زحمة يا دنيا زحمة..وصلت الزحمة الى جسر بوعبود!!

[دايموند]

السلام عليكم


حد يفيدني شنو سبب الزحمة الخانقة المفاجئة عند جسر بوعبود سواء فوق الجسر او تحته..صار لنا 3 ايام بهالحالة..غريبة وهل هالزحمة المفاجئة راح تختفي والا راح تستمر؟
عشان بس اعبر الجسر استغرق 15-20 دقيقة لاعبر الجسر بس!!!

[زود الهموم]

والزحمه من اشارات رمادا لي تقاطع مدماك صداع يومي

الا اليوم مادري الدنيا خفيفه مادري وين راحو العالم :unsure:

[غير البشر]

سببها العقول المتحجره الي عندنا
مايبغون يفهمون او يفكرون

[أم دانـه]

ممكن السبب اغلاق شارع حمد الكبير

[لـبـيـه]

بصراحه احمدي ربج اذا في ثلث ساعه تعبرينه اتوقع انجاز لج ويسجل في ملفج الخاص

[للصبر اخر]

انا من اشارات التضامن عشان امسك خط 22 فبراير اخذ فوق 22 دقيقه
وغير اشارات المول اخذ فيها نص ساعه
لي اسبوعين او 3 ع هالوضع

[دايموند]

بصراحه احمدي ربج اذا في ثلث ساعه تعبرينه اتوقع انجاز لج ويسجل في ملفج الخاص
وليش انجاز ممكن تشرح لي؟! اذا الايام السابقة كنت اعبر الجسر خلال دقيقتين بس!!!

[دايموند]

ممكن السبب اغلاق شارع حمد الكبير
صج صكروه؟!!:eek5:

من متى؟!

ومتى بيردون بيفتحونه؟

[Doha Sun]

الزحمة تجيب الضيقة من كل صوب ومكان حتى الداعوس صارت فيه زحمة ..
تقولين مسيرة بس الصباح

[مهرة]

ولا شي !! أنا من الوعب لين دوامي بالكرنيش أخذ لي ساعة وربع ونص مرات وبغينا نروح الوكرة ونرد عالكرنيش لأنه مسكرين كل مكان لين جسر بوعبود ونهاية الشهر بيطلع فيني ضغط وسكر وهذا وانا الي بالعبري ام الي يسوقون الله يعينهم خلهم على اذاعة الريان ويروقوون على فيروووز

[غير البشر]

الحل فور ويل :secret:

[d.romance]

على ما اظن سوء تخطيط من جميع الجهات المسؤولة من بنية تحتية والمرور لانهم ينظرون تحت ارجلهم ولا ينظرون ل 100 او 200 سنة للأمام
مثال هناك شوارع رئيسية تكون 2 حارة او 3 حارات ويكون الجزيرة بينهم 10 امتار ليش ما تكون الجزيرة متر واحد فقط مع توسعة الطريق ذهابا وايابا
والغريب فتح الاصلاحات في جميع مناطق الدوحة في وقت واحد بدلا من الانتهاء من منطقة منطقة
هذه بعض الامثلة من جملة امثلة كثيرة والله المستعان
يارب افرجها علينا في الدائري الثالث اوله واخره والدائري الرابع من المطار حتى اخر 22 فبراير في اوقات الذروة وغير الذروة
اللهم امين

[لـبـيـه]

وليش انجاز ممكن تشرح لي؟! اذا الايام السابقة كنت اعبر الجسر خلال دقيقتين بس!!!

بقولج ليش

ادخلي الكرنيش بتعرفين ليش

ادخلي شارع 22 فبراير وبتعرفين ليش

اذا تعبرين شارع في 20 دقيقه انا اشوفه انجاز وانجاز يحسدونج عليه

[ضوى]

امس اسولف مع واحدة دوامها قريب من هذيك المنطقة تحلف لي طالعة من بيتها 6.20 تقول وصلت الشغل 8.25 ، تقول خاطري شوي واصيح ، تقول دخلت الشغل وانا اتحندا كاني عيوز ، تقول في السيارة ودي اطير من الزحمة تقول شي مب طبيعي ، الله يعينا ويعين الناس ويعين الموظفين اللي بذيك المنطقة صج الوضع اصبح لا يطاق شكوى شكوى وتذمر ولا حلول

[غير البشر]

امس اسولف مع واحدة دوامها قريب من هذيك المنطقة تحلف لي طالعة من بيتها 6.20 تقول وصلت الشغل 8.25 ، تقول خاطري شوي واصيح ، تقول دخلت الشغل وانا اتحندا كاني عيوز ، تقول في السيارة ودي اطير من الزحمة تقول شي مب طبيعي ، الله يعينا ويعين الناس ويعين الموظفين اللي بذيك المنطقة صج الوضع اصبح لا يطاق شكوى شكوى وتذمر ولا حلول


