جدول الحياه اليومي هل من افكار جديده

[مليت]

السلام عليكم

ياليت انتبادل الافكار بخصوص الروتين اليومي وقصد هنا الترويح عن النفس بسبب الضغوط
اليوميه

على سبيل المثال النوم - والعمل لهم نصيب الاسد في الحياه اليوميه مثل باقي العالم وطبعاً العباده واداء الواجبات المنزلية وغيرها وبعض الزيارات وصلة الارحام وهي متفواته بين شخص واخر

السؤال المهم كيف تعيد شحن طاقتك ومعنويتك جاء في بالي مثلاً
1-العمل التطوعي وبعدها خفت من التقصير وبسبب بعض المشاغل اليوميه والاسرية
2-كورس للغه بصراحه طريقة التدريس في بعض المعاهد الموجوده ممل وغير مجدي
3- الرياضه المناخ سيئ للغايه والنوادي الرياضية مزحومه بشكل لا يطاق
4- انشاء استراحة او عزبه ممنوع لازم تصريح - او مافي توزيع - او موقفه من فوق
طبعاً قصة فوق هذي سالفه طويله الموضوع قطعة في البر الي يشكل 90% من قطر
5- فتح مشروع لحظه قبل لا تكمل خلو مش اقل من 100 الف طبعاً الموقع بيكون سيئ
او خلوا 300 لين المليون موقع ممتاز والايجار مش اقل من 15 الف حتى 30الف ريال
يعني تفكر في ربحك من المشروع ولا في الايجار غير العمال والمصاريف
6- تختار انت وربعك كافيه تجلسون فيه يومياً مالك الا المجمعات وكلها فتن والعياذ بالله غير وغير وغير
7-8-9-10- الخ خ

[السامـي]

*المتابعة اليومية للفعاليات المجتمعية(دينية،رياضية،ثقافية،فنية،علمية)ومحاولة
المشاركة فيها او على الأقل حضورها.

[حـ ن ـيـ ن]

لا يوجد أجمل من الزيارات الاجتماعية

بما أن الدوام مستحوذ على جل أوقاتنا

[alsoq]

صعب تغير الروتين اذا الاماكن محدوده نفس عندنا

انا متطوع في جمعية السرطان
متطوع في تبرع بدم
ادير 3 مواقع ذوي احتياجات خاصه و موقع السرطان وموقع السكري

اكثر وقتي بالبيت وتعودت على هذا الروتين وانا من زمان افضل جلسه البيت وزيارات

[Nojoom]

اخوي أنا بقولك ،

حاول تمارس هوايات مختلفه يعني فكر في حصر جميع الهوايات الي تعرفها أو الي تتمارس هنا في قطر

اكتبها في ورقه مثال


الرماية

السباحة

التصوير الضوئي


...... الخ


بعدها شوف من هذي كلها شنهو الي تحسه اقرب لنفسك أو الي فيك فضول تتعلم عنه أكثر

وخلاص هذي اول نقطه شارك وقترب من أصحاب الهوايات الي اخترتها وبتحس نفسك أشغلت نفسك في شئ مفيد وممتع ،،

[بنت مريخ]

يومين حصه تحفيظ قران
ثلاث ايام مشي
يوم العزبه
يوم الألعاب

[king fish]

خذ هارلي دافيدس وتمشى فيه على خط الخور الجديد في المساء الحين الطقس تحسن

[خليفـة]

الرياضية بانواعها زينة ومفيدة
وفيها كسر للروتين اليومي

خليفــة

[MAZEN37]

حط هدف بحياتك

[نور الحور]

الله ينور لك دربك .. كل فكرة حطيت قدامها معوق ! :(

الحل ..لون حياتك بالشغف ..:shy:

شوف الموضوع يمكن يفيدك


http://www.qatarshares.com/vb/showthread.php?t=555286

[حمد 2002]

الله ينور لك دربك .. كل فكرة حطيت قدامها معوق ! :(

الحل ..لون حياتك بالشغف ..:shy:

شوف الموضوع يمكن يفيدك


http://www.qatarshares.com/vb/showthread.php?t=555286

بدال ماتحطين افكار اتسوين دعايه لموضوعج هالشيء ممنوع :)

[ام السعف]

الله ينور لك دربك .. كل فكرة حطيت قدامها معوق ! :(

الحل ..لون حياتك بالشغف ..:shy:

شوف الموضوع يمكن يفيدك


http://www.qatarshares.com/vb/showthread.php?t=555286

لاحظت عليه كل فكرة وحط عندها تعجيزات

مافي الا ينام ويرتاح من هالدنيا ،،

:(

[naklan]

كسر الروتين بالسفر وزيارة اماكن وثقافات جديده هو الحل
بلدنا مافيه شي يكسر الروتين مول وبحر وبر عني 3 او 4 سفرات
في السنه غير دول الخليج والحمد لله كاسر الروتين وهذا عن
السفر سافر ففي الأسفار سبع فوائد


تَغَرَّبْ عَنِ الأَوْطَانِ فِيْ طَلَبِ العُلَى =وسافِرْ ففي الأَسْفَارِ خَمْسُ فَوَائِـدِ

تَفَرُّجُ هَـمٍّ، واكتِسَـابُ مَعِيْشَـةٍ =وَعِلْمٌ ، وآدابٌ، وصُحْبَـةُ مَاجِـدِ

فإن قيلَ في الأَسفـارِ ذُلٌّ ومِحْنَـةٌ =وَقَطْعُ الفيافي وارتكـاب الشَّدائِـدِ

فَمَوْتُ الفتـى خيْـرٌ له مِنْ قِيامِـهِ =بِدَارِ هَـوَانٍ بيـن واشٍ وَحَاسِـدِ

[معماري قطري]

السلام عليكم

ياليت انتبادل الافكار بخصوص الروتين اليومي وقصد هنا الترويح عن النفس بسبب الضغوط
اليوميه

على سبيل المثال النوم - والعمل لهم نصيب الاسد في الحياه اليوميه مثل باقي العالم وطبعاً العباده واداء الواجبات المنزلية وغيرها وبعض الزيارات وصلة الارحام وهي متفواته بين شخص واخر

السؤال المهم كيف تعيد شحن طاقتك ومعنويتك جاء في بالي مثلاً
1-العمل التطوعي وبعدها خفت من التقصير وبسبب بعض المشاغل اليوميه والاسرية
2-كورس للغه بصراحه طريقة التدريس في بعض المعاهد الموجوده ممل وغير مجدي
3- الرياضه المناخ سيئ للغايه والنوادي الرياضية مزحومه بشكل لا يطاق
4- انشاء استراحة او عزبه ممنوع لازم تصريح - او مافي توزيع - او موقفه من فوق
طبعاً قصة فوق هذي سالفه طويله الموضوع قطعة في البر الي يشكل 90% من قطر
5- فتح مشروع لحظه قبل لا تكمل خلو مش اقل من 100 الف طبعاً الموقع بيكون سيئ
او خلوا 300 لين المليون موقع ممتاز والايجار مش اقل من 15 الف حتى 30الف ريال
يعني تفكر في ربحك من المشروع ولا في الايجار غير العمال والمصاريف
6- تختار انت وربعك كافيه تجلسون فيه يومياً مالك الا المجمعات وكلها فتن والعياذ بالله غير وغير وغير
7-8-9-10- الخ خ

ما شاء الله عليك انت سويت مثل ما يقول المثل الإنجليزي " Blame it on the weather " بما معناه حط اللوم على الجو .. وهو أسهل الإحتمالات .. لكل شيء معوقات وصعوبات لكن باخذ معاك مثال الرياضة والجو .. صدقني لو تقاوم شوي وتمشي في الحر وتعرق أفضل لك .. في دول كثيرة يتمنون مثل هالجو وبعضهم يضطرون للمشي والسباحة ولعب الكورة في الثلج .. ويعتبرونه تحدي.

عندك مثلاً القراءَة والنت وأُمور كثيرة سهل انك تسويها .. ليش نفكر في زرع كبير واحنا نقدر تزرع جزء بسيط من بيتنا؟ ممكن كتغيير تروح رحلة طويلة في سيارة حتى لدول بعيدة ولو فيها مغامرة .. اليوم أسمع عن واحد رايح بسيارة لين جده ومن جده اتجه بمحاذاة البحر الأحمر لين العقبة وعمان ورجع قطر من طريق ثاني .. عندك رحلات البحر ورحلات البر حلوة حتى لو قعدة بسيطة وعودة.

