«مسؤؤلك .. مديرك سكير !!»

[دااانة قطر]

السلام عليكم ورحمة الله وبركاته





العنواان واضح
كذا مرة اجتمع بمجموعة من الأخوات من مختلف المؤسسات والهيئات وأتفاجىء لما تذكر وحدة منهم ان مسؤؤلها أو مديرها الأجنبي سكير ويجي الدواام مواصل .. تذكرت موظف عندنا يقولون عنه نفس الكلام وان احيان يدق على الموظفين ويهذي معاهم ويسكر
اللي ابي افهمه .. شلون الواحد يداوم وهو سكران؟؟
ايش راي الشباب وايش موقفهم مع هالنوعية؟؟
الأخوات الكريمات .. هل ترضين تكونين مع سكير في نفس القسم .. وشغلج يكون مباشر مع الشخص نفسه.. وهل تقدرين تشتغلين بأريحية في نفس المكاان ؟؟


لحد يقول ماصارت ولا ماعندنا .. لأني ماكنت بطرح الموضوع لو اني سمعته من شخص واحد؟؟


انتظر ردودكم؟؟

[رهج السنابك]

كل الاجانب سكرجيه

[ضوى]

لا حول ولا قوة الا بالله العلي العظيم

الواحد شيقول غير الله المستعان واكيد هالشي لا يرضي الله ولا يرضينا بس الشكوى لله

[w.qatar]

الله لا يبلانا بهالاشكال

انا بدون اي تفكير بشتكي عليه في الشرطه يجون يشيلونه يبي يسكر ينقلع بيته ما يجي الدوام

و سبق سمعنا عن دكتور في التاسيسي بجامعه قطر كان يسكر ويجي فوق الطاوله ويخربط ما كان يقدر حتى يتكلم البنات اشتكوا و الجامعه فنشوه

[شبح الصمت]

طبعاً اختي محدن يرضى هالشيء

ليش الواحد يوم يشوف نفس هالشخص يكلم الشخص المسؤول ..

يبلغ عليه قلعته يجون يسحبونه ويعطونه تعهد او انذار نهائي مافي انذار أولي لنفس هالاشكال

اذا احنا في حاجته لخبراته الله الغني عنها وهو بهالحالة يروح يسكر في بيته مهب يجينا طينه ..

العالم قامت تتسآهل في الخمر كانك تشرب بيبسي ..
واسمه صار يمر عاااادي على ألستـنا ونشوف فلان ونعرف فلان وندعي لهم بالهداية ..


الله يغفر لنا ويرحمنا

[حسن]

شوفي اذا هو سكران تجيب ولاعه وتشبها عند حلجه اذا بق فهو سكران
واذا مابق فهو مش سكران هذا احد الحلول

خليها تسويله كمين

[ودي أكون]

والله شيء يخوف .. ف قسمي سكير احس مستحيل اداوم مرتاحه او اقعد فقسمي بروحي .. مستحيل

صج شيء يخرع .. الله لا يبلينا

[دااانة قطر]

السموحة من الجميع راح ارجع لكم بس شدني رد الأخت



والله شيء يخوف .. ف قسمي سكير احس مستحيل اداوم مرتاحه او اقعد فقسمي بروحي .. مستحيل

صج شيء يخرع .. الله لا يبلينا


ايش اللي مخليج ساكته اختي ؟؟
الحمدلله لحد الان محد اشتكى ان اي سكير قام باي تصرف غير اخلاقي
لكن هل ننتظر ليما يصير شي كبير ؟؟
هل تضمنين ان الأخ بيكون في وعية طول الوقت وعلى طول؟؟

[قطريه22]

على طول باتصل الشرطه بابلغ عنه

لانه يشتغل في مكان خاص بالدوله وله احترامه فلم يجي سكران كأنه ماحترم المكان ولا الدوله

[الـراسي]

اللوم كله على اللي عين هالاشكال عندنا

والطامة الكبرى اذا ما كان هو بعد سكير

[بريق الحق]

السموحة من الجميع راح ارجع لكم بس شدني رد الأخت





ايش اللي مخليج ساكته اختي ؟؟
الحمدلله لحد الان محد اشتكى ان اي سكير قام باي تصرف غير اخلاقي
لكن هل ننتظر ليما يصير شي كبير ؟؟
هل تضمنين ان الأخ بيكون في وعية طول الوقت وعلى طول؟؟