انا اروح يوميا 3 مدارس وبعيده عن بيتي في نص ساعه وارجع

[مهرة]

تدرون انا عندي الحل يخلونا انداوم 5 ساعات نفس رمضان والطلاب يداومين من 7:30 يعني الحصة الأولى تبدا 8 وبس وصدقوني راح تشوفون الإنتاجية والعمل الدؤوب وكلن يمشي مثل الساعة بس يخلون دوامنا 5 ساعات:nice: لين يخلصون اختراعاتهم الشوارعية الفذة .. او يسلموون كل الموظفين لابتوبات ويداومون من البيت ابرك:tease:

[عذايب قطر]

هههههههههههههههههههههه مسكينه انا حاسه فيها
وكله ليما جاوو ودخلوا جدامج من اليمين اهنيه الشياطين اتناقز واعلق الهرن عشان الشرطي يسمع

[مهرة]

انا اروح يوميا 3 مدارس وبعيده عن بيتي في نص ساعه وارجع



ليش سوبر مان اتطير:eek5: يعني مافيه داعي تنزل الشارع ..!!

[بوعجيل]

تستاهلوووون خير على الزحمه والله انها نعمه اخواني وخواتي مافهمتو المقصد يعلمنكم الصبر والحلم لازم تعرفون المقصد الي بين السطووووووووور ههههههههههههههههههههههه

[للصبر اخر]

امس اسولف مع واحدة دوامها قريب من هذيك المنطقة تحلف لي طالعة من بيتها 6.20 تقول وصلت الشغل 8.25 ، تقول خاطري شوي واصيح ، تقول دخلت الشغل وانا اتحندا كاني عيوز ، تقول في السيارة ودي اطير من الزحمة تقول شي مب طبيعي ، الله يعينا ويعين الناس ويعين الموظفين اللي بذيك المنطقة صج الوضع اصبح لا يطاق شكوى شكوى وتذمر ولا حلول

ضوى
انا اطلع 6 و15 دقيقه اوصل 8 و25

[همر]

والزحمه من اشارات رمادا لي تقاطع مدماك صداع يومي

الا اليوم مادري الدنيا خفيفه مادري وين راحو العالم :unsure:



مش العمال .. قصدي الطلاب اليوم بيسوون اضراب ؟!!

1/10

[دايموند]

امس اسولف مع واحدة دوامها قريب من هذيك المنطقة تحلف لي طالعة من بيتها 6.20 تقول وصلت الشغل 8.25 ، تقول خاطري شوي واصيح ، تقول دخلت الشغل وانا اتحندا كاني عيوز ، تقول في السيارة ودي اطير من الزحمة تقول شي مب طبيعي ، الله يعينا ويعين الناس ويعين الموظفين اللي بذيك المنطقة صج الوضع اصبح لا يطاق شكوى شكوى وتذمر ولا حلول
انا من سكان الوكرة..اطلع الساعة 6:10 ولين نهاية الاسبوع الي طاف كنت اوصل الدوام 6:45 بالكثير..

بس مع بداية هالاسبوع والزحمة المفاجئة صرت اوصل الدوام 7:25 :weeping: ... وينحسب علي تاخير في الدوام :weeping:


دوامي قريب جدا من الجسر وانا عالقة في الزحمة اشوف مبنى دوامي واتحسر ودي انزل من السيارة في وسط الزحمة وامشي لين البرج وابصم وارجع لسيارة مرة ثانية

[hmooda.f]

والله احسن حل الواحد يركب دراجة

[sweet qatar]

عشان بس اعبر الجسر استغرق 15-20 دقيقة لاعبر الجسر بس!!!

انا عشان أعدي من تحت الجسر بالضبط من الدوار للكورنيش

40 دقيقة !!

الإشارات تفتح وتسكر والسيارات ما تمشي


الله يرزقنا الصبر ويآجرنا خير :)

[NOOUR]

دوامي قريب جدا من الجسر وانا عالقة في الزحمة اشوف مبنى دوامي واتحسر ودي انزل من السيارة في وسط الزحمة وامشي لين البرج وابصم وارجع لسيارة مرة ثانية


هههههههههه :nice:

للأسف الزحمة في كل مكان وللأسف كمان حاسس كل شي عم يصير تخطيط غلط بغلط

للأسف حتى الطبيعة الخضراء الجميلة في قطر تتلاشى بسبب الحفريات ... :weeping:

[دايموند]

انا عشان أعدي من تحت الجسر بالضبط من الدوار للكورنيش

40 دقيقة !!

