مراقبة الحركة المرورية بالطائرات !!!!!!!!!!!!!!!!!!!!!!!!!

[بومتعب]

أكد العميد محمد سعد الخرجي مدير إدارة المرور أن عدد السيارات في قطر تجاوز المليون سيارة .. مشيرا الى أن قطر أصبحت دولة جاذبة للاستثمار ولديها اقتصاد قوي مما أدى الى زيادة أعداد السكان وبالتالي السيارات. وقال إن الزحام موجود في كل دول العالم وليس في الدوحة فقط . موضحا أن إدارة المرور بدأت مؤخرا في استخدام الطائرات للمعاونة في تنظيم الحركة المرورية خلال فترة الذروة الصباحية، حيث يقوم أحد ضباط الإدارة يوميا بمراقبة الحركة المرورية من الطائرة وتوجيه الدوريات لمواقع الاختناق المروري. وأكد أن تطبيق هذا النظام ساهم في تحسن مستوى الحركة بالشوارع بنسبة 30 %.

[بوحارب]

الظاهر المرور ناوي يسوي زحمه في الجو بعد :swoon: :funny:

[بونووف]

عجيييب!!!!

[airbus]

اليوم زحمة مب طبيعية 22 فبراير مايتحرك من الساعه 5:45 الصبح

[OTBD]

الصراحه ادارة المرور ماعندها سالفه ومضيعة وقت وياذنون في خرابة ومحتاجين تجديد دماء الحين مدير ادارة المرور مايعرف وين اماكن الزحمه والاختناقات المروريه ويقول عندنا هليكوبتر وهل هليكوبتر بتساهم في حل الزحمه ياعمي فكر والله قهر يانااس

[شبح الصمت]

لو مروا علي بوقفهم بخليهم يوصلوني الدوام

[airbus]

اصلا كل الطرق زحمة مافي فايدة

وتاني شي فيه شي اسمه كاميرة وانترنت ويتم توزيع كل الكاميرات في الشوارع

[عـ العبيدلي]

اممـ .. هي فكره حلوه بصـراحه .. من خلال الجو يعرفون ويبلغون الشرطه عالارض ..
ومحد ينكـر انهم مقللين الزحمه .. من زحمه جدا جدا جدا جدا جدا جدا .. الى زحمه جدا جدا جدا ..
مسـاكين اشغال تكسر وهم ياكلونها من صباح الله خير ..

[Mohammed2]

بعض الناس يبون حل يقضي على الزحمه بشكل نهائي، يعني يبون يطلعون من البيت الساعة 7 الصبح ويحصلون الشوارع خفيفه!
هالشي من سابع وثامن المستحيلات
لازم بتصير زحمه والمرور مب مقصرين بالعكس كل يوم اشوفهم ينظمون الطريق جزاهم الله خير في هالحر

نظموا أوقاتكم عدل وفكرو مب تقطون اللوم على المرور ومدير المرور
هذا اللي انتو شاطرين فيه

[airbus]

بعض الناس يبون حل يقضي على الزحمه بشكل نهائي، يعني يبون يطلعون من البيت الساعة 7 الصبح ويحصلون الشوارع خفيفه!
هالشي من سابع وثامن المستحيلات
لازم بتصير زحمه والمرور مب مقصرين بالعكس كل يوم اشوفهم ينظمون الطريق جزاهم الله خير في هالحر

نظموا أوقاتكم عدل وفكرو مب تقطون اللوم على المرور ومدير المرور
هذا اللي انتو شاطرين فيه


شكل ماتطلع الصبح لان الكلام سهل او دوامك قريب منك

[همر]

كيمره بخمسمية ريال على كل تقاطع وغرفة مراقبه والسلام

بدال الحلول الفنتكونيه اللوجستيه التكنومروريه

وقيمة هيييلييييوكبتر .. على قولة احلام... وصيانه

وبترول وطيار !!!!



وبعدين الكيمرات اللي حاطينها مالت التجاوز من اليمين

ماتشوف الدوار ولا التقاطع ؟!!

كيمرات الرادار نفسها مانقدر نستخدمها للمراقبه ؟!!



ولا صار عندنا قصر في مدينة خليفه لازم هلكبتر

وقريبا جدا يخت !!!!

