مبروكين المليون الثاني !!

[همر]

عدد السكان داخل دولة قطر في 2013/9/30م يتجاوز حاجز المليونين لأول مرة حيث بلغ ( 2035106 ) نسمة وبنسبة زيادة 10% عن 2012/9/30

مع تحيات
وزارة التخطيط التنموي والإحصاء

Population inside Qatar in 30/9/2013 has exceeded 2 million persons for the first time and reached ( 2035106 ) persons with 10% increment from Sept. 2012

Ministry of Development Planning and Statistics






حد يبب يا شبابات..

[airbus]

واحد من الاسباب الزحمة في هده السنة زيادة عن السنة الي طافت

[نور الحور]

سكروا أذانيكم بالأول :shy:

[همر]

سكروا أذانيكم بالأول :shy:



ليش؟!! في مسيره بعد بهذه المناسبه السعيده ؟!!

[نور الحور]

ليش؟!! في مسيره بعد بهذه المناسبه السعيده ؟!!



لأ ..بس عشان نيبب براحتنا :shy:
دول تنيييييين مليووووووون ياعم :secret:

[المحاميه]

عشان جذي كل مكان زحمه

الحل الاستغناء عن العماله الوافده

[مستر راشد]

مبروك المليونين

من جذي الشوارع زحمه

[bus3od]

عقبال الثالث

[بورصجي_جديد]

اكثر هالعدد اجانب سواء من العرب او من العماله الاسيويه

يج

[المنسى]

ممكن نعرف كم عدد المواطنين

[v_h3]

ممكن نعرف كم عدد المواطنين

ممنوع ينذكر اعداد المواطنين

[طلعة الروح]

القضية اكبر من قضية الزحمة وبس ،، في مشاكل أخرى...

[معماري قطري]

ممنوع ينذكر اعداد المواطنين

بينعرفون وقت الإكتتاب .. وبعضهم يكتتب حتى ببطاقات الموتي وما يوصلون 230 ألف نسمه.

[طلعة الروح]

بينعرفون وقت الإكتتاب .. وبعضهم يكتتب حتى ببطاقات الموتي وما يوصلون 230 ألف نسمه.

ما أعتقد هالكلام صحيح، مب كل القطريين يكتتبون في الأسهم!

[المحاميه]

ممنوع ينذكر اعداد المواطنين

شدعوه ؟

[R 7 A L]

من هذة الاحصائية
نذكر المسئولين بضرورة اجبار المواطنين والمقيمين
بإستخدام باصات كروة لتفادي وقوع الازدحام

[R 7 A L]

ما أعتقد هالكلام صحيح، مب كل القطريين يكتتبون في الأسهم!

سجل عندك
مواطن في حياتة ما اشترى او امتلك اي سهم ولا لي اسم في بورصة قطر

[ودي أكون]

سجل عندك
مواطن في حياتة ما اشترى او امتلك اي سهم ولا لي اسم في بورصة قطر

يمكن مادخل اسمك الاحصائيه بعد .!
سجلوا عندكم اثنين مليون ونفر ..

الله يزيد ويبارك

[airbus]

كل مازاد عدد السكان زادت الاموال في حسابات الهوامير !!!

[طلعة الروح]

كل مازاد عدد السكان زادت الاموال في حسابات الهوامير !!!

كلامك صحيح نسبيا... ويزيد الجشع والطمع معاهم!

[v_h3]

شدعوه ؟

اي نعم ،، لأسباب امنية

[cavok]

اللة المستعان

[عيسى111]

عظم الله أجركم

جرائم وتلوث وزحمة

[بوخالد911]

تجار التأشيرات فرحانييييييييييييييييييييييييين

واحنا اللي ناكلها


زززززززززززززززززحمة

ما نلقى مواقف بالمولات

بعض المواد الاستهلاكية تخلص بسرررررررررررعة


حسبي الله ونعم الوكيل

[المنسى]

ممنوع ينذكر اعداد المواطنين

هههههههه خايفين من العين

[تغلبية]

ليش زعلانين ؟!


