ضروري .. بخصوص بنك قطر الوطني

[ام عبداللة]

السلام عليكم

يا ليت من عنده فكره عن رواتب بنك قطر الوطني يعلمني ..وهل عندهم مميزات وعلاوات إضافية ،،

اللي عنده اي معلومة لا يبخل علي وأكون شاكره لكم

[باندول]

اذا بيشغلونك كستمر سريفس بيعطونك راتب كامل من 15 لين 22 الف
بس مانصح البنك ربوي وغير العمل شفتات
هذا الي اعرفه وسالت عنه صديق يشتغل هناك

[ام عبداللة]

اذا بيشغلونك كستمر سريفس بيعطونك راتب كامل من 15 لين 22 الف
بس مانصح البنك ربوي وغير العمل شفتات
هذا الي اعرفه وسالت عنه صديق يشتغل هناك



تسلم أخوي بندول على ردك

[New Vision]

بنك ربوي لانصح به

[بومحمد المطاوعه]

بنك ربوي شتبين فيه ...!

الله يرزقج الحلال الطيب
ومكان يحافظ على كرامه المرأه

[qatarlands]

ابتعد عن البنوك الربوية

من ترك شي لله عوضه الله خيرا منه

[khalid525]

ضروري !!!! خليتينا نركض

اللي اعرفه انه اكثر بنك في قطر يعطي رواتب للقطريين

[ام عبداللة]

بنك ربوي شتبين فيه ...!

الله يرزقج الحلال الطيب
ومكان يحافظ على كرامه المرأه

بنك ربوي للي يتعاملون معاه بس الموظفين مالهم دخل اذا كان شغلهم بعيد عن المعاملات الربوية

[ام عبداللة]

ضروري !!!! خليتينا نركض

اللي اعرفه انه اكثر بنك في قطر يعطي رواتب للقطريين


هههه اذا تعبت ارتاح شوي من الركض
الموضوع ضروري بالنسبة لي ابي اعرف قبل لا أوافق وأتوهق فيهم

[تغلبية]

^
صحيح العريفي قال ممكن العمل في بنك ربوي لكن البعد عن اي معامله فيها دين ربوي
ممكن يشتغل صراف مافيها مشكلة

[باندول]

الله يوفقك دنيا واخرة اختي ويرزقك رزق حلال طيب
قدمي عليهم وان شاء الله هم يردون عليك واساليهم كم
راتبك وهم على حسب المؤهل والخبرة يحسبون راتبك
عموما بنك قطر هو اعلى راتب لقطريين من كل البنوك الثانية
اخبر هم عندهم نقص محتاجين موظفات
الله يبارك لك يا رب

[بومحمد المطاوعه]

بنك ربوي للي يتعاملون معاه بس الموظفين مالهم دخل اذا كان شغلهم بعيد عن المعاملات الربوية


^
صحيح العريفي قال ممكن العمل في بنك ربوي لكن البعد عن اي معامله فيها دين ربوي
ممكن يشتغل صراف مافيها مشكلة



وراتب البنوك الربويه من وين تنزل ..؟
وفي وين تنزل وتستلمين راتبج

مب من نفس البنك .؟

ليش بيخلونج تفتحين حساب في بنك اسلامي .؟


يعني عادي اشتغل في بنك ربوي وامشي مديونات للناس ربويه بس انا ما اكل مال حرام
الناس تاكل عادي
صح ..؟

هههههههههه الله المستعان

[بومحمد المطاوعه]

بنك ربوي للي يتعاملون معاه بس الموظفين مالهم دخل اذا كان شغلهم بعيد عن المعاملات الربوية


^
صحيح العريفي قال ممكن العمل في بنك ربوي لكن البعد عن اي معامله فيها دين ربوي
ممكن يشتغل صراف مافيها مشكلة






الله جل وعلا أحل لعباده ما فيه نجاتهم وقضاء حاجاتهم، وحرم عليهم ما يضرهم؛ فليس العبد مضطراً إلى ما حرم الله عليه، بل عليه أن يسعى جهده في طلب الرزق الحلال.

والتوظف في البنوك لا يجوز؛ لأنه إعانة لهم على الإثم والعدوان - سواء كان محاسباً أو كاتباً أو غير ذلك - فالواجب على المؤمن أن يحذر ذلك، وأن يبتعد عن البنوك؛ لأن الله يقول سبحانه وتعالى: وَتَعَاوَنُواْ عَلَى الْبرِّ وَالتَّقْوَى وَلاَ تَعَاوَنُواْ عَلَى الإِثْمِ وَالْعُدْوَانِ[2].

فالتعاون مع البنوك أو مع قطاع الطريق أو مع السراق، أو مع الغشاشين، أو مع أصحاب الرشوة، كله تعاون على الإثم والعدوان، فلا يجوز.




هذا كلام العلامه ابن باز رحمه الله

http://www.binbaz.org.sa/mat/4043


من اعلم ابن باز ام العريفي .؟؟؟

[بومحمد المطاوعه]

وقد صح عن رسول الله عليه الصلاة والسلام: (أنه لعن آكل الربا وموكله، وكاتبه، وشاهديه، وقال: ((هم سواء))[4].

[باندول]

وراتب البنوك الربويه من وين تنزل ..؟
وفي وين تنزل وتستلمين راتبج

مب من نفس البنك .؟

ليش بيخلونج تفتحين حساب في بنك اسلامي .؟


يعني عادي اشتغل في بنك ربوي وامشي مديونات للناس ربويه بس انا ما اكل مال حرام
الناس تاكل عادي
صح ..؟

هههههههههه الله المستعان

المطاوعه بناتنا وبنات الناس يدورون شغل
مهب محصلين يا الشيخ

ان كان عندك عمل لهم براتب ممتاز وغير ربوي وخلط ... هات ماعندك
منهو مايدور الستر وشغل زين
لكن اليد مافيها حيله
لو البنت معينه مكان زين كان مجات واسائلت بلمنتدى

لاتفاعل ارجوك في مثل هلامور
الا اذا عندك وظيفه زينه لاخت

[بومحمد المطاوعه]

المطاوعه بناتنا وبنات الناس يدورون شغل
مهب محصلين يا الشيخ

ان كان عندك عمل لهم براتب ممتاز وغير ربوي وخلط ... هات ماعندك
منهو مايدور الستر وشغل زين
لكن اليد مافيها حيله
لو البنت معينه مكان زين كان مجات واسائلت بلمنتدى

لاتفاعل ارجوك في مثل هلامور
الا اذا عندك وظيفه زينه لاخت

الواجب علي النصح
والواجب على اي مسلم النصح

يمكن الأخت لاتعلم بأن هذا ربوي
ويمكن بعض الناس لايعلمون

سبحان الله محد يعرف كل امور الدين
انا كنت جاهل والأن تعلمت ولله الحمد

ف أنصح الاخت السائله ان تبحث على ظيفه اخرى

وان شاءالله ربي ايسر كل امر صعب على اي انسان كان

اكتفي بكلام الله تعالى :

من ترك شيئاً لله عوضه الله خيراً منه (1)

وانا ماعندي وظيفه علشان اشغل الناس ولاكن عندي عقل اعرف وين اختار وظيفه :)

واكسب الحلال والحمدلله
واكل عيالي حلال


الله يغنينا عن الربا
لو نبي الربا رواتبنا صكت ال 100 الف

[ام عبداللة]

وقد صح عن رسول الله عليه الصلاة والسلام: (أنه لعن آكل الربا وموكله، وكاتبه، وشاهديه، وقال: ((هم سواء))[4].

تسلم بو محمد على النصيحة وأكيد بأخذها بعين الاعتبار

[ام عبداللة]

الله يوفقك دنيا واخرة اختي ويرزقك رزق حلال طيب
قدمي عليهم وان شاء الله هم يردون عليك واساليهم كم
راتبك وهم على حسب المؤهل والخبرة يحسبون راتبك
عموما بنك قطر هو اعلى راتب لقطريين من كل البنوك الثانية
اخبر هم عندهم نقص محتاجين موظفات
الله يبارك لك يا رب

أشكرك أخوي باندول على الدعوة الحلوة ويرزقني وإياك وبو محمد الحلال الطيب

[بومحمد المطاوعه]

تسلم بو محمد على النصيحة وأكيد بأخذها بعين الاعتبار

الله يسلمج اختي

والنصيحه لوجه الله ويشهد علي ربي

لاأملك سوء الخير للناس بنصايحي ولله الحمد

[بومحمد المطاوعه]

أشكرك أخوي باندول على الدعوة الحلوة ويرزقني وإياك وبو محمد الحلال الطيب

وياج اختي وانصحج قدمي في برج برزان وان شاءالله يردون عليج

يدورون الوظائف للقطريين

[دايموند]

اختي اشلون الاوفر؟

وهل عندج خبرة سابقة؟ وشنهي شهادتج؟

وراح اقولج اذا الاوفر اوك او لا

[وليف الشوق]

اختي ام عبدالله انتي ليش تتوهقين معاهم وقبل كل شي من حقك تعرفين كامل الراتب والامتيازات ومااعتقد فيها شي واعتقد في البدايه ان الراتب مايكون مثل اللي توقعتيه لكن اصبري ومع الخبرات والشهور راح يزيد الراتب ، بس انتي توكلي على الله واشتغلي

[بن غيث]

موفقة ان شاء الله ،،
الراتب يختلف حسب الوظيفة والعرض ..
لكن كحد ادنى .. جامعية بدون خبرة من 23 الف الى 27 الف
.. لكن طبعا الواسطه تلعب دورها في اي مكان ،،

[monatee]

بذات هالبنك انتي وحظج فيه ،، بعيدا عن كرف الشغل لان الكرف فكل مكان لكن ،،

انا كنت شغاله فيه ،، والراتب على كيفهم وهواهم ،، توظفت مع وحده هي جديده طالعه من الثانويه وانا كان عندي خبره سنتين ،، عطوها راتب اعلى مني
وانا وهي نفس القسم ونفس الشغل

لما احاول استفسر ماتحصلين حد يرد عليج عدل في الموارد البشريه
على اساس ان موضوع الرواتب شي سري والمفروض محد يدري عن راتب الثاني كم

وبعد فتره كان في زياده داخليه في حق موظفين البنك فقط

ناس جااتهم الزياده 2000 ريال و 2500 وناس جاتهم 600 و 400 ريال

انا من اللي جاتني 800 ريال :( والمشكله ان الزياده في الاساسي

فصار الفرق بيني وبين بعض الموظفات اللي معاي بالقسم وبنفس سنين الخبره او اقل حول 5000 ريال بين راتبي وراتبهم وبنفس الوقت كلنا على نفس الدرجه الوظيفيه

وهالكلام قبل زياده الامير 60% يعني يوم ياتنا الزياده فصار الفرق تقريبا 8000 ريال

يعني خلال السنين الجايه راح يتم راتبي اقل منهم حتى لو ترفعت على الدرجه اللي بعدها بعد بيتم راتبي اقل منهم ( معناته مافي تحديد ادنى او اعلى راتب لكل درجه )

تميت عندهم حول السنتين وقدمت استقالتي

وقبل لاخذ استقالتي دفعوني 4000 ريال ،، على قولتهم اني طلعت سنويه ال24 يوم قبل لاتخلص السنه ولاني قدمت استقالتي شهر 9 فهم طالبوني بقيمه شهر 10و11و12