قانون منع رخصة القيادة للأجانب لغير المحتاج لها [الأرشيف]

مشاهدة النسخة كاملة : قانون منع رخصة القيادة للأجانب لغير المحتاج لها

الـخـالـدي

25-09-2013, 08:35 AM

بسم الله الرحمن الرحيم

السلام عليكم ورحمة الله وبركاته

انا حاب اتكلم في موضوع مهم جدا للجميع الا وهو الزحمة اللي موجوده فالشارع و اللي سببها كثرة السيارات فالشارع و الناس اللي تسوق بسبب وغير سبب

اعتقد المرور المفروض يتخذ اجراء منع ضد من مهنته لا تستحق انه يمتلك سيارة وذلك لتقليل الزحمة و الاكتفاء بالدراجة النارية

تخيلو معاي بس ان الحلاق يقدر ياخذ موتر محلات الخياطه .. محلات الكوي محلات التلفونات وكثير كثير من المحلات اللي اصحابها مايحتاج ان يكون عندهم سيارة تلقاه يسوق ويبلش العالم فالشارع يا انه قابض الخط النص ويمشي 60 ولا 70 ومسبب زحمة وراه واذا هو مسرع مشالك 80 على الخط السريع .. غير الحوادث اللي تصير بسبتهم

انا مب متـأكد اذا كان القرار يطبق عندنا ام لا .. ولكن فالكويت هالقرار مطبق ومخفف الزحمة بشكل ملحوظ

ياليت من ادارة المرور تتخذ الاجراءات الازمه في حل ازمة الزحمة

وتقبلو فائق الاحترام

اخوكم الخالدي

مو مهم

25-09-2013, 09:00 AM

المحقق كونان

25-09-2013, 09:04 AM

حتى الفراش عنده سيارة ويشتغل عقب الدوام تكسي

مع ان الجهة موفره باص لنقل الفراشين

زود الهموم

25-09-2013, 09:05 AM

الصغيره

25-09-2013, 09:36 AM

صدق الحين المقيم يسوق ومرته تسوق وعايلته حتى خدامته تسوق

الا اخاف بكره حنا نركب الباصات في النقل حتى نفضي لهم الشوارع ....الباصات وكروه من له ..؟

الشركات لازم تنقل موظفينها والمستشفيات كذلك والمقيم سياره وحده تخب عليه مش لازم المدام والبنت والعمه وللي جاي له زياره يسوق

الصراحه شي يبي له حل

MAZEN37

25-09-2013, 09:59 AM

سؤال ليش بالهند والصين امواج من البشر وشوارعهم ضيقه والمرور سالك حد يجاوب !!!

عيون الدوحة

25-09-2013, 10:02 AM

والله اليوم بالزحمة صار لي ساعة
مر على سيكل شاخط
حسدته الصراحة
جان زين عندي سيكل للدوام بلازحمة بلا عوار راس مع المواقف

هتان

25-09-2013, 10:03 AM

اضم صوتي لصوتك يا خالدي بتطبيق قانون لي مطبق ف الكويت

ضوى

25-09-2013, 10:05 AM

سؤال ليش بالهند والصين امواج من البشر وشوارعهم ضيقه والمرور سالك حد يجاوب !!!

الهند ياخوي مازن تخطيط شوارعا بعقول بريطانين ، والله انه حتى ماي المطر مايوقف بالشارع عندهم وسيارات بالهبل لكن ماتعلق بالزحمة شالسبب

أصلي

25-09-2013, 10:15 AM

أخي الخالدي في قانون طلع الشهر اللي فات في المرور بخصوص موضوعك..و هو أن أي واحد من فئة العمال لا يسمح له بأستخراج رخصة القيادة.

المستعصم بالله

25-09-2013, 10:41 AM

تطبيق هذا القانون يعتبر تهرب من الواقع .

