هنا التعازي في حياة المغفور لها .. الخطوط الجوية القطرية !!

[آخر الفرسان]

السلام عليكم ورحمة الله وبركاته

أحبتي الكرام

توني حاجز الى دبي من سفريات ريجنسي

بعد ماشيكت على اسعار الرحلات من الدوحة الى دبي والعودة

عن طريق المواقع الرسمية بين القطرية والامارات

القطرية / 1760 ريال ذهاب واياب

الامارات / 960 ريال ذهاب واياب

نفس التاريخ / نفس توقيت الرحلة

طبعاً انا مسافر مع الاهل وعيالي والشغالة

يعني تخيلوا فرق الاسعار

3 كبار
3 صغار مابين 3 سنوات - 11 سنة

التوتل كم ياجماعة للعائلة كلها !!

القطرية / 9 الاف ريال

الامارات / 5300 ريال

يعني سعر التذاكر حق 3 كبار فقط للقطرية
تساوي سعر التذاكر حق 3 كبار و3 اصغار للامارات !

كنت أستاء من القطرية قبل .. بس يوم شفت العالم هبوا على القطرية

قلت حرام .. يمكن الربع مزودينها حبتين :eek5:

أما وقد جربت مرة اخرى .. اقدر اقول

احسن الله عزاكم في القطرية ..

وعد وعهد .. ما أركب القطرية بتاتاً البته .. الا اذا نت مكره او نحو ذلك !

نتقبل تعازيكم هنا
:)

والسلام ختام

[ka2ka2]

هذي ضريبة افضل طيران في العالم عام 2012

[بن غيث]

اوﻻ ،، الخطوط القطرية ليس لها عﻻقة بقطر .. مجرد تشابه اسماء
ثانيا ،، دائما نسافر للدول العربية بالاماراتية او السعودية .. وبالنسبة للدول اﻻوروبية
اللوفتهانزا او الكيه ال ام او البريطانية
فرق سعر كبير جدا ..

[بوحارب]

نصب واضح

[فااارس قطر]

من اقل من أسبوعين رحت على القطرية للحجر على العمرة ، سعر التذكرة 2800 وخردة ، قلت خل أمر على السعودية ، وفعلا فرق شاسع حجزت التذكرة على العمرة وبنفس التاريخ ب 1710 ، فقررت أني كلما فكرت بزيارة بيت الله الحرام وبدون ما اسأل عن سعر تذكرة القطرية على طول راح احجز على السعودية ، وخل القطرية للأجانب

[أخت الكل]

أحسنت بارك الله فيك هذا أحسن شي تسويه مو بس بحق نفسك لكن بحق كل قطري

المفروض اي منتج او اي شركة تبالغ في السعر او يكون للقطري سعر ولغيره سعر تقاطع

لان هذا إستغلال لنا وأنا ما قهرني إلا موضوع المدارس الخاصة اللي فرقت بالسعر بين قطري وإجنبي

وشركات الطيران وحملات الحج جدا مبالغ في أسعارها والخطأ خطئنا بالدرجة الأولى

[أبو سعود]

وين دور حمايه المستهلك

تجاة أسعار القطريه


لا تقولون هذا سوق مفتوح

عرض وطلب

الفرق بالاسعار واضحه ودبل

عن الحجز بالمقر الرئيسي بقطر

ودول ترانزيت.

هذا سوق أستغلال تجاة أهل البلد

هذة الاسعار المرتفعه يعوضونها من أسعار ترانزيت

[اخت السهم]

طيران الخليج 880 ريال

الاماراتية 810 ريال

[math~story]

احسن الله عزاكم فالقطرية من زماااااااااااان

[شيخ الديرة]

لا أرى أي مشكلة، فعلاً سوق مفتوح ولك حرية الإختيار.

الكثير يودون أن تبقى أسعار القطرية أعلى من غير الخطوط حتى تغربل المسافرين المزعجين مثل العوائل والعمال وغيرهم،

أما اللي يقول أنه هناك فرق بالسعر بين القطري وغير القطري ، أسألهم سؤال واحد، لما تبحث الأسعار على موقع القطرية هل يسألك عن جنسيتك قبل أم بعد عرض الأسعار؟ طبعا بعد وهذا يعني إن هذه المقولة كذبة ترددت كثيراً وصدقها من يود أن يصدقها.

