المساعد الشخصي الرقمي

مشاهدة النسخة كاملة : حملات لإزالة التعديات على أملاك الدولة غرف الدريوليه والخيام


qtr qtr
23-09-2013, 02:26 PM
قام قسم الرقابة الفنية التابع لإدارة الرقابة البلدية ببلدية الدوحة بحملات لإزالة التعديات على أملاك الدولة ، وذلك بالتنسيق مع شرطة الفزعة وإدارة الأعتدة الميكانيكية وقسم الصيانة.
قامت الحملة بإزالة الكبائن الموجودة خارج العقارات بعد تحرير محاضر ضبط ضد ملاكها، وسوف يتم توقيع الغرامة المالية على المخالفين للتعدي على أملاك الدولة ، بالإضافة إلى تحميلهم تكلفة إزالة الكبائن بواسطة معدات إدارة الأعتدة الميكانيكية.
ويناشد قسم الرقابة الفنية السادة ملاك العقارات الالتزام بقوانين البلدية بعدم التعدي على أملاك الدولة بوضع كبائن خارج حدود العقارات ، وكذلك سرعة الاستجابة للإنذارات التي يتم توجيهها من البلدية والإزالة الفورية حتى لا يتم اتخاذ الإجراءات القانونية تجاه المخالفين وإزالة التعديات على نفقتهم.

طبعا البلديات الثانيه بدوا يشتغلون عالكباين والمجالس اللي برع البيوت لاحظت استكرات ملصقينهم على كذا كبينه


المصدر

http://www.baladiya.gov.qa/cui/view.dox?id=456&siteID=1&contentID=2187
همر
23-09-2013, 02:40 PM
حياهم الخريطيات.. اش بيشلون واش بيخلون..

لو يجمعون الكباين والمجالس من الخريطيات بس

عادي يسوون منهم مدينه سكنيه ولا منطقه صناعيه..
البارع
23-09-2013, 02:46 PM
والهوامير الي متعدين على املاك الدوله والاماك الخاصه بعد

ولاحد سئل فيهم لانهم ضد الخدش يعني :)
VX.R
23-09-2013, 02:55 PM
نتمنى ان يبدوا بالغني قبل الفقير..

فالجميع سواء تحت مظلة القانون
qtr qtr
23-09-2013, 03:34 PM
الحين اللي حاط كبينه او غرفة دريوال يتدراك الموضوع ويتصرف قبل لا يحملونه غرامه مخالفه + تكلفة الازاله

الصراحه اللي ماعنده مجال داخل الحوش الله يعينه اما اللي ماشاءالله حوشه اشكبر وقاط الكبينه برع يحطها فالحوش ويفتح له باب عالشارع
العلم
23-09-2013, 03:39 PM
والهوامير الي متعدين على املاك الدوله والاماك الخاصه بعد

ولاحد سئل فيهم لانهم ضد الخدش يعني :)


نتمنى ان يبدوا بالغني قبل الفقير..

فالجميع سواء تحت مظلة القانون

هذا لو كان الإسلام مطبق 100٪ ..
عـذب الكـلام
23-09-2013, 03:41 PM
مثل ماقلت الحوش ماميش شضارهم بورت كبن دريول الحين البلدية خلت الاشغال المهمه وردت عالكباين..
العلم
23-09-2013, 03:51 PM
هذا اللي فالحين فيه ربعنا في مؤسسات الدولة .. المخالفات وتطبيقها على المواطنين مافي أقوى منهم ولا أدق منهم ولا أحرص منهم عليها ..

شوف المرور وتدقيقهم في المخالفات وعلى الجانب الآخر فششششششل ذريع في تسهيل حركة السير لبلاد تطمح أن تستضيف كأس العالم ..

وشوف البلدية ومخالفتهم وهذي وحده منها وعلى الجانب الآخر فشلل آخر في بناء مدن ذات بنية تحتية متميزة .. يبنون البيوت وعقبه يمدون الكهرب والقار والاتصالات واشتغلي ياحفريات ..