المشكلة لدينا ليست في عدد السيارات ولا في أعداد السائقين ، المشكلة في البنية التحتية لدينا فهي تحتاج لكثير من العمل ، والمؤسف أن بعض الطرقات الحديثة كطريق 22 فبراير به ازدحام شديد نتيجة التخطيط السيء رغم المبالغ الضخمة التي صرفت له .

وأضيف إلى ماسبق هو بطئ المشاريع وعدم اختيار الأوقات المناسبة لتنفيذها ، فمشروع الكورنيش مثلاً لا يحتاج لكل هذا الوقت بالنظر إلى حيوية المكان ومركزه في قلب الدوحة ، فعدد العمال قليل والعمل يسير ببطئ رغم أهمية المكان .

الـخـالـدي

25-09-2013, 01:25 PM

تجبرهم يشترون دراجه ..!!

انا استغرب من بعض الردود والمواضيع العنصرية بالمنتدى ..

انا مع التشديد باختبارات رخص القياده..

واتمنى انه يكون فيه شريحه برخصه القياده واجهزه مراقبه لشريحه تتخالف المركبة اذا لم تكن تحمل رخصه قياده وعرض السائق النيابة العامه بتهمة القياده بدون رخصه..
وراح تشوف ان نص مواتر قطر في بيوتهم اكثر البنات يسوقون بدون رخصه.. وشباب بدون رخصه..

نعم اجبرهم .. للمصلحة العامة مثل ما نزلت قوانين اجبرت الكل انه مايركب عازل اكثر من 10%

نعم اجبرهم .. للمصلحة العامة مثل الزمت الكل بالفحص الفني

وغيره من امور الزمت الحكومة الناس فيها للمصلحة العامة

حتى الفراش عنده سيارة ويشتغل عقب الدوام تكسي

مع ان الجهة موفره باص لنقل الفراشين

هذا العيب وهذه فئة مسبب الزحمة ورافعة ضغط العالم فالشارع بالذات هالفئة اللي تتمشى فالخط ولا بدارية وين الله قاطها خط سريع يمشي فيه 60 .. سلامات ..

الدراجه ارخص له من الموتر :secret:

ارخص واوفر ولا تسبب زحمة بس يبيلها حملة من قبل المرور بتقيف الناس ان في وسيلة نقل اسمها دراجة نارية ياناس انتبهو عليها فقط

صدق الحين المقيم يسوق ومرته تسوق وعايلته حتى خدامته تسوق

الا اخاف بكره حنا نركب الباصات في النقل حتى نفضي لهم الشوارع ....الباصات وكروه من له ..؟

الشركات لازم تنقل موظفينها والمستشفيات كذلك والمقيم سياره وحده تخب عليه مش لازم المدام والبنت والعمه وللي جاي له زياره يسوق

الصراحه شي يبي له حل

نعم نقطة مهم ذكرتيها اختي الصغيره ولابد المرور يشوف حل لهلمشكلة

سؤال ليش بالهند والصين امواج من البشر وشوارعهم ضيقه والمرور سالك حد يجاوب !!!
والله المزن مارحت الهند بس اللي شفته ان سواقتهم مثل وجييهم وينهم ووين السواقة ليت سواقتهم مثل شغلهم كان احسن

والله اليوم بالزحمة صار لي ساعة
مر على سيكل شاخط
حسدته الصراحة
جان زين عندي سيكل للدوام بلازحمة بلا عوار راس مع المواقف

الله يرزقك واحد فيه ليت من ورى ههههه

اضم صوتي لصوتك يا خالدي بتطبيق قانون لي مطبق ف الكويت

قواك الله اخوي هتان على المرور

الهند ياخوي مازن تخطيط شوارعا بعقول بريطانين ، والله انه حتى ماي المطر مايوقف بالشارع عندهم وسيارات بالهبل لكن ماتعلق بالزحمة شالسبب
وين اشغال عنهم

أخي الخالدي في قانون طلع الشهر اللي فات في المرور بخصوص موضوعك..و هو أن أي واحد من فئة العمال لا يسمح له بأستخراج رخصة القيادة.