[ka2ka2]

أحسنت بارك الله فيك هذا أحسن شي تسويه مو بس بحق نفسك لكن بحق كل قطري

المفروض اي منتج او اي شركة تبالغ في السعر او يكون للقطري سعر ولغيره سعر تقاطع

لان هذا إستغلال لنا وأنا ما قهرني إلا موضوع المدارس الخاصة اللي فرقت بالسعر بين قطري وإجنبي

وشركات الطيران وحملات الحج جدا مبالغ في أسعارها والخطأ خطئنا بالدرجة الأولى
طبيعي تكون اسعارها في قطر اعلى من غيرها عشان تدعم المنتج الوطني

[رجل مثالي]

بعد فارق السعر يقلل من دفع مبالغ كبيرة في الرحلات للعائلات

ممكن فارق السعر نضعه في حجوزات السكن والمصاريف

[Locale]

اذا حجزت الاماراتيه راح تقلع من وين ؟؟ من الدوحه ولا الامارات
سوالف الترانزيت ماحبها علشان جذي نحجز القطريه

[ROSE]

للتوضيح ترى نفس الشي الاماراتية والاتحاد

يوم احجز من الامارات على الاماراتية او الاتحاد يطلعون اغلى من القطرية

اعتقد هالشي في كل خطوط الطيران

[سهم عتيج]

اذا حجزت الاماراتيه راح تقلع من وين ؟؟ من الدوحه ولا الامارات
سوالف الترانزيت ماحبها علشان جذي نحجز القطريه

كلها ساعة او ساعتين ترانزيت في مطار دبي ،، وتخيلي بعدها تركبين a380 بسعر ممتاز على البزنس بدلا من ركوب a320 على القطرية 7 ساعات

يعني الحين مش مثل اول الواحد يتلعوز مع الترانزيت ويخاف تضيع الشناط ،، البوردنق باس تأخذها من قطر وتستلم شناطك بكل أريحية عند وصولك الى وجهتك ،،وبدلا ما تكون الرحلة ٧ ساعات تصير ٩ ساعات مع توفير الكثير من المال وزيادة في الرفاهية في الرحلات الطويلة على الإماراتية ,, ويازين صالة البرنس في مطار دبي

[الزعفراني]

للتوضيح ترى نفس الشي الاماراتية والاتحاد

يوم احجز من الامارات على الاماراتية او الاتحاد يطلعون اغلى من القطرية

اعتقد هالشي في كل خطوط الطيران

فعلا هذا الكلام الصح

[مثير للجدل]

للتوضيح ترى نفس الشي الاماراتية والاتحاد

يوم احجز من الامارات على الاماراتية او الاتحاد يطلعون اغلى من القطرية

اعتقد هالشي في كل خطوط الطيران

تقريبا فهمت شلون خطط الطيران

الحين وضحت الفكره لي :nice:

اجل احنا بقطر نحجز على الاماراتيه وانتو احجزو على القطريه والدنيا ماشيه :nice:

[قطري 777]

انا الاسبوع الي طاف مسافر على القطريه كلفتني التذكره للشخص 1000 ريال
ذهاب واياب

القطريه صدق غاليه بسسس تستاهل مواعيد صح وخدمه صح وخيرنا لبلدنى يجماعه .

[عيون الدوحة]

أحلى شي في الاماراتية لهم مطار خاص فيهم بس
مطار روعة

[برويقن]

انا افضل القطرية

[المحاميه]

فرق كبير
الله يسامحهم
عروضهم وامتيازاتهم للاجانب فقط

مسكين المواطن

[خزامئ]

والله مافي القطريه شي زين كون انك تروح سيده للبلاد الي تبي بدون ترانزيت بس
وهاذا بروحه يخلينا نصبر



انا اذا باروح لمكه اخذي السعوديه لنها سيده
وذا دبي اخذي فلاي دبي رخيصه وزينه والمكان قريب
او طيران العربيه
كلها كم دقيقه ماتوصل ساعه

[معماري قطري]

السلام عليكم ورحمة الله وبركاته

أحبتي الكرام

توني حاجز الى دبي من سفريات ريجنسي

بعد ماشيكت على اسعار الرحلات من الدوحة الى دبي والعودة

عن طريق المواقع الرسمية بين القطرية والامارات

القطرية / 1760 ريال ذهاب واياب

الامارات / 960 ريال ذهاب واياب

نفس التاريخ / نفس توقيت الرحلة

طبعاً انا مسافر مع الاهل وعيالي والشغالة

يعني تخيلوا فرق الاسعار

3 كبار
3 صغار مابين 3 سنوات - 11 سنة

التوتل كم ياجماعة للعائلة كلها !!

القطرية / 9 الاف ريال

الامارات / 5300 ريال

يعني سعر التذاكر حق 3 كبار فقط للقطرية
تساوي سعر التذاكر حق 3 كبار و3 اصغار للامارات !

كنت أستاء من القطرية قبل .. بس يوم شفت العالم هبوا على القطرية

قلت حرام .. يمكن الربع مزودينها حبتين :eek5:

أما وقد جربت مرة اخرى .. اقدر اقول

احسن الله عزاكم في القطرية ..