وشوف وزارة البيئة الموقرة اللي توها طالعة أمس .. تصدر قرار بحظر الرعي لملاك المواشي ويستمر لمدة سنتين ويعترفون بأن أهل قطر تضرروا من القرار ثم بكل بساطة يعلنون تجديد القرار لمدة سنتين آخرى دون إيجاد أي نوع من الحلول للمتضررين سوى السماح لهم بمغادرة البلد كما فعل البعض .. ثم في نهاية نص القرار يشددون على قضية الضرب بيد من حديد لكل من خالف القرار ..


هذه بعض الأمثلة ..*
qatari 111
23-09-2013, 03:55 PM
المشكله فالكباين اللي برع البيوت تحتها خدمات الماي والكهربه وكيوتل
لا جت الشركة تبي تحفر والكبينه موجوده شلون تبيهم يحفرون .. تبونهم يجيبون ساحر يطير لهم الكبينه لين مايخلصون يردونها مكانها

البلديه ماقامت هالشي الا في عارقيل تعرقل الشركات بالحفر وغير التاخير .

تخيل لو انت بيتك توه جديد وتبي توصل له الخدمات بس جارك معطل الشركه حاط غرفة الدريويل برع البيت والخدمات تجتها ويش راح يكون موقفك من الجار .. اكيد راح تكون متنرفز وزعلان
قطرية مثقفة
23-09-2013, 04:03 PM
بصراحة منظر مش حلوووو ومخرب شكل الاحياء السكنية @@ والمشكلة لو كان حق فترة مؤقتة أوكي الواحد بيمشي مب سنين
بومحمد
23-09-2013, 04:20 PM
ماذا عن الفلل المقسمة الى شقق الا يشملها قانون المخالفات

وان أرادو مخالفتها فل يبدأو من داخل البلدية بمن صرح لهم بتقسيمها وإعطاء

كل شقة في الفيلا عداد كهرماء خاص وترخيص
OREO
23-09-2013, 05:11 PM
خطوة ممتازة و اتمنى تنفيذها بأسرع وقت ان شاءالله ،،
al-obaidly
23-09-2013, 06:22 PM
لو فيهم واحد يقول انه مدير او رجال ابن رجال خله يقرب عندنا في الوكير بحط فيه مخباه خمس ريال وبقوله توكل على الله
مو مهم
23-09-2013, 07:23 PM
والهوامير الي متعدين على املاك الدوله والاماك الخاصه بعد

ولاحد سئل فيهم لانهم ضد الخدش يعني :)

قانون نزع الملكيه تم اصداره علشان الهوامير.. والتعدي على املاك الدوله على كافه المواطنين من هوامير الى فقراء..

انا استغرب من البعض الي يشوف انه في تفرقه عنصريه بقطر..؟
باندول
23-09-2013, 07:25 PM
انا عندي كابينه درويل حاطها في ارضي الخاليه ملك لي الي لاصقه في بيتي وان حد زخها بسوي له مثل ماسوى ال هوقن في فوجي
مو مهم
23-09-2013, 07:28 PM
لو فيهم واحد يقول انه مدير او رجال ابن رجال خله يقرب عندنا في الوكير بحط فيه مخباه خمس ريال وبقوله توكل على الله

الحين توجد اداره جديده في وزاره الداخليه .. اداره املك الدولة لا تتبع الى الاداره العامه للامن العام .. بل هي مباشره تحت وزير الداخليه..

لا تقول الوكير والا غير الوكير

ومن ردك احس ان عمرك لم يصل الى 15 سنه
طبيب قطري
23-09-2013, 08:19 PM
قام قسم الرقابة الفنية التابع لإدارة الرقابة البلدية ببلدية الدوحة بحملات لإزالة التعديات على أملاك الدولة ، وذلك بالتنسيق مع شرطة الفزعة وإدارة الأعتدة الميكانيكية وقسم الصيانة.
قامت الحملة بإزالة الكبائن الموجودة خارج العقارات بعد تحرير محاضر ضبط ضد ملاكها، وسوف يتم توقيع الغرامة المالية على المخالفين للتعدي على أملاك الدولة ، بالإضافة إلى تحميلهم تكلفة إزالة الكبائن بواسطة معدات إدارة الأعتدة الميكانيكية.
ويناشد قسم الرقابة الفنية السادة ملاك العقارات الالتزام بقوانين البلدية بعدم التعدي على أملاك الدولة بوضع كبائن خارج حدود العقارات ، وكذلك سرعة الاستجابة للإنذارات التي يتم توجيهها من البلدية والإزالة الفورية حتى لا يتم اتخاذ الإجراءات القانونية تجاه المخالفين وإزالة التعديات على نفقتهم.

