وقود تسببت في تعطيل سيارتي

[New Vision]

السلام عليكم


واحد من الربع صادته مشكله مع شركة وقود يقولي الدريول ماله راح حق وقود يعبي بترول بسيارة البيت وعقبها اتصل فيه لدريول وقاله وقود بدل ماتعبي بترول فل عبت ديزل فل:eek5:
يقول رحتلهم وقالو ماعليك احنا بنصلح سيارتك وبكره اتكون جاهزه المهم الريال بحسن نيه راح بكره لقى سيارته تشتغل وتقطع المهم قالهم السياره للحين عطلانه قالوله بنوديها للوكاله وبنصلحها على احسابنا المهم الريال متلعوز وماعنده سياره فطلب مني النصيحه يقول يبي يشتكي عليهم تتوقعون معاه حق وهل وقود بتعطيه تعويض والا لا؟؟وماهو نوع التعويض المستحق ؟؟

والسؤال الي اهم لو كنت في مكانه شبتسوي؟؟؟

[توشيبا]

مدام قالو بنصلحها في الوكاله علي ايش يشتكي?
واذا اشتكئ في ايش يطلب تصليح قالو بيصلحون له في الوكاله

[حسن]

وش بسوي بارقد على السواق بخيزرانه لين المطار

[بوحارب]

وش بسوي بارقد على السواق بخيزرانه لين المطار

وأنا نفسك

[New Vision]

مدام قالو بنصلحها في الوكاله علي ايش يشتكي?
واذا اشتكئ في ايش يطلب تصليح قالو بيصلحون له في الوكاله

السياره حتى لو تصلحت فالوكاله مكينتها تبطلت يعني لو حب ايبيعها بتقل القيمه والي اهم ان سيارته فالشركة وهو مستاجر سياره:)

[بونووف]

مادري شاقولك بس يعتمد على السيناريو... اذا وقف الدريول وقاله صب سوبر فل ولا ممتاز وذاك سمع ولا ماسمع ولا المفروض في لوحه تبين انه مكان الديزل

وبيني وبينك عمال وقود مايعرفون شي .....مره وديت موتر البيت ابدل له ايل فلتر وقالي الريال انه عندنا جهاز جديد يسوي لك فلاش للرديتر و نبدل لك ماي الؤديتر ...بعد مابدلوه اخترب عندي الواتر بمب وضرب الهد...

[New Vision]

وش بسوي بارقد على السواق بخيزرانه لين المطار

ههههههههههههههه هاي الحل في نظرك

[توشيبا]

وش بسوي بارقد على السواق بخيزرانه لين المطار

ان انا صح بعصب بس مب ضاربه

ايش باستفيد لو اضربه

مهما صار اهو انسان
ان كان فيه غلط الغلط مني انا اعتمدت عليه

[New Vision]

مادري شاقولك بس يعتمد على السيناريو... اذا وقف الدريول وقاله صب سوبر فل ولا ممتاز وذاك سمع ولا ماسمع ولا المفروض في لوحه تبين انه مكان الديزل

وبيني وبينك عمال وقود مايعرفون شي .....مره وديت موتر البيت ابدل له ايل فلتر وقالي الريال انه عندنا جهاز جديد يسوي لك فلاش للرديتر و نبدل لك ماي الؤديتر ...بعد مابدلوه اخترب عندي الواتر بمب وضرب الهد...

