قصتي مع سائق الهارب

[jassim69]

الحدث امس عند روضة الاطفال
كنت انتظر في مواقف الروضه الخروج الاطفال جاه بجنبي سائق حسيت من سواقته وحالت السياره من كثر الصدوم فيها انه عليمي وبجيب العيد وهو يرجع بسياره يبقي اوقف صدمني صدمه خفيفه في جنب السياره :anger1: انا فقدة اعصابي ونزلت له وهو بكل برود نازل يبتسم ويقول سير سوري تعوذة من شيطان قلت له انتظر انا يسوي كلام بوليس هو تغير وجها قال اوكيه سير انا يجيب بجاه راح ولا شفته انتظرت لين تغريبن راحو اكثر السيارات بعد ماطلعو عيالهم من روضه لا اشوف خادمه مع بنت صغيره تنتظر سالت الخادمه وين باباه تقول انا يجي مع دريول قلت ونا اشر صوب سيارتهم في المواقف هاذي سياره مال انتي قالت يس باباه قلت عطيني رقم كفيل مال انتي كلمت الكفيل تعال (يابو شباب دريولك دعمني وخله سياره وبنتك مع الخادمه ومادري وين راح قال انا باجي الحين قلت باخلي بنتك في السياره مع بنتي الين تجي ماطول عليكم جه الرجال وخذ بنته !!!!!( طلع الدريول شارد من كفيله سابق والحبيب مشغله عنده براتب 1900 واول حادث هرب عنه):telephone:

[عـ العبيدلي]

^^
اتوقع في غرامه كبيره على الي يشغل دريول شارد او مب كفالته ومن هالكلام

[w.qatar]

شلون يامنون على عيالهم مع هالاشكال المفروض يتعاقب هالشخص اتمنى تبلغ عليه

[عاشق العديد]

والله ياخوي انا منـك ماخليه .. اقبضه ولا اخذ رقم السياره ..

والرجال يتحمل المسؤليه ..

[محاسب]

الله يعوضك,,
الغلط الي جاك مو من السايق الهارب,,,,,
من ولد البلاد الي شغله,,,, هو المتسبب ,,

[jassim69]

شلون يامنون على عيالهم مع هالاشكال المفروض يتعاقب هالشخص اتمنى تبلغ عليه

هههه حلوه تبلغ عنه من يسمع:telephone:

[jassim69]

والله ياخوي انا منـك ماخليه .. اقبضه ولا اخذ رقم السياره ..

والرجال يتحمل المسؤليه ..

انا مادري عنه انه شارد ولا ادري انه بروح ولا بيرجع

[بوفيصل رشدان]

المشكله ان الاخ اللي مشغل السائق الهارب ورط نفسه وورط الناس وضر الكفيل الاصلي للسائق ياريت ان الناس ماتشغل عندها احد من العماله الهاربه علشان يحدون من هالظاهره :taunt::taunt:

[بونووف]

بل شلون أمن على بنته وهله مع هالدريول .. اقرب مشكله فرك له و خلاهم فالحر .. لو صار ثبوت وهو مع هله بيتوهق الهندي يمكن يدعم الناس يمكن ينزل من السياره ويركض ..

[حسن]

سايق هارب وخادمه واطفال

صج مجرمين هل االاباء والامهات
لا يقولك مادويه بالباص
اقولكم انا اشوف شي انتو ماتشوفونه

تستاهل السلامه ياجاسم انشاء الله بلغت عنه انه هارب علشان الكل يتسنع
كان قلت لي اصوره السياره مع الرقم

:victory:

[الفا برافو]

حسبنا الله ونعم الوكيل....
متى هالناس تمتنع عن تشغيل الهاربين,, بس لانه محتاج دريول يقوم يشغل اي واحد يطق الباب..
هذا دريولي شرد مع بدايه الدراسه ووهقني من قلب.. اكيد لاقي احد يشغله مثل اخونا هذا اللي كل همه احد يوصل عياله وبس من دون مايخاف عليهم...

[شبح الصمت]

معوض خير

والشرهه تبي الصدق على هذا الشخص نفسه مفروض اهو يتسحب اشلون يرضى انه يتستر على دريول شارد !!!!

مفروض اي شخص يتساهل مع اي هارب او قبل ما يعرف عنه اي معلومات يتسحب معاه ويتغرم لا تقولون لي محتاجين محتاج احتاج بالقانون وناس ما عليهم خوف

شارد وحطه واعطيه عسى ما شر ..

وقسم بالله يقولي شارد او ادري عنه والله لسحبه واربطه واوديه العاصمة على طول ..

:anger1:

[كود نمبر]

حسبي الله ونعم الوكيل
مخلي بنيه في عمر الزهور مع سايق وخادمه
اجل وين دور الاب والام ليش جايبين عيال مدام
عاجزين من توصيلهم

والله كان ودي انك بلغة عليه مش علشان يدفع مخالفة السايق
علشان يحس با الابوه ويوصل عياله

[jassim69]

حسبي الله ونعم الوكيل
مخلي بنيه في عمر الزهور مع سايق وخادمه
اجل وين دور الاب والام ليش جايبين عيال مدام
عاجزين من توصيلهم

والله كان ودي انك بلغة عليه مش علشان يدفع مخالفة السايق
علشان يحس با الابوه ويوصل عياله

هذا ولا شي عندي صوره مصورها عند المدرسه سايق وخادمه في السياره واقفين ينتظرون العيال وسايق حاط بنت يمكن عمرها 5 سنوات في حضنه ويلعب معاها :anger1:

[أبورودي]

يا الله يا الله يا الله
من دعاء الكفيل الاصلي وهو مظلوم بهروب سائقه وماتكبده من مال

لو يعلم كل ويدرك كل شخص قوة دعاء المظلوم لاتقى الناس ربهم

[طباخة قطرية]

قسم بالله ودك تسجن الاب مب الدريول طفلة مع هندي هارب وخدامة وين أمها وين أبوها حسبي الله علي هالناس كيف يأمنون أعيالهم

[المحاميه]

صج رزيل

[بصمة قطرية]

أب قلبه من حجر
يأمن بنته مع غريب و هارب ..!!
لو فيه خير ما هرب من كفيله ..

[kawkawii]

أكبر غلطه الي يشغل خدم وسواقين او اي نوع من العماله بدون ورقه رسميه من الكفيل
الموضوع عواقبه القانونيه كبيره
فما بالكم لو لا سمح الله ضرها اهلكم؟! يمكن شاردين لان أصلا عليهم بلاوي

[بوحــمد]

الكفيل الي يستاهل من يعاقبه لان متستر على دريول ناس ويستاهل اتشلخ سيارته

[الصغيره]

هذا المووووضوع رساله لمن يهمه امر المووووواطن القطري يعني اش اكثر وايش نننتظر والله لو موضوع هروب العمال يخص شارع الغنم او الخضره كان قامت الدنيا وعجلوا بتصليحه

هذا المواطن يستحق اقصى العقوووووووبه وين الداخليه وايش كان ردهم على هالقصه ؟؟؟

الصراحه اذا ما طلع لنا حل لهذه الفئاااات سواء الهاربين او المتسترين يكون على حقوقنا السلام

[faisalqatar]

الله يغربله الدريول هههههه
حط ريله

والله مب منه ولا نقدر انلوم هالدريولية اللي يشردون .. لان في ناس ناقصين عقل يشغلونهم

شكرا على الموضوع

[q6ri_vip]

أذا طلبت المرور وعلمتهم باللي صار
راح يحولونها نيابه وبيدفعونه 10الأف وبيحطون عليه بلاك لست أنه مايقدر يجيب حد ع كفالته

[al-obaidly]

انا اعرف لي وحده جابت دريول شارد ويعطيها مخالفات حول 9000الاف ريال ومن غير النقاط وراح ولا رجع

[السكين]

اول شي أهنيك على اخلاقك بانك حرصت على بنات الناس وخليتها بالسيارة لحين وصول أبوها.

ثاني شي أنا أستغرب من شغلة يعني الدولة ما شاء الله الكل يتمنى يشتغل فيها سواءاً عرب ولا آسيويين ، ليش ما تنحظ شروط صارمة للي يشغل الهاربين قبل اللي يشتغل ؟

ألاحظ السريلانكيين أكثر جنسية تشرد ، واحد شرد من عند بيت أختي وهم طالعين ومأمنينه على البيت وخلي الكابينة مفتوحة والمجلش وشرد ، وبعد شهور حسله واحد من الجماعة وسوينا له كمين بالاتفاق مع الشرطة وقبضوا عليه .

أتمنى اعادة النظر والحل يكون باستقدام أكثر جنسية مالها مشاكل.

[Abdulraman]

انا مستغرب من الداخليه يوم يصيدون السائق الهارب من كفيله ليش مايحاولون يعرفون وين اشتغل ويغرمون اللي شغله غرامه على الاقل خمسين الف
وشلون تأمن بناتك مع واحد ماتعرفه

[أسد الجزيرة]

الغرامة 20 الف يدفعها كل من اشتغل عندهم الدريول او الشغالة حتى لو كانوا عشرة مع التذكرة

[بوخالد911]

لو نتكاتف كلنا ولا نشغل الا ع كفالاتنا وبس