طبعا البلديات الثانيه بدوا يشتغلون عالكباين والمجالس اللي برع البيوت لاحظت استكرات ملصقينهم على كذا كبينه


المصدر

http://www.baladiya.gov.qa/cui/view.dox?id=456&siteid=1&contentid=2187

الحين هي الكباين هي الي مخربه المكان !!!تعالو شوفوا بيوت العزابيه والمخازن الي وسط البيوت ومب بس مشوهه المكان ولكن تشكل خطر كبير على العوايل وتزيد من خطر السرقات وحوادث القتل وغيرها
فااارس قطر
23-09-2013, 08:28 PM
بصراحة منظر مش حلوووو ومخرب شكل الاحياء السكنية @@ والمشكلة لو كان حق فترة مؤقتة أوكي الواحد بيمشي مب سنين


أي منظر أو أي أحياء مدنية هاي اللي شكلها بيخترب ، الفرجان اللي عندنا أو اقصد الأحياء السكنية على قولتج يرثى لها ، مأساة الصراحة ، لا من حفر ، لا من مطبات ، لا من حفريات ، لا ولا ولا .... خليها مستورة أحسن ، واللي يبي يشوف جمال البلاد يطلع برع صوب الكورنيش أو الشوارع الرئيسية الخارجية ، أما الأحياء السكنية رجاءا لا يدخلها :(
واقعية
23-09-2013, 09:06 PM
المشكله فالكباين اللي برع البيوت تحتها خدمات الماي والكهربه وكيوتل
لا جت الشركة تبي تحفر والكبينه موجوده شلون تبيهم يحفرون .. تبونهم يجيبون ساحر يطير لهم الكبينه لين مايخلصون يردونها مكانها

البلديه ماقامت هالشي الا في عارقيل تعرقل الشركات بالحفر وغير التاخير .

تخيل لو انت بيتك توه جديد وتبي توصل له الخدمات بس جارك معطل الشركه حاط غرفة الدريويل برع البيت والخدمات تجتها ويش راح يكون موقفك من الجار .. اكيد راح تكون متنرفز وزعلان

اي عاد هم ذبحتهم هالهواية ... الحفريات

حسبي الله و نعم الوكيل

هم عبالهم الناس ساكنه في قصور ... يدرون ان البيوت الجاهزه اللي احنا ساكنينها بسبب الغلاء المريع و تاخر الاسكان و تعطلهم لمعاملات الناس

البيوت ما فيها مكان للبناء .. و لا كل المؤجرين يسمحون باضافة غرف في البيت للسايق

حسبي الله على من ضيق علينا
واقعية
23-09-2013, 09:09 PM
قانون نزع الملكيه تم اصداره علشان الهوامير.. والتعدي على املاك الدوله على كافه المواطنين من هوامير الى فقراء..

انا استغرب من البعض الي يشوف انه في تفرقه عنصريه بقطر..؟

تم اصداره للهوامير ... و بدأوا بالفقارة اللي مثلنا

صج ما فيه تفرقة عنصرية ... بس ع فكرة .. انا بيتي في خامس لفة من الشارع الرئيسي

ف بدأوا ببيتي و بيت جاري و الجار الثالث

و خلوا البيوت من اللفة الاولى من بعد الشارع الرئيسي و اللي ع الشارع نفسه
فرهود
23-09-2013, 09:13 PM
احسن خبر سمعته . شوهوا منظر البلد بالكباين الي حاطينها برا البيت بالفيت مخلين لدريوليه برع البيت عن الحلال والحرام . هم يرتاحون والجيران يتأذون منهم . كل واحد معلق هافاته وفنايله في الشارع ومنظر الكبينه كنه في كيرلا .