[رهج السنابك]

ممكن احلم؟!

لو انا امتلك حريتي بحدود طبعا دون خرق للعادات والتقاليد
بيكون جدولي مزدحم
مثلا
بعد الدوام اروح اتمشى ع الكورنيش
اليوم الي بعد اتمشى في سباير
واقرا كناب مع كوب قهوتي المفضله
اليوم الثالث اقضيه في البيت اتفرج على برامج وثائقيع احبها
اليوم الرابع اخذ لي يخت واودي حد معاي ناخذ جوله ونتعشا
اليوم الخامس اقضيه في عنايه خاصه وتدليع راقي لجسدي من اهتمام وجلسة استرخاء
اليوم السادس اخليه يوم التطوير اطور مهاره انا محتاجتهت مثل لغه او اتعلم شي جديد واحاول اتقنه
اليوم السابع اقضيه بزيارة عائليه

بيكون جدولي مليان على مدار الاسبوع

بس طبعا وايد اشياء ماقدر احققها مثل التمشيه برا البيت ممنوع
وشيء اساسي خلال اليوم تعطي مقدار من وقتك للروحانيات تحط لك هدف مثل استغفار ألف مره وقراءه صفحتين قران وصدقه لو بسيطه

[(بوطلال)]

قراة القرأن -حضور المحاضرات الدينيه - صلة الرحم- العمل التطوعي-الاعتكاف .

الزمن قصير والايام تمر بسرعه وكلها سنوات تمر مثل الهوى واخرتها القبر وماينفعنا الا العمل الصالح.

[الجوكر90]

السلام عليكم
الشيخ ممكن اقولك شي وماتزعل
لو اتم 10 سنين ماراح تطور الا اذا غيرت من تفكيرك
ﻻنك من كلامك تعتبر انسان ماعندك طموح وﻻ عزيمه وﻻ تفكر تخاطر فالحياه
الي يبي يعيش جنب الحيط راح يتم طول عمره نفس المستوى
انا قريت اول جملتين قلت بل بل لهدرجه التشائم
يالغالي تعلمت شي واحد مافي شي مستحيل دام عندي عقل ورب العالمين عطاني عمر
وودوم اردد بيني وبين نفسي اقدر اسوي هالشي مهما كان صعب اقول اقدر ﻻن احسن الظن فرب العالمين ورب العالمين يعطيني ع حسن ظني فيه

[بنت شرق]

السلام عليكم

ياليت انتبادل الافكار بخصوص الروتين اليومي وقصد هنا الترويح عن النفس بسبب الضغوط
اليوميه

على سبيل المثال النوم - والعمل لهم نصيب الاسد في الحياه اليوميه مثل باقي العالم وطبعاً العباده واداء الواجبات المنزلية وغيرها وبعض الزيارات وصلة الارحام وهي متفواته بين شخص واخر

السؤال المهم كيف تعيد شحن طاقتك ومعنويتك جاء في بالي مثلاً
1-العمل التطوعي وبعدها خفت من التقصير وبسبب بعض المشاغل اليوميه والاسرية
2-كورس للغه بصراحه طريقة التدريس في بعض المعاهد الموجوده ممل وغير مجدي
3- الرياضه المناخ سيئ للغايه والنوادي الرياضية مزحومه بشكل لا يطاق
4- انشاء استراحة او عزبه ممنوع لازم تصريح - او مافي توزيع - او موقفه من فوق
طبعاً قصة فوق هذي سالفه طويله الموضوع قطعة في البر الي يشكل 90% من قطر
5- فتح مشروع لحظه قبل لا تكمل خلو مش اقل من 100 الف طبعاً الموقع بيكون سيئ
او خلوا 300 لين المليون موقع ممتاز والايجار مش اقل من 15 الف حتى 30الف ريال
يعني تفكر في ربحك من المشروع ولا في الايجار غير العمال والمصاريف
6- تختار انت وربعك كافيه تجلسون فيه يومياً مالك الا المجمعات وكلها فتن والعياذ بالله غير وغير وغير
7-8-9-10- الخ خ
مافي شي يسر الخاطر ، بديت مشروع وتوهقت بمصاريفه وايجاره وتشغيله خلك بالسيفتي
مشي تنزه تطوير مهارة طلب ارض وقرض انشاء عزبة