السعودي صاحب سيارة "أغبى حادث بالعالم" يطالب بإرجاعها بالصور

[الدوحة 2010]

ساير المطيري- سبق- الرياض: طالب المواطن السعودي الذي تعرضت سيارته الـ G65 لحادث مروري أمام فندق الفورسيزون بالرياض من قبل عامل الفندق، بـ"إرجاعها كما كانت"، أو شراء أخرى جديدة، مشدداً على ضرورة محاسبة المدير البريطاني للفندق لتلفظه العنصري على أبناء المملكة.

وذكر صاحب السيارة المواطن مرزوق الحارثي في تصريح لـ"سبق" إنه يوم الخميس الساعة 11 صباحاً سلم السيارة لعامل فندق الفورسيزون بالرياض، وبعد ربع ساعة تلقى اتصالاً من موظف الاستقبال الذي أفاد بأن هنالك مشكلة، بعد تسلم المفتاح بربع ساعة والنزول أخبروه بنبأ الحادث فأكد لهم أنه لن يستلمها إلا وهي جديدة.

وأضاف: "موظف الفندق أخبرني بعدم وجود المدير لأنه يوم جمعة، وبعد نصف ساعه حضر مدير الفندق البريطاني الجنسية، وكان أسلوبه قذراً جداً وعنصرياً بحتاً"، على حد قوله.

وتابع أنه بعدما تناقش المدير معه، ذكر له إنه لن يعود إلى جدة إلا بسيارته، فرد البريطاني بالقول أنت في السعودية وتعرف النظام جيداً ولن يبالي بك أحد، وبعد مشادة كلامية، قال له أنت سعودي لا يهمكم المال، وقال كعادة السعوديين لا تعرفون الأنظمة، وصرخ بصوت عال "call the police" أي استدعوا الشرطة له"، بحسب قوله.

ولفت إلى أنه بعد مضي نصف ساعة، حضر موظفو الفندق ليبرروا له ما فعله المدير بـ"هو متهاوش مع سعوديين لذلك طول بالك عليه".

وقال: تم أخذ السيارة إلى تقديرات المرور، ليقدروها للفندق دون الرجوع وأخذ إذن منه، إلا أنهم وضعوها في مواقف الفندق، وطالب بمحاسبة المدير بسبب تلفظه العنصري على أبناء البلد أولاً، كما طالب بإرجاع السيارة كما كانت، على حد قوله، أو إعطائه سيارة جديدة؛ كون مركبته سينخفض سعرها بعد التصليح.

http://www.suqalryan.com/up/do.php?img=1349 (http://www.suqalryan.com/up/)

http://www.suqalryan.com/up/do.php?img=1350 (http://www.suqalryan.com/up/)

http://www.suqalryan.com/up/do.php?img=1351 (http://www.suqalryan.com/up/)

[رهج السنابك]

ليش اغبى حادث وفي العالم بعد!!

ناس تحب تسوي زمبليطه

[عيون الدوحة]

يشتري تغريدة على تويتر ب ١٠٠٠ دولار وشوف ردة الفعل

يطلب من ادارة تويتر ارسال رسالة لجميع المستخدمين بقيمة ١٠٠٠ دولار تقريبا

ويكتب فيه الحادث والصور ومكان الحادث والمتسبب بالحادث

[khaldoon]

والله ما يسكت عليه و يعلمه الادب

[شبح الصمت]

راح الجي 65 قيمته في الشركة الـ 2013 مليون وشيء

وين يعوضونه ذي على الحادث لو نزله السوق الحين ما يجيب له 400

[الدوحة 2010]

يشتري تغريدة على تويتر ب ١٠٠٠ دولار وشوف ردة الفعل

شلون يشتري تغريدة مافهمت

[أم محمد 90]

اتمنى ان السعودي مايكون(غبي) ويتمسك بموقفة ويطلب التعويض ويحصل عليه بعد !

