ليش تعبر الشارع وتركض جدام المواتر يـــــــاخي ....

[بومحمد المطاوعه]

السلام عليكم ورحمه الله وبركاته ..

شخباركم يا اخواني واخواتي

اليوم بطرح موضوع الكل يعاني منه

قسم بالله شي مؤلم شي محزن

اليوم الصبح شفت رجال من المقيمين واقف ومدرسه بنته الشارع الثاني
ماسك يد بنته ويبي يعبر الشارع علشان يوصلها

انزين ليش تخاطر بحياتك وحياة بنتك ..؟

الله انعم عليك السياره ياخي وصلها وارجع على نفس الشارع

يعني تبي تشرد من الزحمه على حساب حياتك وحياة بنتك ..؟

في سنه 96 اعتقد كنت في مدرسه مصعب بن عمير في ابن عمران
الأب يتنظر ابنه في الشارع الثاني والأبن يبي يعبر الشارع علشان يروح للأب

فجأه عبر واخبطته سياره طار جدام عيونا ومات الولد :(

شئ محزن وكان من اشطر الطلاب في المدرسه

الله يرحمه ويغفرله

الكل يعرف لو صارلهم حادث قضاء الله وقدر ولاكن الله عطانه العقل لندرك هذا العقل بتصرف سليم ونأخذ بالأسباب

مب اروح اقط نفسي فالتهلكه واقول الله كاتب لي جذي

قال الله تعالى :
وَلاَ تُلْقُواْ بِأَيْدِيكُمْ إِلَى التَّهْلُكَةِ

http://marebpress.net/userimages/Image/alkhamrery/abb.JPG


واكثر الذين يعبرون على خط 22 فبراير
خط هاي وي ومسرع وصعب العبور فيه

ويتسلقون الحواجز والارصفه الكبيره

http://cdn-wac.emaratalyoum.com/polopoly_fs/1.563358.1365098168!/image/686200167.jpg

اتمنى من اداره المرور وضع قانون صارم نفس دولة الأمارات


تفضلو اقرأو القانون في الامارات


ونبهت مديرية المرور في رسائل توعوية، وتغريدات بثتها عبر برنامجها، للحدّ من الحوادث المرورية «إذا قطعت الطريق في غياب ممرات واضحة للعبور، أو معابر مشاة، أو أنفاق، وتعرضت لإصابات نتيجة لذلك، فلن يكون السائق مسؤولاً ولن يغطي التأمين الخاص بمركبته أو مركبتها إصابتك في هذه الحالة»، داعية إلى «الانتباه ـ بشكل جيد ـ إلى المركبات على الطريق أثناء العبور».

يعني في اماكن مخصصه للمشاه وللعبور

ليش تعبر الشارع ومب مخصص للعبور وتسبب ربكه للناس


اتمنى من الداخليه ان تتدخل في هذا الأمر

نرجو من اداره المرور النظر في هذا الأمر

لحفاظ ارواح الناس ولحفاظ السائقين من الحوادث والربكه في الشارع بسبب شخص متهور يعبر الشارع

[airbus]

مافي دولة في العالم وماعندها جسور للمشاة يعني المشكلة من اشغال مب من الشخص الي يبي يقص الشارع

[بوخالد911]

هلا


قلة وعي ونقص تقافة


تذكرت مقيم عربي فقد بنته او ولده بالوكرة

الاخ يبي يختصر المسافة
وقطع الشارع العام
والنتيجة كارثة كانت

[بن غيث]

مثل ما ذكرت بومحمد ..
يجب دراسه اماكن عبور المشاه عند المدارس والمجمعات
من فتره كنت ذاهب الى الستي سنتر مع صديق لمشاهده السينما
فأخبرته ان نقف على الناحية اﻻخرى للمول لنمشي قليلا بعد يوم طويل من الجلوس في المكتب
فكادت ان تصدمني سيدة رغم انني لم اعبر الشارع بعد ،،

اين ادارة المرور عن اماكن المشاه ومراعاتها في الشوارع الكبرى مثل 22 فبراير وسلوى

[بوخالد911]

اللي صج بحاجة لجسر عبور مشاة هو شارع حمد الكبير

[بومحمد المطاوعه]

مافي دولة في العالم وماعندها جسور للمشاة يعني المشكلة من اشغال مب من الشخص الي يبي يقص الشارع