اخوي الديزل والبترول في بعض المحطات ماله مسار واحد المهم الدريول قاله فل سوبر والاخ حط ديزل:rolleyes2:

[New Vision]

ان انا صح بعصب بس مب ضاربه

ايش باستفيد لو اضربه

مهما صار اهو انسان
ان كان فيه غلط الغلط مني انا اعتمدت عليه

صح كلامك المسكين ماله ذنب وماتوصل للضرب:(

[New Vision]

وأنا نفسك

بوحارب طلعت راعي مشاكل ماتعرف الا الطق:secret:

[باندول]

نفس الشي بدلوا اييل وحطوا له معاه غرشه صغيرة ويوم سائلتهم ليش قالوا هذا مثل قريسس لمكينه بعد يومين تسكر فلتر الاييل التي تحت الكرنكيس واختربت ترمبه الااييل وخبط الموتر
وتصليح كله على حسابي ... يقولك مالنا خص
الله المستعان

[New Vision]

نفس الشي بدلوا اييل وحطوا له معاه غرشه صغيرة ويوم سائلتهم ليش قالوا هذا مثل قريسس لمكينه بعد يومين تسكر فلتر الاييل التي تحت الكرنكيس واختربت ترمبه الااييل وخبط الموتر
وتصليح كله على حسابي ... يقولك مالنا خص
الله المستعان

اخوي مافي شي اسمه مالنا خص حلوه هذي يدمر سيارتك ومايدفع تصليحها تخيل كنت في قراج بتسامحه؟؟

[ابوعلي]

والله ياخوي كان بامكانهم من البداية يشيلون يدهم ويقولون ان السايق هو الي طلب منهم وهم نفذوا

وبما انهم بيصلحون السيارة بالوكالة فالحمدلله وعطهم مجال اخوي بما انهم يتحملون كل شي ومافي حل ثاني اخوي والخوف ان تشتكي ويطلعون لك بالف حجة

[باندول]

اخوي مافي شي اسمه مالنا خص حلوه هذي يدمر سيارتك ومايدفع تصليحها تخيل كنت في قراج بتسامحه؟؟

الفواتير موجودة ...لكن سيارة اختربت بعد يومين القانون يقولك لو حنا خربنها بيكون الخلل بنفس اليوم

[New Vision]

والله ياخوي كان بامكانهم من البداية يشيلون يدهم ويقولون ان السايق هو الي طلب منهم وهم نفذوا

وبما انهم بيصلحون السيارة بالوكالة فالحمدلله وعطهم مجال اخوي بما انهم يتحملون كل شي ومافي حل ثاني اخوي والخوف ان تشتكي ويطلعون لك بالف حجة

لا اخوي مايقدرون ينكرون لان الريال مراح يسكت عن حقه فقالو انسكته ونصلح سيارته والمشكلهم انهم بعد التصليح السياره للحين عطلانه يعني المشكله صارت فالمكينه والشركة مراح تصلح المكينه الا بعد تبطيلها فالريال يخاف ان السيارة ماتجيبله سعر بعد البيع

[..er..]

المشكله هينه

اما من ناحيه الدريول اما انه وقف صوب الديزل ويعتبر الغلطان والشركه ماقصرت بتصلح الموتر او انه قال مثل ماقالوا الشباب قبلي سوبر ولا ممتاز فل ومانبهه العامل

اما من صوب السياره اذا مشى فيها واجد فهنا المشكله اما اذا ماتعدت 4 لـ 5 كيلو ف امرها سهل يدخلها الشركه على حساب وقود ويبدل الفيول اللي بتانكي البترول وينظف بيبات البترول كلها بهواء ويغسلها ببترول سوبر وينظف البخاخات عند الشركه طبعآ وانتهى الموضوع بتقطع تقريبا عشر دقايق عقب بتصفى وبتصير نفس قبل واحسن وعلى فكره يعتمد على نوع الموتر :)
اما الدريول ف ينخصم عليه على كل حال وينقال له مره ثانيه اذا صارت هالمشكله او غيرها من المشاكل لا قدر الله ترى بخصم منك اكثر عشان ينتبه للموتر وللوضع لانه جاي يعيش مب جاي ينخصم عليه والله يوفق ان شاء الله

[ابوعلي]

