تسجيل الدخول

مشاهدة النسخة كاملة : الباركيه ؟؟


RVD
29-09-2013, 07:40 AM
السلام عليكم

لو سمحتوا وين القى احسن مكان يبيع باركيه حق الارضية ومايخترب بسرعه لانها سمعنا وايد ناس يشتكون من بعض المحلات
محاسب
29-09-2013, 08:00 AM
سمعت وبحثت عن الباركيه
وبعدها ,,,,,,, لقيت بديل من حيث النظافه وتركيب والرخص والتصليح
(الفينيل)
وهم انواع ,,,بين الممتاز والمقبول
https://encrypted-tbn0.gstatic.com/images?q=tbn:ANd9GcTpyH3XLv_tC6Js6ewAZrX-l3vFtpXetJp029laBhmm9RZ-s59f
https://encrypted-tbn2.gstatic.com/images?q=tbn:ANd9GcQEIjqS-A3c7nIXgGqjq-IdBUJPjaQeMAEQCyzXu6v44bQGDpdjXQ
ضع في جوجل صور فينيل ....
ادعو لك بالتوفيق..
عقرب
29-09-2013, 10:49 AM
رافكو عن تجربة
شموخ دائم
29-09-2013, 12:35 PM
,

,


مرحبا


اخوي الكريم


اكثر الموجود بالسوق ليس باركيه وانما شكل الباركيه وفي منه صناعات مختلفه
طبقه خفيفه نفس سماكه السيراميك و مصنعه وليست خشب وسريعه الخدش للاسف
وهذه الطبقه الخفيفه ميزتها رخص سعرها وسهله الفك

سعره في حدود ال 100 ريال الى 140 ريال

احسن مكان يبيعها ويركبها هو ( رافكو )

في انواع ثانيه الفنيل وهذي عمليه اكثر لا تخدش ومرنه ولينه لكنها يعيبها انها ( مافيها فخامه )
تصلح لغرف الالعاب الاطفال وغرف الطعام والمكاتب والشركات خاصه الايجار
اذا الواحد ترك المكتب غير مكانه يتركها ما يتحسف عليها سعرها بحدود ال 60 ريال الى 80 ريال

ويوجد من الباركيه والفلين صناعه ( صينيه ) ردي ابو 50 ريال
هذا حاسب منه لو طاح عليه عود كبريت ولع المكان سريع الاشتعال
تحس نفسك قاعد بمحطه بترول ممنوع التدخين
ههههه

واذا تبي الباركيه الاصلي الاصلي نفس الي في اوربا الخشب السميك ابو 5 سم و7 سم الي تحطه وتنسى طول العمر

تلاقيه عند ( المسند ) خشب سميك ولكنه مو رخيص يبتدي سعره من 200 ريال


,

,

اخوك

شموخ دائم
باندول
29-09-2013, 01:16 PM
عند رافكو
واذا تبغي بورسلان نفس لون الباركيه واحلى منه تحصله عند نابينا
بن غيث
29-09-2013, 01:22 PM
موفق ان شاء الله ،،
خزامئ
29-09-2013, 01:50 PM
اخونا شموخ
المسند هم نفسهم منجره المسند
او فيه حد غيرهم نفس الاسم
معماري قطري
29-09-2013, 03:37 PM
اخونا شموخ
المسند هم نفسهم منجره المسند
او فيه حد غيرهم نفس الاسم

المسند ما شاء الله كم شركة .. أعرف مسؤول مبيعات مختص بالأرضيات بس مب متأكد إذا موجود أو لا من فترة طويلة ما بيني وبينه اتصال .. إسمه عبدالغفور هندي ولغته العربية وايد زينه 55502497 وآخر مقر لهم على ما اذكر في محطة بترول ..اللي جنب صالة القادمون في المطار.

نصيحة لحد ياخذ باركيه رخيص .. أما نوع مسكت ومعالج وللحريق فيه تأخير في حدود الساعتين أو غير قابل .. أو يتجه للإتجاه العملي والأرخص سيراميك بشكل الخشب أو بورسلان.

فيه نوعيات زينه عند العبيدلي وفيه نوعيات فينيل قوية ومصنعة بجودة عالية تتركب على أي نوع أرضيات وتجي رولات كبيرة.
باندول
29-09-2013, 04:18 PM
المسند ما شاء الله كم شركة .. أعرف مسؤول مبيعات مختص بالأرضيات بس مب متأكد إذا موجود أو لا من فترة طويلة ما بيني وبينه اتصال .. إسمه عبدالغفور هندي ولغته العربية وايد زينه 55502497 وآخر مقر لهم على ما اذكر في محطة بترول ..اللي جنب صالة القادمون في المطار.

نصيحة لحد ياخذ باركيه رخيص .. أما نوع مسكت ومعالج وللحريق فيه تأخير في حدود الساعتين أو غير قابل .. أو يتجه للإتجاه العملي والأرخص سيراميك بشكل الخشب أو بورسلان.

فيه نوعيات زينه عند العبيدلي وفيه نوعيات فينيل قوية ومصنعة بجودة عالية تتركب على أي نوع أرضيات وتجي رولات كبيرة.

والله حلو لون الخط الاخضر :shy: اشهد انك ذويق

معماري قطر الله يرحم والديك مشكور يا الغالي على نصيحه تسلم وما قصرت بارك الله فيك
معماري قطري
29-09-2013, 04:31 PM
والله حلو لون الخط الاخضر :shy: اشهد انك ذويق

معماري قطر الله يرحم والديك مشكور يا الغالي على نصيحه تسلم وما قصرت بارك الله فيك

مشكور يا اخوي شرايك في هاللون؟

شخسرانين ألوان ببلاش ومتوفره والتغيير حلو .. انت ما شاء الله عليك خبرتك عالية انا حتى الأرقام اللي عندي بعض المهندسين ماتوا الله يرحمهم وبعضهم خلاص اعتزلوا الشغل أو سافروا لكن انا الحمد لله صامد بفضل الله.

أذكر راجعت مهندس شيبة في خرائط كهربه ومواصفاتها وعدل لي شوي .. يوم رحت أشوف القطع اللي وصفها لي حصلتها مقطوعة من السوق من أواخر السبعينات .. طلع مسكين مب مواكب التطور وعايش ذيك الأوقات ولا بد يجينا يوم نستوي مثله.
باندول
29-09-2013, 04:39 PM
مشكور يا اخوي شرايك في هاللون؟

شخسرانين ألوان ببلاش ومتوفره والتغيير حلو .. انت ما شاء الله عليك خبرتك عالية انا حتى الأرقام اللي عندي بعض المهندسين ماتوا الله يرحمهم وبعضهم خلاص اعتزلوا الشغل أو سافروا لكن انا الحمد لله صامد بفضل الله.

أذكر راجعت مهندس شيبة في خرائط كهربه ومواصفاتها وعدل لي شوي .. يوم رحت أشوف القطع اللي وصفها لي حصلتها مقطوعة من السوق من أواخر السبعينات .. طلع مسكين مب مواكب التطور وعايش ذيك الأوقات ولا بد يجينا يوم نستوي مثله.

كفاية ردك يساوي ألف لون ولون
انت الخير والبركة والخبرة كلها من صوبك
طول الله بعمرك
تعجبني صراحتك وتدل على نزاهتك
الله يبارك في عمرك ويخليك ذخر لمساعده اخوانك الاعضاء
RVD
30-09-2013, 11:27 AM
الله لايهينكم ياشباب على ردودكم الطيبة

يعني تنصحوني اخذ من المسند ولا من رافكو نوعية نفس شكل الباركيه بس رخام حق غرفة النوم ؟؟؟
باندول
30-09-2013, 11:40 AM
واحد من ربع ركب سراميك من نابينا اول ما شفته جاء في بالي انه باركيه
ومركب في كل غرفه لون طبعا اهو اختار لونين لون غامق ولن الفاتح
ومريت على نابينا على خط المطار وشفت سراميك عجبني
مر عليهم وشوف ان اعجبك طبعا انصحك بالسراميك يعمر اكثر وانظف
واذا كنت ملزم تبي باركيه شفت شغل بيت واحد من ربع مسويه عند رافكو
طبعا جميل ولا يعلى عليه
اما شباب يقلون عند المسند ترى شركه المسند الكوالتي الزين دوم عندهم طبعا مجربتهم ولا شفت شغلهم لا في العازل الحراري

الرخام زين واحلى لكن سعرة نار وانت على حسب امكانياتك

الله يوفقك
بن غيث
30-09-2013, 11:54 AM
المشكلة ليست في نوعية الباركيه .. المشكلة في فني تركيب الباركيه

انا ما شفت في السوق انواع راقية من الباركيه الى اليوم ..
ومعظم المناجر وشركات التوريدات تضحك على العالم وتقول لهم هذا نوع ايطالي ااو فرنسي او الماني
وكله كذب في كذب ..

في ناس استوردت باركيه من ايطاليا ونوعيه فخمه جدا .. لكن التركيب طلع كله اخطاء وفاشل
مع مرور الوقت يظهر التقوس في التركيب ..
RVD
01-10-2013, 07:26 AM
شباب في محل اسمه المجموعة المبتكره في العزيزية وعنده باركية نوعه بلجيكي انتوا شرايكم عن هالنوعية ؟؟ سمكه حوالي 8 ملم
إعلامي قطر
03-10-2013, 04:10 AM
شباب في محل اسمه المجموعة المبتكره في العزيزية وعنده باركية نوعه بلجيكي انتوا شرايكم عن هالنوعية ؟؟ سمكه حوالي 8 ملم

الشيخ لو تمر محل كونتوار بداية طريق سلوى بتحصل عندهم
سيراميك على شكل باركيه المتر بحدود 90-110 ريال 15 سم
في 45 سم وبتحصل عندهم بورسلان على شكل باركيه المتر
بحدود 120-140 ريال 15 سم في 60 سم ودرجات الألوان
ماشاء الله عنده متنوعه وروعه وأسباني وإيطالي وإلخ..

وإذا عزمت تشتري منهم نصيحه روح عقب صلاة المغرب
غالباً مالك المحل "بوعيسى" يكون موجود هالحزه..

ورجال ماشاء الله تبارك الله طيب ومرحباني ومطوع
والنعم فيه وفيه خير ويسوي خصومات ممتازه للقطريين..

وعندك الأمانه للديكور ورافكو أيضاً عجبوني بس كونتوار
خياراته أكثر وبصراحه إرتحت لبضاعتهم وتعاملهم وإلخ..

بالتوفيق إن شاء الله..

..
إعلامي قطر
03-10-2013, 04:12 AM
..

وأنصحك بالبورسلان لأنه أكبر وأحلى وأقوى !

..
RVD
03-10-2013, 10:00 AM
اعلامي قطر ان شاء الله اليوم بمر عليهم يعطيك الف عافيه يارب وكل من مشارك في الموضوع
إعلامي قطر
04-10-2013, 01:58 AM
اعلامي قطر ان شاء الله اليوم بمر عليهم يعطيك الف عافيه يارب وكل من مشارك في الموضوع

الله يعافيك الشيخ بس ولاعليك أمر ياليت تفيدنا شصار
معاك وكم عطوك المتر عشان الكل يستفيد وشكراً..

..
ظلال الورد
20-10-2013, 12:31 PM
*
*
*

rvd


كنت أفكر أركب باركيه ....
بس بعد ما قريت هالموضوع وهالردود الي تخوف عنه كنسلت




تحياتي


ظـــلال الـــورد
*
*
*
RVD
20-10-2013, 12:49 PM
يعطيكم العافيه ياشباب على ردودكم واراءكم بالموضوع

انا خذت بورسلان اسباني على شكل باركيه من محل كونتوار اللي بسلوى اللي اذكره اخوي اعلامي قطر الصراحه مايبين انه بورسلان شكله خشب وعنده الوان متعدده وصعوبة الواحد يختار من كثر الانواع اللي عنده حجم البورسلان االلي خذته عرضه 60 سانتي وطوله 15 سانتي المتر كان على 150 ريال عطاني اياه اخر شي 100 ريال للمتر

ظلال الورد انصحك تاخذ نفسي شكله حكم نفس الباركيه واحلى وسيفتي لانه مب خشب لاحريق ولا هم يحزنون واسباني
معماري قطري
20-10-2013, 01:52 PM
زين سويت ونبي صور بعد التركيب

الباركيه يبي له عناية وتدليع وايد وفي النهاية هو شيء مؤقت لازم بتغيره .. أما البورسلان إن شاء الله لطول العمر .. بس يقهرني شيء واحد في بعض المحلات شوف كم ينزل السعر من 150 لين 100 يعني نفترض واحد شراه ب 150 كم تكون نسبة ربحهم فيه وواحد شراه ب 100 كم بتكون بعد نسبة ربحهم فيه، ولا يمكن يقولون خسرانين، ويمكن حسب المكتوب في الورق لكن الواقع تجارنا كلهم تلفيق في تلفيق .. وللبضاعة عندهم يمكن 3 أنواع من الفواتير .. فاتورة للجمرك بسعر رخيص جداً .. وفاتورة ممكن للتسعير وبسعر عالي .. وفاتورة صحيحة لحسابات الربح الصحيح.

هذا النزول الكبير = 33% يخوف .. تأكد بس من بلاد الصنع وخلهم يكتبون لك هذا في الفاتورة .. وشوف طبقة الطلاء بكسر قطعة من البورسلان بتبين .. ولو عطوك المواصفات الفنية كاملة وصورة من شهادة المنتج بيكون إطمئنان أكثر لك .. المواصفات تكون محددة وفيه 10 مواصفات رئيسية للبورسلان .. من أهمها إنه يكون fully vitrified وهو ما يعني بدون غطاء سيراميك أو من نفس مادة البورسلان.

صحيح المواصفات الفنية صعبة على أي شخص حتى المختصين لكن هي الأساس لضمان الجودة ولمقارنة عدة خيارات للمهندسين .. ممكن للإختيار العادي ملاحظة المصنعية والجودة وحتى قراءتها ومقارنتها بمواصفات معينة معروفة لصناعة مجربة ومعروفة يعطينا فكرة.

في الرابط هذا صورة لمواصفات نوعية بورسلان ومقارنتها بالمواصفات المقبولة أُوروبياً، وألحين أُوروبا سووا كود موحد لمواصفات مواد البناء والبناء ككل ما يرضون بأقل منه، والزين بلدانهم ما تستورد ولا تصنع الا حسب هذي المواصفات أو أعلى.

http://nelcotiles.com/technical_specification.html

إحتمال مختبرات الدولة تسوي إختبارات لتأكيد هذي المواصفات أو لا اللي عنده علم ينورنا.
ظلال الورد
20-10-2013, 05:21 PM
*
*
*


ظلال الورد انصحك تاخذ نفسي شكله حكم نفس الباركيه واحلى وسيفتي لانه مب خشب لاحريق ولا هم يحزنون واسباني

rvd

تـــم ... :victory::victory::victory:




الباركيه يبي له عناية وتدليع وايد وفي النهاية هو شيء مؤقت لازم بتغيره .. أما البورسلان إن شاء الله لطول العمر

معماري قطري

عين العقل ... :ok2::ok2::ok2:




تحياتي
ظـــلال الـــورد
*
*
*
RVD
21-10-2013, 07:43 AM
تسلم يامعماري قطر وايد استفدت من معلوماتك عساك عالقوة دوم ان شاء الله
معماري قطري
21-10-2013, 02:03 PM
تسلم يامعماري قطر وايد استفدت من معلوماتك عساك عالقوة دوم ان شاء الله

الله يسلمك يا اخوي ويسلم جميع القراء وبتوفيق العزيز الحكيم إن شاء الله.