صحيح المفروض في جسور للمشاه
وبعض الجسور محد يستخدمها مثل الجسر عند مطار الدوحه موجود ولاكن من يستخدمه الا النادر

والشخص الي يقص الشارع ترى مب من حقه يقص الشارع وهذا الشارع مخصص للسيارات

[بومحمد المطاوعه]

هلا


قلة وعي ونقص تقافة


تذكرت مقيم عربي فقد بنته او ولده بالوكرة

الاخ يبي يختصر المسافة
وقطع الشارع العام
والنتيجة كارثة كانت


الله يرحمها

والله ماعندهم سالفه اصلن الي يقطع الشارع

[بومحمد المطاوعه]

مثل ما ذكرت بومحمد ..
يجب دراسه اماكن عبور المشاه عند المدارس والمجمعات
من فتره كنت ذاهب الى الستي سنتر مع صديق لمشاهده السينما
فأخبرته ان نقف على الناحية اﻻخرى للمول لنمشي قليلا بعد يوم طويل من الجلوس في المكتب
فكادت ان تصدمني سيدة رغم انني لم اعبر الشارع بعد ،،

اين ادارة المرور عن اماكن المشاه ومراعاتها في الشوارع الكبرى مثل 22 فبراير وسلوى

حاسب ياخوي والله ماتسوى عليك
لاتعبر نصيحه

المفروض يسوون عبور مشاه ويحطون قانون صارم

الي يندعم من غير عبور المشاه
يتحمل مسؤليه نفسه

[abdo222]

اكيد المدرسه الي قبل اشارات التضامن ,,

السبب انه عشان الواحد ياخذ يوتيرن من اشاره التضامن يبيله على الاقل نص ساعه ,, نفس الوقت ماقول ان قطع الشارع بهال الطريق يعتبر صحيح الا خطير جدا خاصه مع ياهل,,

جسر للمشاه واحد كل 1 كيلو بيكون مفيد في هال النوع من الطرق,, ماقلنا لاشغال سوو نفق تحت الارض وحركات,, مجرد جسر !!

[بومحمد المطاوعه]

اللي صج بحاجة لجسر عبور مشاة هو شارع حمد الكبير

بارك الله فيك

صحيح

يحتاج وبقوه

مقطعين الحدايد علشان يعبرون

الحمدلله والشكر

[بومحمد المطاوعه]

اكيد المدرسه الي قبل اشارات التضامن ,,

السبب انه عشان الواحد ياخذ يوتيرن من اشاره التضامن يبيله على الاقل نص ساعه ,, نفس الوقت ماقول ان قطع الشارع بهال الطريق يعتبر صحيح الا خطير جدا خاصه مع ياهل,,

جسر للمشاه واحد كل 1 كيلو بيكون مفيد في هال النوع من الطرق,, ماقلنا لاشغال سوو نفق تحت الارض وحركات,, مجرد جسر !!

بارك الله فيك وصدقت
هذي المدرسه والله قمه الخوف في هذا الشارع

الله المستعان وان شاءالله نشوف حل


الله يعطيك العافيه

[الجوكر90]

المشكله نحتاج شخص حازم
نفس الشيخ تميم بن حمد او حمد بن جاسم
هالاثنين فيهم حزم وصرامه
لو في نفسهم يمسكون اشغال والمرور والتخطيط كان حالنا افضل

[بومحمد المطاوعه]

المشكله نحتاج شخص حازم
نفس الشيخ تميم بن حمد او حمد بن جاسم
هالاثنين فيهم حزم وصرامه
لو في نفسهم يمسكون اشغال والمرور والتخطيط كان حالنا افضل

ان شاءالله نشوف الافضل في السنوات القادمه

[بومحمد المطاوعه]

للرفع ......

[بومحمد المطاوعه]

يعني لازم نكتب عنوان الموضوع ليش تعبرين الشارع علشان نشوف المشاركات .....!

ترى الموضوع طرحته للنقاش ونبي حل لان هذي الظاهره كثيره نشوفها وغير حضاريه


ارجو من الاداره تغير العنوان الى ليش تعبرين الشارع لكثره المشاركه والحلول

[خفيف الرووح]

ههههههههههههه اعصابك

لاتنسى الشارع بين دوار مايل ودوار المرخيه مافي اي جسر مشاه يربط بين المنطقة الجنوبية والشماليه

مرات مالومهم لان هالحل الوحيد للتنقل بين المنطقتين
صح انها مخاطره خاصه عند نفق الجوازات لان الواحد مايشوفهم وهو طالع من النفق

معقوله كل هالمشاريع الضخمه ومانشوف اي جسر او نفق مشاه !!