وعد وعهد .. ما أركب القطرية بتاتاً البته .. الا اذا نت مكره او نحو ذلك !

نتقبل تعازيكم هنا
:)

والسلام ختام


انا أُصبت بحساسية من هذه الشركة .. وكنت في برنامج دراسي في الأُردن ودوم أروح على الأُردنية، لكن آخر سفرة لي على القطرية وكانت سعر تذكرتها السياحية يعادل البزنس في الأُردنية لو خذتها قبل بوقت كافي وبسعر خاص، ووقت العودة تأخرت الطيارة حول الساعتين، وكانت ما شاء الله مزحومة ولا يوجد كرسي فاضي، وما أثار صدمتي إني سمعت أنه تم منع الخمور عليها لكن الواقع كانت الخمور تباع بطريقة سافرة .. ما ادري الأُردنية يمكن تباع عليها الخمور بس بطريقة مستورة .. في القطرية كانت عدة أنواع موضوعة فوق لسهولة الرؤية والإختيار .. ما ادري متى بيسلمون حتى نقدر نكتتب فيها وقت طرحها للإكتتاب العام .. إحتمال قبل الإكتتاب بيوم.

بالنسبة لإدارة المطار واللي متدخلة فيه القطرية سواءً القديم أو الجديد، فالملاحظ إن القديم بدأوا يعملون فيه مواقف سيارات متعددة أدوار، واحتمال تنتهي الأعمال قرب وقت افتتاح المطار الجديد، أو تعتبر مؤشر أولي على تأجيل إفتتاح المطار الجديد إلى أن يجدوا أجهزة إنذار للحريق :rolleyes2: لمنشآته.... أو إن صدق القائل إلى أن يتم تعديل الهبوطات في أرضية المدرج .. شوارع بدون هبوطات وعلى أرض صلبة ما قدروا يسوون شلون بيسون مدرج طائرات على أرض مدفونة في البحر وبدون هبوطات وتعرجات؟

[khalid525]

ما انتقد في القطرية الا بيع الخمور ، ولا من جميع المقاييس فعلا اثبتت القطرية انها طيران ذو الخمسة نجوم بدون منافس

[آخر الفرسان]

ما انتقد في القطرية الا بيع الخمور ، ولا من جميع المقاييس فعلا اثبتت القطرية انها طيران ذو الخمسة نجوم بدون منافس

بالفعل
خصوصاً من ناحية الأسعار !!

[عيون الدوحة]

ما انتقد في القطرية الا بيع الخمور ، ولا من جميع المقاييس فعلا اثبتت القطرية انها طيران ذو الخمسة نجوم بدون منافس

:anger1:
سندويشات الي توزع على الدرجة الثانية كريهة وتلوع الجبد

[بوخالد911]

وين مكاااااااان العزى؟!؟!؟

[اخت السهم]

وين مكاااااااان العزى؟!؟!؟

على مااعتقد المطار الجديد

[Engineer]

لا أرى أي مشكلة، فعلاً سوق مفتوح ولك حرية الإختيار.

الكثير يودون أن تبقى أسعار القطرية أعلى من غير الخطوط حتى تغربل المسافرين المزعجين مثل العوائل والعمال وغيرهم،

أما اللي يقول أنه هناك فرق بالسعر بين القطري وغير القطري ، أسألهم سؤال واحد، لما تبحث الأسعار على موقع القطرية هل يسألك عن جنسيتك قبل أم بعد عرض الأسعار؟ طبعا بعد وهذا يعني إن هذه المقولة كذبة ترددت كثيراً وصدقها من يود أن يصدقها.

الشق الأول فللعلم اخي الفاضل القطرية اصلاً كلها عمّال كأنها سكن عمال طائر
أما بخصوص الحجز فاختيار البلد في موقع القطرية يحدث فرق كبير والدليل ادخل موقع القطرية و اختر البلد الهند او بريطانيا و شوف الفرق بالأسعار

تحياتي:)

[Engineer]

ما انتقد في القطرية الا بيع الخمور ، ولا من جميع المقاييس فعلا اثبتت القطرية انها طيران ذو الخمسة نجوم بدون منافس

الأفضل ليست القطرية
الإماراتية بدون منافس و كذلك الإتحاد
اما القطرية بعد الدريملاينر و الاعطال المتكررة فاعتقد صارت بونجمه

[captin]

القطرية الأولى في الشرق الاوسط بلا منازع
من جميع النواحي وفخر لكل قطري كونها تحمل
علم قطر وتجوب جميع قارات العالم .


