المساعد الشخصي الرقمي

مشاهدة النسخة كاملة : زحمة الصباح والجامعة ( قمة التعب والارهاق والتوتر )


mr ali
24-09-2013, 07:19 AM
السلام عليكم ,,,, صباحكم تفائل ,,,
الزحمة هذي السنة تضاعفت بشكل مجنون بالنهار او الليل ,, يعني اعمل احسابي ان قبل ساعة اطلع عشان اوصل الجامعة واحيانا اكثر ,,, بصراحة شي جدا متعب ,,, صار اكبر همي الوصول للموعد قبل الدراسة .. الى متى مع التخطيط السيئ بالشارع ,,, وزاد عدد الاجانب بشكل كبير هالفترة , يعني الازدحام مش بس بالصباح حتى بالمساء وخاصتـا يستمر بالليل من الساعة 7 الى 9 ,,, صعب اخلص ابسط اموري( مكتبة - حلاق وغيرة) لان المواقف غالبا غير متوفرة ,, صار الوضع جدا مأساوي . افكر ادرس برا اريح لي يمكن ..
عاشق العديد
24-09-2013, 07:21 AM
هي كلها فتره معينـه وان شاء بتمر على خيـر لانه في تعديلات فالشوارع والاجانب اكيد بيزيدون وهذا عدد بسسيط جدا .. لاتنسى انه في مشارع قاعد تتنفذ حاليا .. والعماله بتزيددد .. ولكن نبي ننطر شوي ونعطي فرصه للاشغال .. ونتمنى يتداركون اخطائهم .. وباذن الله راح تختفي الزحمـه ..
العلم
24-09-2013, 07:25 AM
الزحمة السنة هذي شيء مش طبيعي وخلت المرور في ورطة وماعندهم مبررات ..

أنا كل يوم اروح الجامعة وماخليت طريق ماجربته وكله زحمة لاتطاق .. ماباقي الا وقف السيارة برا الدوحة وجي من صوب البحر .. يمكن يكون اسرع شوي ..
بريق الحق
24-09-2013, 07:26 AM
ياريال انا ربع ساعه بس عشان اطلع من الوكرة والله الدوريات مايعرفون يمشون السيد
عاشق العديد
24-09-2013, 07:28 AM
الزحمة السنة هذي شيء مش طبيعي وخلت المرور في ورطة وماعندهم مبررات ..

أنا كل يوم اروح الجامعة وماخليت طريق ماجربته وكله زحمة لاتطاق .. ماباقي الا وقف السيارة برا الدوحة وجي من صوب البحر .. يمكن يكون اسرع شوي ..

عندي لك طريق مهب صصصاحي ..

بس لازم اعطيك الخريطه لانه كله لفات ..
العلم
24-09-2013, 07:33 AM
عندي لك طريق مهب صصصاحي ..

بس لازم اعطيك الخريطه لانه كله لفات ..

لاتقولي شارع الإحتفالات .. ترا قاعد افكر فيه بكره ..:shy:
ودي أكون
24-09-2013, 07:33 AM
وانا 6و18 دقيقه انا عند باب البيت طالعين .. 7و4 دقايق باصمه

هذا والدريول متجاوز السيارات والزحمه مرتين ..!!

شلون لو ماتجاوزهم ..؟!.. متى الوصول بيكون ان شاءالله :weeping:

والله خفوا العماله الوافده ياجماعه ولا تسمحون للبنات بالسواقه بس خلاص طفرنا :anger1:
مـراحـب
24-09-2013, 07:38 AM
انا قررت أشتري دراجه

هههههههههههههه


ما اتخيل نفسي بعبايتي

بس أرحم من اللي صاير في الشوارع
khalid Qtr
24-09-2013, 07:44 AM
هالكورس كنت مسجل مقرر في الجامعة يبدأ الساعة 8:00 حذفته وسجلت مقرر الساعة 11:00 ، الصباح تقريبا اخذ أكثر من 40 دقيقة من الدوام لين الجامعة !!!
ضوى
24-09-2013, 07:47 AM
ياريال انا ربع ساعه بس عشان اطلع من الوكرة والله الدوريات مايعرفون يمشون السيد

