إقتراح موجه للخرجي

[w.qatar]

صباح الزحمة و التجاوزات و السلاحف اللي يمسكون الخط الايسر :weeping:

انا ابي اعرف شي واحد الخرجي وينه مختفي ما نشوفه يتكلم الا بخصوص البالون ولا الرادارت و المخالفات :anger1:

ترا انت مسؤول عن المرور بالدوله مب تجميع مخالفات يعني هو ما يعاني مثلنا فالزحمه ولا شلون

الحل لماساه ازدحام الطرق قدمة جوناس الياسون المصمم الشهير وهو نظام تسعير للشوارع اللي تحصل فيها اختناقات في ستوكهولم و اثبت فعاليته في اوقات الذروه بالذات !

و هالاقتراح ينفع في 22 فبراير راح يبعد كل العمال و الباصات اللي مالها داعي لانهم اكيد ما بيشجعون فكره التسعيره و بيبتعدون عن الشارع عشان ما يدفعون و اساسا هم ممكن يسلكون الطرق الاخرى لاعمالهم و مثل ما تعرفون هالاعمال مب مثل الموظفين لهم و قت محدد و بصمة تثبت حضورهم فممكن ارباب العمل و المواقع البناء و غيرهم يحددون وقت معين ما يصادف و قت الذروه لحضور العمال .

شوفوا الصور و انتو احكموا بنفسكم

http://www.shrinkpictures.com/processed/phpcJG5oGAM.jpg

الصوره توضح الشارع نفسه والوقت نفسه قبل و بعد تطبيق نظام تسعير المرور في هذا الشارع

والمفروض اداره المرور تفعل دورها في الدوله شلون يسمحون باعمال الطرق كلها في نفس الوقت !! وينهم في الصيف ليش يبدون وقت الدوامات كل الطرق فيها اعمال و مضيقين على الناس المفروض اي مشروع قبل ما يبدا ياخذون موافقه من المرور و يتاكدون انها ما تاثر على حركة السير في الدوله و خاصه في اوقات الذروه الحين قطر كلها زحمه سواء وقت ذروة ولا غيره !

و دوريات المرور اللي كلش ما عندهم المام بطريقه تسيير المرور بسلاسه :rolleyes2:

اي دوار واقفين عليه بتلقون السيارات متكدسه في احد الاتجاهات و الجهه اللي سمحوا لهم بالمرور ما يقدرون يتحركون لان السيارات اللي وقفوهم ساده الطريق على الشارع اللي مشوه

ابي اعرف مافي اساليب غير وقفتهم هذي ليش ما يطورون يبتكرون او يشوفون تجارب الدول الثانية و يستفيدون !!

ابي اعرف شرايكم في الحل و هل تشجعون على تطبيقه ولا لا

[عـ العبيدلي]

بكره بيستضيفونه في برنامج وطني الحبيب ..

اتصل واعرض اقتراحك الشيخ

[رجل الجزيرة]

نفس نظام"سالك" في دبي.

يحطون إستيرك في السيارات للي تمر على الطريق السريع في دبي فتسجل أي سيارة تمر أكثر من مرة في نفس الشارع في نفس اليوم عن طريق الكيمرات وتتخالف ماعدا سيارات دول مجلس التعاون فتكون مجانية.

[غير البشر]

اختي تقريبا يوميا اطالب بتسعير بعض الطرق
وتكون رسوم محترمه اشوي

هذا افضل حل والي مايدفع يروح الطرق الجانبيه والفرعيه
لكن ربعنا بعارضون ويبغون كلشي ببلاش

اتمنى يطبق القرار وتحديد الطرق المسعره

[w.qatar]

انا ما اقدر اكلم وطني الحبيب لو الاخوان يتبرعون بكره و يكلمونهم و يطالبون بهالشي زين

بخصوص رفضهم للموضوع اتوقع مب من صالح المرور الرفض لانه يعتبر مورد جديد لهم و احسن من مدخول المخالفات:nice:

[بونووف]

اذا تقصدين الضرايب على الشارع لازم يكون في طريق بديل و موازي للشارع ..

وجهة نظري اشوف انه طريق لخويها اللي هي من اشارات الغرافه لين اشارات الوعب يهدمونه بالكامل ويسوون هاي وي وراح يكون شبه موازي لل22 فبراير .. وعندهم طريق ثاني ولازم يسونه هاي وي اللي من دوار الاطلنطي وانت رايح صوب المرخيه لين اللفه الاجباريه اللي تطلعك على دوار محطة الجيده قبل

[w.qatar]

نفس نظام"سالك" في دبي.

يحطون إستيرك في السيارات للي تمر على الطريق السريع في دبي فتسجل أي سيارة تمر أكثر من مرة في نفس الشارع في نفس اليوم عن طريق الكيمرات وتتخالف ماعدا سيارات دول مجلس التعاون فتكون مجانية.

حلو نظامهم و هذا موقعهم http://www.salik.gov.ae/
و هم اقرب من استوكهولم ليش ما يتعاونون مع دبي ع الاقل و يشوفون ايجابيات و سلبيات الفكره هذي و يطبقونها عندنا بعد تلافي الاخطاء اللي ممكن تكون حصلت في دبي

[برويقن]

الخرجي مب مسوي شي

وبنقعد على هالحالة لين 2022

[بونووف]

صباح الزحمة و التجاوزات و السلاحف اللي يمسكون الخط الايسر :weeping:

انا ابي اعرف شي واحد الخرجي وينه مختفي ما نشوفه يتكلم الا بخصوص البالون ولا الرادارت و المخالفات :anger1:



زيدي عليهم العازل هاليومين شغلهم الشاغل .. يوم 30% ويوم 0% ويوم مافي شي

.. لو الواحد يمر صوب المرور ويشوف مواتر الظباط مب اقل من 50% وحتى الدريشه اللي قدام

والشعب متلعوز يوم ركب و يوم لاتركب .. وكله يدفع

[شيخ الديرة]

والسيارات اللي أختفت من الصورة الثانية وين راحت؟ أكيد الى طريق أخر مجاني, وفي الدوحة كل الطرق مزدحمة ولا ينفع تحويل جزء من السيارات الى طرق أخرى.