مسالة الأسعار تم ذكرها مرارا وتكرارا
الرحلات المباشرة أغلى من رحلات الترانزيت أو العبور
وكل ناقلة تنطلق من مقر عملياتها دائماً أسعارها تكون أعلى

أسعار الإماراتية والاتحاد من الإمارات للرحلات
المباشرة أغلى بكثير من القطرية والشركات الأخرى
فالمواطن الإماراتي اللذي يرغب بالسفر على القطرية
يحصل أسعار أرخص من الإماراتية والاتحاد فقط لانه سيغير
الطائرة وينتظر في مطار الدوحة في الاتجاهين
وكذلك الآسيوي والأوروبي وغيرهم
من ركاب القطرية.

الاختيار متروك للمسافر أن أردت رحلة مباشرة
بدون عناء وتعب وتغيير طائرات عليك أن تدفع
وان أردت التوفير عليك أن تتعب في مسالة الترانزيت
والانتظار واحيانا في المطارات الأوروبية والأمريكية تغيير
مبنى المطار الى مبنى آخر.

[زقرت]

انت صاحب أكبر دخل في العالم لازم تدفع



يازين خط الغويفات ::)

[رحال]

تخيلوا عندي نقاط في حدود 610 آلاف نقطه وما أقدر أسافر فيها

مسكرين المقاعد خصوصا بالأجازات .. عمار يالأماراتية

آنه مقاطعه من زماااااان

[المرقاب]

لا أرى أي مشكلة، فعلاً سوق مفتوح ولك حرية الإختيار.

الكثير يودون أن تبقى أسعار القطرية أعلى من غير الخطوط حتى تغربل المسافرين المزعجين مثل العوائل والعمال وغيرهم،

أما اللي يقول أنه هناك فرق بالسعر بين القطري وغير القطري ، أسألهم سؤال واحد، لما تبحث الأسعار على موقع القطرية هل يسألك عن جنسيتك قبل أم بعد عرض الأسعار؟ طبعا بعد وهذا يعني إن هذه المقولة كذبة ترددت كثيراً وصدقها من يود أن يصدقها.
هي ماتفرق بين قطري وغير قطري بس فرق بين اللي يركب من قطر أو من خارج قطر السوق القطر فيه احتكار للقطريه عشان كذا تبالغ في الاسعار انا توني راد من العمره اليوم حاولت أحجز على القطريه التذكره فوق 3000 ريال حجزت على السعوديه 1700 ريال شوف الفرق وقبل اسبوعين كنت جاي من تايلند حاجز علئ البرنس حوالي 9000 ريال جنبي واحد الماني جاي من فرانكفورت سألته طلعت تذكرته بنفس السعر او اقل غير البلاوي الي يشربونها وببلاش يمكن بنصف سعر التذكره

[ضوى]

توني ادور في الخطوط حصلت حجز لاربع اشخاص وطفلين لدولة خليجية عالقطرية ب١٤٨٠٠ريال وعالكويتية ٦٢٨٠ !!!!!!!!!!

[wesam82]

من اقل من أسبوعين رحت على القطرية للحجر على العمرة ، سعر التذكرة 2800 وخردة ، قلت خل أمر على السعودية ، وفعلا فرق شاسع حجزت التذكرة على العمرة وبنفس التاريخ ب 1710 ، فقررت أني كلما فكرت بزيارة بيت الله الحرام وبدون ما اسأل عن سعر تذكرة القطرية على طول راح احجز على السعودية ، وخل القطرية للأجانب

واحد من الربع يسافر عمرة عن طريق مطار الدمام و ماتعدي التذكرة ألف ريال وعن طريق "خطوط ناس"
http://www.flynas.com/ar/index.aspx
يعني تروح بالسيارة وتصفطها بمطار الدمام وتروح لجدة وتعتمر وترجع للدمام تركب سيارتك وتتسوق وتمر على الحساء أهل التمر والرطب وترجع لبيتك، موفر فلوس وطاير من مطار ما فيه مناظر مخله بالأداب ولا مضيفات أجنبيات

[amal qatar]

بالعكس اسعارهم ارخص من الاتحاد والاماراتيه .. من يومين سألت ريجنسي عن رحلة لأبوظبي على الإتحاد طلع سعر التذكره للشخص 1999 وللطفل 1600 .. والقطريه 1400 والطفل 1200 .. بدون تردد حجزنا على القطريه

[technical]

بسم الله الرحمن الرحيم , علم قطر نفخر به لتاريخ الطيب الي انصطر تحت ظلالة رحمة الله على من وصف هذه الارض "دوحة المضيوم" ,

فلا يجي قائل يقول شبلاك ما تفخر بعلم قطر والخمر ينسقي تحته؟ الخمر ما هو فخر هل قطر ولا فخر من كذب على الناس بتسمية هذه الخطوط القطرية!

