محتاجة نصحية

[قطرة مسك]

السلام عليكم ورحمة الله وبركاته ،

محتاجة نصايح تقدمونها لي ، للي عنده خبرة سابقة وتوظف

عندي مقابلة يوم الخميس ، مقدمة على احد الوزرات ،

بعتبرها اول وظيفة لي ، وانا خايفة من المقابلة ايش اقول فيها وايش اسوي :shy:

انتظر دعمكم .. ..... من النصايح
وادعوا لي الله يكتب لي الخير في هذي الرظيفة

[باندول]

الله يوفقك يارب ويسهل امرك

مافي داعي لربكه وتسوين لنفسك قلقان

ان كان توظيفك اداري ان شاء الله بيسون لك اختبار انجليزي بسيط

كم سوال وبيمشي الموضوع او كتابه انجليزي يمكن كم سطر

استعيني بالله وان شاء الله امورك طيبه

[storm..]

الثقه
الهيئه
اعلوم الدوله خاصتن اسامي الوزارء

هاي اهم ثلاثه يقيمون عليه الشخص
اما الباقي بتيسر ان شاء الله
وطمنينا بعد المقابله شسويتي

[R 7 A L]

ماله داعي الخوف

ان تم قبولك للوظيفة فليس طيب او جميل منهم
فهي حق من حقوق المواطنين

وان ماحصل نصيب ابحثي عن غيرها

من هذا المنطلق توكلي على الله

[غير البشر]

صباح الخير اختي في كذا اسأله دايما تنطرح :

1- سبب رغبتك بالعمل في هذه الوزاره

مثلا اجابتج احب طبيعه عمل هالوزاره وتناسبني وان شاء الله راح
ابدع بالعمل فيها

2- خذي معلومات بسيطه عن الوزاره عن طبيعه عمل الوزاره

3- يختبرونج بأوقات الدوام مثلا :


يقولون لج ننقلج أي مكان براحتنا
هنا الي يهمهم يشوفون تعبير وجهج اذا فيج صدمه او متفاجأه
يعني الانطباع الاول فأنتي خلج عادي وواثقه ماعندج مشكله تشتغلين أي مكان :victory:

4- يقولون اوقات الدوام من كذا الى كذا وماعندنا اذن خروج

نفس الطريقه يشوفون تعبير وجهج قبل الرد
قولي موافق او ماعندج مانع :victory:

لاتبيين لهم انج خايفه خلج واثق ومرتاحه لاترددين وجاوبي بكل ثقه واريحيه

ترا بعدها سهالات تتغير الامور كلها ههههههههههههههه


وبالتوفيق ان شاء الله :nice:

[OM_OMAR_QATAR]

اهم نقطة .. كوني طبيعية ولا تتكلفين لا بالتصرف ولا بالردود

واهم نقطتين يترقبوها بأي موظف ..

الثقة بالنفس... والطموح بالتعلم



وبس

[panda]

صباح الخير
اود ان اضيف شئ هو ان حتى لو في البداية جاك سترس هذا عادي، بعد دقائق قليلة هذا السترس يزول و بترتاحي ان شاء الله، كوني طبيعية في اجوبتك. و بالتوفيق

[فريج النجادة]

اهم شي صلاة الاستخارة

[المحاميه]

موفقه يارب
كوني واثقه من اجاباتج وﻻتخلينهم يشككونج فيها

[نور الحور]

أهم شي قطرة لا تتوترين وتقولين لهم :
كان كان كان كان كان ...
يا مكان يا مكان يا مكان ..:secret:


ههههههههههههههه ..بيتمللون ترى وماراح يقبلونج ..حذرتج وأنتي بكيفج :tease:

لأ..صج الإخوان والأخوات كفوا ووفوا ..
أنتي اطلعي على معلومات تخص الجهة اللي بتقابلج وطبيعة عملها واسم الوزير ..
وخلج مستعدة لأسئلة تختبر جديتك وقدرتج على التحمل مثل ساعات الدوام الرسمي، طبيعة العمل ، ..الخ ..لا تبينين لهم بالقول ولا بلغة الجسم إنج منزعجة او مو قابلة هالشي ..
بعدين ضروري يكون كلامج واضح ومحدد ونبرة صوتج واثقة وثابتة وجلستج مستقيمة وماتكثرين وايد من هز الرجل مثلاً أو تكثرين من حركات اليدين ..
خلج مبتسمة وواثقة وعلى تواصل بصري مع اللي تسألج ..
وبالنسبة لخبراتج حاولي توضحينها وتشرحين استفادتج منها أكثر ..
أما لو سألوج عن طموحج فكوني إيجابية وخلج متفائلة وواثقة وابتعدي عن إجابات تمثل قلة الحيلة أو ضعف الشخصية ..وطبعاً الاستخاااارة ..والله يوفقج يارب:victory:

[قطرة مسك]

اشكركم على ردودكم الطيبة ... والله يسهل ويكتب الي فيه الخير
وجزاكم الله خيررا

[رحال]

أختي قطرة مسك ..

أولاً أسأل الله إن يوفقك في الوظيفة الجديدة

هناك عدة أمور يجب أتباعها للنجاح في أي مقابلة أرجو أن تفيدك

عليك بالهدوء مهما كان حجم الضغط النفسي الواقع عليك

لا تدعي محدثك يشعر أنكِ مرتبكة

لا تعطي الموضوع أكبر من حجمه: يعني كوني مطمئنة فالموضوع لا يعدو كونه

نوعا من السيناريو المعد من قبل محدثك يهدف من وراءه التعرف كيفية تصرفك

عند وقوعك تحت ضغوط نفسية واعلمي أن محدثك لا يحمل أي نوايا سيئة

ضدك شخصياً إنما هو يهدف إلى اختبار تصرفاتك في موقف معين

ابعدي أي مشاعر إحباط في تفكيرك: اجعلي تفكيرك ايجابي وانكِ سوف

تجتازين المقابلة بنجاح تحكمي في نبرات صوتك ،كوني واثقة بنفسك مبتسمة

اظهري الحماس للعمل، انظري الى محدثك

انتقي الألفاظ المناسبة للرد على محدثك

أخيرا : وفقك الله ومبروك مقدما .. أنتي قدها

[قطرة مسك]

أختي قطرة مسك ..

أولاً أسأل الله إن يوفقك في الوظيفة الجديدة

هناك عدة أمور يجب أتباعها للنجاح في أي مقابلة أرجو أن تفيدك

عليك بالهدوء مهما كان حجم الضغط النفسي الواقع عليك

لا تدعي محدثك يشعر أنكِ مرتبكة

لا تعطي الموضوع أكبر من حجمه: يعني كوني مطمئنة فالموضوع لا يعدو كونه

نوعا من السيناريو المعد من قبل محدثك يهدف من وراءه التعرف كيفية تصرفك

عند وقوعك تحت ضغوط نفسية واعلمي أن محدثك لا يحمل أي نوايا سيئة

ضدك شخصياً إنما هو يهدف إلى اختبار تصرفاتك في موقف معين

ابعدي أي مشاعر إحباط في تفكيرك: اجعلي تفكيرك ايجابي وانكِ سوف

تجتازين المقابلة بنجاح تحكمي في نبرات صوتك ،كوني واثقة بنفسك مبتسمة

اظهري الحماس للعمل، انظري الى محدثك

انتقي الألفاظ المناسبة للرد على محدثك

أخيرا : وفقك الله ومبروك مقدما .. أنتي قدها

مشكور اخوي رحال على نصايحك الاخوية ، والله يجزاك خير ،
دعواتك لنا بالتوفيق

[ابوعلي]

ما قصروا الاخوان والخوات في النصايح وموفقة ان شاء الله

[قطرة مسك]

دعواتكم لي ... المقابلة اليوم الخميس

[storm..]

بشرينا اختي ان شاء الله عدت على خير ؟؟

[حسن]

شدعوه الا وزاره حكوميه

بالتوفيق

[قطري 777]

السلام عليكم ورحمة الله وبركاته ،

محتاجة نصايح تقدمونها لي ، للي عنده خبرة سابقة وتوظف

عندي مقابلة يوم الخميس ، مقدمة على احد الوزرات ،

بعتبرها اول وظيفة لي ، وانا خايفة من المقابلة ايش اقول فيها وايش اسوي :shy:

انتظر دعمكم .. ..... من النصايح
وادعوا لي الله يكتب لي الخير في هذي الرظيفة


اثقلي بسسس وخلج عاديه الي في القدر يطلعه الملاسسس .

[قطرة مسك]

:weeping:

[حسن]

:weeping:

افا شنهو بشري

ناجحه ولا

:omg:

[قطرة مسك]

اول ماجيت ابي ادخل الباب ، خفت ورجعت البيت

[قطرة مسك]

:weeping: من امس ارق

[حسن]

اول ماجيت ابي ادخل الباب ، خفت ورجعت البيت

بل شدعوه وين داشه سجن شلون جذي
شلي يخوف عادي الا وزاره حكوميه ناجحه بدون اختبار
:)

[حسن]

:weeping: من امس ارق

افا يابنت الامور عاديه ومنزله موضوع يغششونك
واخرتها ارق ومحاتاه ولا دخلتي بعد
لا
لا
لا

مش مقبول كلش
:nono:

[قطرة مسك]

:weeping:


بل شدعوه وين داشه سجن شلون جذي
شلي يخوف عادي الا وزاره حكوميه ناجحه بدون اختبار
:)

[storm..]

هههههههه افا نصائح شباب راحت على الفاضي يالخوافه :tease:

[ابوعلي]

اول ماجيت ابي ادخل الباب ، خفت ورجعت البيت

والله انتي :anger1::anger1:

ونصايح واستهلاك احرف ومشاركات وموضوع واخر شي خفتي ورجعتي :(

[نور الحور]

قطرة :anger1::anger1::anger1::anger1::anger1::anger1::a nger1::anger1::anger1::anger1::anger1::anger1::ang er1::anger1::anger1::anger1::anger1::anger1:

[نور الحور]

انتي من كتبتي العنوان محتاجة (نصحية) وأنا متشككة بالنتيجة:anger1::anger1: :(

[ابوعلي]

قطرة :anger1::anger1::anger1::anger1::anger1::anger1::a nger1::anger1::anger1::anger1::anger1::anger1::ang er1::anger1::anger1::anger1::anger1::anger1:

شوي شوي بكسي لها :shy:

[نور الحور]

شوي شوي بكسي لها :shy:

لأ ..بس اشتطيت شوي :shy:

[قطرة مسك]

:weeping:
لا تذكروني بما مضى ،

[قطرة مسك]

بنام ... تصبحون على خيرر