[sweet qatar]

يشتري تغريدة على تويتر ب ١٠٠٠ دولار وشوف ردة الفعل

بالضبط وبنشوف إدارة الفورسيزون ايش بتسوي مع مدير فرعهم العنصري

[BoFahed]

ذكرني بحادثة مماثلة في عمان صارت لشاب عماني حضر معرض للتطوير العقاري في مسقط وكان فيه مشروع شاليهات وكان مسئول المبيعات للشركة المطورة بريطاني المهم الشاب صار يسأل ويستفسر عن المشروع والشقق واللانجليزي العنصري قام يتافف ويتكلم بعنصرية اخر شي لما بين لعماني ملاحظاته وعدم رضاه علا شروط البيع قاله البريطاني بكل وقاحه :
انته شعرفك بالشاليهاات من شكلك خيمة ووايده عليك :omg::omg::omg:

المهم العماني رفع قضية علا الانجليزي وشهدو معاه اللي حضرو السالفة وجرجوه في المحاكم وتدخلت السفارة وبعد تاسف وترجي من العنصري رضى بالتنازل مقابل مبلغ كبير

لما يكون فيه دولة قانون ويطبق علا اكبر شنب محد يتجرى ويغلط علا حد

[الكنترول]

زين سوى فيه يستاهل من لم يحترم الناس لا يحترم

[وحيد-الشوق]

الله يعينه مادري من بيرجعله حقه :(

اذكر مره رحت اتغدى في فندق الانتر المهم نزلت وعطيت سيارتي للموظف يصفها وعطاني وصل الي بط جبدي في الوصل مكتوب الفندق غير مسئول عن السيارة ومن هالكلام يعني حتى لو الهندي دعم السيارة مشكلتك انت مب مشكلتنا !!! مادري يستهبلون ولا شنو نظامهم

[BoFahed]

الله يعينه مادري من بيرجعله حقه :(

اذكر مره رحت اتغدى في فندق الانتر المهم نزلت وعطيت سيارتي للموظف يصفها وعطاني وصل الي بط جبدي في الوصل مكتوب الفندق غير مسئول عن السيارة ومن هالكلام يعني حتى لو الهندي دعم السيارة مشكلتك انت مب مشكلتنا !!! مادري يستهبلون ولا شنو نظامهم

مثل القضية اللي اعلنوها بالجرايد عندنا قبل كم شهر لما النيابة تحقق خليجي زاير رفع قضية علا مطعم شهير حط السيارة عندهم ولما طلع ما عطوه ياها لانهم اكتشوا بانها انباقت من موقفهم :eek5:

[STAR2012]

كلها كم يوم وغصب عنة البريطاني والفندق يدفعون التعويض قبل تنضرب سمعة الفندق واصحابة

[مو مهم]

الله يعينه مادري من بيرجعله حقه :(

اذكر مره رحت اتغدى في فندق الانتر المهم نزلت وعطيت سيارتي للموظف يصفها وعطاني وصل الي بط جبدي في الوصل مكتوب الفندق غير مسئول عن السيارة ومن هالكلام يعني حتى لو الهندي دعم السيارة مشكلتك انت مب مشكلتنا !!! مادري يستهبلون ولا شنو نظامهم

يالغالي كلام ماخوذ خيره (( الفندق غير مسئول ... المغسله غير مسئوله ... المطعم غير مسئول .. الخ )) هذا لتذكيرك باغراضك المهمه فقط

بس روح اشتك عليهم بالشرطه.. ما يفتكرون في الكلمه الي مكتوبه ويجرجرونهم بالمحاكم

[وطن]

مسكين الله يعوض عليه

دمروا السيارة :weeping:





راح الجي 65 قيمته في الشركة الـ 2013 مليون وشيء

وين يعوضونه ذي على الحادث لو نزله السوق الحين ما يجيب له 400

شدعوه شبح
ما اخبر ذي سعرها
:omg:

[w.qatar]

يرفع على الفندق قضية السياره متضرره بشكل كبير الله يعينه ويعوض عليه

حضرت مؤتمر في سانت ريجس و العامل صف سيارتي المهم يوم رجعت دوامي اشوف الصدام الامامي على اليمين فيه حكه بسيطه و لو رجعت لهم بيقولون شاللي يثبت انه من عندنا لاني طلعت ولا شيكت عليها !
المهم متحلفه فيهم فيه موتمر بعد فتره بصفها قدام الباب نحاسه فيهم و بسنعهم على اهمالهم

[fhd4]

شدعوه شبح
ما اخبر ذي سعرها
:omg:

هذي g65 أغلى من ال g55 وال g63

سعرها أكثر من مليون و300 ألف … ونادرة جدا …

[شبح الصمت]

مسكين الله يعوض عليه

دمروا السيارة :weeping:





شدعوه شبح
ما اخبر ذي سعرها
:omg:




اتصلي الشركة وبيقولون لج كم قيمته ..

