ابي رايكم في توزيع الفلة والارتدادات

[أبوحنيفه]

السلام عليكم ورحمة الله وبركاته

انا شريت ارض على شارع وسكة مثل ما هي في الصورة

وعندي بعض الشغلات محتار فيها والله يرحم والديه الي بيفيدني

1. هل توزيع مبنى الفلة والملحق والمجلس الخارجي في الصورة تمام وله فيه تصور احسن
2. نعرف الارتداد 3 متر على الاجناب. بس كم يكون الارتداد اذا كان في سكة بيني وبين الجار
3. وين اخلي غرفة السايق بحيث الباب والدريشته ما يكشفون البيت
4. ابي اسوي بركة وين احسن مكان لها. في ناس يقولون لي داخل مبنى الفله وفي ناس ايقولون برع. اش رايكم؟
بعض اللي يقولون انها تكون داخل لانها بتتوسخ برع ودائما تحتاج تنظيف
5. بالنسبة للبنت هوس هل نعمل الدرايش بجهة الخلف او في الاجناب ما فيه مشكلة؟
6. اي اقتراحات اخرى

والسلام عليكم ورحمة الله وبركاته
ورحم الله والدين الجميع





http://s9.postimg.org/pmk0l1tj3/khor_land_sample1.jpg

[بـومحمد]

مشاء الله ترتيبك مضبوط انك خليت ناحية السكه ال 5 متر لا نه تقدر تخلي الارتداد اقل من 3 متر وبخصوص غرفة السواق جنب المجلس ومدخله واحد معا المجلس استر للبيت وبخصوص البركه جنب الملحق وايد استر واحسن
واكيد باقي الاعضاء بيفيدونك

[بـومحمد]

اخوي بخصوص السكه لـ 5 متر في طريقه تضمه في بيتك ممكن تشرح الطريقه لو سمحت

[أبوحنيفه]

مشاء الله ترتيبك مضبوط انك خليت ناحية السكه ال 5 متر لا نه تقدر تخلي الارتداد اقل من 3 متر وبخصوص غرفة السواق جنب المجلس ومدخله واحد معا المجلس استر للبيت وبخصوص البركه جنب الملحق وايد استر واحسن
واكيد باقي الاعضاء بيفيدونك

حياك الله بو محمد

بس شلون نفس مدخل المجلس ما فهمت؟

وكم يكون الارتداد اذا هو اقل من 3 متر؟

جزاك الله خير

اخوي بخصوص السكه لـ 5 متر في طريقه تضمه في بيتك ممكن تشرح الطريقه لو سمحت

يا بومحمد اذا انت تسألني تراني غشيم في ها السوالف

سمحلي ما اعرف

وجزاك الله خير على مرورك اخوي

[ابوالحارث]

اخوي انقل الفلة و الملحق على الجهه الاخرى جنب الجار ويكون المجلس قدامهم في هذه الحاله بيكون بينك و بين الجار الاخر مسافة السكه ( 5 متر ) لمزيد من الخصوصيه في حوش الفله كذلك مستقبلاً يمكنك ضم السكه وبالتالي يكون عندك مساحه كبيره. اما بخصوص غرفة السائق فيمكن تصميمها بحيث تكون ضمن بوابه للمدخل الرئيسي للفله

[معماري قطري]

هلا فيك إخوي بوحنيفه

انا أرض بيتي 30 في 40 ومستغلها استغلال جيد من كل النواحي بس ما سويت مجلس خارجي... لو حبيت تشوف على الطبيعة حاضر وحتى التصميم لو عجبك باكلم الاستشاري يعطيك اياه .. بس أكيد بياخذ مقابل اجراءات الرخصة والتعديل لأنك أكيد بتعدل تعديل بسيط.

مبدئياً لو تخلي الملحق يسار محاذي البيت وترد البيت شوي ورا وتخلي الباب مكان المجلس والسيارات تدخل لين توصل الملحق .. والمجلس تحركه جهة اليمين بحيث تقدر تفتح دريشة على السكة طبعاً كمخالفة حميدة.

بيتي تقريباً نفس الطريقة وبحاول أنزل له صورة من قوقل ايرث.

[معماري قطري]

للأسف ما تبين واضحة ولا عندي رسومات له كانت بس اخترب الكمبيوتر وراح كل شيء.

البيت مساحته 1000 تقريباً والملحق 70 .. ورا تارك مساحة زينة سويت فيها حوض سباحة مغلق .. وجدام مسوي دوار تدخل السيارة وتصف تحت بروز فيه مكتبي ويغطي مدخل البيت .. وفيه مواقف ثانية مغطاة تكفي 7 سيارات وممكن 3 أكثر بدون تظليل.

[w.qatar]

اذا تبي تشتري السكة

تروح املاك الدوله بيسعرونها و لازم تاخذ نصها الا اذا الجار ما يبي يشتريها و وافق تاخذها كلها عادي تقدر روح التخطيط و استفسر

وبخصوص الترتيب صراحه يبي له تغيرات لو تحط المجلس مكان كراج السيارات افضل و غرفة الدريول مع المجلس و تفتح له باب عالسكة بس لازم تاخذ موافقه البلديه و ما يرفضون ترا عادي

حاول تخلي البركه و را المجلس لان اذا قدرت تشتري السكه ممكن توسع المكان و تسوي حديقه او جلسه في هالجهه


http://im35.gulfup.com/jaaKA.jpg

[MAZEN37]

عندك سكه وبتبني الملحق والمجلس الصوب الثاني !!
تصوري المجلس جهة السكه وخلفه مباشره الملحق وخلي 4متر خلف الملحق لتنكي المايبالنسبه للسكه حط في بالك انها ملك الدوله وفيها تمديدات وخدمات يعني ما تقدر تشتريها مثل ما ذكر بعض الاخوان

[أبوحنيفه]

السلام عليكم



اخوي انقل الفلة و الملحق على الجهه الاخرى جنب الجار ويكون المجلس قدامهم في هذه الحاله بيكون بينك و بين الجار الاخر مسافة السكه ( 5 متر ) لمزيد من الخصوصيه في حوش الفله كذلك مستقبلاً يمكنك ضم السكه وبالتالي يكون عندك مساحه كبيره. اما بخصوص غرفة السائق فيمكن تصميمها بحيث تكون ضمن بوابه للمدخل الرئيسي للفله

بارك الله فيك اخوي ابو الحارث عندك بعد نظر ماشاء الله


هلا فيك إخوي بوحنيفه

انا أرض بيتي 30 في 40 ومستغلها استغلال جيد من كل النواحي بس ما سويت مجلس خارجي... لو حبيت تشوف على الطبيعة حاضر وحتى التصميم لو عجبك باكلم الاستشاري يعطيك اياه .. بس أكيد بياخذ مقابل اجراءات الرخصة والتعديل لأنك أكيد بتعدل تعديل بسيط.

مبدئياً لو تخلي الملحق يسار محاذي البيت وترد البيت شوي ورا وتخلي الباب مكان المجلس والسيارات تدخل لين توصل الملحق .. والمجلس تحركه جهة اليمين بحيث تقدر تفتح دريشة على السكة طبعاً كمخالفة حميدة.

بيتي تقريباً نفس الطريقة وبحاول أنزل له صورة من قوقل ايرث.

نورتنا اخوي ولا ننحرم من افكارك


للأسف ما تبين واضحة ولا عندي رسومات له كانت بس اخترب الكمبيوتر وراح كل شيء.

البيت مساحته 1000 تقريباً والملحق 70 .. ورا تارك مساحة زينة سويت فيها حوض سباحة مغلق .. وجدام مسوي دوار تدخل السيارة وتصف تحت بروز فيه مكتبي ويغطي مدخل البيت .. وفيه مواقف ثانية مغطاة تكفي 7 سيارات وممكن 3 أكثر بدون تظليل.

لا باس اخوي الله يرحم والدينك

وافكارك وضعت في الحسبان في المشاركة التالية


اذا تبي تشتري السكة

تروح املاك الدوله بيسعرونها و لازم تاخذ نصها الا اذا الجار ما يبي يشتريها و وافق تاخذها كلها عادي تقدر روح التخطيط و استفسر

وبخصوص الترتيب صراحه يبي له تغيرات لو تحط المجلس مكان كراج السيارات افضل و غرفة الدريول مع المجلس و تفتح له باب عالسكة بس لازم تاخذ موافقه البلديه و ما يرفضون ترا عادي

حاول تخلي البركه و را المجلس لان اذا قدرت تشتري السكه ممكن توسع المكان و تسوي حديقه او جلسه في هالجهه



مشكور اخوي w.qatar

وطال عمرك اللي يبي يشتري السكة بومحمد مو انا
سمعت يا بومحمد تروح الاملاك :)



[c
ئolor="black"]عندك سكه وبتبني الملحق والمجلس الصوب الثاني !!
تصوري المجلس جهة السكه وخلفه مباشره الملحق وخلي 4متر خلف الملحق لتنكي الماي[/color]بالنسبه للسكه حط في بالك انها ملك الدوله وفيها تمديدات وخدمات يعني ما تقدر تشتريها مثل ما ذكر بعض الاخوان

هلا فيك اخوي

لان اخوي عمق الارض اكبر من العرض بـ 10 متر اذا عملت الملحق على جنب راح اخسر من العرض

ايش رايك؟


عموما يا اخون انا جمعت جميع افكاركم الطيبة ووضعته في المشاركة التالية


اخوكم خالد

[أبوحنيفه]

السلام عليكم

في الصور التالية حاولت اجمع جميع افكار الاخوان اعلاه
كما وضعت مقياس افقي وعمودي عشان ايكون الرسم اقرب للقياس او مثل ما يقولون توسكيل وكل خط صغير = 2 متر


1. اي من التتصاميم افضل؟
2. هل اقدر اغطي البركة؟ اذا كان نعم ياي شيء اغطيها؟
3. في التصميم 3 لو اقدر اخلي غرفة السائق مع الاطبيلات ممكن يكون افضل!! هل اقدر اخليه مع الاطبيلات؟


http://s11.postimg.org/ybgul52ub/khor_land_sample1.jpg
تصميم 1



الـ 18 هذي طول الملحق نسيت احركه لما عكست موقع الملحق
http://s13.postimg.org/gvk7e8rt3/khor_land_sample_2.jpg
التصميم 2



الـ 18 هذي طول الملحق نسيت احركه لما عكست موقع الملحق
http://s23.postimg.org/6m0khswff/khor_land_sample_3.jpg
التصميم 3

والسلام عليكم

[Bozizoo]

حلو التوزيع
بس لو تغير اماكن الكراج و المجلس الخارجي
الفيلا قدامها المجلس
و المكان الفاضي قدامه الكراج
1- عشان السياره توصل لاخر مكان في البيت بدون ماتلفلف الحوش
2-تكون المساحه الفاضيه اكبر شي ممكن في مكان واحد لتوسعاات في المستقبل

اما بخصوص حمام السباحه ما افضل يكون داخل الفيلا
لسبب مهم ورئيسي بخار الماء سيدمر الخرسنات اذا ماكان التبريد عند متواصل وبدراجات منخفضة
يعني تبني حمام السباحة في الحوش وتسكره (تسويه داخل غرفه )سواء طابوق او كيبربي او اللامنيوم
-غرفة السايق مع المجلس الخارجي
- درايش البنت هاوس انت ملزم ان تكون على سطح الفيلا

[OM_OMAR_QATAR]

ماشاء الله

[أبوحنيفه]

حلو التوزيع
بس لو تغير اماكن الكراج و المجلس الخارجي
الفيلا قدامها المجلس
و المكان الفاضي قدامه الكراج
1- عشان السياره توصل لاخر مكان في البيت بدون ماتلفلف الحوش
2-تكون المساحه الفاضيه اكبر شي ممكن في مكان واحد لتوسعاات في المستقبل

اما بخصوص حمام السباحه ما افضل يكون داخل الفيلا
لسبب مهم ورئيسي بخار الماء سيدمر الخرسنات اذا ماكان التبريد عند متواصل وبدراجات منخفضة
يعني تبني حمام السباحة في الحوش وتسكره (تسويه داخل غرفه )سواء طابوق او كيبربي او اللامنيوم
-غرفة السايق مع المجلس الخارجي
- درايش البنت هاوس انت ملزم ان تكون على سطح الفيلا

بارك الله فيك فعلا تطرقت لنقاط انا سألت عنها في اول الموضوع ونسيته

افهم من كلامك اخوي انك تؤيد التصميم 3 , صح؟
بس لو كان فيه طريقة ان يكون باب السايق على برع راح يكون افضل, انت شتقول؟

وشكرا جزيلا


ماشاء الله

الله يحي اصلك يا ام عمر وشكرا على مرورك

[ابوالحارث]

اخوي ابوحنيفه استكمالاً للملاحظات السابقه و التي تم ترجمتها فنياً بالتصميم رقم 3 حبيت اضيف لك بعض الملاحظات انشاء الله تفيد. رجع المجلس 4 متر للخلف و صممه على شكل زاويه قائمه بهذه الطريقه تحصل على توزيع افضل للمجلس و المطعم ...الخ بالاضافه الي خصوصيه و جلسه خارجيه و كذلك واجهه معماريه سوف تضيف شكل جمالي للفله. اما فيما يتعلق بالبركه انصحك احذفها لما لها من مخاطر على الاطفال ويمكن وضع مواقف السيارات مكانها للاستفاده من المساحات قدر الامكان

[معماري قطري]

هل تصميم المنزل جاهز؟

هذا سؤال مهم تعتمد عليه باقي الإجراءات .. عندك المجلس يحتاج لإرتداد مترين أعتقد ويكون ليوان بسيط ثم المجلس وحسب المنطقة وتنظيمها في التخطيط.

[معماري قطري]

هذا مخطط تقريبي لتوزيع حوش بيتي

وأتمنى الصورة تطلع واضحة سويته بسرعة على الاوتوكاد .. وللتوضيح المدخل يساره غرفة كهربه ووراها مكان مزروع والدوار مزروع والمساحات الأشكال الغير منتظمة مزروعة تحدد الدوار .. وفي الإرتداد ال 3 متر زراعة أيضاً ومكان حوض السباحة يبين ورا وكتبت عنه موضوع كامل وفيه صور وهو مغلق وينفتح له من الصالة .. الأحمر إمتداد من فوق للدور العلوي ومكون مظلة على المدخل وممكن توقف تحتها السيارة .. والملحق غرفة السايق مقابلة الباب وبعدها مسكر بين الملحقين بباب .. والمطبخ الداخلي كبير وفي الزاوية كبروز وله دريشة مفتوحة على الحوش وعلى البوابة .. وقرب المظلة الكبيرة من الملحق ومن المدخل الثانوي جهة المطبخ مخلي سهولة التنزيل للأغراض من السيارة عملية سهلة والأرض شكل ما قلت 30 في 40 وبين ثلاث جيران.

البيت حسب مساحته كان لازم أسوي غرفة كهربه داخلية.

http://im31.gulfup.com/63Lbi.bmp (http://www.gulfup.com/?AA0XOm)

[أبوحنيفه]

اخوي ابوحنيفه استكمالاً للملاحظات السابقه و التي تم ترجمتها فنياً بالتصميم رقم 3 حبيت اضيف لك بعض الملاحظات انشاء الله تفيد. رجع المجلس 4 متر للخلف و صممه على شكل زاويه قائمه بهذه الطريقه تحصل على توزيع افضل للمجلس و المطعم ...الخ بالاضافه الي خصوصيه و جلسه خارجيه و كذلك واجهه معماريه سوف تضيف شكل جمالي للفله. اما فيما يتعلق بالبركه انصحك احذفها لما لها من مخاطر على الاطفال ويمكن وضع مواقف السيارات مكانها للاستفاده من المساحات قدر الامكان

الله يبارك فيك اخوي ابو الحارث
تم اضافة مقترحاتك في التصميم في الصورة


هل تصميم المنزل جاهز؟


هلا والله اخوي المعماري
وردا على السؤال لا والله انا ما بديت بشي وهذي الموضوع هو اول بدايتي في هذا المشروع
وناوي اجمع افكاركم الطيبة قبل ما روح حق المصمم


هذا مخطط تقريبي لتوزيع حوش بيتي

وأتمنى الصورة تطلع واضحة سويته بسرعة على الاوتوكاد .. وللتوضيح المدخل يساره غرفة كهربه ووراها مكان مزروع والدوار مزروع والمساحات الأشكال الغير منتظمة مزروعة تحدد الدوار .. وفي الإرتداد ال 3 متر زراعة أيضاً ومكان حوض السباحة يبين ورا وكتبت عنه موضوع كامل وفيه صور وهو مغلق وينفتح له من الصالة .. الأحمر إمتداد من فوق للدور العلوي ومكون مظلة على المدخل وممكن توقف تحتها السيارة .. والملحق غرفة السايق مقابلة الباب وبعدها مسكر بين الملحقين بباب .. والمطبخ الداخلي كبير وفي الزاوية كبروز وله دريشة مفتوحة على الحوش وعلى البوابة .. وقرب المظلة الكبيرة من الملحق ومن المدخل الثانوي جهة المطبخ مخلي سهولة التنزيل للأغراض من السيارة عملية سهلة والأرض شكل ما قلت 30 في 40 وبين ثلاث جيران.

البيت حسب مساحته كان لازم أسوي غرفة كهربه داخلية.



ماشاء الله بيت عامر ان شاء الله

اخوي بالنسبة:
1. البركة: نعم قريت موضوعك وهو مفيد جدا عزيزي وانا فعلا ابي اربط الصاله بالبركة بس مو عار ف اشلون. الشيء الثاني اخو بالنسبة لسقف البركة انا احاتي التنظيف والصيانه شلون تتم تنظيف السقف وانت عارف الغبار عندنا وايد ماشاء الله
2. الباركات اخوي انا افكر اعمل تسقيف خارجي على واجهت البيت يتسع لـ 3 سيارات اقل شي غير الطبيلات وفيهم 2 سيارة. لاني اشوف الجيران عاملين نفس الشي
3. غرفة الكهربة كم مساحتها وهل افضل اخليها في داخل المبنى الرئيسي؟
4. وشرايك في التصميم اللي في الصورة؟


http://s21.postimg.org/6p6engqyf/khor_land_sample_4.jpg
تصميم 4

والسلام عليكم

[معماري قطري]

رايي يا اخوي لتعور راسك بهذي التعديلات وإخذها معاك كمرجع .. ممكن استغلال المساحة استغلال أكثر وحتى مثل ما عمل صديق وأخ لي بأن سوى المجلس مرتفع وتحته حوض سباحة ونادي متكامل يخدم البيت من جهة وممكن يفتح باب ثاني ويدخل ناس من المجلس من جهة أُخرى .. مسوي حلاق ومكان مخصص للمساج وسونا ومطبخ وجبات خفيفة وحمام بخار .. وفوق هذا مسوي بيسمنت بارتفاع نازل حول 1.8 متر .. كنت أمشي فيه منزل راسي كمخزن .. بديت في تصويره في آخر تقرير حوض السباحة المغلق، وباكمل الصور النهائية بعد اكتمال المشروع.

بالنسبة لك ممكن تطلب من الاستشاري يرتب لك حوض السباحة والمجلس والصالة شبه متصلين للإستخدام المزدوج أو حتى للمنظر .. يعني تفتح دريشة كبيرة من المجلس على حوض السباحة ونفس الشيء من الصالة ويكون سقف الحوض خرسانة بسكايلايتات أكبر حجم ممكن حق النور الطبيعي .. وتسوي الإضافات مثل السونا والبخار .. ومساحة الحوض 8 في 4 حلوة ومريحة ولتسويه عميق عندك 1.25 هو العمق المناسب للكل والسهل للسباحة، وعمق واحد يطلع أحلى .. ولو بتسوي السقف مرتفع ارتفاع زين بتقدر تسوي شلال من جنب وقعدة .. وحتى تخلي درايش الدور الأول تطل على الحوض .. وطبيعي بيكون استخدام المجلس في أوقات معينة وفيها يكون الحوض غير مشغول من أهل البيت. .. لتنسى تقدر تسوي الشلال من تشكيلة حجر بالإسمنت وتخليه مرتفع ويصب في جزء من الحوض.

للسيارات كل ما سويت مواقف داخل أكثر كل ما كان أحسن .. يمكن منطقتكم أمان ألحين بس بتجيها فترة يمرون ناس من اللي يحبون التخريب ويكسرون القزاز ويسرقون حتى عود كبريت .. لذلك أفضل السيارات داخل، ولو تبي تسوي طبيلات مفتوحة على برا بس مسكرة بالكامل بباب برموت بتقدر توفر مساحة كافية وتمنع دخول السيارات للبيت.. وحتى غرفة السواق تسويها في هذي الحالة مدمجة مع الطبيلات وتفتك منه قرب المجلس .. أو تخليها قرب الباب حراسة والباب له كسرة على داخل والسيارات تسوي لها مواقف تحت البيت .. وتحتاج مساحة شبه مفتوحة وارتفاع مترين صافي بس للسيارات .. 2.45 متر هو الإرتفاع المريح للمواقف متعددة الأدوار عالمياً.

[السويدي 88]

بالتوفيق

معماري قطر شكلت انت الي بتصمم بيتي :ok:

[معماري قطري]

بالتوفيق

معماري قطر شكلت انت الي بتصمم بيتي :ok:

حاضر لك إخوي السويدي

نسيت أوضح فوق إن رفيجي مقاول أصلاً وسوى الحفر واندمج في الحفر لين وصل عمق سحيق .. وقال بيستغل هذا العمق في عمل بيسمنت مخزن وفوقه بيسمنت الحوض وفوقهم الميلس .. وكله بدون مخططات كاملة.

[أبوحنيفه]

رايي يا اخوي لتعور راسك بهذي التعديلات وإخذها معاك كمرجع .. ممكن استغلال المساحة استغلال أكثر وحتى مثل ما عمل صديق وأخ لي بأن سوى المجلس مرتفع وتحته حوض سباحة ونادي متكامل يخدم البيت من جهة وممكن يفتح باب ثاني ويدخل ناس من المجلس من جهة أُخرى .. مسوي حلاق ومكان مخصص للمساج وسونا ومطبخ وجبات خفيفة وحمام بخار .. وفوق هذا مسوي بيسمنت بارتفاع نازل حول 1.8 متر .. كنت أمشي فيه منزل راسي كمخزن .. بديت في تصويره في آخر تقرير حوض السباحة المغلق، وباكمل الصور النهائية بعد اكتمال المشروع.

بالنسبة لك ممكن تطلب من الاستشاري يرتب لك حوض السباحة والمجلس والصالة شبه متصلين للإستخدام المزدوج أو حتى للمنظر .. يعني تفتح دريشة كبيرة من المجلس على حوض السباحة ونفس الشيء من الصالة ويكون سقف الحوض خرسانة بسكايلايتات أكبر حجم ممكن حق النور الطبيعي .. وتسوي الإضافات مثل السونا والبخار .. ومساحة الحوض 8 في 4 حلوة ومريحة ولتسويه عميق عندك 1.25 هو العمق المناسب للكل والسهل للسباحة، وعمق واحد يطلع أحلى .. ولو بتسوي السقف مرتفع ارتفاع زين بتقدر تسوي شلال من جنب وقعدة .. وحتى تخلي درايش الدور الأول تطل على الحوض .. وطبيعي بيكون استخدام المجلس في أوقات معينة وفيها يكون الحوض غير مشغول من أهل البيت. .. لتنسى تقدر تسوي الشلال من تشكيلة حجر بالإسمنت وتخليه مرتفع ويصب في جزء من الحوض.

للسيارات كل ما سويت مواقف داخل أكثر كل ما كان أحسن .. يمكن منطقتكم أمان ألحين بس بتجيها فترة يمرون ناس من اللي يحبون التخريب ويكسرون القزاز ويسرقون حتى عود كبريت .. لذلك أفضل السيارات داخل، ولو تبي تسوي طبيلات مفتوحة على برا بس مسكرة بالكامل بباب برموت بتقدر توفر مساحة كافية وتمنع دخول السيارات للبيت.. وحتى غرفة السواق تسويها في هذي الحالة مدمجة مع الطبيلات وتفتك منه قرب المجلس .. أو تخليها قرب الباب حراسة والباب له كسرة على داخل والسيارات تسوي لها مواقف تحت البيت .. وتحتاج مساحة شبه مفتوحة وارتفاع مترين صافي بس للسيارات .. 2.45 متر هو الإرتفاع المريح للمواقف متعددة الأدوار عالمياً.

بارك الله فيك اخوي المعماري

وافكار ماشاء الله ما تخلص اللهم زد وبارك

ان شاء الله ارجع بعد فترة بالتصميم الاولي للبيت

والسلام عليكم

[معماري قطري]

بارك الله فيك اخوي المعماري

وافكار ماشاء الله ما تخلص اللهم زد وبارك

ان شاء الله ارجع بعد فترة بالتصميم الاولي للبيت

والسلام عليكم

الله يعينك علينا .. صج اللي بيبني الأفكار وايد ويتشتت شيسوي .. لي صديق من أعضاء المنتدى سوى دراسة وخذ كل المتطلبات اللي يبيها وبعدين عرضهم على عدة إستشاريين وما ادري شرسى عليه .. بس اشوف الغالبية يفكرون بعقل ويدورون الشيء المريح لهم .. لأَن البنيان واحد بنيت بمليون ولا بمليون ونص وسويت شيء أي كلام ويمشي الحال أو شويت شيء يسوى ويستاهل .. في النهاية نفس التعب ويمكن وجع راس الرخيص يكون أكبر من الشغل المتكامل .. والتصميم خطة تمشي عليها من البداية لين السكن والصيانة وممكن حتى الإضافات المستقبلية.

[mohammad.sy]

بالتوفيق انشالله

[القلم الصريح]

http://http://im32.gulfup.com/qanlZ.jpg

http://im32.gulfup.com/qanlZ.jpg (http://www.gulfup.com/?t6TwJi)


انا اقترح عليك هالتوزيع بس اسمح لي على الخط اللي فالصوره

ادمج الملحق مع المجلس عاليسار الارض

وخل البركه في خلف الفله حتى تقدر فالمستقبل تغطي البركه وبتكون استر للعائله

وعلى اليمين الارض غرفة السايق او تستبدلها مواقف للسيارات

[almaf1a]

http://im42.gulfup.com/jsdBD.jpg

[Bozizoo]

اعطيك ديزاين جديد والميزة في هذا بتطلع عندك مساحه اضافية
واتوقع هذا الديزاين راح يكون منتشر ويقضي على الديزاين المتبع حاليا
وخاصة في قطع الاراضي الصغيرة

[Bozizoo]

وينك يامعماري قطري ترسمه على 3d

[Bozizoo]

وللامانة هذا الفكره كانت تعديل و تطوير لفكرة اخ عزيز ولاهو مهندس

[معماري قطري]

وينك يامعماري قطري ترسمه على 3d

Time and Effort are major factor :nice:

[إعلامي قطر]

..

الشيخ تخطيطك الأولي أشوفه مناسب وأفضل لك
خاصة إن بيتك على جنب والملحق وراه وبالجهه
الثانيه الحوش وسيع وشرح..

وأيضاً لما يكون الحوش بجانب الممر الـ 5 متر هالشي
بيضمن لك خصوصيه وتقدر تسوي حديقه مثلاً
أو أي أفكار إبداعيه في هذي المساحه لعيالك..


• ملاحظاتي كالتالي:

1) تحاول تخلي بيتك مستطيل مب مربع عشان تزيد
مساحة الحوش الجانبي لأنه بينفعك بالمستقبل
وهالنصيحه من واقع تجربتي إن إللي واجهة
أرضه مب كبيره واجد مقارنه بالعمق وبنفس
الوقت يهمه الحوش الجانبي فأعتقد إذا كان
بيته مستطيل راح يفرق معاه كثير هالشي..

2) تخلي مجلسك الخارجي بالطول مب بالعرض
وفي زاوية الحوش الأمامي تماماً عشان ماياكل
من واجهة بيتك أو يغطيها بشكل أو بآخر !

3) غرفة الدريول تكون لاصقه بالمجلس الخارجي
وبابها مفتوح على ارتداد واجهة المجلس إللي
غالباً راح يكون 2 متر كحد أدنى..

4) البركه ممكن تسويها بزاوية الحوش مع
إني مب متأكد من هالنقطه ومدى فعاليتها..

وبالمناسبه توزيع بيتي مثل بيتك وكل هالنقاط مسويها
في بيتي باستثناء البركه وصدقاً لحد الحين مافي
أي شي أحس إني غلطت فيه بل بالعكس موضوع
إن بيتي على جنب والحوش الجانبي صاير إحذى
البيت عطاني كذا فكره إبداعيه أسويها وهالشي
مريحني لحد الحين ولله الحمد..

وبالتوفيق إن شاء الله..

..

[عايش فرحان]

http://http://im32.gulfup.com/qanlz.jpg

http://im32.gulfup.com/qanlz.jpg (http://www.gulfup.com/?t6twji)


انا اقترح عليك هالتوزيع بس اسمح لي على الخط اللي فالصوره

ادمج الملحق مع المجلس عاليسار الارض

وخل البركه في خلف الفله حتى تقدر فالمستقبل تغطي البركه وبتكون استر للعائله

وعلى اليمين الارض غرفة السايق او تستبدلها مواقف للسيارات


حسب قوانين البلدية ما يصير الملاحق تكون أكثر من 70٪ في المئة من جدار البيت.

[القلم الصريح]

حسب قوانين البلدية ما يصير الملاحق تكون أكثر من 70٪ في المئة من جدار البيت.



انا ملحق بيتي على طول جدار البيت 100% وبموافقة البلديه

[Bozizoo]

انا ملحق بيتي على طول جدار البيت 100% وبموافقة البلديه

ممكن بستثاء عطوك
بس القانون 70% من الطول