من جرب طيران فلاي دبي وهل هي مباشرة الى دبي وكم الاسعار

[فريج النجادة]

من جرب طيران فلاي دبي وهل هي مباشرة الى دبي وكم الاسعار

[ضوى]

ولدي جربها ويقول وايد حلوة ومريحة غير انه مافيها وجبة بس

[العابــرQAT]

ولدي جربها ويقول وايد حلوة ومريحة غير انه مافيها وجبة بس


خذ معاك وجبة كنتاكي :nice:

[بوعجيل]

الطيارة حلوه واحلى شي المطار الخاص لها كانك نازل مطار الدوحة مواعيدها ممتازه وسعر التذكره اذا بتاخذها في نفس اليوم 950 للشخص الواحد اما اذا قبلها بسبوع 650 او 700 والله ماذكر .
تروح وترجع بسلامه

[فريج النجادة]

الطيارة حلوه واحلى شي المطار الخاص لها كانك نازل مطار الدوحة مواعيدها ممتازه وسعر التذكره اذا بتاخذها في نفس اليوم 950 للشخص الواحد اما اذا قبلها بسبوع 650 او 700 والله ماذكر .
تروح وترجع بسلامه

الله يسلمك يابوعجيل

[تلفزيون قطر]

مرحبا أخوي وكليهم سفريات المناعي ,,وانا أقولك الطيارة والخدمة ممتازة بغض النظر عن الوجبات أنها بفلوس داخل الطيارة وماعتقد انك بتحتاج تاكل واايد كلها 45 دقيقة .

وأأهم شي الأسعار يعني حرام تدفع للقطرية مبلغ وقدره على مسافة قريبه




وفالك التوفيق




تلفزيون قطر

[بو الجوري]

أنا جربتها الإسبوع اللي طاف

رحت الصبح ورجعت على آخر طياره

السعر 670 ريال لدبي

المفروض تطير 9 الصبح ، ركبنا الطياره وطارت 10:40 دقيقه

العوده كانت عالموعد

المطار فالروحه كان زحمه وهنود وبتان وحاله :( إضطريت أدفع 140 ريال زياده عشان أستخدم صالة المها لين موعد الإقلاع

فالعوده المطار حلو لأنه أعتقد بس حق فلاي دبي ، وماكانت عندي مشكله
بس بعد دفعت 150 ريال و إستخدمت الصاله مالتهم :)


عالعموم روحه سريعه لدبي بروحك أو مع شباب ممتازه ، وإطلب يعطونك كرسي عالطرف وقدام

أما إذا مع الأهل أتوقع بتتضايق

[المحاميه]

دايركت حق دبي
السعر ماذكر بس شي بسيط
الطيران عادي والاكل بفلوس

[زود الهموم]

:victory: تفي بالغرض

[خزامئ]

بنسبه انك رابح دبي ممتازه ماياخذ منك ساعه
هي سيده لمطار دبي
والاكل محد يبي ياكل في كم دقيقه
والاسعار تبدا من 600 لين
900

[وليف الشوق]

والله ياخوي مادري عن فلاي دبي ولا قد جربتها لكن عندي الدليل الاقوى انها طيران ممتاز يوم شفتها في مطار نييورك / امريكا واكيد خدامتها ممتازة ولها عملاء على العموم انت جرب وماراح تخسر شي واذا رجعت الدوحه اتمنى تكتب لنا تقرير كامل مفعم بالصور عن حالة الطيارة والاسعار والوقت والخدمات ومنتظرين تقريرك عشان نفكر نسافر عن طريق فلاي دبي وتروح وترجع بالسلامه وانصحك بدعاء السفر للعلم اني توني فتحت موقعهم وشوف معاي هالرابط
http://www.flydubai.com/ar/

[بونووف]

الحين راكب الطياره ..و 70 فالاميه اوروبيين وامريكان على شوية هنود
اليوم الظهر حجزت وطلعت علي ب 570
بالنسبه للاسعار ممتازه والخدمه ممتازه بعد مقارنة بمدة الرحله

بس عيبها انك بتنزل تيرمنل تعبان مافي اجار مواتر وهالسوالف لازم تمشي شوي لذا تبي تروح صوب اجار المواتر وحتى فالرجعه لازم تسلم الموتر تيرمنل وعقب تروح تيرمنل سالفه شوي

تحياتي

[adel777]

والله ياخوي مادري عن فلاي دبي ولا قد جربتها لكن عندي الدليل الاقوى انها طيران ممتاز يوم شفتها في مطار نييورك / امريكا واكيد خدامتها ممتازة ولها عملاء على العموم انت جرب وماراح تخسر شي واذا رجعت الدوحه اتمنى تكتب لنا تقرير كامل مفعم بالصور عن حالة الطيارة والاسعار والوقت والخدمات ومنتظرين تقريرك عشان نفكر نسافر عن طريق فلاي دبي وتروح وترجع بالسلامه وانصحك بدعاء السفر للعلم اني توني فتحت موقعهم وشوف معاي هالرابط
http://www.flydubai.com/ar/
فلاي دبي ماعتقد تروح امريكا !؟ محطاتها المطارات القريبة