هي تقصد ان ما تتخيل ان سكير يكون فالقسم

[Bozizoo]

بس تلفون بسيط برقم اسبشل 999
طريقة سهلة و بسيطة للغاية

[ودي أكون]

السموحة من الجميع راح ارجع لكم بس شدني رد الأخت

ايش اللي مخليج ساكته اختي ؟؟
الحمدلله لحد الان محد اشتكى ان اي سكير قام باي تصرف غير اخلاقي
لكن هل ننتظر ليما يصير شي كبير ؟؟
هل تضمنين ان الأخ بيكون في وعية طول الوقت وعلى طول؟؟

فهمتيني غلط شكلج :tease:

(( والله شيء يخوف .. ف قسمي سكير احس مستحيل اداوم مرتاحه او اقعد فقسمي بروحي .. مستحيل

صج شيء يخرع .. الله لا يبلينا ))
يوم قلت ف قسمي سكير .. يالسه اتخيل ان فقسمي سكير فمستحيل اداوم مرتاحه الخ
مو قصدي ان فقسمي في سكير ..

الله لا يبلينا

[ودي أكون]

هي تقصد ان ما تتخيل ان سكير يكون فالقسم

والله انته أوكيـه ..

محد فاهمني غيرك :tease:

[OM_OMAR_QATAR]

انا اسمع ايضا هالأمر..
احدهم عربي مقيم وحذروه اكثر من مرة ... المشكلة يجي 1 الظهر للدوام
تم فصله
واخرهم اجنبي خبير، ايضا تم فصله وابعاده من البلد لسوء تصرفاته واساسها السكر

واخرهم قطري والمشكلة يجي وحالته تعبانة وطبعا محد يقدر يفصله

[زود الهموم]

يخرب بيت النشعه مع الفجر

[Doha Sun]

نفس موضوعك اول امس كنا نتكلم فيه سكير وريحته فايحة تارسه الممر وازيد عليه يجيك مواصل ومبهدل ( ولد البلد ) .. وماقدر اكلم لاني تحت الصدمة اللين اللحين وفي اشياء لا تذكر

[دااانة قطر]

كل الاجانب سكرجيه



ادري ان كلهم او اغلبيتهم
لكن استغرب شلون يداومون؟؟
الله المستعان

[دااانة قطر]

لا حول ولا قوة الا بالله العلي العظيم

الواحد شيقول غير الله المستعان واكيد هالشي لا يرضي الله ولا يرضينا بس الشكوى لله


والنعم بالله
الله يكافيينا شرهم

[دااانة قطر]

الله لا يبلانا بهالاشكال

انا بدون اي تفكير بشتكي عليه في الشرطه يجون يشيلونه يبي يسكر ينقلع بيته ما يجي الدوام

و سبق سمعنا عن دكتور في التاسيسي بجامعه قطر كان يسكر ويجي فوق الطاوله ويخربط ما كان يقدر حتى يتكلم البنات اشتكوا و الجامعه فنشوه


اللهم آميــــــــن
زين والله اشتكوا عليه
يستااهل والنعم فيهم

[دااانة قطر]

طبعاً اختي محدن يرضى هالشيء

ليش الواحد يوم يشوف نفس هالشخص يكلم الشخص المسؤول ..

يبلغ عليه قلعته يجون يسحبونه ويعطونه تعهد او انذار نهائي مافي انذار أولي لنفس هالاشكال

اذا احنا في حاجته لخبراته الله الغني عنها وهو بهالحالة يروح يسكر في بيته مهب يجينا طينه ..

العالم قامت تتسآهل في الخمر كانك تشرب بيبسي ..
واسمه صار يمر عاااادي على ألستـنا ونشوف فلان ونعرف فلان وندعي لهم بالهداية ..


الله يغفر لنا ويرحمنا


للاسف اللي عندنا في الاداره سمعت عنه لكن مدري اذا في احد اشتكى عليه
عن نفسي ماقد شفته او حسيته سكران لان بعيد عن قسمي لكن اسمع عنه

الله المستعان

[دااانة قطر]

شوفي اذا هو سكران تجيب ولاعه وتشبها عند حلجه اذا بق فهو سكران
واذا مابق فهو مش سكران هذا احد الحلول

خليها تسويله كمين

تم ارسااال رابط الموضوع للجميع
يعني هو ببق بنفسه ولا ببق المكااان ؟؟!!:secret:

[دااانة قطر]

على طول باتصل الشرطه بابلغ عنه

لانه يشتغل في مكان خاص بالدوله وله احترامه فلم يجي سكران كأنه ماحترم المكان ولا الدوله

اتوقع اني بسوي مثلج
الف شكر لردج

[دااانة قطر]

هي تقصد ان ما تتخيل ان سكير يكون فالقسم

:shy: زين نبهتيني










المشكله مريت عالردود بسرعه وحسيت اني جالسه بمكانها



الف شكر

[دااانة قطر]

بس تلفون بسيط برقم اسبشل 999
طريقة سهلة و بسيطة للغاية



صج والله مافي اسهل من هالرقم
احسهم احفظوا رقمي

[دااانة قطر]

فهمتيني غلط شكلج :tease:

(( والله شيء يخوف .. ف قسمي سكير احس مستحيل اداوم مرتاحه او اقعد فقسمي بروحي .. مستحيل

صج شيء يخرع .. الله لا يبلينا ))
يوم قلت ف قسمي سكير .. يالسه اتخيل ان فقسمي سكير فمستحيل اداوم مرتاحه الخ
مو قصدي ان فقسمي في سكير ..

الله لا يبلينا



اي اشوه
واسمحي لي مرة ثانيه
بس تفاعلت مع ردج على بالي عندكم في القسم

:shy:

[دااانة قطر]

اللوم كله على اللي عين هالاشكال عندنا

والطامة الكبرى اذا ما كان هو بعد سكير



:omg::eek5::rolleyes2:







صدقت والله

[دااانة قطر]

والله انته أوكيـه ..

محد فاهمني غيرك :tease:



:weeping::weeping::secret::secret::weeping::weepin g:

[دااانة قطر]

انا اسمع ايضا هالأمر..
احدهم عربي مقيم وحذروه اكثر من مرة ... المشكلة يجي 1 الظهر للدوام
تم فصله
واخرهم اجنبي خبير، ايضا تم فصله وابعاده من البلد لسوء تصرفاته واساسها السكر

واخرهم قطري والمشكلة يجي وحالته تعبانة وطبعا محد يقدر يفصله



يعني القطري مايتحااسب
ذكرتيني بواحد في ....... دخلت باشتكي وقفت عند باب مكتبه ماعرفت شقول له بس الحمدلله وقف في صفي

[دااانة قطر]

يخرب بيت النشعه مع الفجر



يبي لهم
:telephone::telephone::telephone:

[دااانة قطر]

نفس موضوعك اول امس كنا نتكلم فيه سكير وريحته فايحة تارسه الممر وازيد عليه يجيك مواصل ومبهدل ( ولد البلد ) .. وماقدر اكلم لاني تحت الصدمة اللين اللحين وفي اشياء لا تذكر


هل ريحتهم خااايسه لهالدرجه؟؟ اكثر من مدمن الزقاير يعني ؟؟

[بريق الحق]

هل ريحتهم خااايسه لهالدرجه؟؟ اكثر من مدمن الزقاير يعني ؟؟

هههه ريحتهم عادي ينفخ على ويه واحد يغمى عليه الي قدامه

[OM_OMAR_QATAR]

يعني القطري مايتحااسب
ذكرتيني بواحد في ....... دخلت باشتكي وقفت عند باب مكتبه ماعرفت شقول له بس الحمدلله وقف في صفي
هو الأولى عدم طرده طبعاً
لانه ابن البلد ووراه عائلة مقتولة بسببه ..
لكن الاجدر يتقوّم او يتعنف غصب عنه ..

الله يهديهم
والله اكيد ان كثير ناس دخلت هالسالفة عن طريق " تجربة " او " فضول"
او " صديق سوء " .........
وتبي تطلع من هالجو ومو قادرة

هذا الفرق بين هالفئة وبين الي عاجبتهم السالفة ومو على بالهم


تبين تشوفين سكارة صج ؟ اطلعي الشارع بعد 1 بالليل ..
( لاتسويها صج )
مرة واحد من هلي طالع يلف حولين البيت بالمنطقة على 1 بالليل او تزيد شوي
كان بيطيره كروزر ... واضح جداً انه ع الاخر لانه يخرط بالشارع يمنة ويسرة
وعل بعد 100 مترة واقفة شرطة .. ماذكر من اي فئة صراحة
اخوي راح له يقوله هذا سكران ...
يرد عليه.. راح بعد خله بطريقه عسا يوصل لاهله سالم

:secret:

والله على ما اقول شهيد :telephone:

[بومحمد المطاوعه]

بعيد الشر

اللهم لاتبلينا بهذا الأمر

والله شي يخرع الصراحه


لو انا شفته جدامي بستهبل عليه بخليه يضحك على نفسه
وببلغ عليه الشرطه

[captin]

مرحباً وشكرا على الطرح

حالة تواجد موظف أيا كانت جنسيته واصله وفصله
في مكان العمل وتحت تأثير المسكرات أو آثارها بحيث
لا يعي تصرفاته حالة غير مقبولة في جميع دول العالم

لكن عندهم تنظمها لوائح الموارد البشرية ولها عقوبات معينه
مثلها مثل اللي يقود السيارة تحت المسكر له نسبة معينة مقبولة
إذا تجاوزها يتم توقيفه ومعاقبته.

أرى أن يتم عندنا وفي جميع مؤسساتنا ادخال لوائح خاصة
بمثل هذه الحالات وتحديد عقوبات لمن يأتي العمل تحت تأثير
المسكر وغيرها من أمور وان توضع عقوبات تتدرج من الخصم من الراتب
الى إنهاء الخدمة في حال التكرار وعلى حسب درجة السكر .
من خلال عملي مع الأجانب فإنهم يحترمون القوانين متى ما كانت
واضحة ومكتوبة محدد بها الحقوق والواجبات لذلك نحتاج
أنظمة ولوائح واضحة ومكتوبة بجميع أماكن العمل .

[ولد الشحانية]

اشتكوا عليه...

[HotBlood]

انا اقولك شتسوين

خذي لك ورقة واكتبي كتاب استقالته وخليه عندك....واذا شفتيه يوم من الأيام سكران حطي الورقه جدامه وبوقعها وهو سكران ومايدري شسالفه هههههههههههههه

[ام السعف]

كل الاجانب سكرجيه

نعم أغلبهم ،، وتوصل انهم يحاضرون في الكليات او المدارس الخاصة والبعض
منهم تفوح منهم ريحة الخمور او يتطوح وينكت وممكن يقعد من غير هدوم
ويلعبون عليه الطلبة ويصورونه ،،

شفت فيديو اشلون طلاب احدى الكليات المحاضر كان سكران والطلاب
خلوه مصخرة ،،

[حسن]

انا عندي حل يرضى الجميع وويفور على الدوله مجهود كبير كبير
يعني خطه استراتيجيه من العيار الثقيل
نجفف منابع الخمر عندنا ولا يبيلها شي
شخطه قلم

[الدوحه1]

انا عندي حل يرضى الجميع وويفور على الدوله مجهود كبير كبير
يعني خطه استراتيجيه من العيار الثقيل
نجفف منابع الخمر عندنا ولا يبيلها شي
شخطه قلم

نعم ياخوي هذا هو الحل لمشكلة السكارى في البلد...
المشكله للاسف طالت القطريين واللي يبي يعرف حجم المشكله ياخذله جوله في المحاكم
ويشوف قضايا القطريين مع الخمر..

[بو راشد 1]

ادري ان كلهم او اغلبيتهم
لكن استغرب شلون يداومون؟؟
الله المستعان


أنتي خلي الدوام، اشلون يسوقون للوصول للدوام؟ :omg: عز الله ذبحو خلق الله في الشوارع.

[دنيا الاسهم]

والله في بلادهم مستحيل حد يسكر ويروح الشغل غير يفنشونة ............ماادري اشفيهم اللي هنا واجد معطين الاجانب وجة كانهم شعب الله المختار وهم اغبى منهم مافية وتافهين جدا
مشكلة قلة الثقة