:shy:

[بونووف]

هذي g65 أغلى من ال g55 وال g63

سعرها أكثر من مليون و300 ألف … ونادرة جدا …

ماعتقد g65 لانها V12 وهذي مكتوب V8

[ماجد78]

الجماعة نسوات أمر الحادث وجلسوا يتعازموا هذه جي 65 جي 55 :))))

[بوحمد1]

صارت مع واحد من الربع في نفس الفندق في الرياض لكنه سنعهم ثمن بتسعيرة الشركة وسكن عندهم 6 ليالي بلاش وخذ له تذاكر له وللمرافقين بلاش له وسطحة توصل سيارته بلاش وبهدل ادارة الفندق وطلع فضايحهم بالاتفاق اللي صار بين احد المسؤلين في صيانة التويوتا وموظف الفندق للتلاعب بالفواتير .

يعجبك طلع حقه من عيونهم :)

[شبح الصمت]

الجماعة نسوات أمر الحادث وجلسوا يتعازموا هذه جي 65 جي 55 :))))




قاعدين نحدد الاضرار وكم يكلف

لجنة تحكيم

:secret:

[بونووف]

الجماعة نسوات أمر الحادث وجلسوا يتعازموا هذه جي 65 جي 55 :))))

نروح نصلح موتر الريال ..؟

وبعدين الخبر غلط فالجريده مكتوب 65 والموتر 63 يعني اكيد في اشياء انوردت فالخبر خطاْ
على قولة غير البشر مابنيى على باطل فهو باطل :discuss:

[أم نواري1]

ماقهرني إلا المدير
عمى بعينه وعين اللي وظفوه

[fhd4]

ماعتقد g65 لانها V12 وهذي مكتوب V8

كلامك صح ... لكن فيه صورة ثانية للسيارة من ورى مكتوب عليها g65 :telephone:

نطالب الصراحة بفتح تحقيق ثاني عن نوع السيارة ...:tease:

[الحاقول]

السعودي صاحب سيارة "أغبى حادث بالعالم" يطالب بإرجاعها بالصور

ليش اغبى حادث بالعالم ؟

ولماذا التعجب من طلبه ؟

ولماذا التهكم على صاحب السياره ؟

ولماذا الاعتقاد بأن تصرف المدير سليم ؟

ولماذا الاعتقاد بان العامل يحمل رخصة سواقه ؟


صاحب السياره وضع سيارته في عهدة فندق درجه اولى فندق الفورسيزون

وهذا الفندق لم يحافظ على سيارته وتسبب في الدمار والضرر للسياره

السياره بكل تاكيد سعرها قبل الحادث يختلف عن سعرها بعد الحادث

تصرف صاحب السياره يدل على انه شخص عارف وفاهم حقوقه

وتصرف الفندق ومديره يدل على اعتقادهم ان العربي لايفهم حقوقه

من حقه سياره جديده وتعويض مالي واعتذار رسمي من شركة الفورسيزون

والسكن المجاني لفتره معينه في فنادق الفورسيزون

[وطن]

هذي g65 أغلى من ال g55 وال g63

سعرها أكثر من مليون و300 ألف … ونادرة جدا …
يجوز




اتصلي الشركة وبيقولون لج كم قيمته ..

:shy:

ذكرتني ابي اتصل اخذ موعد للسيرفس
:shy:

[شبح الصمت]

السعودي صاحب سيارة "أغبى حادث بالعالم" يطالب بإرجاعها بالصور

ليش اغبى حادث بالعالم ؟

ولماذا التعجب من طلبه ؟

ولماذا التهكم على صاحب السياره ؟

ولماذا الاعتقاد بأن تصرف المدير سليم ؟

ولماذا الاعتقاد بان العامل يحمل رخصة سواقه ؟


صاحب السياره وضع سيارته في عهدة فندق درجه اولى فندق الفورسيزون

وهذا الفندق لم يحافظ على سيارته وتسبب في الدمار والضرر للسياره

السياره بكل تاكيد سعرها قبل الحادث يختلف عن سعرها بعد الحادث

تصرف صاحب السياره يدل على انه شخص عارف وفاهم حقوقه

وتصرف الفندق ومديره يدل على اعتقادهم ان العربي لايفهم حقوقه

من حقه سياره جديده وتعويض مالي واعتذار رسمي من شركة الفورسيزون

والسكن المجاني لفتره معينه في فنادق الفورسيزون





كلامك عدل

ومفروض ما يسكت عن حقه
كذا الفندق راح يخسر زبائن كثيرة
اشلون فندق بهالمستوى السائقين
واولهم مدير بالاسلوب والفكر ..
ياخذ من خير السعودية ويقط كلام .. !!