لا اخوي مايقدرون ينكرون لان الريال مراح يسكت عن حقه فقالو انسكته ونصلح سيارته والمشكلهم انهم بعد التصليح السياره للحين عطلانه يعني المشكله صارت فالمكينه والشركة مراح تصلح المكينه الا بعد تبطيلها فالريال يخاف ان السيارة ماتجيبله سعر بعد البيع

ياخوي هل وقود خذوا السيارة وصبوا فيها ديزل ولا السايق راح ناحية الديزل وقالهم صبوا

[New Vision]

ياخوي هل وقود خذوا السيارة وصبوا فيها ديزل ولا السايق راح ناحية الديزل وقالهم صبوا

اخوي الريال يقول المحطه الي صارت فيها المشكله مافيها قسم خاص للديزل كلها مع بعض :)

[قطريه22]

وش بسوي بارقد على السواق بخيزرانه لين المطار



وين الرفق بالخدم والدريوليه والا بس طايحين في مواضيع الحريم ودت خدامه وشيلتها اغراض ويدها تكسرت
وانت مع بوحارب بتسطرون الدريول خوش والله :anger1:

[باندول]

وين الرفق بالخدم والدريوليه والا بس طايحين في مواضيع الحريم ودت خدامه وشيلتها اغراض ويدها تكسرت
وانت مع بوحارب بتسطرون الدريول خوش والله :anger1:

كلام بس ولا هو هنوده في البيت عاسفينه عساف :tease:

[قطريه22]

كلام بس ولا هو هنوده في البيت عاسفينه عساف :tease:



ههههههههههههه صج ياحسن انت وبوحارب :anger1:

[New Vision]

كلام بس ولا هو هنوده في البيت عاسفينه عساف :tease:

:secret:

[Aaziz]

السلام عليكم

اخوي الامر بسيط دامهم قالو بنصلح السياره ،، و المكينه ماراح تبطل

الي بيصير انهم بينزلون خزان البترول و بيفظونه من الديزل و بيغسلونه + تبديل البخاخات + تبديل فلتر البترول و الفيول بمب + ينفخون هوى في بيبات البترول الي توصل من الخزان لين المكينه .

وكان الله غفور رحيم .. صارت لنا سابقا
و الدريول مش ذنبه اذا انه وقف في المكان الصحيح ، وحتى لو انه اخطا فهو يعتبر خطا فقط اذا ماكان مقصود

[بوخالد911]

الله يعيينك

اطلب تعويض 3 مليون

يمكن بتصفى ع 500 الف

حلوووووووووووووين

ولا تنسى عمولتي

خخخخخخخخخخخخخخخ

[New Vision]

السلام عليكم

اخوي الامر بسيط دامهم قالو بنصلح السياره ،، و المكينه ماراح تبطل

الي بيصير انهم بينزلون خزان البترول و بيفظونه من الديزل و بيغسلونه + تبديل البخاخات + تبديل فلتر البترول و الفيول بمب + ينفخون هوى في بيبات البترول الي توصل من الخزان لين المكينه .

وكان الله غفور رحيم .. صارت لنا سابقا
و الدريول مش ذنبه اذا انه وقف في المكان الصحيح ، وحتى لو انه اخطا فهو يعتبر خطا فقط اذا ماكان مقصود

اخوي عزيز كل الكلام الي قلته صار نزلو التانكي ونظفوه وتم الموتر عندهم يوم كامل بس بعد ماتصلح فقالهم الريال ودوه للشركة ووافقو المهم الشركة قالت مش اقل من ثلاث ايام اذا مو اكثر والريال ماعنده موتر حق البيت يبي يستاجر مش المفروض من وقود عالاقل يعطونه موتر مؤقت بدل مايطالبهم بموتر يديد

[New Vision]

الله يعيينك

اطلب تعويض 3 مليون

يمكن بتصفى ع 500 الف

حلوووووووووووووين

ولا تنسى عمولتي

خخخخخخخخخخخخخخخ

وين ثلاثه مليون لو عطوه قيمة سيارته زين ويمكن مايعطونه شي بعد

[الجنوبي]

