تنبيه الحاضر يبلغ الغائب ضروري جداً جداً

[الكواري 1972]

ارجوا تثبيت الموضوع للاهميه

اكتب ع عجل بالايفون

البلديه قسم النظافه شغالي برفع السيارات الموجوده بالصناعية ابد شغالين ع السيارات ويحطون استكر وبعدها بكم يوم يشلونها بونش تتكسر تنعفس مش مهم عندهم المهم يرفعون السياره اي سياره لها فتره بالصناعيه راح تنشال والسيارات المهمله كلها ينعني تنظيف من قلب والله يعطيهم العافيه


عمل ومجهود جيد ينحسب لهم

ولكن ولكن اذا كان واحد سافر لعلاج او مرض بمرض الله العالم يقدر يقوم من فراشه او مات ولا عنده حد يقوم بمكانه يمكن عنده اطفال يمكن ويمكن

ليش مايتصلون بالاشخاص والا بس جيدين اذا صادو عليك شي يتصلون فيك وفي البيت وفي العمل ويشوفون من يعرفك عشان يعلمك بالموضوع

حبيت انبهكم
خبركم لازم تمر شوي صوب الفحص الفني
احلى شي ولا في زحمه

اتمنى تثببت الموضوع لفترة كم شهر لا اهميته

ويعطيكم العافيه

[بن غيث]

كثير من الكراجات انتقلت الى الصناعية الجديدة وتركت سيارات الناس خارج الكراجات عرضة لسحبها من البلدية

شكرا لك على التنبيه ..

[وطن]

في سيارات صج يبي لها شيل
تقول داخل مقبرة سيارات
مب الصناعية


الله يعطيهم العافية

[كازانوفا]

وليش اصحاب الكراجات ما خبرو اصحاب السيارات للتسرع بالتصرف في حلالهم

[OM_OMAR_QATAR]

يعطيكم العافيه

[New Vision]

هههههههههه يشيلونها وعقب كم شهر يسون عليها مزاد يعني بزنس تو بزنس

[Riku3]

هههههههههه يشيلونها وعقب كم شهر يسون عليها مزاد يعني بزنس تو بزنس
ما اعتقد ! .. لو صج تراها قوية صراحه ..

في الشركات المساهمة لو شخص ما اخذ ارباح اسهمه لـ 10 سنوات يتم تحويل المبالغ الي من 10 سنوات "فقط" للحكومه .. لشئون القاصرين اذا ما خاب ظني .. هذا بعد استنفاذ محاولات التواصل ونشر اعلانات بالاسماء في الجرايد ..

في قوانين تحافظ على حقوق الناس لاخر رمق .. ولو البلدية تتجاوز وتبيع المواتر بعد اشهر من المصادره فهذي مصيبه :rolleyes2: .

[الكواري 1972]

وقف عندهم يقول تعليمات من الوزير

وسئلته كم سياره باليوم ترفعون

قال يعني من ٤٠ الى ٦٠
يعني الموضوع تطهير وتنظييييف

يعطيهم العافيه

بس بعد لازم يكون في تواصل

[منابر خالده]

الله لايوفقهم

[: بوحمود :]

السياره الي تنشال تنحط في شبك البلديه الي في الصناعيه....
واعتقد بعد ست شهور اذا محد سأل عنها يتلفونها ويستفيدون من الحديد

[OREO]

المفروض السيارات تنشال بدون سابق انذار و البلدية تسوي خير اذا تنقل السيارات علطوووول لمصنع الحديد و الصلب و تعجنها و تحذفها في الصهاريج لاجل الدولة على الاقل تستفيد منها بدل ماهي مشوهه المنظر العام ،،

شكرا يا البلدية و يزاكم ربي كل خير ،،

[كود نمبر]

هههههههههه يشيلونها وعقب كم شهر يسون عليها مزاد يعني بزنس تو بزنس

لاتحط بذمتك ياخوك

السيارات الي تنشال ولا يتم مراجعتة اصحابها خلال سته شهور
يتم رفع اوراقها لدخولها في مزاد البلديه واذا جاء صاحبها قبل
فترة المزاد يدفع المخالفه ويشل سيارته

للتوضيح فقط

[المحاميه]

جزاك الله خير عالتنبيه

[بوحارب]

احسن شي الصراحة الصناعية صارت عبارة عن كراج كبير وكله سيارات خربه !!

[الكواري 1972]

اقول

طرشو برود كاست

رسالة جماعية

اي شئ

والله في مواتر من الموديلات الحديثه طايحه

[alsoq]

عندي في اكس ار مصلح مكينته ب 7000 وقيره حطيته برا الكراج اجيب له سمان شلوه دازين رساله اليوم

موديل 96:)

[الكواري 1972]

الله يعينك عليهم

[عبدالعزيز 101]

الله لايوفقهم

هالشي لمصلحتك ولمصلحت بلادك .. ليش الله لا يوفقهم ؟؟ سووا شي غلط :anger1: بالعكس قاعدين يأدوون الواجب وينظفون شوارعنا من المزبلة !!

ولا عاجبك منظر المنطقة بالموااتر القدام والسكرااب ؟؟

وترى هم مب اغبياء ياخذون السيارة ويتلفونها مرة وحده .. بياخذونها وبيتصلون حق راعيها ( للعلم )

الله يجزاكم خير يـ البلديـة .. وبيض الله وجيهكم !!