وحتى لو صار 22 فبراير لل vip فقط , في المداخل أزدحام والمخارج أزدحام

الحلول في تغيير نمط استخدام الشوارع, أطلع قبل فترة أطول , أكتشف طرق بديلة , اتعلم تنتظر, وأصبر

[w.qatar]

حاليا فيه طرق بديله بس كل مكان اعمال طرق مب شرط كلهم يستخدمون فبراير داخل الدوحه طرق ثانيه

انا كل يوم اطلع الساعه 6 الا عشر و اجرب طرق مختلفه بس اللي ياخرنا باصات تاتا و الشاحنات و الحفريات و الاعمال اللي تضيق الشوارع

[faisalqatar]

الخرجي المفروض يغيرون مسماه الوظيفي الى مدير المخالفات و المصائد

انسان يقول احنا هدفنا التوعية وليس الربح المادي .. وحاط لنا باص و كل يوم يسوي كمين

و اخرتها عياله راعيين سباق :)

[وليف الشوق]

اقتراح التسعيرة ماراح ينفع ولا من جدوى هالحل فايدة لان اكثر اللي يرتادون طريق 22 فبراير هم من الشركات والشركات ماعندها مشكله راح تدفع او يقوم السائق بالذهاب لطريق اخر مختصر وسوف تزداد الزحمه ايضا في الطريق المختصر وبأختصار مشروع الرسوم مامنه فايدة

[w.qatar]

ما في شي ما منه فايده اللي عنده مخ و سلطه في يده ممكن يسوي كل شي

يقدرون يحددون سعر للمواطنين و سعر اكبر للشركات و سعر اغلى للباصات و اغلى شي الشاحنات و الاليات الكبيره

اكيد بينتج عنه تحسن انا متاكده بس الكل عجزان يطور ناس تعودوا على الروتين القاتل لين عقولهم جيمت

[بوحارب]

بكرة بتصله في برنامج وطني الحبيب صباح الخير

بقعد له قعده :anger3: :strong3:

[بونووف]

بكرة بتصله في برنامج وطني الحبيب صباح الخير

بقعد له قعده :anger3: :strong3:

بكره من 8 انا محظر عند الراديو بسمع صوتك العذب .. عاد اطلب اهداء اخر شي ..الى شباب اللاجونا:tease:

[بوحارب]

بكره من 8 انا محظر عند الراديو بسمع صوتك العذب .. عاد اطلب اهداء اخر شي ..الى شباب اللاجونا:tease:

أبشر وبدخل بنك بوعبدالرحمن

وبطلب أغنية حزينه حق فتى رحيمه :(

[بونووف]

أبشر وبدخل بنك بوعبدالرحمن

وبطلب أغنية حزينه حق فتى رحيمه :(

حححححح القصاص

[airbus]

الفكرة هده ماتنفع اهنب ابدا لانه بتزيد الزحمة اكتر واكتر كل دول العالم تستخدم هدا النظام فيها شوارع موازية وطرق سريعة موازية

[naklan]

نضام سالك اثبت فشله في دبي وصار وسيلة جبايه وما خفف الزحمة
الزحمة موجودة بس للامانه هو الدجاجة التي تبيض ذهباً كل يوم يدخل لهم
ملايين لدرجة انه سالك الان في كل الشوارع مصيدة وما تقدر تفلت منه
ولا فيه طرق موازية الكل يدفع حتى راكب التكسي اذا مر عليه
يحسب ال 4 ريالات على الراكب + 20 ايضا على الراكب
اذا رايح الشارقه :secret:

[airbus]

نضام سالك اثبت فشله في دبي وصار وسيلة جبايه وما خفف الزحمة
الزحمة موجودة بس للامانه هو الدجاجة التي تبيض ذهباً كل يوم يدخل لهم
ملايين لدرجة انه سالك الان في كل الشوارع مصيدة وما تقدر تفلت منه
ولا فيه طرق موازية الكل يدفع حتى راكب التكسي اذا مر عليه
يحسب ال 4 ريالات على الراكب + 20 ايضا على الراكب
اذا رايح الشارقه :secret:

انت متأكد من كلامك

[Aaziz]

بصفتي مواطن صالح ،، راح اكسر جرّه بعد يطلع الخرجي من المرور ، عشش و مافيه انجازات ملموسة في ارض الشارع .

الخرجي ارحل رجااااائــــــن

[بوخالد911]

زززززحمة بكل مكااااان

[عيون الدوحة]

بصفتي مواطن صالح ،، راح اكسر جرّه بعد يطلع الخرجي من المرور ، عشش و مافيه انجازات ملموسة في ارض الشارع .

الخرجي ارحل رجااااائــــــن

الجرة على حسابي بعد :nice:

والله أنا مستغربة كم حقبه وزارية تغيرت كم وزير تبدل

وهو مكانة ماتحرك

:rolleyes2:

[RAGA]

بالتوفيق