هذه الخطوط لا تعترف بدستور قطر ولا عادات هل قطر ولا تمنح اهل قطر بجميع فئاتهم اي تخفيض في الأسعار سواء كانوا ممن تجاوز الستين او الاطفال او المرضى او مرافقيهم او غيرهم كمى هو منصوص عليه في القانون الدولي !

وياما مورست ضد المواطنين القطريين ممارسات عنصرية سواء كانت في نقاط البيع او اثناء السفر في الطائرة او اثناء تغيير الحجوزات . يا ايها الطيران العنصري ضد مواطني قطر افصخ عنك علمنا لانك لا من ثوبه ولا هو من ثوبك.

[الكواري 1972]

http://im36.gulfup.com/glKwg.jpg (http://www.gulfup.com/?FqkHm6)

حجز 2/10/2013
من قطر الى دبي
والعوده
5/10/2013

طبعا ع السياحية

[الكواري 1972]

انتو اسعاركم من وين

[cavok]

والمسلسل ما ينتهي / القطرية والقطرية والقطرية
ومن عشرين سنه كنا انقول الخليج والخليج والخليج
هاي المسلسل يا اخوان ما ينتهي أبدا

[الكواري 1972]

لين الحين محد رد علي

اسعاركم من وين

[خزامئ]

من مكاتب السياحه
هل السعر الي حطيته يشمل الضرايب؟؟؟؟؟؟؟

[الكواري 1972]

من مكاتب السياحه
هل السعر الي حطيته يشمل الضرايب؟؟؟؟؟؟؟

نعم شامل

[آخر الفرسان]

أخوي الكواري

ياريت تحدد مواعيدك بالرحلة !!

هذي الرحلات يالساعة 5 الفجر او 6 الصبح او 7 الصبح او 12 بالليل !!

باقي الرحلات اللي خبري خبرك ومواعيدها معقولة

جميعها محجوزة وبالسعر اللي قلت لك !!


http://i.imgur.com/nx1mCZM.jpg


واذا تبي تجرب وتعرف اننا عايشين في الدوحة

غير التواريخ .. اختار بعدها بكم يوم وقارن بين القطرية والامارات

بشرط المواعيد المناسبة لكليهما

[الكواري 1972]

أخوي الكواري

ياريت تحدد مواعيدك بالرحلة !!

هذي الرحلات يالساعة 5 الفجر او 6 الصبح او 7 الصبح او 12 بالليل !!

باقي الرحلات اللي خبري خبرك ومواعيدها معقولة

جميعها محجوزة وبالسعر اللي قلت لك !!


http://i.imgur.com/nx1mczm.jpg


واذا تبي تجرب وتعرف اننا عايشين في الدوحة

غير التواريخ .. اختار بعدها بكم يوم وقارن بين القطرية والامارات

بشرط المواعيد المناسبة لكليهما


انت اختار لي التاريخ وانا بجرب

السعر ع السياحيه وليس البزنس

[آخر الفرسان]

اسعارهم البارحة تختلف عن اليوم !!

سبحانك ربي

[جوريه76]

نحجز عليها مضطرين
اولا :نبي دايركت خاصه للرحلات الطويلة
ثانيا : إحساسي وانا على الخطوط القطريه يريح نفسيتي

[juma]

هذي ضريبة افضل طيران في العالم عام 2012

اختلف وياك مع احترامي لوجة نظرك هذي يديرونها أجانب الي انت ما تقدر تستغني عن خبرتهم

[(بوطلال)]

القطريه الاولى بلا منازع حتى لو اسعارها اغلى .

[بوحــمد]

العيب مب من القطرية منكم الي تقولون بنقاطع وماتقاطعون .

[OREO]

القطريه الاولى بلا منازع حتى لو اسعارها اغلى .

معاك بهذا الرأي و ازيد على ذالك ،،، ثقافة الناس تختلف من شخص لآخر و بعض الاشخاص للأسف يتذمرون و بنفس الوقت يجهل كيف تتم تسعيرة التذاكر سواء على الخطوط القطرية او غيرها ،، يا اخي ارفع التلفون و اسأل ليش الاسعار غالية او ليش اسعار التذاكر اليوم اغلى من امس او ليش اسعار التذاكر على القطرية اغلى من الاماراتية ،، الربادة مشكلة ،، :)

[عنيــــد]

البدائل متوفره و لله الحمد و انا من الناس اللي اشوف الاسعار في كذا شركة طيران قبل السفر ،، و من ابسط حقوقي اختار اللي يناسبني ،،

و نادر ترجح كفة القطرية و لذلك مبتعد عنها ،، معقوله اطلع الدوحه القاهره الدوحه اولى 9500 و يطلع معاي كويتي ماخذها 4600 ،،

اذا عشان ترانزيت نزل له عشره بالمية ،، نزل له عشرين ،، اما النص !! هذا اسمه نصب و جشع ،،

انشالله تصدق الاخبار و يطير اللي مزهق القطريين و نشوف حد افضل منه ،،

على الاقل يجاوب بردود منطقية ،،

[الطلياني]

يا ريت بس لو على الاسعار, حتى ما يركبونك الطيارة وانت حجزك اوكي لانهم لسبب او لاخر حطوا حد مكانك. انا تعرضت لهذا الموقف ولولا تدخل من مسئولين واصرار مني على السفر كان ما سافرت. ولما رجعت الدوحه كتبت تقرير ان حجزي للطائرة الداخلية ما كان موجود واضطريت اسافر بالقطار علشان الحق على طيارتي الي انا حاجز عليها في واشنطن, وابشركم من 3 سنوات لحد الحين محد رد علي, بس اتوقع يردون علي قريب ان شاء الله.

[أم علي 2010]

يالله الحمدالله

في حركه تسويها تاخذ التذاكر من اوبريتر ثاني تطلع ارخص و ممكن القطريه نفسها

مره واحنا نازلين هيثرو معانا مره كبيره من النيبال ،،، سعر التذكره كان جدا رخيص بس يمكن وقفت في 3 محطات يعني ترانزيت

هالشي متعب كثير ،،

مثلا تبي تروح الامارات خذ الاماراتيه او الاتحاد طبعا بتطلع ارخص

احنا كنا نسافر على المديل ايست وكان جدا ممتاز بس مع الاحداث اللي صايره في سوريا و الخوف من النزول في لبنان صرنا على القطريه

على فكره انا شيكت على البريطانيه حق لندن وطلع سعرها مقارب للقطريه

[Abdullah_89]

لا أرى أي مشكلة، فعلاً سوق مفتوح ولك حرية الإختيار.

الكثير يودون أن تبقى أسعار القطرية أعلى من غير الخطوط حتى تغربل المسافرين المزعجين مثل العوائل والعمال وغيرهم،

أما اللي يقول أنه هناك فرق بالسعر بين القطري وغير القطري ، أسألهم سؤال واحد، لما تبحث الأسعار على موقع القطرية هل يسألك عن جنسيتك قبل أم بعد عرض الأسعار؟ طبعا بعد وهذا يعني إن هذه المقولة كذبة ترددت كثيراً وصدقها من يود أن يصدقها.



لايسألونك عن الجنسيه

لكن عند حجز تذكره دوحه - بانكوك - دوحة على درجه رجال الاعمال 11000 ريال تقريبا

اما عند حجز تذكره دبي - جوحة- بانكوك - دوحه - دبي على درجه رجال الاعمال تطلع التذكره ب 10500 ريال تقريبا

:secret: عن تجربه شخصيه

[CH Engineer]

اذا تبي تسافر الامارات احجز على الامارتيه
واذا تبي تسافر لاي دولة احجز على الخطوط التابعة للدولة الي انت رايح لها واختصر الموضوع على نفسك..
القطرية تسوي دراسة للاسعار وهي تشوف ان الي طالعين من قطر مب منتبهين لهالنقطه ويشترون تذاكرها الغالية.. لهالسبب يعتبر غباء من القطرية انها تخفض التذاكر
بكره لو قل عدد المسافرين من قطر للخارج على الخطوط الجوية القطرية بتشوف الاسعار بتنزل


بالنسبة للاسعار من الخارج لقطر اقل هالشي اكيد ولا من بيحجز على القطرية!!! لازم الطيارة تعبي كراسيها وهي راجعة على الدوحة ولازم تنافس برع

شوف التذاكر للهند على كم!!
شوف اوريدو وفودافون وكم سعر المكالمة للهند!!

[Roo7MooT]

السلام عليكم ورحمة الله وبركاته

أحبتي الكرام

توني حاجز الى دبي من سفريات ريجنسي

بعد ماشيكت على اسعار الرحلات من الدوحة الى دبي والعودة

عن طريق المواقع الرسمية بين القطرية والامارات

القطرية / 1760 ريال ذهاب واياب

الامارات / 960 ريال ذهاب واياب

نفس التاريخ / نفس توقيت الرحلة

طبعاً انا مسافر مع الاهل وعيالي والشغالة

يعني تخيلوا فرق الاسعار

3 كبار
3 صغار مابين 3 سنوات - 11 سنة

التوتل كم ياجماعة للعائلة كلها !!