[العريق]

مرحبا اخوي
فلاي دبي انا مجربها و لا مرة حصل لي مشكلة فيها و دايماً بمواعيدها و اذا حجزت بدري تحصل فيها سعر حلو
تروح وترجع بالسلامة

[captin]

والله ياخوي مادري عن فلاي دبي ولا قد جربتها لكن عندي الدليل الاقوى انها طيران ممتاز يوم شفتها في مطار نييورك / امريكا واكيد خدامتها ممتازة ولها عملاء على العموم انت جرب وماراح تخسر شي واذا رجعت الدوحه اتمنى تكتب لنا تقرير كامل مفعم بالصور عن حالة الطيارة والاسعار والوقت والخدمات ومنتظرين تقريرك عشان نفكر نسافر عن طريق فلاي دبي وتروح وترجع بالسلامه وانصحك بدعاء السفر للعلم اني توني فتحت موقعهم وشوف معاي هالرابط
http://www.flydubai.com/ar/

للعلم طيران فلاي دبي هو طيران اقتصادي مقر عملياتها مطار دبي الدولي وتستخدم
مبنى مطار دبي القديم وتقدم رحلات بأسعار اقتصادية الى محطات ومدن غير العواصم
غالبا لاتغطيها شبكة طيران الامارات الشركة الأم وتتركز محطاتها بالإضافة الى عواصم
وبعض مدن دول الخليج في مدن عربية وآسيوية ودول شرق أوروبا التي ترسل اعداد
كبيرة من السياح الى الامارات.
وطيران فلاي دبي تستخدم نوع واحد من الطائرات وهي الطائرات ذات الممر الواحد
من نوع 800-737 من مصنع بوينغ الامريكي ومدى طيران هذه الطائرة مدى متوسط
يصل بحد أقصى الى 6 ساعات طيران مع الحمولات الخفيفة.

وهي لاتطير أبدا إلى نيويورك أو أي من المحطات الأمريكية الأخرى.

هذا رابط من موقع الشركة به المحطات التي تطير إليها

http://www.flydubai.com/ar/plan/destinations/?start=dxb

http://im32.gulfup.com/3Efyk.png (http://www.gulfup.com/?yCzGUG)

http://im38.gulfup.com/xnZoH.jpg (http://www.gulfup.com/?wtKFot)

[ya3coub]

مافيها الرفاهية الي موجودة بالقطرية زوينة مدري عن الحجز من قطر

كوني السنة الي طافت كاملة كنت فالأمارات و اجي كل اسبوع من الامارات خدمتهم زينة اشتري التذكره قبل الرحلة بساعتين و اروح المطار الحلو فيهم ترمنال 2 لهم

يعني مافي زحمة فالعادة ة كل سفراتي معاهم اخر لحظة لما اكون مغادر دبي

الوجبات بفلوس اذا انت من النوع الي تحب تاكل فالطيارة او تطلب ما عندهم شي تطلبه كلشي بفلوس و مرات ما عندهم خردة تروح عليك او يقولونلك ماله داعي تاكل اذا اصريت على خردتك

غير عن هاي اشوفهم زينين

[qatarman8008]

رخيصة.. لكن الناس الي فيها ما بترتاح معاهم..
اسلوب تعامل الموظفين معاك ما بترتاح له..
سافرت فيه مرتين وثلاث.. الصراحة استرخصتها..
لين الله قال وصادني موقف.. لعوزوني وراحت علي الطيارة..
اضظريت احجز في طيارة ثانية..
ومن يومها توبة اسافر معاهم..

[alsndbad-q8]

دام لرحلة سريعة وقريبة ممتازة جدا
لكن ماانصح فيها لرحلات اكثر من ساعتين
وكل عام وانتم بخير

[fhd4]

الطيران ممتاز لكن لازم تراعي التالي:

1) لازم تتأكد من مواعيد رحلتك ... أي تغيير قد يكون سالفة وتعقيد ... غير التكاليف الاضافية وقد تنلغي التذكرة ...

2) حجوزاتك لازم تكون قبل فترة لأن أسعارهم ترتفع .... أكثر من مرة حصلت إن القطرية أرخص منهم أو فرق بسيط جدا ...

3) تأكد من وزن الشنط لأنك لازم تدفع الوزن وقت الحجز (التذكرة العادية بدون شنط) للذهاب والاياب ... واذا رحت المطار الوزن الاضافي غالي جدا ...

4) لازم تحجز الكراسي في نفس وقت حجز التذكرة خاصة اذا معاك عائلة ... وحجز الكراسي عليها مبالغ اضافية ...

[م. عبدالعزيز]

حق شباب تصلح وتمشي الحال
بس عائلات انسى