هل تم الغاء الدوام المدرسي الجديد

[كود نمبر]

السلام عليكم

الكل يعرف ان اليوم الدوام المدرسي ينتهي الساعه 1.45 للاعداديه والثانوي و 12 لروض الاطفال

ولــكـــــــــــــــــــــــن
امس وصلني مسج من مدرسة بناتي اعداديه ان الدوام المدرسي للطالبات ينتهي الساعه 1.45
عندي الثانيه في الروضه وصل امها مسج الدوام ينتهي الساعه 12.30
اليوم الصباح المديره واقفه على باب دخول البنات وتذكر الاهالي ان الدوام حتى الساعه 1.45


سالتها ليش اليوم تاريخ 1-10 والاسبوع الماضي فيه قرار صدر من الوزير ان
دوام الاعدادي والثانوي ينتهي الساعه 1.45 والروضه الساعه 12 قالت القرار لم يعمم
على المدارس حتى الان القرار نزل في الجريده ولكنه لم يعمم على المدارس
واحنا ماناخذ على كلام الجرايد
من الصبح اتصل على 155 لكن محد يرد
مدري تخبط ولا ايش هذا

[حراير قطر]

انا سألت امس مدرسة عيالي

وقالوا لين الحين ما وصل لهم القرار عشان يتنفذ ...

[ولد شرق]

لا حول ولا قوة إلا بالله

شسالفه ماقمنا انعرف شالطبخة
الجرايد اتقول الوزير غيّر الدوام وثاني يوم المدارس اتقول ماوصلنا شي
المرور يقولون العازل 30% وثاني يوم لا صفر %
لا مخالفات عند منطقة الابراج اثناء الدوام الرسمي وثاني يوم استكرات المخالفات تارسة السيارات

ياجماعه نبي شي واحد بس يا ابيض يا اسود

[تغلبية]

فيه زوبعة قايمة في تويتر أمس تقول ان المجلس الاعلى للتعليم يكسر قرارات الوزير ..

الظاهر هذي السالفة .. !!

[Stars]

ممكن رابط توتير اختي

[تغلبية]

ابحث عن هذا الهشتاق

#ماذا_يحدث_في_المجلس_الأعلى_للتعليم

[دااانة قطر]

فيه زوبعة قايمة في تويتر أمس تقول ان المجلس الاعلى للتعليم يكسر قرارات الوزير ..

الظاهر هذي السالفة .. !!



لين الحين ماشفنا اي رد
:rolleyes2:

[تغلبية]

^

يقولون الوزير مسافر

[محاسب]

الموقف خطير..........على مصدر قرارات التعليم ::
1-هل الوزير صاحب القرار أو هو واجهه فقط.
2- هل الجرايد تصدر قرار,,,,,,, والوزير لاينفي ............ وبعدها يطبق غير الوزير قرارالتعليم..
ياسعادة الوزير صنع وزارتك.

[العابــرQAT]

فيه زوبعة قايمة في تويتر أمس تقول ان المجلس الاعلى للتعليم يكسر قرارات الوزير ..

الظاهر هذي السالفة .. !!



السؤال علي من مستند المجلس الاعلي للتعليم ويدفعة الي الاصطدام بالوزير

وتعم الفوضي

ان صح ان هناك حرب ضروسة بينهم !

هل هم الفلول ؟ ام الفول مأثر عليهم؟

[صناعات]

تم الاتصال بالمجلس الاعلى وذكروا لي ان قرار تقليل ساعات اليوم الدراسي صدر من هيئه التقييم وليس من الوزير (صراحه شي عجيب) كان هيئة التقييم لا ترجع في قراراتها للوزير

[صناعات]

لا حول ولا قوة إلا بالله

شسالفه ماقمنا انعرف شالطبخة
الجرايد اتقول الوزير غيّر الدوام وثاني يوم المدارس اتقول ماوصلنا شي
المرور يقولون العازل 30% وثاني يوم لا صفر %
لا مخالفات عند منطقة الابراج اثناء الدوام الرسمي وثاني يوم استكرات المخالفات تارسة السيارات