القطرية / 9 الاف ريال

الامارات / 5300 ريال

يعني سعر التذاكر حق 3 كبار فقط للقطرية
تساوي سعر التذاكر حق 3 كبار و3 اصغار للامارات !

كنت أستاء من القطرية قبل .. بس يوم شفت العالم هبوا على القطرية

قلت حرام .. يمكن الربع مزودينها حبتين :eek5:

أما وقد جربت مرة اخرى .. اقدر اقول

احسن الله عزاكم في القطرية ..

وعد وعهد .. ما أركب القطرية بتاتاً البته .. الا اذا نت مكره او نحو ذلك !

نتقبل تعازيكم هنا
:)

والسلام ختام


اخوي الفاضل تسمح لي أرد ووأضح لك هذي غلطتك مب غلطة القطرية

طبعا مثل ما تفضلت انت ذكرت أنك حاجز من مكتب سفريات وطبعا مكتب السفريات له نسبة

ثانيا انت دامك رايح دبي مابحثت عن افضل شركة ناقلة لا من حيث الوقت ولا السعر

ثالثا ماعملت عملية مقارنة وانت في مكتب السفريات بين القطرية والأماراتية

لانك ذكرت انت يوم رجعت وحجزت قارنت !!

تسمح لي اوضح الفرق بين الخطوط القطرية والاماراتية وفلاي دبي

طبعا وحدت الحجوزات على العيد من تاريخ 13 oct 17 oct

هذا حجز للقطرية بالتاريخ المذكور اعلاه دوحة دبي دوحة

http://www.dohaup.com/up/2013-09-29/admin1016512631.jpg (http://www.dohaup.com/)

وهذا حجز للاماراتية دبي دوحة دبي

http://www.dohaup.com/up/2013-09-29/admin1709987527.jpg (http://www.dohaup.com/)


لاحظ الاسعار

الحين شوف أسعار القطرية من الخارج ايضا الامارتية


القطرية دبي دوحة دبي

http://www.dohaup.com/up/2013-09-29/admin2018055557.jpg (http://www.dohaup.com/)


الامارتية دوحة دبي دوحة


http://www.dohaup.com/up/2013-09-29/admin985708732.jpg (http://www.dohaup.com/)


اتمنى انك الحين عرفت سياسة شركات الطيران وجربها في أي وجهة ووحد التواريخ

أزيدك اخوي

هذا حجز لفلاي دبي من الدوحة دبي دوحة بنفس التواريخ

http://www.dohaup.com/up/2013-09-29/admin12891003.jpg (http://www.dohaup.com/)


وهذا ايضا حجز لخطوط شركة يونايتد الي تنزل ترانزيت بالدوحة وتروح دبي


http://www.dohaup.com/up/2013-09-29/admin1805231526.jpg (http://www.dohaup.com/)


120 باوند = 705 ريال قطري


كل هالاطروحات وبدلا من اتهام الخطوط بالغلاء وأتهامهم بالتميز بين القطري وغير القطري

كان من الاجدر بحث عن الحلول المتاحة امامك قبل الحجز ونصيحة لك

1 - أبعد مكاتب السفريات واحجز من الموقع الرسمي لاي خطوط

2 - الحجز مبكرا للحصول على افضل سعر اذا كانت سفرتك في موسم الاعياد أو الاجازات

3 - البحث عن الخطوط الذاهبة للوجهة منشودة لك والبحث عن افضل خيار من حيث الوقت والسعر

وأسمحلي على الاطالة وولعلم انا مايربطني أي شي بالقطرية لا من قريب ولا بعيد :nice:

[Bozizoo]

أحسنت بارك الله فيك هذا أحسن شي تسويه مو بس بحق نفسك لكن بحق كل قطري

المفروض اي منتج او اي شركة تبالغ في السعر او يكون للقطري سعر ولغيره سعر تقاطع

لان هذا إستغلال لنا وأنا ما قهرني إلا موضوع المدارس الخاصة اللي فرقت بالسعر بين قطري وإجنبي

وشركات الطيران وحملات الحج جدا مبالغ في أسعارها والخطأ خطئنا بالدرجة الأولى
الله يسلمج المدارس الخاصه و القطريه تعلموا من الحلاليق
الهندي يقعد بالكرسي في الحلاق يحلق شعر و لحيه ب10 ريال
انت تدفع 40 ريال
كيف ماتدري
ولا اشكره تشوفه يحاسبه بالخش

[OM_OMAR_QATAR]

هم ما يسألون عن " الجنسية " لكن يهتمون ببلد المغادرة !

