مساعده في تنسيق الاوان !!

[RVD]

السلام عليكم

شباب انا ان شاء الله ناوي اعدل غرفتي وقررت احط باركيه تكون درجة لونه بين الغامج والفاتح وسط يعني بس اذا تقدرون اتساعدوني في اختيار ورق الجدران والاثاث يكونون اي لون لاني اشوف فيها صعوبة ابي يكون لون الطوفة (الورق الجدران) مع اثاث الغرفة متناسق مع لون الباركيه ياليت لو كل واحد يقولي رايه او شاف شي حلو

الله لايهينكم

[معماري قطري]

انا سويت غرفة عيالي بورق جدران بني بتشكيلة جلد الأفعى .. وهم مختارينه لكن طلعت مريحة للنوم وهادية باصور لك بعد شوي إن شاء الله.

والباركيه عموماً ألوان كثيرة تركب عليه وشوف كثير من الصور حطيتها وحطوها الإخوة الأعضاء فيها جرأة أوقات في التنسيق وراكبة على بعض.

[RVD]

الشيخ ولاتهون ترويني صورغرفة عيالك

[معماري قطري]

الشيخ ولاتهون ترويني صورغرفة عيالك

تآمر يا اخوي

صورت لك وللأعضاء الكرام صور متعددة للغرفة .. وهذي كانت صبغ قبل وحاولنا نجيب لون مناسب لأن الأرضية بورسلان عسلي مثل ما يبين في هذي الصورة .. وتم تركيبه بنوعية مونه "قراوت" إيبوكسي خاص أسود .. وأحب أوضح إن هذا النوع قوي لدرجة إنه في ربع ساعة لازم ينمسح عن البلاط ولا يلزق وصعب ينزال .. ولتركيبه تستخدم مادة خاصة يخلط بها بمقدار ثابت ولازم يستخدم الخفاق الميكانيكي لخلط المواد.

http://im38.gulfup.com/C8QjB.jpg (http://www.gulfup.com/?YqfjJh)

وهذي صورة توضح نوعية ولون الورق وتم تركيبه على ثلاث جهات وجهة بني سادة.

http://im42.gulfup.com/4TTMI.jpg (http://www.gulfup.com/?T1qJzu)

وهذي جهة البني السادة.

http://im33.gulfup.com/3w8pc.jpg (http://www.gulfup.com/?rvLHbE)

وهذي صورة توضح الأرضية مع الحائط .. وفي رأيي لو كانت الأرضية باركيه وأي نوع منه أو درجة لون بيطلع الورق هذا مناسب جداً.

http://im35.gulfup.com/ViQIp.jpg (http://www.gulfup.com/?SSWDGM)

جزء يبين فيه الورق السادة والمزخرف.

http://im37.gulfup.com/M9FDX.jpg (http://www.gulfup.com/?abYLzO)

مكان المكيف.

http://im37.gulfup.com/7mW7J.jpg (http://www.gulfup.com/?fG00Tz)

وهذي زاوية الكبت وكنت مسوي كسرة وراها لطاولة دراسة بس ما استخدموها.

http://im31.gulfup.com/3yLOo.jpg (http://www.gulfup.com/?RKEqqU)

في مدخل الغرفة وهو عبارة عن تسريحة مفتوحة على الغرفة .. سوينا ورق يختلف شوي بتشكيلة الجلد وبلون أفتح شوي.

http://im31.gulfup.com/xPElZ.jpg (http://www.gulfup.com/?9yyzNw)

http://im35.gulfup.com/bHVo7.jpg (http://www.gulfup.com/?k5SVL6)

أتمنى الصور كافية وواضحة ورقم الهندي اللي ركب الورق عندي .. وركبه على صبغ أملس صعب يتركب عليه.. ما ادري شيصير لو حطيته على العام أشوف الكل يحطون ولإستفادة الجميع .. 55811715 وهو أسعاره متوسطة وما اذكر كم سوى الغرفة.

[شموخ دائم]

,

,


مرحبا

معماري قطري طلع مصمم ديكور خطير والله

:)


ما شاء الله تبارك الرحمن غرفه مميزه يتهنون فيها يارب


RVD

اسمك نفس الحروف الي تجي على dvd و HD

:)

مبروك الديكور تتهنى فيه يارب

:)

هذا احد الاختيارات المتعارف عليها

http://www.almrsal.com/wp-content/uploads/2013/09/bedroom5.jpg


باركيه بني متوسط

الاثاث غرفه النوم والكراسي اللون البني الغامق والبيج

ورق الجدران ذهبي وبيج


الاختيار الثاني اذا انت تحب الالوان الربيعيه

هذا الخيار الثاني

http://image.made-in-china.com/2f0j00dSOQcNDAizby/Hotel-Bedroom-Furniture-Hotel-Furniture-Luxury-Star-Hotel-Bedroom-Furniture-JNB-006-.jpg



,

,


اخوك

شموخ دائم

[معماري قطري]

انا على قد الحال اخوي شموخ دائم

انت ما شاء الله عليك مقترحاتك مسكتة .. يمكن عندي كانت مغامرة اختيار هذا اللون .. بس لغرفة النوم الألوان الداكنة حلوه خصوصاً الأخضر الغامق والنيلي وأوقات الأسود خصوصاً للسقف يعطي هدوء ليلي .. بس تنسيق 3 ألوان أو 4 كثير أصعب من لونين ودرجاتهم.

مره سكنت شقة كان التركيز فيها على اللون البنفسجي والوردي والأحمر ودرجاتهم .. يمكن كل حائط لون بس كانت صج شقة حلوة .. فايزة بمركز معين والشهادة معلقة فيها كأفضل تصميم داخلي.

[mohammad.sy]

بالتوفيق انشالله

[RVD]

معماري قطر تسلم على الصور والله يباركلك في بيتك ان شاء الله وايد حلو ماشائ الله

شموخ قطر rvd ان شاء الله بعد كم سنه بعد الدي في دي والبلو ري مفكر اعطيهم اسم يديد ههه وتسلم على ذوقك الحلو ومشاركتك

[w.qatar]

افضل غرفه النوم تكون بالوان مريحه للنفس و العين

دور على ورق بارضيات فاتحه ما ادري انتو الشباب يمكن ما تحبون الورود و هالامور بس ممكن تشوف رسومات هندسيه و بالوان هاديه

شوف الكتلوجات الانجليزيه و الامريكيه دايما فيها هالنوع من الديزاينات الحلوه

و الاثاث رتب لك غرفه من ايكيا شوف موقعهم يمكن يعجبك شي عندهم