[OTBD]

اعتقد والله اعلم يعرضون عليه شريط الفيديو في مكتبه ياسيدي يوجد زحمه في شارع 22 فبراير ماعدا مدينة الرويس وداعوس في فريج ام غويلينه ام محير ادارة المرور كلها

[للصبر اخر]

لو مروا علي بوقفهم بخليهم يوصلوني الدوام

انااا بعد افكر اسويهاا
والله تعبت من الزحمه

[Riku3]

بالعكس الزحمة وايد خفت الايام القليلة الي فاتت .. وفي العادة اسباب الاختناقات الكبيرة جداً يكون ظرف عرضي وليس دائم .. ولكن بشكل عام الحركة صارت انسيابيه بالمقارنة مع الايام الاولى لما بعد بداية المدارس ..

واما بخصوص الهليكوبتر ترى حتى فالدول الغنية تستخدمها مع ان الكيمرات موجوده عندهم بكل مكان .. الوجود الميداني يعطي صورة اوضح واسرع لمنطقه كامله بنفس الوقت .

[airbus]

طيب ليش ماستخدموا نفس الهيلكوبتر صغير وفيها اكتر من كاميرة وتقدر تتحكم وانت داخل السيارة وكل دورية عندها واحدة حتى تشوف سبب الزحمة في كل تقاطع





https://encrypted-tbn0.gstatic.com/images?q=tbn:ANd9GcTQvkeh9xvxK1ypaxeawQLE8_ZShieMI k8HY8fHIxvMDK1LNun6_g

[عيون الدوحة]

بعض الناس يبون حل يقضي على الزحمه بشكل نهائي، يعني يبون يطلعون من البيت الساعة 7 الصبح ويحصلون الشوارع خفيفه!
هالشي من سابع وثامن المستحيلات
لازم بتصير زحمه والمرور مب مقصرين بالعكس كل يوم اشوفهم ينظمون الطريق جزاهم الله خير في هالحر

نظموا أوقاتكم عدل وفكرو مب تقطون اللوم على المرور ومدير المرور
هذا اللي انتو شاطرين فيه

اي مرور الي تتكلمين عنهم
عن نفسي ماشوف غير شباب لخويا الله يقويهم
المرور مشغولين بمخالفة طلاب جامعة قطر
حسبي الله ونعم الوكيل فيهم

[نوار قطر]

من صجهم مرور في الجووو ....

[حمد 2002]

سمعت بيسون مرور بالبحر ههههههه

[بونووف]

طيب ليش ماستخدموا نفس الهيلكوبتر صغير وفيها اكتر من كاميرة وتقدر تتحكم وانت داخل السيارة وكل دورية عندها واحدة حتى تشوف سبب الزحمة في كل تقاطع





https://encrypted-tbn0.gstatic.com/images?q=tbn:ANd9GcTQvkeh9xvxK1ypaxeawQLE8_ZShieMI k8HY8fHIxvMDK1LNun6_g

ههههههه:eek5:

[Mohammed2]

شكل ماتطلع الصبح لان الكلام سهل او دوامك قريب منك

أطلع الصبح ودوامي في اكثر منطقه مزدحمه وبيتي بعيد :)

لكن الحمدلله منظم وقتي واوصل قبل بدايه الدوام

[ابن الرومي]

بعض الناس يبون حل يقضي على الزحمه بشكل نهائي، يعني يبون يطلعون من البيت الساعة 7 الصبح ويحصلون الشوارع خفيفه!
هالشي من سابع وثامن المستحيلات
لازم بتصير زحمه والمرور مب مقصرين بالعكس كل يوم اشوفهم ينظمون الطريق جزاهم الله خير في هالحر

نظموا أوقاتكم عدل وفكرو مب تقطون اللوم على المرور ومدير المرور
هذا اللي انتو شاطرين فيه

وين يالطيب الزحمة من الصبح 5.45

ما في فايدة ونوصل 7.20

[Mohammed2]

وين يالطيب الزحمة من الصبح 5.45

ما في فايدة ونوصل 7.20

اذا دوامك يبدأ الساعه 7 اطلع من البيت 5ونص او 6الاربع وبالراحه بتوصل قبل الوقت وانت مرتاح
انا كل يوم اطلع الساعه 6 تقريبا واوصل 7 او 7 وعشر

[OTBD]

اذا دوامك يبدأ الساعه 7 اطلع من البيت 5ونص او 6الاربع وبالراحه بتوصل قبل الوقت وانت مرتاح
انا كل يوم اطلع الساعه 6 تقريبا واوصل 7 او 7 وعشر
يكون في علمك انا اطلع من البيت 6 اوصل بنتي المدرسه وزوجتي وعقب اروح الدوام واوصل عالساعه 8 إلا ربع احمد ربك اذا ماعندك مسؤوليه وتوصيل عيال ياليت بس تمر جسر مدماك الساعه 6 بالضبط

