مطلوب شركة متخصصة في تكسير الخرسانة

[تأملات]

السلام عليكم
عندي تعديلات في البيت ومطلوب شركة متخصصة في تكسير الخرسانة محترفة ومجربة
أرجو المساعدة

[شموخ دائم]

,

,


مرحبا


اخوي الكريم


مافي شركات متخصصه في هذا الموضوع
ولكن فيه ( اجهزه ) تتعامل مع الخرسانه الكونكريت والحديد
ممكن نعمل فتحات بين الدور الارضي والدور الاول في السقف
او تكسير شي زائد او بالخطاء

لكن اخوي الكريم لا تلمس الاعمده او الجسور بالبيت اذا هي
في اصل الخرائط ( ومحمله اوزان )
ترى هذي يبيلها مهندس ومافيها لعب

شوف شركه فيها مهندس خبره وهو بينصحك شنو الافضل لحل المشكله وبعدها يعطيك رقم فورمن هو يعرفه زين ويعرف
كفائته جيبه واتفق معاه

ترى نادر الشركات ما تجي لهذا النوع من الشغل
على اساس انه متعب ومافيها فائده
يحط له مهندس وفورمن وعمال يضيع كم يوم في تصليح
لو حط سعر غالي بتستكثره
ولو حط رخيص ظلم شركته

لو يحطهم في مشروع كامل جديد يكسبون الشركه والعمل معروف وواضح على الخرائط



موفق ان شاء الله

,

,

اخوك


شموخ دائم

[تأملات]

تسلم اخوي على النصيحة
الاستشاري موافق. لكن مهندس الشركة رافض وانا متردد لآني ما اثق بالعمال وصعبة أكون معاهم طول الوقت

[معماري قطري]

تسلم اخوي على النصيحة
الاستشاري موافق. لكن مهندس الشركة رافض وانا متردد لآني ما اثق بالعمال وصعبة أكون معاهم طول الوقت

وشي طبيعة الشغل وضح لنا بصور ممكن نقدر نفتي لك عن بعد .. بعدين إذا الإستشاري ضامن الشغل المفروض يعطي أوامره مكتوبه للمقاول ومهندس المقاول ينفذ على مسؤولية الإستشاري .. تكسير الخرسانة مهب شيء هين ويمكن يأثر على باقي البنيان والقص كذلك صعب ويخرب المقص الكهربائي .. ولو الحل مضمون والقص لا بد منه شوف الشركات الكبار عندها تجهيزات بس لازم بتكون التكلفة غالية.

[mohammad.sy]

سبحان الله وبحمده سبحان الله العظيم