[وطن]

يبي لنا قانون ومخالفات للمشاة
ونحتاج اماكن عبور خاصة

جسور
انفاق
اللي هو

بس شي متطور بسلم متحرك و لفت بعد لذوي الاحتياجات الخاصة

[qatari911]

بو محمد
خلهم يحطون جسور بالاول وبعدين اسأل ليه يعبر الشارع
اذا مدرسة ولدي بشارع الثاني ويبي لي نص ساعه ارجع يوتيرن
لا اقطع الشارع احسن
ادري ان خطر بس الجهة المسؤوله نايمه في العسل عندك شارع حمد الكبير عندك مستشفى حمد وعندك الكورنيش وعندك المطار وعندك اماكن كثيره
بس فالحين الصور في الجرائد واكبر مشروع واعلى ميزانية للمشروع
وازيدك من الشعر بيت
سمعت بيسكرون دوار العبيدلي وبتصير اختناقات من كل صوب

[Aljans]

يفضل حل مشكلة العبور أولاً.
طيب تصليح السيارة نتيجة الحادث من يجب أن تكون علية، الصادم أم المصدوم؟

[أم محمد 90]

يعني لازم نكتب عنوان الموضوع ليش تعبرين الشارع علشان نشوف المشاركات .....!

ترى الموضوع طرحته للنقاش ونبي حل لان هذي الظاهره كثيره نشوفها وغير حضاريه


ارجو من الاداره تغير العنوان الى ليش تعبرين الشارع لكثره المشاركه والحلول

بو محمد ليش زعلان !


وكلامك صحيح تدري مرة انطرح موضوع عن ان الحريم يعبرون الشارع ويوقفون ويتمون يطالعونك ويكملون طريج وفعلاً المشاركات كانت كثيرة ..

طول بالك يبا

[تحداني]

اخاف ادعمهم وانا مب منتبهه
لا ويلبسون اسود وهم سمر .. والاضاءه تبارك الرحمن
وكأنه يقول لك انا الى الموت والموت قريب مني


افففففف من الشيطان
كم حل اندور يا اخوي

[بونووف]

قبل شوي اكلم راعي الدكان اذا يقدر يجيب لي اغراض للفندق وانا ساكن مجابله ...يقولي لازم اروح لين الاشاااره ..بعيده شوي .. واشقح الشارع لانه اذا المرور شافني اشقح للشارع من غير علامة مرور المشاه يوقفوني ويخالفوني 200 درهم... عاد قلت له انا من مساعه اشقح الشارع يقولي اذا يشوفون عربي مايخاللفونه بس يخالف هندي بنقالي سيرلانكي ..كسر خاطري

هالكلام ف دبي

[لاجل QT]

بما انك فتحت الموضوع

يجب على المسؤولين وضع جسر بين منطقة الروضة والهلال

بسبب عبور الطلاب واولياء امورهم الشارعين مما يعرضهم ويعرضنا للخطر

يعنى مايبلها شي

بديهيا يوضع جسر اذا وجدت مدرسة على شارعيين رئيسيين للحفاظ على اروح خلق الله

[OM_OMAR_QATAR]

الكل يعرف لو صارلهم حادث قضاء الله وقدر ولاكن الله عطانه العقل لندرك هذا العقل بتصرف سليم ونأخذ بالأسباب

مب اروح اقط نفسي فالتهلكه واقول الله كاتب لي جذي

قال الله تعالى :
وَلاَ تُلْقُواْ بِأَيْدِيكُمْ إِلَى التَّهْلُكَةِ

[بومحمد المطاوعه]

بارك الله فيكم
سيتم الرد ع الجميع ان شاءالله

[Riku3]

من فتره كنت في العزيزيه وكنت بدعم طفل سوداني يركض وطلع بين سيارتين فورويل وركض جدام سيارتي ولولا رحمة رب العالمين كان لقيتو موضوع في المنتدى عن سائق متهور يودي بحياة طفل !!! .. بس بردت حرتي في هله لاني لحقته وكلمتهم بس للاسف شفتهم يلعبون في الشارع بعده باسبوع

حتى لو حطولهم جسر مشاة بيركضون في الشوارع لانها محتاجه ثقافه والعرب للاسف يبيلهم مخالفات وكيمرات تصورهم علشان ما يخالفون .. اما حماية لارواحهم فصعبه عليهم

[وطن]

بارك الله فيك وصدقت
هذي المدرسه والله قمه الخوف في هذا الشارع

الله المستعان وان شاءالله نشوف حل


الله يعطيك العافيه

هذي المدرسة تحتاج دورية عندها

امس واحد اقل ما يقال عنه قليل أخلاق
موقف السيارة صف ثاني على الشارع العام !!
عطل الخط السريع كامل :anger1:

تعجبت من الزحمة يوم وصلت اكتشفت بسبب الأخ اللي واقف في الشارع و نازل المدرسة !!

بدل ما يكون عندنا 3 خطوط نمشي فيها
يغص واحد منهم و يسبب أزمة !!

بسبب استهتار البعض بحقوق الطريق

:anger1:

[بومحمد المطاوعه]

ههههههههههههه اعصابك

لاتنسى الشارع بين دوار مايل ودوار المرخيه مافي اي جسر مشاه يربط بين المنطقة الجنوبية والشماليه

مرات مالومهم لان هالحل الوحيد للتنقل بين المنطقتين
صح انها مخاطره خاصه عند نفق الجوازات لان الواحد مايشوفهم وهو طالع من النفق

معقوله كل هالمشاريع الضخمه ومانشوف اي جسر او نفق مشاه !!

والله ياخوي المفروض الواحد يخاف على نفسه مب يقطع الشارع

في شي اسمه تكسي

ولا اعرض نفسي للخطر :)

ونتمنى من اشغال عمل جسور مشاه

[بومحمد المطاوعه]

يبي لنا قانون ومخالفات للمشاة
ونحتاج اماكن عبور خاصة

جسور
انفاق
اللي هو

بس شي متطور بسلم متحرك و لفت بعد لذوي الاحتياجات الخاصة

نتمنى ليش لا

الدوله مب مقصره بأي شي

ونبي حلول لهذا الأمر

[شبح الصمت]

يعطيك الف عافيه بومحمد

موضوعك مهم ..

تطرقنا من قبل وقلنا مفروض بعض الاماكن يوجد مشاه عبور يعني ما بين مدارس ما بين مجمعات وطرق اخرى يكون في اشارات مدتها ما تتجاوز 30 ثانية تسمح للمشاه بالعبور


لاجل سلامتهم

ترى الزحمة صارت مثل الكابوس يعني لو فكرت ارد على نفس الشارع اخاف اطيح في زحمة ووانا عارف هالشارع كم بياخذ من وقتي ..

:)

[بومحمد المطاوعه]

بو محمد
خلهم يحطون جسور بالاول وبعدين اسأل ليه يعبر الشارع
اذا مدرسة ولدي بشارع الثاني ويبي لي نص ساعه ارجع يوتيرن
لا اقطع الشارع احسن
ادري ان خطر بس الجهة المسؤوله نايمه في العسل عندك شارع حمد الكبير عندك مستشفى حمد وعندك الكورنيش وعندك المطار وعندك اماكن كثيره
بس فالحين الصور في الجرائد واكبر مشروع واعلى ميزانية للمشروع
وازيدك من الشعر بيت
سمعت بيسكرون دوار العبيدلي وبتصير اختناقات من كل صوب

بااااااااال

لاحول ولاقوه الابالله

ياخي مايفكرون ذيله

والله مانصحك تقطع الشارع

تعرض نفسك للخطر

خبرك الحين نص الي يسوقون مفهيين ويدعمون خلق الله

الله يحفظك وين مارحت

[بومحمد المطاوعه]

يفضل حل مشكلة العبور أولاً.
طيب تصليح السيارة نتيجة الحادث من يجب أن تكون علية، الصادم أم المصدوم؟


ان شاءالله نشوف حل

في قطر الصادم يعدل كل شي

اما في الأمارات اذا كان الي عابر الشارع في مكان غير مخصص للعبور

على المصدوم التحمل في كل شي

[بومحمد المطاوعه]

بو محمد ليش زعلان !


وكلامك صحيح تدري مرة انطرح موضوع عن ان الحريم يعبرون الشارع ويوقفون ويتمون يطالعونك ويكملون طريج وفعلاً المشاركات كانت كثيرة ..

طول بالك يبا

هههههههههه

والله صج طايحين فيكم يالحريم

مره ثانيه بكتب العنوان بأسم نساء :nice:

[بومحمد المطاوعه]

اخاف ادعمهم وانا مب منتبهه
لا ويلبسون اسود وهم سمر .. والاضاءه تبارك الرحمن
وكأنه يقول لك انا الى الموت والموت قريب مني


افففففف من الشيطان
كم حل اندور يا اخوي


والله صدقتي

بعض الاوقات مانشوفهم

الله يحفظنا منهم

[بومحمد المطاوعه]

قبل شوي اكلم راعي الدكان اذا يقدر يجيب لي اغراض للفندق وانا ساكن مجابله ...يقولي لازم اروح لين الاشاااره ..بعيده شوي .. واشقح الشارع لانه اذا المرور شافني اشقح للشارع من غير علامة مرور المشاه يوقفوني ويخالفوني 200 درهم... عاد قلت له انا من مساعه اشقح الشارع يقولي اذا يشوفون عربي مايخاللفونه بس يخالف هندي بنقالي سيرلانكي ..كسر خاطري

هالكلام ف دبي

صحيح يالذيب

حاسب تشقح
يخالفون الكل

بس القانون صارم هناك

مافي تلاعب

واذا حد دعمه مايتحمل اي شي ويكأنه داعم سياره

لايتوقف فالمركز ولا شي

والمصدوم يعدل الموتر الي داعمه

[بومحمد المطاوعه]

بما انك فتحت الموضوع

يجب على المسؤولين وضع جسر بين منطقة الروضة والهلال

بسبب عبور الطلاب واولياء امورهم الشارعين مما يعرضهم ويعرضنا للخطر

يعنى مايبلها شي

بديهيا يوضع جسر اذا وجدت مدرسة على شارعيين رئيسيين للحفاظ على اروح خلق الله

اي والله نتمنى

الله كريم
وان شاءالله نشوف حل في هذا الموضوع

[بومحمد المطاوعه]

من فتره كنت في العزيزيه وكنت بدعم طفل سوداني يركض وطلع بين سيارتين فورويل وركض جدام سيارتي ولولا رحمة رب العالمين كان لقيتو موضوع في المنتدى عن سائق متهور يودي بحياة طفل !!! .. بس بردت حرتي في هله لاني لحقته وكلمتهم بس للاسف شفتهم يلعبون في الشارع بعده باسبوع

حتى لو حطولهم جسر مشاة بيركضون في الشوارع لانها محتاجه ثقافه والعرب للاسف يبيلهم مخالفات وكيمرات تصورهم علشان ما يخالفون .. اما حماية لارواحهم فصعبه عليهم

الحمدلله ع السلامه

والله ياخوي مشكله ومصيبه

بس مانقدر نقول غير

الله يحفظنا

[بومحمد المطاوعه]

هذي المدرسة تحتاج دورية عندها

امس واحد اقل ما يقال عنه قليل أخلاق
موقف السيارة صف ثاني على الشارع العام !!
عطل الخط السريع كامل :anger1:

تعجبت من الزحمة يوم وصلت اكتشفت بسبب الأخ اللي واقف في الشارع و نازل المدرسة !!

بدل ما يكون عندنا 3 خطوط نمشي فيها
يغص واحد منهم و يسبب أزمة !!

بسبب استهتار البعض بحقوق الطريق

:anger1:

اي والله صارت مره معاي

اسم المدرسه نيوتن العالميه

وقف امريكي وسكر الشارع بس ماخليته
بلغت عليه والحمدلله ان الدوريه كانت قريبه

على طول خالفوه وتفاهمو معاه


على كيفه واقف ف نص الشارع

[وطن]

اي والله صارت مره معاي

اسم المدرسه نيوتن العالميه

وقف امريكي وسكر الشارع بس ماخليته
بلغت عليه والحمدلله ان الدوريه كانت قريبه

على طول خالفوه وتفاهمو معاه


على كيفه واقف ف نص الشارع

هذا ع الشارع العام
مب الخط الداخلي المحاذي للمدرسة
تمنيت وجود دورية

:weeping:

[بومحمد المطاوعه]

هذا ع الشارع العام
مب الخط الداخلي المحاذي للمدرسة
تمنيت وجود دورية

:weeping:

ادري الي صار لي ع الشارع العام