بس ربع ساعة ؟؟

انا نص ساعة بس عشان اطلع من اشارة مستشفى حمد
غير البشر
24-09-2013, 07:52 AM
هي كلها فتره معينـه وان شاء بتمر على خيـر لانه في تعديلات فالشوارع والاجانب اكيد بيزيدون وهذا عدد بسسيط جدا .. لاتنسى انه في مشارع قاعد تتنفذ حاليا .. والعماله بتزيددد .. ولكن نبي ننطر شوي ونعطي فرصه للاشغال .. ونتمنى يتداركون اخطائهم .. وباذن الله راح تختفي الزحمـه ..



ماراح تنحل :victory:
بريق الحق
24-09-2013, 08:00 AM
بس ربع ساعة ؟؟

انا نص ساعة بس عشان اطلع من اشارة مستشفى حمد

الشارع اقل من كيلوو ربع ساعه والشرطة مايمشون العالم يبيلهم دورة
قنديلة
24-09-2013, 08:03 AM
فعلا الزحمة السنة هذي غير شكل ابدا

يعني فوق طاقتنا وفوق تحملنا اذا فيه ناس تسوي حسابها تطلع قبل موعدها بساعة احنا صرنا نطلع قبلها بساعتين وبعد زين نوصل ع الوقت !

الله المستعان
عـ العبيدلي
24-09-2013, 08:05 AM
بالنسبــه لجامعة قطــر ..

من المدخل لين توصل المواقف تقريبا "على كلام الشباب" 15 دقيقه ..
وفي المواقف عشان تلقى موقف بين الـ 20 الى 30 دقيقه ..

يعني 45 دقيقه داخل الجامعه .. غير الـ ساعه ونص فالدرب ..

هاي كلام الطلاب مب كلامي انا ..
انا مب فالجامعه ..
الخـود
24-09-2013, 08:35 AM
^
^
:cry2::cry2:
Me&OnLy
24-09-2013, 08:44 AM
بالنسبه لجامعة قطر انا اطلع من البيت 9 اوصل الجامعه 10 الا وادش محاضرتي الساعه 10 ماشوف زحمه ولا احصل مشكله في الباركنق فيه زحمه بس تمشي هذي بالنسبه لي ماتعتبر زحمه الزحمه ادقر في مكانك لين تطلع روحك
qrt_trading
24-09-2013, 09:02 AM
صراحة هذي السنة الزحمة لا تطاق بيتي في عين خالد وشغلي صوب المنطقة الدبلوماسية تعالوا عاد شوفوا متى اوصل الشغل اطلع 6.15 وأوصل الشغل 8 الحالة صعبه.
للصبر اخر
24-09-2013, 09:16 AM
اللي ياخذ 40 دقيقه واللي اكثر
انا اخذ ساعتيين وربع لين اوصل الدواام
اطلع 6 وربع اوصل 8 ونص
khalid Qtr
24-09-2013, 09:20 AM
بالنسبه لجامعة قطر انا اطلع من البيت 9 اوصل الجامعه 10 الا وادش محاضرتي الساعه 10 ماشوف زحمه ولا احصل مشكله في الباركنق فيه زحمه بس تمشي هذي بالنسبه لي ماتعتبر زحمه الزحمه ادقر في مكانك لين تطلع روحك

طيب انت تطلع في وقت تخف فيه الزحمة ، شوف اللي عنده محاضرات الساعة 8 شلون يعاني ، يوافق وقت محاضرته مع دوام موظفين الجامعة ، وخذ زحمة
أم محمد 90
24-09-2013, 09:32 AM
هي كلها فتره معينـه وان شاء بتمر على خيـر لانه في تعديلات فالشوارع والاجانب اكيد بيزيدون وهذا عدد بسسيط جدا .. لاتنسى انه في مشارع قاعد تتنفذ حاليا .. والعماله بتزيددد .. ولكن نبي ننطر شوي ونعطي فرصه للاشغال .. ونتمنى يتداركون اخطائهم .. وباذن الله راح تختفي الزحمـه ..

امس كنت اتناقش مع زميلاتي بهالموضوع
انا احب اقولك ان مب فترة وبتصير الامور تمام
صدقني بيطول الموضوع سنين
اي بيفتحون الاشارات لكن صدقني نظراً للتخطيط السيء للشوارع
ماراح تنحل مشكلة الزحمة والدليل 22 فبراير
أم محمد 90
24-09-2013, 09:33 AM
اللي ياخذ 40 دقيقه واللي اكثر
انا اخذ ساعتيين وربع لين اوصل الدواام
اطلع 6 وربع اوصل 8 ونص

بيتك وين
\دوامك وين :eek5:
غير البشر
24-09-2013, 09:33 AM
امس كنت اتناقش مع زميلاتي بهالموضوع
انا احب اقولك ان مب فترة وبتصير الامور تمام
صدقني بيطول الموضوع سنين
اي بيفتحون الاشارات لكن صدقني نظراً للتخطيط السيء للشوارع
ماراح تنحل مشكلة الزحمة والدليل 22 فبراير


والله العظيم بالوضع الحالي والعقول الموجوده
ماراح تنحل مشكله الزحمه قريب :nice:
أم محمد 90
24-09-2013, 09:35 AM
والله العظيم بالوضع الحالي والعقول الموجوده
ماراح تنحل مشكله الزحمه قريب :nice:


اخوي مساكين الشعب وايد حاطين امل بالاشارات الجديدة سواء بالكورنيش ولا بالدفنة
نفس ماكانو حاطين أمل ب 22 فبراير

بس عندي سؤال ذابحني الفضول !
الحين صوب كتارا واللاجونا الشارع جذي مسكر ليش
شنو يعني (مشروع طريق الوسيل)!
غير البشر
24-09-2013, 09:37 AM
اخوي مساكين الشعب وايد حاطين امل بالاشارات الجديدة سواء بالكورنيش ولا بالدفنة
نفس ماكانو حاطين أمل ب 22 فبراير

بس عندي سؤال ذابحني الفضول !
الحين صوب كتارا واللاجونا الشارع جذي مسكر ليش
شنو يعني (مشروع طريق الوسيل)!


اختي العقول الموجوده ماتستحمل الوضع الحاصل
من مشاريع وعماله وافده
ماتشوفين كل مايضربونها عويه

انا والله عندي حلول اقضي على 60 % من الزحمه الموجوده
أم محمد 90
24-09-2013, 09:39 AM
اختي العقول الموجوده ماتستحمل الوضع الحاصل
من مشاريع وعماله وافده
ماتشوفين كل مايضربونها عويه

انا والله عندي حلول اقضي على 60 % من الزحمه الموجوده

انا اطالب الدولة يصرفون لنا بدل سفايف وبدل ارهاق نفسي وبدل علاج طبيعي

سفايفنا راحت من البريكات ( الفجائية)
والنفسية زيرو كل مانوصل الدوام او البيت !
وريولنا تخدرت من البريكات :weeping:
غير البشر
24-09-2013, 09:40 AM
انا اطالب الدولة يصرفون لنا بدل سفايف وبدل ارهاق نفسي وبدل علاج طبيعي

سفايفنا راحت من البريكات ( الفجائية)
والنفسية زيرو كل مانوصل الدوام او البيت !
وريولنا تخدرت من البريكات :weeping:



تبغين اعطيج بس خطأ واحد بس في مشكله المخارج والانفاق في طريق 22 فبراير ؟
أم محمد 90
24-09-2013, 09:44 AM
تبغين اعطيج بس خطأ واحد بس في مشكله المخارج والانفاق في طريق 22 فبراير ؟

الاخطاء واضحة بس من يشوف ومن يطبق ومن يسوي ومن يعدل !