الإشارات تفتح وتسكر والسيارات ما تمشي


الله يرزقنا الصبر ويآجرنا خير :)

بالفعل امس جربت اعبر الجسر من تحت. توقعت راح ياخذ وقت اقل لكن مثل ماقلتي الاشارات تفتح وتسكر والسيد ماتحرك!!!

[Abdulraman]

في الزحمه مافي رحمه

[بو راشد 1]

دوامي الرسمي من 7 لين 3 العصر

صرت ادوام من 6 لين 3، اجي الشغل ريلاكس، لا و بعد افتح الليتات حق الموظفين قبل لا يجون :nice:

[ولد شرق]

انا اروح يوميا 3 مدارس وبعيده عن بيتي في نص ساعه وارجع

اخوي
تعليقك هذا يحتمل عدة اشياء:

1- يا احنا (خراطين) والشوارع مهب مزحومه وانسيابية وواسعه والامور طيبه بس يالسين نتغشمر وانقول الشوارع مزحومه (وسامحوني على كلمه خراطين)
2- او انك مهب في الدوحه وتتكلم عن مدينة ثانيه ومهما كانت المدارس بعيده فهي ماتاخذ منك وقت لأن المدينه فاضية
3- او انك فعلا غير عن البشر

ممكن اخوي تشرح لنا واتساعدنا وتنصحنا واتقول اشلون اتروح 3 مدارس بعيده وترجع بعدها في نص ساعه بس؟

بادعي لك في صلاتي والله يشهد

[الخـود]

انا احتجت ساااااعة علشان اوصل اشارات جسر بو عبود ، مع اني كنت لين قبل اسبوع اوصله في 10 دقايق او ربع ساعة بالكثير @@

[عاهد بن علي]

انا احتجت ساااااعة علشان اوصل اشارات جسر بو عبود ، مع اني كنت لين قبل اسبوع اوصله في 10 دقايق او ربع ساعة بالكثير @@

عسى الله يكون في عونج

[مزعله النساء]

نبي جسور متعددة الأدوار وانفاق
يرحون دبي قريبه منهم ويشوفون شلون الشوارع عندهم ويسون لنا مثلها
لايرحون بعيد

[ريتويت]

انا من معيذر الشمالي لين الكورنيش ساعه ونص او ساعتين..

[عاهد بن علي]

انا من معيذر الشمالي لين الكورنيش ساعه ونص او ساعتين..

الله يعينج

:nice::nice:

[مجلان]

عقبال الين الوكره امام بوابه البيت واوقف في الحوش واحط اشاره ضواءيه

[غير البشر]

اخوي
تعليقك هذا يحتمل عدة اشياء:

1- يا احنا (خراطين) والشوارع مهب مزحومه وانسيابية وواسعه والامور طيبه بس يالسين نتغشمر وانقول الشوارع مزحومه (وسامحوني على كلمه خراطين)
2- او انك مهب في الدوحه وتتكلم عن مدينة ثانيه ومهما كانت المدارس بعيده فهي ماتاخذ منك وقت لأن المدينه فاضية
3- او انك فعلا غير عن البشر

ممكن اخوي تشرح لنا واتساعدنا وتنصحنا واتقول اشلون اتروح 3 مدارس بعيده وترجع بعدها في نص ساعه بس؟

بادعي لك في صلاتي والله يشهد


حشى عليكم اخوي مش خراطين
الزحمه لاتطاق ولاتحتمل
والسبب عقول متحجره ماسكه مناصب
وحلول الزحمه واضحه وبسيطه لكن مستغرب ليش ماحلوها

انا الله يسلمك اخذ طرق مختصره
ونص الطريق ماعرف الشارع قطوع
موتري الحين كمل سنه من طلعته من الشركه اتقول من خمس سنين عندي ههههههه
يعني الواحد يفكر با الاختصارات ويحصل حلول بس يتحمل النتايج :victory:

[cavok]

واللة عذاب اللي احنا فيه عمرنا ما صار لنا كذا
الصبر يا رب

[غير البشر]

واللة عذاب اللي احنا فيه عمرنا ما صار لنا كذا
الصبر يا رب


اللهم امين


ههههههههههههههههههه استغفر الله

ياخي مشكله والله
يفتحون طريق جديد ويسكرون ثلاثه
وعقب يقولون زحمه صج مخوخ عليهم
يقولون مهندسين مادري بكم الشهاده ماخذينها من مصر والسودان :secret:

[kal]

ابشروا اليوم الزحمة بتصير ضعف لان مسكرين دوار الدفاع المدني من اليوم باتجاه واحد من اشارات بن عمران الى وزارة الاعلام لمدة اسبوع