يعني راعي الـ G لو سكت عن حقه مع احترامي له راح ياكلون حق الي راح يجون بعده !!

عور قلبي الـ g لونه تفجير وهو تفجير ماشاء الله

شكله عين صاروخيه جاته

:nice:

[شبح الصمت]

يجوز




ذكرتني ابي اتصل اخذ موعد للسيرفس
:shy:




شوفي على كم واحجزي لي وياج الـ G63 الجديد

يقولون تفجيرررررر وابي نفس لون المدعوم

:secret:

[حسن]

في ذمتكم هذا موضوع تتناقشون فيه
موتر واندعم وين المشكله

[منصور.]

هذا الفندق بالذات معملته تعبانه مره كنت ساكن خمس ايام وعن التشيك اوت لقيت زياده 250 قلت ليش قال خدمة صف السياره في اليوم 50 طبعا رفضت وكان الموظف لبناني وقلتله هاذا في لبنان مب في الخليج وكنسل الفاتوره على طول

[وطن]

شوفي على كم واحجزي لي وياج الـ g63 الجديد

يقولون تفجيرررررر وابي نفس لون المدعوم

:secret:

ايه ما شاء الله لونه رائع

[Dana’1]

القهر كلمة البريطاني المخيس....من بيجيب حقك في هالبلد؟!
أظن كلمتة قهرت الرجا أكثر من الدعمة إلي بالسيارة

الله يعوض علية

[بومحمد المطاوعه]

الغبي السواق مب الحادث


والله ما اسكت عن حقي لو شنو

وان شاءالله مايسكت عن حقه السعودي

ولا بعد يتلفض على الدوله بسوء هالبريطاني

هزلت والله

[بومحمد المطاوعه]

!!

عور قلبي الـ g لونه تفجير وهو تفجير ماشاء الله

شكله عين صاروخيه جاته

:nice:

اي والله عور قلبي

ياخي مب مشكله لو يبيعه لي وفيه شاصي انا راضي:nice:

ها قطيه انا وانت يمكن يبيع ب 150

[بونووف]

كلامك صح ... لكن فيه صورة ثانية للسيارة من ورى مكتوب عليها g65 :telephone:

نطالب الصراحة بفتح تحقيق ثاني عن نوع السيارة ...:tease:

ههههههه مب طالعه الصوره عندي .. بس نفس ماقلت نبي نفتح تحقيق بخصوص نوع السياره ههههه

[طلعة الروح]

أولا بالنسبة لصاحب السيارة، الله يعوضه خير ولا حول ولا قوة الا بالله...

الشغله الثانيه الناس صايدها كسل وبرستيج بكل شي حتى بصفة الموتر ، ياخي صف بروحك وفك نفسك من الوسواس ووفر على عمرك اخطاء الآخرين...

مسوين لنا فيها برستيج من غير سنع والكلام للحريم وللرجال على السواء,,

تقبلوا مروري،،،

[مراد2015]

معقولة سعره مليون


جي استاندر وارد البريمي اطلق منة واحسن في الاستخدام واسرع بيعة من ها السيارة

[دلال قطر]

ي حسرة قلبه

[نوفة قطر]

بللل ! صج شيء يقهر

سياره سعرها الشيء الفلاني يجي عامل ويكسرها له وعقب بعد مايعاملون الزبون عدل !!!

خله لا يغير كلامه وخل يطالب بسياره جديده

يستاهلون

[نوفة قطر]

أولا بالنسبة لصاحب السيارة، الله يعوضه خير ولا حول ولا قوة الا بالله...

الشغله الثانيه الناس صايدها كسل وبرستيج بكل شي حتى بصفة الموتر ، ياخي صف بروحك وفك نفسك من الوسواس ووفر على عمرك اخطاء الآخرين...

مسوين لنا فيها برستيج من غير سنع والكلام للحريم وللرجال على السواء,,

تقبلوا مروري،،،

مب سالفة برستيج هالخدمه موجوده في الفنادق لان المواقف وايد بعيده

وفي ظل جونا الربيعي الغائم طبيعي الواحد بيوقف سيارته وبيطلب من المسؤول عن الباركنات انه يوقفها له

مب عيب ولا غلط