ياجماعه نبي شي واحد بس يا ابيض يا اسود

في كل الحالات الي ذكرتها المتضرر الاول والأخير المواطن

[الكنترول]

لا حولا ولا قوة إلا بالله ,,

تتوقف المدارس لين 1/11 لين تنحل الأمور ويتخذ القرار النهائي

ليه زوبعــة مديرة التعليم من الصوب صدر قراراتها والوزير يصدر قرارات

غير منفذة نجرة بين مديرة التعليم والوزير ,,,,

[حسن]

للاسف اليوم حصل تمرد بعض المدارس وضرب قرار الوزراه عرض الحائط
يجب ان تكون هناك وقفه في من تمرد على قرار الوزير

مدارس طبقت ومدارس لم تطبق

[ام السعف]

^

يقولون الوزير مسافر

هل الوزير اصدر القرار ولا هو كلام جرايد،،

وحدة تقول ما وصلنا تعميم من قرار الوزير ،،

فاللي يبي له محاسبة اللي قاعد في تويتر وينشر اخبار مغلوطة
من ما كان ولازم يضبط نفسه بدل الزوبعة اللي يتسبب فيها كل مرة ،،

[vip-30003]

الواحد مايحب يكتب كل شي في المنتدى

بس هذا الموقف بحددنا لنا الطريق اللي بيمشي عليه الوزير

الظاهر مازاد على السابق

انا لو مكانه يا اقدم استقالتي او انهي خدمات مديرة هيئة التعليم

ولكن هل البديل الناجح جاهز ؟؟؟ في ناس اعلى من سلطة الوزير تدعمها!!

اتوقع السؤال الاول والثاني اكفايه اللي يعرف الاجابه يعرف اللي بيصير

[vip-30003]

هل الوزير اصدر القرار ولا هو كلام جرايد،،

وحدة تقول ما وصلنا تعميم من قرار الوزير ،،

فاللي يبي له محاسبة اللي قاعد في تويتر وينشر اخبار مغلوطة
من ما كان ولازم يضبط نفسه بدل الزوبعة اللي يتسبب فيها كل مرة ،،

مافي تعميم ب قرار الوزير وصل المدارس

انشر في الواتساب وتوتير

واللي يفهم الامور الادارية ماعليه توقيع الوزير

[بوراشد]

لا حول ولا قوه الا بالله ما زلنا نتخبط والحمد لله على كل حال

[الواعد]

مافي تعميم ب قرار الوزير وصل المدارس

انشر في الواتساب وتوتير

واللي يفهم الامور الادارية ماعليه توقيع الوزير

الصورة اللي انتشرت بخصوص تعميم الوزير الى مديرة هيئة التعليم صحيحة

حتى انه انتشر في حساب المجلس الاعلى للتعليم في تويتر وهذا الدليل


https://pbs.twimg.com/media/BVbFuTgCAAA_8Ab.jpg

[كود نمبر]

لحول ولاقوة الابالله

والله ضعنا مع ها المسؤالين

الحين من الي اصدر القرار ومن الي كسر قرار الاخر

بعدين شلون مدارس نفذت ومدارس لا

[CH Engineer]

الوزير ماخذ وضع المزهريه escape

[كود نمبر]

يعني هل الوزير بلا صلاحيات

[vip-30003]

الصورة اللي انتشرت بخصوص تعميم الوزير الى مديرة هيئة التعليم صحيحة

حتى انه انتشر في حساب المجلس الاعلى للتعليم في تويتر وهذا الدليل


https://pbs.twimg.com/media/bvbfutgcaaa_8ab.jpg

انا اقول هالتعميم ما وصل المدارس بشكل رسمي

قلت انتشررر في الواتساب والتويتر

ما اتوقع المدارس بتمشي على تويتر المجلس

الا جانا ايميل يلزمنا بتطبيق قرار مديرة هيئة التعليم

[الأصيلة]

لو نفتك من ها الكم وحده اللي مايدرون وين هوى دارهم..
كل وحده تركب راسها وتظن إنها الأهم في المجلس..ضاربة المصلحة العامة عرض الحائط
كل ماقلنا هانت جد علمن جديد...
بانتظار القشة اللي بيد سعادة الشيخ هند بنت حمد
لـ تضع النقاط على الحروف وتعّدل المائل في هذا الصرح المهم اللي تلاعبت به
أهواء ها الحريم الموجودين ومن سبقهم...