المهم شرايك بسيارتي اليديدة ، عشان اعدي بالزحمة :weeping:

http://up.arabseyes.com/uploads2013/24_09_13138000501409751.png (http://up.arabseyes.com/)
Abdulraman
24-09-2013, 09:44 AM
اللي ياخذ 40 دقيقه واللي اكثر
انا اخذ ساعتيين وربع لين اوصل الدواام
اطلع 6 وربع اوصل 8 ونص

وين ساكن في الحسا:eek5:
Abdulraman
24-09-2013, 09:45 AM
الزحمه مافيها رحمه:)
للصبر اخر
24-09-2013, 09:49 AM
وين ساكن في الحسا:eek5:

والله الحسا اقررررررررررررررب
انا بيتي بالمطار واداوم بمؤسسة قطر
حد يعطيني طريق غير الكورنيش و22 فبراير
يمكن يفيييد
Abdulraman
24-09-2013, 09:52 AM
والله الحسا اقررررررررررررررب
انا بيتي بالمطار واداوم بمؤسسة قطر
حد يعطيني طريق غير الكورنيش و22 فبراير
يمكن يفيييد

مافي الا تشتري طراد :tease:
سهم عتيج
24-09-2013, 09:54 AM
اخوي مساكين الشعب وايد حاطين امل بالاشارات الجديدة سواء بالكورنيش ولا بالدفنة
نفس ماكانو حاطين أمل ب 22 فبراير

بس عندي سؤال ذابحني الفضول !
الحين صوب كتارا واللاجونا الشارع جذي مسكر ليش
شنو يعني (مشروع طريق الوسيل)!

كلامك صحيح

والدليل لو نرجع عشر سنوات للخلف ايام الأسياد والناس تقول نصبر شوي وتنحل المشكلة ،، لكن بمجرد افتتاح شارع وتخف الزحمة ،، شوي الا تبدأ المشكلة من جديد وتبدأ مرحلة الكبد

شكل جيلنا ماراح يحس باستقرار وأتوقع ان علينا الانتظار لين سنة 2030 حتى اكتمال رؤية قطر :)
أم محمد 90
24-09-2013, 10:00 AM
مافي الا تشتري طراد :tease:

لا هيلي كوبتر :pilot:
غير البشر
24-09-2013, 10:01 AM
الاخطاء واضحة بس من يشوف ومن يطبق ومن يسوي ومن يعدل !

المهم شرايك بسيارتي اليديدة ، عشان اعدي بالزحمة :weeping:

http://up.arabseyes.com/uploads2013/24_09_13138000501409751.png (http://up.arabseyes.com/)


احسن لج لو تاخذين نفس هالسياره ههههههههه
بس بعد تخافين تدخلين بين السيارات وخاصه الشاحنات :tease:


ركزي في طريق 22 فبراير
وخاصة نفق السودان

المنطقه المتعرجه باللون الاصفر هنا يوميا زحمة كبيرة
وتوصل الزحمة على الخط الرئيسي وتسبب أزمة

الخطأ باللون الاحمر
وتكرر نفس الخطأ في طريق سلوى وفي معظم المخارج
الخطأ هو ان ماتم الاستفاده من المنطقة الى فوق النفق
كان يجب عليهم تغطية النفق بمساحه اكبر
حتى تكون المنطقه عند اشارات السودان كبيره وواسعة
تسمح بعدد كبير من السيارات بالوقوف فوق النفق

http://im40.gulfup.com/Ly29j.png (http://www.gulfup.com/?NKjARR)


اتمنى وصلت الفكرة
وفي اخطاء ثانيه وكثيره راح تخفف من الزحمه
غير البشر
24-09-2013, 10:04 AM
كلامك صحيح

والدليل لو نرجع عشر سنوات للخلف ايام الأسياد والناس تقول نصبر شوي وتنحل المشكلة ،، لكن بمجرد افتتاح شارع وتخف الزحمة ،، شوي الا تبدأ المشكلة من جديد وتبدأ مرحلة الكبد

شكل جيلنا ماراح يحس باستقرار وأتوقع ان علينا الانتظار لين سنة 2030 حتى اكتمال رؤية قطر :)