اتمنى سرعة تطبيق القانون الجديد .
بوحارب
23-09-2013, 09:22 PM
حطوا ستكر على خيمتي قبل أسبوعين وسحبت عليهم ما راجعت ولاشي :D :sorry:

مب شايل إلا إذا شلوا كباين الفريج
يمكن عندنا 20 كبينة غير الطبيلات : :court:
king fish
23-09-2013, 09:54 PM
اذا خارج جدار بيتك ملك الدوله ليش جاري يتفلسف ويقولي ممنوع تصف خارج بيتي مع اني بعيد عن باب بيته
قطرية مثقفة
23-09-2013, 10:01 PM
أي منظر أو أي أحياء مدنية هاي اللي شكلها بيخترب ، الفرجان اللي عندنا أو اقصد الأحياء السكنية على قولتج يرثى لها ، مأساة الصراحة ، لا من حفر ، لا من مطبات ، لا من حفريات ، لا ولا ولا .... خليها مستورة أحسن ، واللي يبي يشوف جمال البلاد يطلع برع صوب الكورنيش أو الشوارع الرئيسية الخارجية ، أما الأحياء السكنية رجاءا لا يدخلها :(

:nice::nice: انه ادري انها بلا شي رايحه عليها @@ بس مايمنع نعدل شوي خخخخخ:rolleyes2:
ضوى
23-09-2013, 10:10 PM
في بالي خيمة ناس اذا شالوها باقول عفيه عليهم صج ماتمشي الواسطات
alsoq
23-09-2013, 10:18 PM
الحين البعض بيحتج انه مو عدل الدريول داخل البيت ونسى انا المدام والاهل يركبون معه

قرار سليم الغرف مشوهه الفرجان صراحه وما فيها شي تحطه بزوايه في البيت وتبني عازل ما يدش البيت
فااارس قطر
23-09-2013, 10:55 PM
فزة عراوي بس ،،، وباذكركم إذا هالشي تم وأخلوا جميع المناطق
من البارتي كابن ، والمظلات. ،، وعلى فكرة قرار ازالة الكبائن والمظلات الخارجية قديم صار له أكثر من ثلاث سنوات :deal: الظاهر
نسوا أنهم طلعوا ها لقرار وتوهم متذكرين :confused:
عيون الدوحة
23-09-2013, 11:06 PM
أنا شايفة فلة قالب الساحة الخارجية للفيلا ورشة لصناعة البورت كابين
qatari 111
23-09-2013, 11:11 PM
فزة عراوي بس ،،، وباذكركم إذا هالشي تم وأخلوا جميع المناطق
من البارتي كابن ، والمظلات. ،، وعلى فكرة قرار ازالة الكبائن والمظلات الخارجية قديم صار له أكثر من ثلاث سنوات :deal: الظاهر
نسوا أنهم طلعوا ها لقرار وتوهم متذكرين :confused:

اي فزت العراوي اخوي الحين فزة الجي تي ار تون تيربو طبقوا القرار وجاري ازالة الكباين بحضور الفزعه يعني انسى تمسك ذراه :nice:

وموضوع الطبيلات اللي مالها عمدان في املاك الدوله اعتقد عادي مايقربون صوبها لاني سالت وقالولي الكبياين والخيام بس

وانا اشوفه قراار صائب الصراحه لين ادش الفريج احس اني داش الصناعيه الدريولييه يتجمعون برع الغرف وعيونهم تخز في بيوت خلق الله للي طالع وداخل .
عيون الدوحة
23-09-2013, 11:21 PM
عندي سوال بعد هذي الحملة وين راح يجمعون الكباين في اي منطقة
إذا مساحة الصناعية للسيارات المهملة انترست
:discuss:
حمد 2002
23-09-2013, 11:24 PM
مزرعة العطية اتوقع ملك خاص للرجال
مالها حق البلدية تدخل زرعة
بس عندي سوال بعد هذي الحملة وين راح يجمعون الكباين في اي منطقة
إذا مساحة الصناعية للسيارات المهملة انترست
:discuss:

بالسفاره الامريكيه بلقطه ممم لانه مساحتها كبيره واتشيل عده كباين :nice:
naklan
23-09-2013, 11:42 PM
الحين اللي حاط كبينه او غرفة دريوال يتدراك الموضوع ويتصرف قبل لا يحملونه غرامه مخالفه + تكلفة الازاله

الصراحه اللي ماعنده مجال داخل الحوش الله يعينه اما اللي ماشاءالله حوشه اشكبر وقاط الكبينه برع يحطها فالحوش ويفتح له باب عالشارع




اغلب الناس الي كباينهم في الشارع عندهم حوش
واسع وحاذفين كبيانهم في الشارع ومطنشين :secret:




هذا اللي فالحين فيه ربعنا في مؤسسات الدولة .. المخالفات وتطبيقها على المواطنين مافي أقوى منهم ولا أدق منهم ولا أحرص منهم عليها ..

شوف المرور وتدقيقهم في المخالفات وعلى الجانب الآخر فششششششل ذريع في تسهيل حركة السير لبلاد تطمح أن تستضيف كأس العالم ..

وشوف البلدية ومخالفتهم وهذي وحده منها وعلى الجانب الآخر فشلل آخر في بناء مدن ذات بنية تحتية متميزة .. يبنون البيوت وعقبه يمدون الكهرب والقار والاتصالات واشتغلي ياحفريات ..

وشوف وزارة البيئة الموقرة اللي توها طالعة أمس .. تصدر قرار بحظر الرعي لملاك المواشي ويستمر لمدة سنتين ويعترفون بأن أهل قطر تضرروا من القرار ثم بكل بساطة يعلنون تجديد القرار لمدة سنتين آخرى دون إيجاد أي نوع من الحلول للمتضررين سوى السماح لهم بمغادرة البلد كما فعل البعض .. ثم في نهاية نص القرار يشددون على قضية الضرب بيد من حديد لكل من خالف القرار ..

كلام في الصميم يالعلم ونرفع له القبعة :nice:
بس الضرب بيد من حديد ماخوذ خيره ولو كانوا جادين
وين حملتهم الي قبل 3 سنين اليد الي من حديد على
الي ما عنده واسطة والي عرقه في الماي
يخلي يدهم تصيرمن خشب او مطاط :tease:


هذه بعض الأمثلة ..*
khalid525
23-09-2013, 11:47 PM
عدل شغلهم
حمد 2002
23-09-2013, 11:51 PM
اعناد فيهم بكره بحط البورت كابن بالشارع :victory:
بوخالد911
23-09-2013, 11:53 PM
نتمنى تطبيقه ع الكل
دوووووون تفررررقة

يحيا العدل
توشيبا
24-09-2013, 12:01 AM
في بالي خيمة ناس اذا شالوها باقول عفيه عليهم صج ماتمشي الواسطات

مب بس في بالج

:shy:
New Vision
24-09-2013, 12:09 AM
يعني الحين هديتو الهوامير الي ياخذون من املاك الدوله الي يبونه ورحتو حق المسكين الي حاط غرفة دريول
QTR TV
24-09-2013, 12:33 AM
أنا يا جماعة الخير حطيت الكبينه الصبح وجوني الظهر وشليتها المغرب أقول حق المفتش شوف بيتي مافيه حوش شاسوي ارضي بكبرها مساحتها ٤٥٠ مافي مكان قالي الله يعينك لازم تشلها اليوم ولا بن خالفك وشليتها امري لله
لأكن قتله شوف أنا باشلها والله ثم والله مب خوف من المخالفة كثر مانا احترم القانون لأكن يتطبق على وعلى غيري يعني الأمير الوالد الله يحفظه الشيخ حمد يوم طلع قرار إزالة العزب اول عزبه انزالة عزبته أتمنى القانون يطبق على الكل والله يعيني شكلي بارقد لدريول في المطبخ ههههههه
naklan
24-09-2013, 12:40 AM
أنا يا جماعة الخير حطيت الكبينه الصبح وجوني الظهر وشليتها المغرب أقول حق المفتش شوف بيتي مافيه حوش شاسوي ارضي بكبرها مساحتها ٤٥٠ مافي مكان قالي الله يعينك لازم تشلها اليوم ولا بن خالفك وشليتها امري لله
لأكن قتله شوف أنا باشلها والله ثم والله مب خوف من المخالفة كثر مانا احترم القانون لأكن يتطبق على وعلى غيري يعني الأمير الوالد الله يحفظه الشيخ حمد يوم طلع قرار إزالة العزب اول عزبه انزالة عزبته أتمنى القانون يطبق على الكل والله يعيني شكلي بارقد لدريول في المطبخ ههههههه



الي ما عنده حوش يعمل درج خارجي للسطح
ويخصص غرفه للسائق ويفتك من البلدية وغراماتها
QTR TV
24-09-2013, 12:50 AM
الي ما عنده حوش يعمل درج خارجي للسطح
ويخصص غرفه للسائق ويفتك من البلدية وغراماتها

يعني تقصد ياخوي أني كل ما بغيت لدريول بينزل من فوق السطح وبيركب من درج حديد لا بالله ما صبر صبي في البيت إحنا مخلينهم يادهينه لاتنكتين وبعد مب ملحقين كل يوم واحد شارد لأكن الواحد مايقول إلا الله المستعان
بوحارب
24-09-2013, 12:56 AM
أنا يا جماعة الخير حطيت الكبينه الصبح وجوني الظهر وشليتها المغرب أقول حق المفتش شوف بيتي مافيه حوش شاسوي ارضي بكبرها مساحتها 450 مافي مكان قالي الله يعينك لازم تشلها اليوم ولا بن خالفك وشليتها امري لله
لأكن قتله شوف أنا باشلها والله ثم والله مب خوف من المخالفة كثر مانا احترم القانون لأكن يتطبق على وعلى غيري يعني الأمير الوالد الله يحفظه الشيخ حمد يوم طلع قرار إزالة العزب اول عزبه انزالة عزبته أتمنى القانون يطبق على الكل والله يعيني شكلي بارقد لدريول في المطبخ ههههههه

أي منطقة ساكن اخوي

وممكن تخبرنا وشو الإجراء اللي صار معاك
naklan
24-09-2013, 01:06 AM
يعني تقصد ياخوي أني كل ما بغيت لدريول بينزل من فوق السطح وبيركب من درج حديد لا بالله ما صبر صبي في البيت إحنا مخلينهم يادهينه لاتنكتين وبعد مب ملحقين كل يوم واحد شارد لأكن الواحد مايقول إلا الله المستعان



مش لازم درج حديد
يصير سلم خارجي خرساني مع بيت درج
الى جزء صغير من السطح يخصص
سكن للسواق
romoz
24-09-2013, 01:42 AM
انزين

بخصوص الكباين الموجودة على شاطىء الوكرة ، شنو وضعها !!


ضيقو علينا المكان ، كافي المشروع اللي خدا ثلاثة ارباع شاطيء الوكرة و صار له خمس سنين و هو على وضعه << يمكن المشروع فشل .


بس فعلا هل الكباين اللي على امتداد الشاطىء ، وضعها قانوني !؟
QTR TV
24-09-2013, 01:43 AM
أي منطقة ساكن اخوي

وممكن تخبرنا وشو الإجراء اللي صار معاك

في الدحيل ياخوي بوحارب الي حصل طال عمرك ان سمعت دق على الباب رحت أشوف من على الباب إلا واحد عرفني بنفسه وقالي أنا من البلدية وقالي ياخوي شل الكبينه لان إحنا ماحطينا إنذار عليها لأنك توك حاطها والبلدية مسويه حمله لأخويا وتلفزيون قطر وشاحنات معاهم قلتله هذا كله عشان كبينتي ضحك وقالي لا ياخوي حمله على منطقة بالدية الدوحة قتله زين والبلديات الأخرى قالي كلها بتتخذ نفس الإجراء وحتى لطبيلات بجي دورها بعد الكبائن قتله وطراد عليه إزاله ضحك مره ثانيه جزاه الله خير وقالي لا ماعليه أزله عاد أنا قمت وفضفضت الي عندي كله من مواقف لطراريد ومن زحمه ومور يمكن البلدية مالها شغل فيها هههههههههههه تخبر من الحره المهم قالي شلها اليوم ولا بيشيلونها وبيحولونك على النيابه وبتدفع غرامه وتكلفة الإزالة قتله الأمر لله ولاحول ولا قوه إلا بالله وشليتها
R 7 A L
24-09-2013, 01:48 AM
ماتحركت البلدية
الا بعد طرح احد الكُتاب في احد الجرايد عن هذا الموضوع