[الأصيلة]

الوزير ماخذ وضع المزهريه escape

هم عطوه فرصة ياخذ وضعه الطبيعي ناشبين في بلعومه...
يقول يمين يقولون يسار
هذه حالة بذمتكم....

[حسن]

لو نفتك من ها الكم وحده اللي مايدرون وين هوى دارهم..
كل وحده تركب راسها وتظن إنها الأهم في المجلس..ضاربة المصلحة العامة عرض الحائط
كل ماقلنا هانت جد علمن جديد...
بانتظار القشة اللي بيد سعادة الشيخ هند بنت حمد
لـ تضع النقاط على الحروف وتعّدل المائل في هذا الصرح المهم اللي تلاعبت به
أهواء ها الحريم الموجودين ومن سبقهم...

يعني هل الحريم مودينه في ستين داهيه

:omg:

[vip-30003]

مافي شي بتغير ،،،

لاحد ينتظر قرار يتعدل او استقاله .......

[حسن]

مافي شي بتغير ،،،

لاحد ينتظر قرار يتعدل او استقاله .......


شنهو القرار يتعدل ومن يستقيل
هو صج الوزير حوله شله حريم ولا لا
اذا كان صحيح زاد اشوف الوزاره رايحه في خرايطها لان ولا بلاش اكمل

[عيون الدوحة]

الوزير ماخذ وضع المزهريه escape

لا انتي وردة .. ولا قلبي مزهرية من خزف
صدفه وحده جمعتنّا .. شوفي وشلون الصدف
التقينا في مدينه .. وفرقتنا الف ميناء
اغفري للريح .. والموج .. والسفينة
كانت الرحلة حزينة .. للاسف
كنت أحلم لما ناديتك بسافر
مع عيونك في شعاع الفجر باكر
والله اعلم إني صادق
كنت أحلم إني عاشق
لاأخاف ولا أضيع .. ولاأفارق
ويش اقول غير إني آسف ويش اقول
انا خانتني العواصف والفصول
آه .. ياتعب المسافر
في أراضي الجرح و في بحر المحاجر
مالهذا الحزن آخر .. او لهذا الجرح آخر
ياشمسي الأخيرة .. في اللحظة الأخيرة
أنا .. لي كلمة أخيرة
إغفري لي إبتسامي .. قبل جرحي
حاولي تنسي كلامي .. قبل صمتي
ولو زعلتي .. ياأعز الناس إنتي



لتلطيف الجو :shy:

[OREO]

حد يفهمني وين المشكلة و العالم معترضة على وشو ؟؟

[vip-30003]

اللي كانت قبلها اي شي تبيه تقول للكل ...................... تقول

الظاهر بعد الثانيه احفظت الجمله ههههههههه وصارت اترددها

[العنيده]

ياريت يعطون الوزير الجديد فرصه مو لنا عشان عيالنا ..
الا التعليم لا يتخبطون فيه مثل ماخذنا حقنا ودرسنا بافضل القرارات من حق عيالنا ياخذون الاحسن ..

[حسن]

حد يفهمني وين المشكلة و العالم معترضة على وشو ؟؟

انا اقولك يااوريو

اصبحت هناك ظاهره بدائت بالضهور وهي الغوغائيه يعني
في مثل قطري يقول من دق طبله انا قبله
ولا مع الخيل ياشقرا

الغوغائيه هذه هدفها الفوضى الخلاقه اللي تسمع عنها

هم اللي مايعجبهم العجب ولا الصيام في رجب

وتلقاهم منتشرين في الكثير من الاماكن تثير التذمر ورفضها للأوامر بحجه وبدون حجه

فهمت الحين يااوريو

:telephone: