إلغاء نظام إستئجار الوزارات للسيارات

[رجل الجزيرة]

http://www.al-sharq.com/NewsImages//2013/10/1/2f41c1c6-a23a-4334-a032-2c84065d0d5e.jpg
وزير المالية



01:21 ص

1
أكتوبر
2013


الدوحة - بوابة الشرق:

ألغى سعادة السيد على شريف العمادى وزير المالية العمل بالقرار الخاص بإستئجار الوزارات والمؤسسات والأجهزة الحكومية للسيارات عن طريق مكتب منظمة سيارات الأجرة الوطنية بنسبة 30 % من إجمالى عدد السيارات المطلوبة لتغطية إحتياجات المؤسسات والأجهزة الحكومية. وعلمت "بوابة الشرق" أن سعادة الوزير طالب فى قراره الوزارت والهيئات بضرورة توفيق أوضاعها خلال فترة أقصاها ستة أشهر تطبيقاً لقرار مجلس الوزراء. وتفيد متابعات "بوابة الشرق" بأن هذه الخطوة تستهدف ترشيد الإنفاق الحكومى وضبطه.

http://www.al-sharq.com//Detail/news/64/أخبار/308809/إلغاء-نظام-إستئجار-الوزارات-للسيارات

[R 7 A L]

يعني الي عنده واسطة بيستأجرون منه
والي ماعنده الله يعينه

[فارس قطر333]

مع انها كانت فاتحه بيوت

[ضوى]

الحين هالفساد الاداري والمالي المستشري ، والرواتب الخيالية لبعض ... ، مابي اقول حتى مايقولون عني عنصرية ، جات على هالفقارى اللي يترزقون من دخل هالسيارات وفاتحين بيوت بها هي اللي بتساهم في ترشيد النفقات ؟؟

[حسن]

قرار سليم لوقف التلاعبات والاستغلال وموفق ياسعاده الوزير

[شبح الصمت]

قرار صائب في محله ولكن يجب النظر فيه من عدة نواحي ..

اعطاء فرصة للاسر المتعففة وحطو عليها ( مليون قوس )
المتقاعدين من كبار السن ..
ذوي الاحتياجات الخاصة ..

استملاكهم لسيارت وتآجيره على

لانه مع احترامي وهالشيء حاصل ادخل رفيجي ورفيج رفيجي والي اعرفه يمون علي او اشتري لي موتر وسجله باسم رفيجي وقوله دخله الوره وبعطيك مبلغ في اشياء تصير ونسمع فيها ..

[OM_OMAR_QATAR]

مردودها سيء

[juma]

يا مالكم من الخير يا هل قطر بيقلقصونكم لين ينتفون ريشكم سياست نفخ المنفوخ وشفط المفشوش انا اخاف يجيبون مواطنين غيرنا يعني احلال .

[لـبـيـه]

يا مالكم من الخير يا هل قطر بيقلقصونكم لين ينتفون ريشكم سياست نفخ المنفوخ وشفط المفشوش انا اخاف يجيبون مواطنين غيرنا يعني احلال .

لك راتبك وبس :secret:

[شموخ دائم]

,

,

مرحبا

السؤال !!

من وين بيجيب سيارات للوزاره !!

بيشتري جديد !! من الوكاله !!

لازم يكون عنده ورشه صيانه !! وكذا نرجع للنظام القديم الاعتده الميكانيكيه
:)

او

بياخذ من ( مكاتب الاستئجار ) !!

في وظائف لازم يكون عندهم سيارات خاصه المفتشين والي عملهم في الميدان !!


يحتاج توضيح الموضوع

,

,

اخوك


شموخ دائم

[أم هشام]

الحين هالفساد الاداري والمالي المستشري ، والرواتب الخيالية لبعض ... ، مابي اقول حتى مايقولون عني عنصرية ، جات على هالفقارى اللي يترزقون من دخل هالسيارات وفاتحين بيوت بها هي اللي بتساهم في ترشيد النفقات ؟؟
:nice::nice:

[سلطان زمانه]

اذا الوزير تهمه مصلحة الدوله فعليه أول شي يلتفت حق الأسكان ويشوف البيوت الفاضيه والمجمعات الفاضيه والعمارات الفاضيه اللي مأجرتها الدوله من الهوامير وتدفع لهم مقدم واذا الواحد يدور على بيت للاستأجار يقول لك سعر خيالي والسبب يقول لك الأسكان يدفع ومافي بيوت وشقق فأضيه

تخيلوا لو يطلع هالقرار ويكنسلون كل البيوت والمجمعات والعمارات اللي مش مستفيدين منها
الكل راح يستفيد بينزل سعر العقار وبيقل التضحم واشياء وااايد راح ترخص
والدوله راح تحافط على المال العام وبيصير صج ترشيد الأنفاق

مب ترشيد الأنفاق في سيارات الوره اللي فئات المواطنين القطريين مستفيدين منه وفي تحسين معيشتهم
ومستوى الدخل للمواطن اللي مب ملحق على الغلاء الفاحش في ابسط الاحتياجات

وممكن مثل ماقترح وزير الماليه مقترح الوره على مجلس الوزراء
يقدر في الاجتماع الجاي يقترح موضوع الأسكان ويلغي جميع العقارات اللي الدوله غير مستفيده منها
وبدال مايصير ترشيد في سيارات الوره ونقول مثلا 100 مليون
راح يصير ترشيد قي بيوت وعقارات الأسكان 1000 مليون

[Riku3]

صح ان القرار بيخسر ناس بس الكل يشوف التجاوزات والمصالح الي تدخل بهالشغله وهذا غير العمولات الي تندفع وهي حرام ..

التنظيم زين والحين في جهه حكوميه خاصه للمواصلات تقدر تمسك الموضوع وتتحكم فيه بشكل افضل.

[تاسيتوس]

سياسة الترشيد والضبط مطلوبة بس ماتوقف هنا ؟ , وياليت قبل هالقررات تنزل لنا دراسات تقول من كان المستفيدين من نظام الاستئجار ووش عيوبه وليش تم وقفه ووش البديل؟

[الكواري 1972]

لو عرف السبب بطل العجب

كل واحد يدور مصلحته وين

ولازم او مانكسر انكسر في المساكين

لهم الله

ايش قالو الربع

قالو هدر للمال
سبحان الله

[khalid525]

قرار سليم يا وزير المالية ، وعقبال ما تنظم الاجارات الحكومية اللي محد عارف شلون نظامها . الله يقويك

[New Vision]

كالعاده قرار يضر المواطن اما الابراج الي يؤجرونها ب4مليون ونصها فاضي مايقدر يتكلم فيها والسيارات الي تؤجر ب3500 فاليوم الي تابعه لجهات هو يعرفها ماتكلم فيها بس شاطر على المساكين

[عاشق العديد]

قرار سليم لوقف التلاعبات والاستغلال وموفق ياسعاده الوزير


كلام سليم تمام التمـام

[رجل مثالي]

يعني الي عنده واسطة بيستأجرون منه
والي ماعنده الله يعينه



صح كلامك المفروض ما ينلغي مشروع تأجير السيارات لان في ناس

محتاجه من هذا الدخل في ظل الازمه في أرتفاع الاسعار في كل شئ