ليش النا س ما تصبر

[ms-qtr]

بسم الله الرحمن الرحيم

كلنا نعرف إن دولتنا الحبيبة قطر لها رؤية وخطة بعيدة الأمد
وهي تطوير البلد من جميع النواحي العمرانية والتعليمية والصحية وغيرها
وهذا معلن في رؤية قطر 2030

على أساس يصير هذا التطور لازم راح نشوف أعمال الحفر والبناء وإغلاق بعض الشوارع والزحمة

يعني فترة إن شاء الله وبتعدي للأحسن

إذا السنة الزحمة زايدة
السنة الجاية بإذن الله بنشوف الوسع والراحة

السؤال ليش الناس ما تصبر ؟

[بوحارب]

لانه من زمان نسمع عن المشاريع والحلول بس ما شفنا شي !

[حسن]

لان التخطيط مانشوفه صح للاسف هذا اللي يخلي الناس تتذمر
يعني اداره مرور تفتح في وسط منطقه سكنيه هل هذا معقول
وزارات في ابراج بدون مواقف هل هذا يعقل
شوارع جديده تستوي بعدد مسارين هل هذا تخطيط
وعندك عدد السكان بيقارب 4 مليون 2030 يعني دبل عدد السكان الحالي
منطقه صناعيه صارلها 40 سنه
والمشكله وسط العاصمه اغلب اراضيها صحراء
منطقه تعليميه في وسط البلاد وعندهم خط الخور الساحلي على مد البصر
وبدون خساير اراضي ملك للدوله وفضاء بدل تهجير اناس وعمل ربكه عقاريه
لخبطت السوق كامل
محلات بروه في شارع واحد تخيلي بكره الكثافه العدديه للسيارات

شوفي خط الخور الساحلى حارتين والان يععملون جسور العمدان بين بعض
خليها تجهز وبكره شوفي كم واحد بيدخل بهل العمدان الخرسانيه ولاتقولون
حسن ماقال سجلوها عندك

[طلعة الروح]

احنا كشعب مالنا الا الصبر والانتظار وتحمل كل هذه العراقيل الحاليه أوالمستقبليه لا قدر الله، نعم مافي أي خيار آخر..!
بعض الناس عندهم امل ان تكون هذه التغييرات للأحسن، التفاؤل طيب ومطلوب!
في المقابل وبخصوص اعمال البنية التحتيه على سبيل المثال، لما يتضح لنا فشل هذه المشاريع وعدم جدواها من الأساس...هل ستكون هناك جهه تحاسب كل من له يد في التخطيط والتنفيذ الفاشل، هنا السؤال المهم ..

[alsoq]

اقترح جميع الوزارات ان تكون في منطقه وحده وجميع الوزارت مربوطه بممرات تربطها معا بعض منها تخف الزحمه من المراجعين

كل وزاره في منطقه اكيد بيكون زحمه

تبنى منطقه كبيره تجمع جميع الوزارت خارج الدوحه مو مشكله بس تعرف انك ما راح تكبد الزحمة تخلص جميع معاملاتك بمنطقه وحده

[خزامئ]

يكفي تشوفون مدينه حمد الطبيه
المفروض من ست سنين
مستلمينها
ومستفيدين منها



والله اعلم الحين سايره موا للفيران والقطاوه

[عيون الدوحة]

اقترح جميع الوزارات ان تكون في منطقه وحده وجميع الوزارت مربوطه بممرات تربطها معا بعض منها تخف الزحمه من المراجعين

كل وزاره في منطقه اكيد بيكون زحمه

تبنى منطقه كبيره تجمع جميع الوزارت خارج الدوحه مو مشكله بس تعرف انك ما راح تكبد الزحمة تخلص جميع معاملاتك بمنطقه وحده

ماشفتو الزحمة بعدكم

والله من تستلم قطر للبترول حي بروة إلى في الدفنة شوفو الزحمة عدل
:rolleyes2:

[عيون الدوحة]

يكفي تشوفون مدينه حمد الطبيه
المفروض من ست سنين
مستلمينها
ومستفيدين منها



والله اعلم الحين سايره موا للفيران والقطاوه

:rolleyes2:
أي والله الدعوة من 2006 يجهزونه وما خلص

[باندول]

شوارع وبنيه تحتيه جديده شعار الدوله من ايام السبعينات ...خلص عمرنا وللحين ننتظر ومشفنا شي وتبينا نصبر .... طيب لين متى نصبر يعني وايش بقى من العمر.

[آخر الفرسان]

تخطيط بتان طال عمرك
ومن ٢٠٠٦م الى الان وشارفنا على نهاية ٢٠١٣م
افضل مشروع هو .. خط ابو سمره !!

الظاهر يبونا نصبر صبر المسردب !!
عج
:)

[وحيد-الشوق]

يكفي تشوفون مدينه حمد الطبيه
المفروض من ست سنين
مستلمينها
ومستفيدين منها



والله اعلم الحين سايره موا للفيران والقطاوه

ههههههههه اي والله والله تعبنا خط فبراير ما اعتقد في شيء يقدر يصبرنا عليه الدوحة بتنفجر من الزحمة وانت تقول اصبر :(

[فااارس قطر]

اي صبر هاي اللي تقول عنه !! انت شفت الدول اللي حولينا !! إذا شفتها بتعرف مدى تقدمهم ومدى تأخرنا :anger1: إحنا للحين عايشين بالعصر الحجري :(

[تغلبية]

بنصبر عادي أختي ..

اذا تخطيطهم سليم .. وكلمتهم وحدة .. !

موب يواعدونا ويمنونا ويشفونا .. وآخرتها تعال حوط المكان وحفر مرة ثانية ودش الدوامة اللي ما تخلص:rolleyes2:

[كازانوفا]

ماشفتو الزحمة بعدكم

والله من تستلم قطر للبترول حي بروة إلى في الدفنة شوفو الزحمة عدل
:rolleyes2:

خلاص صرفو نظر عن هالموضوع كل واحد بيتم في مكانه لانهم درسو الموضوع واتضح راح يسبب زحمممممممممممممه فوق الزحممممممممممممات

[المحاميه]

لان محد يحب يتحول مشواره من 10 دقايق الى نص ساعه او ساعه
ومحد يبي يداوم متاخر ويضطرون يقعدون بدري الخ