الخطأ مشترك بين السايق وعامل المحطة
الله يكون بعون راعي الموتر والله يعوضه خير

[New Vision]

الخطأ مشترك بين السايق وعامل المحطة
الله يكون بعون راعي الموتر والله يعوضه خير

جزاك الله خير بس عندي سؤال شلون مشترك ممكن توضيح

[الجنوبي]

جزاك الله خير بس عندي سؤال شلون مشترك ممكن توضيح

يعني السايق كان لازم يتأكد قبل لايعبي والعامل لازم ينبه السايق

[Aaziz]

اخوي عزيز كل الكلام الي قلته صار نزلو التانكي ونظفوه وتم الموتر عندهم يوم كامل بس بعد ماتصلح فقالهم الريال ودوه للشركة ووافقو المهم الشركة قالت مش اقل من ثلاث ايام اذا مو اكثر والريال ماعنده موتر حق البيت يبي يستاجر مش المفروض من وقود عالاقل يعطونه موتر مؤقت بدل مايطالبهم بموتر يديد

ما اخبر وقود يبدلون بخاخات سيارات ؟

في الوكاله بيظبطون الامور ان شاءالله

خل هو يستاجر سياره اذا فعلا ماعنده سياره و يدفع لمكتب الاجار و يجيب لهم الفاتوره

[غير البشر]

اخوي الغلط من الاثنين

الخطأ :

اكيد السايق وقف مكان الديزل
والخطأ منهم انهم مانبهوه ولا قالو له بما ان الشي غريب سياره كذا وتعبي ديزل


الحل :

نفس ماقالو يصلحون السيارة في الوكاله
وتعويضه بسياره تقضي مشاويرك لين تطلع السياره من الوكاله

[New Vision]

ما اخبر وقود يبدلون بخاخات سيارات ؟

في الوكاله بيظبطون الامور ان شاءالله

خل هو يستاجر سياره اذا فعلا ماعنده سياره و يدفع لمكتب الاجار و يجيب لهم الفاتوره

طيب سؤال اخوي واذا بطلو المكينه وعنده تقرير من الوكاله برايك شيسوي

[New Vision]

اخوي الغلط من الاثنين

الخطأ :

اكيد السايق وقف مكان الديزل
والخطأ منهم انهم مانبهوه ولا قالو له بما ان الشي غريب سياره كذا وتعبي ديزل


الحل :

نفس ماقالو يصلحون السيارة في الوكاله
وتعويضه بسياره تقضي مشاويرك لين تطلع السياره من الوكاله

شلون ياخذ تعويض مراح يعطونه لانه خذو السياره فقط

[مضارب دوسري]

اخوي الديزل والبترول في بعض المحطات ماله مسار واحد المهم الدريول قاله فل سوبر والاخ حط ديزل:rolleyes2:

على ماظن وقود محطاتها فيها مسار للديزل

اذا كذلك فالعيب من الدريول ويستاهل مثل ما قال حسن

[صمت الرحيل]

اعتقد كلامك واضح قالوا له بنصلح السياره يعني ماله داعي للشكوى ولا للضرب قدر ﷲ وماشاء فعل كل شي بالتفاهم وبتوصل لحل ان شاء ﷲ

[مضارب دوسري]

انا لو من رفيجك
اكتب موضوع اقول
شكرا وقوود

[New Vision]

انا لو من رفيجك
اكتب موضوع اقول
شكرا وقوود

على شنو شكرا انهم عطلو اشغاله وعطلو سيارته واذا قصدك التصليح فهذا حق له وزين منه رضى بالتصليح فقط

[New Vision]

اعتقد كلامك واضح قالوا له بنصلح السياره يعني ماله داعي للشكوى ولا للضرب قدر ﷲ وماشاء فعل كل شي بالتفاهم وبتوصل لحل ان شاء ﷲ

كلام جميل

[shadad]

اخوي الديزل والبترول في بعض المحطات ماله مسار واحد المهم الدريول قاله فل سوبر والاخ حط ديزل:rolleyes2:

نفس كلامك ...الدريول شكله حول الديزل او في شي ثاني صار. لان لو كان كذا معناته الدريول الغلط منه وعلى باله بالهند ديزل في ديزل ....بس وقود بتصلح له ! معناته في شي ثاني .