بالوضع الحالي والعقول الحاليه
المشكله هي هي في 2030 :victory:
hasss1969
24-09-2013, 10:41 AM
الحقيقة الوضع صعب جدا،اليوم خرجت من بيتي في الدفنة والمقصد دوار الساعة للاتفاق مع عمال لصيانة البيت،،،،،خرجت الساعة 8 ونصف بالضبط ورجعت الساعة 10
وللعلم مشواري على السريع،،،في الايام الخوالي المشوار بالكثير وعلى راحتي امشي يأخذ وقت نصف ساعة،،،حتى رجال المرور الله يغطيهم العافية اشوفهم مرتبكين والحمل ثقيل عليهم ،،،وللاسف في المدى المنظور لا ارى اي امل في تحسن الحركة المرورية خصوصا اذا علمنا انه شهريا تنزل الشوارع 48 الف سيارة جديدة،،،ربما يكون حل من الحلول ولو مؤقتا هو تغيير دوامات الموظفين وجعل هناك مدة زمنية بين كل جهة واخرى خصوصا الجهات التي بها موظفون كثيرون،،،
طلعة الروح
24-09-2013, 02:04 PM
السلام عليكم ,,,, صباحكم تفائل ,,,
الزحمة هذي السنة تضاعفت بشكل مجنون بالنهار او الليل ,, يعني اعمل احسابي ان قبل ساعة اطلع عشان اوصل الجامعة واحيانا اكثر ,,, بصراحة شي جدا متعب ,,, صار اكبر همي الوصول للموعد قبل الدراسة .. الى متى مع التخطيط السيئ بالشارع ,,, وزاد عدد الاجانب بشكل كبير هالفترة , يعني الازدحام مش بس بالصباح حتى بالمساء وخاصتـا يستمر بالليل من الساعة 7 الى 9 ,,, صعب اخلص ابسط اموري( مكتبة - حلاق وغيرة) لان المواقف غالبا غير متوفرة ,, صار الوضع جدا مأساوي . افكر ادرس برا اريح لي يمكن ..


عزيزي علي ، وضعك يعتبر طبيعي وهالكلام من حوالي عشر سنين احنا الخبراء الاستراتيجين (القطريين هههه) متبعينه، أغلب القطريين صار عندهم فن إدارة الازمات من كثر الاختناقات اللي مرت عليهم ، انت كطالب جامعي يبيلك تنظيم أكبر عشان توصل مواعيدك على الوقت المطلوب وموعد المحاضرة ساعه أو ساعه ونص واحيانا ساعتين (على حسب المكان) قبل الموعد هذي صارت من الأساسيات في قطر كي نرتاح ونتجنب أي نوع من أنواع التوتر أو العصبيه اثناء الطريق وعسى الله يوفقك ....
سهم عتيج
24-09-2013, 02:23 PM
بالوضع الحالي والعقول الحاليه
المشكله هي هي في 2030 :victory:

أوافقك الرأي اخوي غير البشر ،،

من الحين أقول لك ان اي حل سيكون مؤقت والدليل قبل عشر سنوات كان عدد سكان قطر لايتجاوز 1،4 مليون نسمة ،، وعند اكتمال بعض الشوارع في ذلك الوقت فرحنا كثيراً اعتقادا بان المشاكل انتهت

اليوم عدد السكان تجاوز 2 مليون نسمة نشوف المشكلة تعود الى نقطة الصفر من جديد ،، ومع اكتمال بعض التوسعات سنفرح قليلا أيضاً،، افترضنا ان عدد السكان سيصبح 4 مليون خلال عشر سنوات حسب التصريحات التي نقرأها هنا وهناك تصور كيف سيصبح الحال،، بمعنى ان عدد السكان سيصبح ضعف الحالي وتصور كيف سيكون حجم المشكلة

شوف قبل شهر عندما انخفض حجم السكان بحوالي نصف مليون بسبب الإجازات كيف كانت الحياة جميلة وسهلة وممتعة وقس هالكلام على كل مايحدث

نعم المشكلة ليست فينا ولكن اذا كانت الأمور تدار بنفس العقلية فإنك ستعيش نفس المعاناة