وانا اعرف كثيرررررررررر عوائل قطرية
لما يريدون يروحون تايلاند ولا صين والا البلدان البعيدة
ينزلون دبي ومناك ياخذون " درجة اولى "

تطلع اخفض بكثييييييييييييييرررررررررررررررررررررر

[الكواري 1972]

الحمدالله

كل الاتهمات باطله ع القطريه

ترى عندنا عمال وخدم والحجز ع حسابنا ونعرف الاسعار

مهما سويتو او قلتو ابرك خطوط

القطريه وبس

[قطــ86ــر]

الضريبة في القطرية اعلى من الاماراتية و الاتحاد

عشان حتى لين جيت تسافر بالاميال تدفع
^
^
^
وووو الساعة بخمسة جنيه و الحسابه بتحسب :tease:

[قطــ86ــر]

الحمدالله

كل الاتهمات باطله ع القطريه

ترى عندنا عمال وخدم والحجز ع حسابنا ونعرف الاسعار

مهما سويتو او قلتو ابرك خطوط

القطريه وبس

شيك رحلة

دوحة لندن دوحة

و رحلة

بحرين دوحة لندن دوحة بحرين


درجة رجال الاعمال
الفرق 10,000 ريال تقريبا عالتذكرة الوحدة ( قلنا الترانزيت ارخص بس مب جذي ) :nice:

[مهره]

انا مستغربه انه في حد للحين يسافر عليها

[برويقن]

كنت افضل القطرية قبل ولكن من أمس صار لي معاهم موقف خايس من معاملتهم وكذبهم وغباء موظفينهم

[بونووف]

امس اشيك دوحه دبي دوحه

القطريه ب 890 فلاي دبي ب 560
300 ريال تقريبا ادفعها عشان اطلع من تيرمنل اوكي وارجع من ترمنل اوكي

[qatara]

هذي ضريبة افضل طيران في العالم عام 2012

وش فايده افضل وافضل
تبين الافضليه ان تكون في الراحه
وليس على حساب التعب نفسيا وماديا
؟

[آخر الفرسان]

الحمدالله

كل الاتهمات باطله ع القطريه

ترى عندنا عمال وخدم والحجز ع حسابنا ونعرف الاسعار

مهما سويتو او قلتو ابرك خطوط

القطريه وبس


والله ياخوي اباخذ كلامك بحسن النية !!

يعني الحين انا اكذب على القطرية !!؟؟

والله الذي لا اله الا هو

اني ماكذبت بحرف واحد من اللي قلته

وترى مالي اي مصلحة شخصية في كلامي .. بالعكس المصلحة عامة

والسعر اللي انا كاتبه بالبداية .. سعر القطرية 100٪

انا كنت عند ريجنسي اقول لك

ومسكت راسي يوم عطاني الاسعار


وحجزت على الاماراتية ووفرت اكثر من اربعة الاف ريال ولله الحمد

انا مسافر مع هلي وعيالي .. وماراح اكذب في كلامي

يعني مافي داعي تقول اتهامات باطلة !!

والله مازودت حرف عليهم ولا كذبت عليهم !!

وشافاك الله وعافاك من البلوه اللي انت مبتليها

وهي التشكيك في كلام الناس !!

[الكواري 1972]

والله ياخوي اباخذ كلامك بحسن النية !!

يعني الحين انا اكذب على القطرية !!؟؟

والله الذي لا اله الا هو

اني ماكذبت بحرف واحد من اللي قلته

وترى مالي اي مصلحة شخصية في كلامي .. بالعكس المصلحة عامة

والسعر اللي انا كاتبه بالبداية .. سعر القطرية 100٪

انا كنت عند ريجنسي اقول لك

ومسكت راسي يوم عطاني الاسعار


وحجزت على الاماراتية ووفرت اكثر من اربعة الاف ريال ولله الحمد

انا مسافر مع هلي وعيالي .. وماراح اكذب في كلامي

يعني مافي داعي تقول اتهامات باطلة !!

والله مازودت حرف عليهم ولا كذبت عليهم !!

وشافاك الله وعافاك من البلوه اللي انت مبتليها

وهي التشكيك في كلام الناس !!



محشوم ان شاءالله من الكذب

انا نزلت صورة توضح سعر القطريه وكان مخالف لسعاركم

وقلت عطوني تواريخ ليتسنا لي معرفة فرق السعر ماشفت شي

في الوقت الراهن كل شي متوفر ادخل النت وشوف الاسعار قبل الحجز

وانا يهمني السفر بالخدمات والخصوصيه والميزات

يمكن في فرق بسيط وهذا لايشفع

وفي النهاية

كل واحد ينام ع الجنب اللي يريحه

والسموحه ان بدر مني شئ لا يليق بك او بأي شخص
بالمنتدى

وتحياتي لكم