اقتراح تصنيف المطاعم

[alsoq]

السلام عليكم

ليش ما يكون فيه تصنيف للمطاعم بوضع لسته من الجهات المختصه عن مدى نظافة المطعم على الزجاج الخارجي يكون التقيم بنجوم يعني 5 نجمات اربع ثلاثه .... الخ

يكون سبوعي حتى الكل يعرف مدي مستوى هذا المطعم ويحث الملاك على الاتزام بنظافة

لانه كثرت مشاكل تسمم من المطاعم

لكم حرية التعليق

[السامـي]

مع هالرأي،والتقييم يكون ربّع سنوي.

[al saad]

معاك 101%

[كازانوفا]

صعبه جدا لان غالبية اصحاب هالمطاعم شغاليين بهالاماكن فمش سهل ان يخرب بيته بايده فهمت علي؟؟

[Mohammed2]

ماعتقد بتنجح
فرضا هالاسبوع المطعم حصل على خمس نجوم والاسبوع اللي بعده اقل شالفايده ؟

واذا مطعمك المفضل حصل على تقييم ضعيف هل بتتركه؟

وفوق هذا يبيله اسطول موظفين ومسؤلين عشان يدورون على كل امطاعم ويقيمونها على حسب النجوم

[alsoq]

ماعتقد بتنجح
فرضا هالاسبوع المطعم حصل على خمس نجوم والاسبوع اللي بعده اقل شالفايده ؟

واذا مطعمك المفضل حصل على تقييم ضعيف هل بتتركه؟

وفوق هذا يبيله اسطول موظفين ومسؤلين عشان يدورون على كل امطاعم ويقيمونها على حسب النجوم

صدقني لو صار تقيم ما تحصل مطعم مو نظيف الكل بيهتم

==============================
بغض النظر المطعم لمن مصلحه المواطن تهم الدوله في المقام الاول

لو يسون مدهمات بدون ما يقدم شكوى تحصل 90% من المطاعم غير ملتزم بصحة ونظافه

مطاهم الهنود بالذات دهن ما يغير للشبس ودجاج ولحم لحد ما يصير اسود

[المحاميه]

اشوفها صعبه كل اسبوع

ممكن كل شهر او كل 6 شهور

[بونووف]

ممكن التقيم يكون من الزوار نفسهم يسون برنامج نفس تريب ادفايزر ...وكل شخص يقيم المطعم الي يزوره او الفنادق

[وليف الشوق]

اذا جذي نخلي كل معطم فيه مفتش

[ام السعف]

أعجبتني الفكرة

[نوار قطر]

اقتراح حلوو ، بس كونه كل اسبوع صعبه شوي ماشالله المطاعم في الدوحه اكثر من العرب ،،، الموظفين ماراح يلحقون ،،، يعني لو يكون كل ٦ شهور مثل ماقالو الاخوان يكون حلوو

[airbus]

اختصر عليك كل المطاعم نجمتين الا نادر كم مطعم 4 نجوم

[مخطط قطري]

نفس الفنادق معايير معينه حققها يحصل على التصنيف افضل بشكل فصلي كل 3 شهور او سنه

[OM_OMAR_QATAR]

مع ..
ومع ان يخلون القيمة الغذائية

[الجوكر90]

ﻻ يالغالي
اي شي يكون فيه تقيم يزيد سعره
واذا ﻻزم تقيم اشوف كل سنه ع حسب المخالفات

[sweet qatar]

أنا مع هالاقتراح وبقوة.. الموضوع بسيط جدا تصنيف للمطعم عشان وانا رايحة أعرف ايش الي اتوقعه

وجذي الاهتمام بيزيد


او ممكن يطلعون عندنا نقاد طعام في الجرايد.. هذي مهنة موجودة ومعروفة



وأشوفها فرصة للي يبي يفتح بزنس


ممكن أي شخص من الي يحب الطلعات وأسبوعيا ياكل بره يفتح blog على النت او اكاونت انستجرام او تويتر


يقيم كل مكان يزوره وبتجي له دعوات و ممكن يحط الاعلانات بفلوس


شفت الكثير من التجارب القطرية الناجحة..