[miss.qa]

واللي عنده عيال فالمدرسة شلون يطلع قبل ال6 ؟؟؟ ينزلهم بروحهم يتخرعون فالمدرسة ولاشلون؟؟؟ هاي السؤال حق الاخ اللي يقول طلعو بدري قبل لاتطلع الشمس :)

انا عندي بنتين ف مدرستين جمب بعض وبينهم شارع وهاي الشارع الله ياخذة مايمشي :) وعقب اوصل جمب دوامي بيني وبينة اشارة اقعد فيه 30 دقيقه ... لحد يتفلسف بليز ويقول طلعو ولا لاتطلعون

شكلهم شروا بفلوس مخالفاتكم هالطايرة وعقب كم شهر سكوترات وعقب يخت

[GENIUS]

ننتظر مشروع إشارات الكورنيش وبنشوف كيف راح يكون الوضع.

توقعاتي الوضع راح يكون أسوأ مما كان عليه أيام الدوارات التي أزيلت وأصبحت ذكريات قديمة ( مسكين دوار الشيراتون صار دوار يتيم وماله شبيه )

[عزووز قطر]

هيليكوبتر !!

شكلهم ناويين يزاحمون طيارات أكبر الباكر

[توشيبا]

أكد العميد محمد سعد الخرجي مدير إدارة المرور أن عدد السيارات في قطر تجاوز المليون سيارة .. مشيرا الى أن قطر أصبحت دولة جاذبة للاستثمار ولديها اقتصاد قوي مما أدى الى زيادة أعداد السكان وبالتالي السيارات. وقال إن الزحام موجود في كل دول العالم وليس في الدوحة فقط . موضحا أن إدارة المرور بدأت مؤخرا في استخدام الطائرات للمعاونة في تنظيم الحركة المرورية خلال فترة الذروة الصباحية، حيث يقوم أحد ضباط الإدارة يوميا بمراقبة الحركة المرورية من الطائرة وتوجيه الدوريات لمواقع الاختناق المروري. وأكد أن تطبيق هذا النظام ساهم في تحسن مستوى الحركة بالشوارع بنسبة 30 %.

عدد السيارات في الصين اكثر من عدد سكان الخليج والمقيمين فيها ولا توجد عندهم زحمه?

[كود نمبر]

والله ان ادارة المرور اكبر من الخرجي
سبحان الله كل لقاء يطلع فيه يصرح بتصريحات
اتناقض تصريحاته السابقه

[زقرت]

العجيب في الامر
انه قبل 12 سنه كانت نشرة اخبار السادسه صباحاً على قناة السعوديه الاولى تبث مشاهد حيه للتقاطعات وﻷماكن الزحمه في الرياض بتقنية البث المباشر عن طريق كيمرة الفيديو المثبته في الشوارع الرئيسيه والحيويه

مادري اشلون ربعنا حاسبينها !!!!!! عجبي

طبعآ ما جاب لي السكر عندي غير مذيع البرنامج

المذيع يرفع والخرجي يكبس

انت كمذيع مطلوب منك تكون صوت المواطن مب صوت السلطه قسم بالله قهرني

انت انتقد وترك الضيف يعقب ويبرر ويوضح

كل ما تكلم الخرجي نقز وقام يوافقه الرأي ويأكد على كلامه

وانتهت الحلقه وكأنك يازيد ماغزيت !!!!!!!!

[محمد11]

انا اقول

وجود شاشات فيها اماكن الزحمه عند كل شارع رئيسي او كاميرات توضح اماكن الزحمه

[كبير المتداولين]

أشوف هليكوبتر تحوم فوق 22 فبراير امس

حركات المرور


ولاكن يبقى سوء التخطيط هو المسبب الرأيسي
ولنا عبره في دول مجاوره

[Abdulraman]

انا اقول ليش الزحمه زادت تراهم في الجو عاملين عمايل ههههه
زحمة الكرنيش من اشارات السوق (تقاطع العاصمه) لو يسكرونها والله الزحمه بتروح وهذا المفروض لان افتحوا اشارات المينا وماتحتاج لاشارات السوق

[جغرافي قطر]

الزحمة مب الصبح بس

حتى في الليل

البارحة طلعت من مركز الخليج الغربي لين مدينة خليفة الجنوبية خذت 45 دقيقة :weeping:

[بومحمد المطاوعه]

صحيح لاحظت الهاليكوبتر يدور يوميآ


اسأل في نفسي ليش يدور
وين الفايده


بس قلت يمكن يتم التنسيق مع رجال المرور للتنظيم


الله اعلم