حتى المحطات القديمه مسار الديزل مختلف وبعيد ( تلقاه اخر سيد وحده مكينتين تعبية تقريبا ).

[مضارب دوسري]

على شنو شكرا انهم عطلو اشغاله وعطلو سيارته واذا قصدك التصليح فهذا حق له وزين منه رضى بالتصليح فقط

لا غلطان اخوي
لو مثلا حد دعمك فالشارع والغلط عليه
بيصلح سيارتك التامين اللي عنده

تقدر محطة وقود تقول روح اشتك وارفع قضيه ولما يطلع الحكم بندفع لك سعر تصليح السياره اللي حكم فيه القاضي
يعني انطر سنتين :)

اعتبرها دعمه
والغلط عالثاني

مع ان الخطا مشترك من الدريول والمحطه لان الدريول وقف بمكان الديزل ومب من وظيفة اللي يشتغل هناك ينبهه وشغلهم يعبون بترول ديزل وبس


زين ان وقود رضوا يصلحون سيارته

[عاشق العديد]

السلام عليكم ..

محطات وقود معروفه ... كل الاماكن فيها البترولين العادي والسوبر ..

لكن الديزل مكتوب عليه بروحـه ديزل ..
من ناحيتي اقولك لايشتكي قضيته بيخسرها ..

[@north_star@]

انا الي مستغرب منه شلون عبى ديزل بنفس مسار البنزين السوبر او العادي ؟!!!!!!

مسارات مضخات الديزل بروحها وما تكون مع مضخات البنزين العادي ...

الا اذا السايق ثور وراح مسار الديزل والاثور منه العامل مال وقود

[ولد الشحانية]

الدريوول هو الغلطان اتوقع

[وليف الشوق]

لو جينا للقانون !! شركة وقود مالها خص بالموضوع ويشهد الله مش دفاع عن الشركة لكن من اللي سمعته وتصورته ان الحق يطلع على السائق !! وننظر للقضية بصورة دقيقة هل قامت وقود بأجبار السائق بتعبئة البنزين نوع (( ديزل )) ؟ الصورة الثانيه اين وقف السائق بالضبط ؟ المعروق عن وقود ان جهاز الوقود يشمل على 3 انواع من البترول معدن وفضي وذهبي !! والسؤال اهو اين وقف السائق بالسيارة ؟ هل في حارات او قسم الوقود في الانواع الثلاث المذكورة او في قسم وحارة (( ديزل )) السؤال الثالث هل السائق يعرف القراءة والكتابة (( عربي / انجليزي )) السؤال الرابع هل قام السائق بالوقوف في المكان المخصص لتعبئة نوع الوقود ؟ للعلم ان عامل الوقود يقوم بالتعبئة فقط ولا يقوم بنصح السائق عن نوع الوقود المستخدم للسياره 0
اذا ملامسات القضية من صالح شركة وقود واعتقد ان القضية تحفظ لعدم وجود الادله الكافيه مع تحمل الطرف الثاني تكاليف اصلاح السيارة لغباء السائق مع احترامي الشديد له
بس سؤالي اهو ليش قبلت وقود تصليح السيارة ؟


ههههههههههههههه ياجماعه الخير ترى والله انا مب محامي لكن وضعت التصور المنطقي هذا من فكري وسماعي للموضوع من صاحب العلاقة او الكفيل
والله يعوض عليك

[رجل مثالي]

الخطأ من وقود الاذكياء