ناويه أشتري مصرف قطر الاسلامي ولكن !!!!

[sasha]

كثير من المواضيع تقول بأن السهم بينزل 120 و 100 وأنا محتارة أخاف أشتري الحين وينزل أكثر عشان الاكتتأب شراي المحللين كم السعر المناسب لشراء ؟؟ومتى أشتري؟؟؟

[سهم طايش]

اذا استثمار اقل من 125 ممتاز

اذا مضاربه لا انصح بالشراء الان

و الرأي الاول و الاخير لك

[عتيج الصوف]

افضل طريقه الشراء على دفعات,,,,لان قد يرتفع وقد ينزل لأن هذا غير واضح في الوقت الحالي واعتقد ان التأثيرات السياسيه لها دور كبير ,,,ولكن ان شاء الله سهم المصرف بهذا السعر الواحد مايشيل هم ان شاء الله

[sasha]

أبي حق استثمار متوسط ..... بس خايفة اشتري الحين واتوهق فيه !!!!!!!!!!

[كحيلان]

أبي حق استثمار متوسط ..... بس خايفة اشتري الحين واتوهق فيه !!!!!!!!!!

بما انك متوسطه خذيه بكره...واوعدك اني راح اذكرك ببيعه بسعر لايقل عن 250 على اقل تقدير وفي مده لاتتجاوز شهر ونص او شهرين..

توكلي على الله...

[CNBC]

أنتظري أستقرار السهم افضل أدنئ سعر لسهم 123.7 توقعي الشخصي السهم ذاهب الي 120 والافضل كما ذكر الاخوة الشراء على دفعات

[sasha]

أنتظر أفضل ...
شكراً لـ أرائكم :)

[الخفوس]

بما انك متوسطه خذيه بكره...واوعدك اني راح اذكرك ببيعه بسعر لايقل عن 250 على اقل تقدير وفي مده لاتتجاوز شهر ونص او شهرين..

توكلي على الله...
مثل توقعاتك للعقارية 105 والصناعات 145 لحين ياكحيلان مع توقعاتك omen

[ابو الاسهم]

يا اخوان لا تبالغوا في التوقّعات

ولا تنسوا انه بعد اسبوعين بينزل حوالي 19 مليون سهم اكتتاب جديد للسوق

لكن المستثمر يشتري على دفعات احسن
وارى 125-130 سعر مناسب جداَ للمستثمرين

[sasha]

يعني أنتظر شوية أفضل ؟؟؟

[المستثمر22]

يعني أنتظر شوية أفضل ؟؟؟


انا اقول اختى لو تنطرين شوى احسن
اذا على كلام الاخوان 19 مليون سهم راح تنزل بعد اسبوعين
اكيد راح اتأثر على السعر بشكل كبير
الصراحه بالنسبه لى كنت ناوى اشترى استثمار متوسط بو 3 شهور
بس الحين بنطر اسهم الاكتتاب تنزل السوق واشترى
والراى لج

يا ليت احد من الاخوان يفيدنا بموعد ادراج اسهم الاكتتاب التابعه للمصرف
وشكرا

[majdqatar]

اعتقد والله اعلم وارجو ان تتذكروا كلامي المصرف راح يرتفع خلال الايام القليله اعتقد ارتفاعه راح يكون في نهايه الاسبوع لان مرحله الاكتتاب سوف تكون قد انتهت وما باقي عليها الا يوم واحد فقط من الاسبوع القادم وراح يرد مره ثانيه ينزل لمستويات واعتقد والله العليم الى 110 او 105 مع قرب نزول اسهم الزياده التي تم الاكتتاب بها ويبقى كم يوم او اسبوع بعد نزول اسهم الزياده للسوق ويتم تداولها وبعده نزول الاسهم للتداول باسبوعين حتى الصغار المستثمرين يخافون ويبعون اسهمهم رخيصه ومن بعده راح ينطلق السهم ويوصل والله اعلم الى 180 ريال ... تحليل شخصي يمكن صح ويمكن غلط

[sasha]

19 مليون سهم صج مب شوية يعني شكله بينزل وايد !!!

[ابو الاسهم]

19 مليون سهم صج مب شوية يعني شكله بينزل وايد !!!
مش شرط لان كمّية كبيرة من هذي الاسهم لناس اشترت بغالي والاكتتاب يعدّل تعديل بسيط

زي ما قلت 125-130 سعر مناسب وما اعتقد ينزل عنه

[ملك الناقلات]

ايام استحقاق الاكتتاب كان متوسط السعر تقريبا 150 ريال

يعني بعد الاكتتاب متوسط السهم 132 تقريبا

[سهم عتيج]

ال 19 مليون سهم لا تشكل سوى 20% من أسهم المصرف.. وهذا الرقم ليس كبيرا مقارنة بنسبتها الى عدد الأسهم الكلية..

وليس شرطا أن ينتظر أصحابها كل هذه المدة حتى تنزل في حساباتهم حتى يعرضونها للبيع,, فقد تكون عملية البيع تمت مقدما.. اي أنه لو تم تخصيص عدد 1000 سهم لشخص ما يملك 5000 سهم حاليا,, فقد يلجأ الى بيع عدد 1000 سهم الآن ومن ثم الاكتتاب بال 1000 سهم المخصصة له والاستفادة من فارق السعر..

يعني أرجو ان ننظر الى الامور من جميع الزوايا..

اما قرار الشراء من عدمه.. فأنا أنصح صاحبة الموضوع بصلاة الاستخارة ان كانت محتارة في أمرها..

والله الموفق

[قناص قطر]

السلام عليكم

ليش الناس تتكلم عن اكتتاب المصرف وان السهم راح ينزل بعد الاكتتاب ؟

مب شرط انا لي احقة بالاكتتاب بعت نفس عدد الاسهم اللي لي الحق بالاكتتاب بها

ومافي اي شيء يعني بالعربي نهاية الاكتتاب ماتفرق ؟

وما اعتقد راح تأثر على السهم

اللي يبي يبيع يقدر من اليوم

[qatary1]

اعتقد ان السهم مناسب للشراء الان خصوصا للمستثمر لمدة طويله