الله يكون بعون الي مساحة بيته 400 وين بيحط الدريول
QTR TV
24-09-2013, 01:48 AM
مش لازم درج حديد
يصير سلم خارجي خرساني مع بيت درج
الى جزء صغير من السطح يخصص
سكن للسواق

والله ياخوي ماعندي ارتداد اول شئ يكفي للدرج المسلح والأمر الثاني خلنا نخلص من قانون التقاعد بالول وعق يسير خير :nice:
QTR TV
24-09-2013, 01:52 AM
ماتحركت البلدية
الا بعد طرح احد الكُتاب في احد الجرايد عن هذا الموضوع

الله يكون بعون الي مساحة بيته 400 وين بيحط الدريول

أبشرك ياخوي افتكينا من الاجار لعمارنا الحين عارضين على دريولي اهنود في الفريج يسكن عندهم بأجار 1000 الريال في الشهر الله المستعان والله محد عارف يسنزفنا إلا الأجانب
بوحارب
24-09-2013, 01:54 PM
في الدحيل ياخوي بوحارب الي حصل طال عمرك ان سمعت دق على الباب رحت أشوف من على الباب إلا واحد عرفني بنفسه وقالي أنا من البلدية وقالي ياخوي شل الكبينه لان إحنا ماحطينا إنذار عليها لأنك توك حاطها والبلدية مسويه حمله لأخويا وتلفزيون قطر وشاحنات معاهم قلتله هذا كله عشان كبينتي ضحك وقالي لا ياخوي حمله على منطقة بالدية الدوحة قتله زين والبلديات الأخرى قالي كلها بتتخذ نفس الإجراء وحتى لطبيلات بجي دورها بعد الكبائن قتله وطراد عليه إزاله ضحك مره ثانيه جزاه الله خير وقالي لا ماعليه أزله عاد أنا قمت وفضفضت الي عندي كله من مواقف لطراريد ومن زحمه ومور يمكن البلدية مالها شغل فيها هههههههههههه تخبر من الحره المهم قالي شلها اليوم ولا بيشيلونها وبيحولونك على النيابه وبتدفع غرامه وتكلفة الإزالة قتله الأمر لله ولاحول ولا قوه إلا بالله وشليتها

الله يعينك ياخوي

وشكلي اليوم بنزل إعلان الخيمة للبيع ههههه مب فاضي عوار راس معاهم

ع الأقل انا أهون منك خيمتي صارلها عشر سنين عند البيت وتوهم حاطين ستكر عليها هههه

أشكرك على ذكر التفاصيل يالجار
QTR TV
24-09-2013, 10:26 PM
الله يعينك ياخوي

وشكلي اليوم بنزل إعلان الخيمة للبيع ههههه مب فاضي عوار راس معاهم

ع الأقل انا أهون منك خيمتي صارلها عشر سنين عند البيت وتوهم حاطين ستكر عليها هههه

أشكرك على ذكر التفاصيل يالجار
العفوا طال عمرك اليوم اضربوا كبينه بالشيول في فريجنا زين ماهدوها على الدريول مسكين الله المستعان
عيون الدوحة
24-09-2013, 10:41 PM
العفوا طال عمرك اليوم اضربوا كبينه بالشيول في فريجنا زين ماهدوها على الدريول مسكين الله المستعان

ممكن توضيح نوع الكبائن هل هي الثابته
او المقطورة الي يمكن سحبها
دبلوماسية
24-09-2013, 11:44 PM
في بالي خيمة ناس اذا شالوها باقول عفيه عليهم صج ماتمشي الواسطات

وانا بعد في بالي خيمة :secret: ...
OREO
25-09-2013, 03:49 AM
محتاج سايق اذا حد عنده للتنازل ،،

راسلوني ع الخاص ما عليكم امر ،،:shy:
juma
25-09-2013, 07:27 AM
محتاج سايق اذا حد عنده للتنازل ،،