واتمنى يطلع قرار بسحب الرخص المعطاه لمن هم لا يستحقونها مثل العمالة السايبه فالشارع

تطبيق هذا القانون يعتبر تهرب من الواقع .

المشكلة لدينا ليست في عدد السيارات ولا في أعداد السائقين ، المشكلة في البنية التحتية لدينا فهي تحتاج لكثير من العمل ، والمؤسف أن بعض الطرقات الحديثة كطريق 22 فبراير به ازدحام شديد نتيجة التخطيط السيء رغم المبالغ الضخمة التي صرفت له .

وأضيف إلى ماسبق هو بطئ المشاريع وعدم اختيار الأوقات المناسبة لتنفيذها ، فمشروع الكورنيش مثلاً لا يحتاج لكل هذا الوقت بالنظر إلى حيوية المكان ومركزه في قلب الدوحة ، فعدد العمال قليل والعمل يسير ببطئ رغم أهمية المكان .

اخوي كلامك صحيح وانا اتفق معاك .. لكن اذا عندك مشكلة لازم تحلها فما بالك بأزمة ؟؟؟

معناتها اي حل قدامي لابد اني اتخذه

طلعة الروح

25-09-2013, 09:44 PM

دائما نتكلم عن مشكلة الأجانب ونحاول فرض الحلول المؤقته من خلال محاولة سن قوانين غير مجدية وننسى أو نتناسى المتسببين الحقيقين في هذه المشكلة واعني بذلك تجار الإقامات اللي هم منا وفينا المتمثلين في المواطنين العاديين وكذلك جميع المؤسسات القطرية ،مادري لين متى هالعدد المرعب اللي قاعد يدخل كل سنة بدون تنظيم ولا فرض قيود على دخولهم من قبل الحكومة والجهات المعنية، لين متى بتستمر هالعشوائية من قبل وزارة الداخلية على وجه الخصوص اللي معروف انها ماتحل ولا تربط بهالموضوع واللي أدت إلى هالبلبله البشرية وخلل التركيبة السكانية بدون وجود داعي لأكثرهم..!!

كازانوفا

26-09-2013, 11:44 AM

سؤال ليش بالهند والصين امواج من البشر وشوارعهم ضيقه والمرور سالك حد يجاوب !!!

الاجابه
عشانهم بالهند والصين :nice:

رهج السنابك

26-09-2013, 11:53 AM

المشكلع مب في عدد السيارات
المشكله سوء التخطيط وعدم وضع مخطط ذكي للشارع

بعض الشوارع الرئيسيه مثل الطريق من الدوار المايل باتجاه الغرافه سيده للجامعه

هذا طريق حيوي ومافيه غير مسارين وضيقين جدا

شوارعنا اغلبها ضيقه حتى الجديده
ماعندنا جسور كافيه وان فكروا بجسر قعدوا عشر سنوات فيه
ماعندنا انفاق
لو عندنا حلول وتخطيط ذكي للشوارع صدقوني لو ثلاث ملايين سياره مابتحسون بالزحمه

غير التكدس في اماكن العمل بجهه وحده

نتفـه

27-09-2013, 12:33 PM

ياليت يتطبق هالقانون بصراحه زهقنا من الزحمه اللي ما لها حل !!!!!!!
والله ان من البيت ما نطلع كلش !!!!

airbus

27-09-2013, 12:57 PM

فيه اسيوين وايد ماتعرف تسوق ولا تعرف قوانين المرور وعندهم رخص سواقة

المفرض من هده الناس تنشال منهم الرخص قبل

بوخالد911

27-09-2013, 03:56 PM

الحين الحل باقامة جسور وفرض ضريبة ع الاستخدام
نفس الحال مثلا ببانكوك اللي يستخدام الهاي وي يدفع ضريبة بسيطة

وشي اخر

لا بد من التشديد والتضييق ع الاجانب المتقدمين للرخصة
بحيث يسمح فقط لأصحاب المهن العالية