[ولد شرق]

حشى عليكم اخوي مش خراطين
الزحمه لاتطاق ولاتحتمل
والسبب عقول متحجره ماسكه مناصب
وحلول الزحمه واضحه وبسيطه لكن مستغرب ليش ماحلوها

انا الله يسلمك اخذ طرق مختصره
ونص الطريق ماعرف الشارع قطوع
موتري الحين كمل سنه من طلعته من الشركه اتقول من خمس سنين عندي ههههههه
يعني الواحد يفكر با الاختصارات ويحصل حلول بس يتحمل النتايج :victory:

تسلم تسلم فديت خشمك
بعد بادعيلك على هالافكار الطيبه الصراحه مافي إلا هالحل :nice:
القطوع هي الحل او اني اتأخر ساعتين عن الدوام :weeping:

[الهتـــــان]

الله يعين ، معاناه يوميه

[PathFinder]

المشكلة التحويلات في شارع الكورنيش والشارع الموازي له!! طيب أول انتهو من الكورنيش

[قطريه ماركه]

الله المستعان

[حسن]

اصبرو بس شوي لاتشوفون الزحمه لين البيوت
هذولا ماينفع معاهم الا ضاحي

[tawareq]

الله يستر
الخوف تجينا ايام ما نقدر نطلع من البيت والسبب الزحمة اما البيوت ( داخل الفرجان ):omg:

[ANONYMOUS]

أنا صرت اطلع من البيت 6 إلا ربع وأتوقع راح اغير توقيت الطلعه لين 5 ونص

اللي يطلع بعد 6 راح ياكل الزحمه لامحاله إلا اذا كان دوامه قريب

او كان ساكن خارج الدوحه ودوامه في خارج الدوحه

[طلعة الروح]

يا جماعه والله اتعبت نفسيتنا وتضررت شوفوا لنا حل مع هالناس والشوارع....!!!!

الشوارع زحمه وحتى عند دخلات الدواوير آمنا بالله وتقبلنا الوضع ، لكن الناس والسواقين صاروا مشكلة كبيرة ماعندهم لا صبر ولا انتباه وقت الزحمه ،كذا حادث صرنا نشوفه قدامنا، اللي يدرعم واللي يحك واللي يدش بخط الثاني بدون مايشوف المواتر وينتبه للي قدامه خصوصا من قبل الجاليات الآسيوية ، بتقولون لي حالات فردية لا والله صار تسيب فضيع وفوضى مرورية عندنا وقت الذورة بالذات...

أنا اليوم العصر طالعه من الدوام عند دوار الشيراتون بروح على طريق الكورنيش اللي أصلا هالفترة واصل السيد حده ولا سيارة كروة درعمت علي ودشت بخطي وحكت لي الموتر على جنب اليمين (السايق طبعا ماكان منتبه وكعادة سواقين كروة الشاخطين) ولا وقف السايق ولا أنا قدرت ألحقه أو أصيد رقمه وبدل مايدخل اللفه رجع بالدوار.. حسبي الله ونعم الوكيل باللي قاعد يصير فينا ، مانقول الا الحمدلله على كل حال....

[دايموند]

سؤال..متى راح يتم الانتهاء من مشروع تحويل دوارات الكورنيش الى اشارات؟!!
ترى جد زهقنا

[طلعة الروح]

سؤال..متى راح يتم الانتهاء من مشروع تحويل دوارات الكورنيش الى اشارات؟!!
ترى جد زهقنا

السؤال هل راح نستفيد من المشروع بعد انتهائه وبنضمن مستوى معين من انسيابية الشارع والمرور ولا الوضع بيتم على نفس ماهو عليه قبل ويمكن اردى؟

ننطر ونشوف!

[أخت الغالي]

انا مستغربه من هنظام شلون يشتغلون بكذا شارع ودوار فنفس الوقت عالاقل ينتهون من الكورنيش ويجون عدفنه ويخلصون مايصير كل الشوارع بوقت واحد وضغط دوامات ومدراس .. الله المستعان

[بوحارب]

صارلي اكثر من شهر ما دخلت الكرنيش شارد من الزحمة

[NOOUR]

إذا ما كبرت .. ما بتصغر .. مافي حل غير يفنشوا مدير أشغال ويعاقبوا ويغرموا بعد .. حتى غيروا يعتبر .. والله بهدل البلد وياريت بعد ما تنتهي الحفريات تخلص المشكلة بالعكس تتطلع مشاكل تانية ... حسبنا الله ونعم الوكيل في اشغال وغيرها .. امبارح كان أمير دبي يفتح قناة دبي المائية ..روحو شوفوا الترتيب والتنسيق والشغل المظبوط