راسلوني ع الخاص ما عليكم امر ،،:shy:

شكلك عندك خيمه ولا كبينه برى وتبي تغير الموضوع علشان البلديه ما تجيك ههههههههه
حسن
25-09-2013, 07:48 AM
الصراحه انا مع هذا القرار واؤيد بشده واذا هذا توه يطبقونه القرار رقم انه من زمان
الوزير نايم في العسل

بلديه الخور من زمان وهذا القرار مطبق للعم يمكن انك ماتدري ماذا يحدث

صباح الخير
رفيع الهامه
25-09-2013, 07:51 AM
قام قسم الرقابة الفنية التابع لإدارة الرقابة البلدية ببلدية الدوحة بحملات لإزالة التعديات على أملاك الدولة ، وذلك بالتنسيق مع شرطة الفزعة وإدارة الأعتدة الميكانيكية وقسم الصيانة.
قامت الحملة بإزالة الكبائن الموجودة خارج العقارات بعد تحرير محاضر ضبط ضد ملاكها، وسوف يتم توقيع الغرامة المالية على المخالفين للتعدي على أملاك الدولة ، بالإضافة إلى تحميلهم تكلفة إزالة الكبائن بواسطة معدات إدارة الأعتدة الميكانيكية.
ويناشد قسم الرقابة الفنية السادة ملاك العقارات الالتزام بقوانين البلدية بعدم التعدي على أملاك الدولة بوضع كبائن خارج حدود العقارات ، وكذلك سرعة الاستجابة للإنذارات التي يتم توجيهها من البلدية والإزالة الفورية حتى لا يتم اتخاذ الإجراءات القانونية تجاه المخالفين وإزالة التعديات على نفقتهم.

طبعا البلديات الثانيه بدوا يشتغلون عالكباين والمجالس اللي برع البيوت لاحظت استكرات ملصقينهم على كذا كبينه


المصدر

http://www.baladiya.gov.qa/cui/view.dox?id=456&siteid=1&contentid=2187





اي فالحين بس على المساكين
الأصيلة
25-09-2013, 07:58 AM
لو فيهم واحد يقول انه مدير او رجال ابن رجال خله يقرب عندنا في الوكير بحط فيه مخباه خمس ريال وبقوله توكل على الله
زمان وراح..الله يذكرك ياذيك الأيامي...
Aljans
25-09-2013, 08:16 AM
ممتاز متزامن مع يدء التسجيل لموسم التخييم.
بوحارب
26-09-2013, 05:54 AM
العفوا طال عمرك اليوم اضربوا كبينه بالشيول في فريجنا زين ماهدوها على الدريول مسكين الله المستعان

هههههههه من صجك :omg:
كود نمبر
26-09-2013, 12:12 PM
القرار قديم ولكن كان فيه مرونه في تنفيذه
ولكن مع مرور الوقت فيه اشخاص تخرب على اشخاص
النهار
26-09-2013, 12:18 PM
هههههههه من صجك :omg:

تحمل بوحارب لايسون في خيمتك نفس السواء نفس الي سوه في رابعه :nice:
OREO
26-09-2013, 12:18 PM
شكلك عندك خيمه ولا كبينه برى وتبي تغير الموضوع علشان البلديه ما تجيك ههههههههه

لا والله ماعندي لا خيمة و لا بورتكابن برا البيت ،، :shy:
OREO
26-09-2013, 12:20 PM
يعني محد يبي يتنازل عن السايق اللي عنده :rolleyes2:

اتمنى من البلديه بإسراع عملية الازالة لجميع الخيم و البورتيكبنات لاجل احصل على سايق :shy:
النهار
26-09-2013, 12:26 PM
يعني محد يبي يتنازل عن السايق اللي عنده :rolleyes2:

اتمنى من البلديه بإسراع عملية الازالة لجميع الخيم و البورتيكبنات لاجل احصل على سايق :shy:

ههههههههههههههههه
تصدق اوريو فرصه لااصاحب التخيم اشكثر خيام وبورت كابينات بيحصولون بعد هذالقرار
برخص التراب :nice: