث ممكن الواحد يمشي عليه
(4)
شبكة الحديد فيها فتحة مستطيلة سهلة الفتح والغلق لفتح صمام الغاز وغلقه

الهدف من الفكرة حتى استغل مساحة الممر بين المطبخين (عرض 2 متر) والباقي عاليمين واليسار سلم ورامب لأن منسوب المطبخين مرتفع عن الأرض كون الفيلا كلها مرتفعة بسبب وجود بيسمنت.

الاستشاري اقترح علي أخلي سلندر الغاز في غرفة اللاندري (غسيل الملابس) الملاصقة للمطبخ من جهة الفرن، لكني ما حبيت الفكرة لأني

(1)
في كل مرة أبغي أستخدم الغاز بغيت أفتح وأسكر بعد الاستخدام وباب غرفة الغسيل بعيد عن باب المطبخ الخارجي
(2)
غرفة الغسيل مغلقة وأنا أبغي سلندر الغاز في مكان مفتوح


http://im39.gulfup.com/L1VG2.jpg (http://www.gulfup.com/?ALxfS8)

http://im39.gulfup.com/HdPTF.jpg (http://www.gulfup.com/?QeED7H)



بكرة في الدوام بعرض الفكرة على مسؤول السلامة عندنا في الشركة آخذ رايه

بس بعد بغيت آراءكم السديدة جزاكم الله خير

وأرجو إني وضحت الفكرة، وإذا في سؤال أو استيضاح بوضح أكثر


(عبدالله)

[معماري قطري]

أخ عبدالله أولاً سلندر الغاز كله يكون مفتوح ويتسكر من داخل .. ينقفل من برا وقت التغيير بس .. بعدين وضعه في الممر فيه شوية خطورة لقربه من مدخلين والفكرة ممتازة بإنه يكون مخفي تحت .. لكن لو كان في جهة بعيدة عن المدخل والممر ويتمدد بيب نحاس يوصل لمكان الفرن بيكون وايد أحسن.

[باندول]

هلا اخوي عبدالله هي فكرة ممتازة بلا شك دام فيها عازل وفيها صرف صحي وتصرف الماي وقت غسيل الحوش

لكن تعودنا دائما يكون سلندر الغاز
في البراد في المطبخ نفسه ضاربه المكيف.. بعدين يا اخوك انا عندي 4 سلندرات سبير في البيت يعني وين بوديهم في حالتك.
بجد احاتي قوة اشعه شمس في ايام للصيف مبالك شمس قويه + حرارة الارض وانت تقول هذا مكان مفتوح هي تقريبا نفس البالوعة.

مرتين نسيت ولاعه سيجارة في سيارة وقت القايله لقيتها منفجرة
مبالك بسلندر غاز

افضل انك تسوي لك كبت او على قولتهم خزانه خارج المطبخ وتمد بيب نحاس تحت الارض
هذا هو الاسلم اتوقع والله اعلم

وفي انتظار رد مسؤول السلامة

[naklan]

هلا فيك اخوي عبدالله وعساه منزل مبارك ان شاء الله
اخوي فكرة طيبه وخاصه انه يتغطى بشبك حديد يعني لو فيه تسرب لا قدر الله
يروح مع الهواء وما يكون خطر وثانياً انا ضد فكرة انه السلندر ينفجر من الشمس
بالعكس لا يمكن لسلندر الغاز ان ينفجر الا من الحريق لا قدر الله حديد الاسطوانه
سميك و مستوى الامان مدروس لو الحراره تفجره جان اهل المخابز ماتوا من
زمان اهل المخابز يغلون الماي ويصبونه على الاسطوانه الي تكون محطوطه
في درام علشان يعطي دفع قوي للغاز ويحمى التنور اكثر وما سمعت عن
سلندر انفجر من الحر او الماي المغلي :)

وقبل ما اعرف رد مسؤول السلامة اقولك مافيه اي خطر باذن الله
وفكره عبقريه ما يسكر عليك الممر ولا يكون ضاهر ويشوه عليك المكان
اما عن الفتح والتسكير للانبوبه فانا مع اخوي معماري الغاز يكون
مفتوح من الاسطوانه لين ينتهي والفتح والتسكير من الفرن
نفسه وهذا المتبع في كل البيوت

تحياتي للجمــــــــــــــــــــــــــــيع :)

[(عبدالله)]

مراحب أخوي العزيز معماري

صح.. مكانه بين الممرين هو القلق.. شكلي لازم أحط سنسر غاز في الممر نفسه أو داخل كل مطبخ...

بيني وبينك تعودنا في بيوتنا مع كل استخدام للفرن نفتح صمام الغاز ونسكره أول ما نخلص استخدام الفرن.. وودي أتم حريص على هالعادة كنوع من احتياطات السلامة.. وإن شاء الله فكرة الفتحة على الحديدة تكون عملية ومب متعبة.

والله ييسر


أخ عبدالله أولاً سلندر الغاز كله يكون مفتوح ويتسكر من داخل .. ينقفل من برا وقت التغيير بس .. بعدين وضعه في الممر فيه شوية خطورة لقربه من مدخلين والفكرة ممتازة بإنه يكون مخفي تحت .. لكن لو كان في جهة بعيدة عن المدخل والممر ويتمدد بيب نحاس يوصل لمكان الفرن بيكون وايد أحسن.

[(عبدالله)]

يا الله حي أخوي باندول

الممر بين المطبخين بإذن الله بيكون مظلل .. تحجب أشعة الشمس وبتقلل من الحرارة..
إن شاء الله المنطقى هاذ يبين الممرين ما تكون حارة كونها بين مطبخين فيهم مكيفات.. اتمنى :nice:

الهم الثاني هو في حالة التسرب لازم اتخذ احتياطات سلامة..

فكرنك ممتازة تكون عندك 4 سلندرات... الحفرة عندي بتكون صغيرة ما تصلح إلى لسلندر أو 2 بالكثير شكلي بخلي الباقي في مخزن المعدات..

والله المستعان

يعطيك العافية جزاك الله خير على مشاركتك

هلا اخوي عبدالله هي فكرة ممتازة بلا شك دام فيها عازل وفيها صرف صحي وتصرف الماي وقت غسيل الحوش

لكن تعودنا دائما يكون سلندر الغاز
في البراد في المطبخ نفسه ضاربه المكيف.. بعدين يا اخوك انا عندي 4 سلندرات سبير في البيت يعني وين بوديهم في حالتك.
بجد احاتي قوة اشعه شمس في ايام للصيف مبالك شمس قويه + حرارة الارض وانت تقول هذا مكان مفتوح هي تقريبا نفس البالوعة.

مرتين نسيت ولاعه سيجارة في سيارة وقت القايله لقيتها منفجرة
مبالك بسلندر غاز

افضل انك تسوي لك كبت او على قولتهم خزانه خارج المطبخ وتمد بيب نحاس تحت الارض
هذا هو الاسلم اتوقع والله اعلم

وفي انتظار رد مسؤول السلامة

[(عبدالله)]

ويبارك فيك وفي رزقك وحلالك أخوي

كلامك هو نفسه اللي قال لي اياه مسؤول السلامة عندنا.. مافي خطر ان شاء الله مقارنة إذا خليت السلندر داخل المطبخ.. لان الغرف المغلقة تلعب دور أكبر في قوة الانفجار مقارنة بالاماكن المفتوحة.. وسبب ثاني إن المطبخ فيه أسباب كثيرة لتوليد الشرار من المروحة والمكيف والإضاءة وغيرها الله يبعد عنا وعنك الشر


هو نصحني اني أنقل السلندر مكان أبعد.. لكن صعب لأن السلندرات الصغيرة ما تعطي تدفق مناسب كلما بعدت المسافة..

نتوكل على الله ونشوف كيف ننفذ الفكرة بتفاصيل عملية.. والله ييسر

جزاك الله خير


هلا فيك اخوي عبدالله وعساه منزل مبارك ان شاء الله
اخوي فكرة طيبه وخاصه انه يتغطى بشبك حديد يعني لو فيه تسرب لا قدر الله
يروح مع الهواء وما يكون خطر وثانياً انا ضد فكرة انه السلندر ينفجر من الشمس
بالعكس لا يمكن لسلندر الغاز ان ينفجر الا من الحريق لا قدر الله حديد الاسطوانه
سميك و مستوى الامان مدروس لو الحراره تفجره جان اهل المخابز ماتوا من
زمان اهل المخابز يغلون الماي ويصبونه على الاسطوانه الي تكون محطوطه
في درام علشان يعطي دفع قوي للغاز ويحمى التنور اكثر وما سمعت عن
سلندر انفجر من الحر او الماي المغلي :)

وقبل ما اعرف رد مسؤول السلامة اقولك مافيه اي خطر باذن الله
وفكره عبقريه ما يسكر عليك الممر ولا يكون ضاهر ويشوه عليك المكان
اما عن الفتح والتسكير للانبوبه فانا مع اخوي معماري الغاز يكون
مفتوح من الاسطوانه لين ينتهي والفتح والتسكير من الفرن
نفسه وهذا المتبع في كل البيوت

تحياتي للجمــــــــــــــــــــــــــــيع :)

[حياة]

انا عندي ست سلندرات وممدود بيب للمطبخ وهم خارج المطبخ ومفصله لهم كبت المونيوم كشخه