ماتحبـــــون قطــــر ... تكبــــر ! :shy:

[وحيد-الشوق]

تصدقون في الجريدة اليوم 340 الف عامل نيبالي في قطر اكثر من القطريين نفسهم هههههه

شرايكم يسمون منطقة عندنا بأسم نيبال ويحطون النيبالية فيها 340 الف ياساتر :(

تزايد السكان في قطر في الفترة الاخيرة بشكل غريب واغلبهم اسيوين وكفار

والمستفيدين من ؟؟ تجار التأشيرات والهوامير :)

[عيون الدوحة]

عز الله أن زاد الضغط على خدمات الدولة
غير الزحمة في الشوارع والضغط على المستشفيات
راح يكون ضغط على الصرف الصحي و خدمات نظافة البلدية
أحنا الزبايل الي بالفريج ماعادت تستحمل الوصاخة وقامو يفرون وصاختهم في الشوارع

[Aljans]

كل مازاد عدد السكان زادت الاموال في حسابات الهوامير !!!

من مليونير الى ملياردير و الحسابة بتحسب:deal:

[الـراسي]

خلونا نكون واقعيين الدولة في تطور مستمر

ومشاريعها كثيرة فاكيد محتاجين لهالعدد من العمالة

بس ياليت اي مشروع ينتهي يتم ترحيل العمالة فورا

مب يروح صاحب المشروع ويبيع فيز العمال

[حنظلة]

الزحمة نتيجة زيادة العمالة اللي مرتبطة بزيادة المشاريع اللي تصب في النهاية في مصلحة الدولة .وطبعا هالزيادة لها سلبيات لكن مثل مايقولون شر لا بد منه .

[الحاقول]

زيادة عدد السكان من الاجانب ليس من مصلحة قطر او دول الخليج اصبحنا اقليه في البلاد

[همر]

ليش زعلانين ؟!


ماتحبـــــون قطــــر ... تكبــــر ! :shy:


نبي "كبر" عمراني افقي مش بشري ثلاثي الابعاد !!!



تصدقون في الجريدة اليوم 340 الف عامل نيبالي في قطر اكثر من القطريين نفسهم هههههه

شرايكم يسمون منطقة عندنا بأسم نيبال ويحطون النيبالية فيها 340 الف ياساتر :(

تزايد السكان في قطر في الفترة الاخيرة بشكل غريب واغلبهم اسيوين وكفار

والمستفيدين من ؟؟ تجار التأشيرات والهوامير :)


عادي توقع يوم من الايام تدخل الصناعيه تلاقي علم النيبال يرفرف

عالياً خفاقاً !!!

[همر]

عشان جذي كل مكان زحمه

الحل الاستغناء عن العماله الوافده


ومن بيسوي لنا ملاعب ؟!





سجل عندك
مواطن في حياتة ما اشترى او امتلك اي سهم ولا لي اسم في بورصة قطر

تستاهل تمثال كبر تمثال أوري في الكرنيش ...


يمكن مادخل اسمك الاحصائيه بعد .!
سجلوا عندكم اثنين مليون ونفر ..

الله يزيد ويبارك

اقروا الرقم كامل وعن العيازه :anger1:

حركات تقرا اول رقم وتسكب الباقي مافي زين !!!

2035106

عثنين مليون وفلافميه وواحد وخمسين الف وسته نفر..

مع رحال صاروا سبعه نفر...


خلونا نكون واقعيين الدولة في تطور مستمر

ومشاريعها كثيرة فاكيد محتاجين لهالعدد من العمالة

بس ياليت اي مشروع ينتهي يتم ترحيل العمالة فورا

مب يروح صاحب المشروع ويبيع فيز العمال

يعني تقصد ان احنا عايشين في قرقور كبير اللي يدخل مايطلع !!!

[مزعله النساء]

شوارع الدوحة تختنق

[قطريه22]

شكله الياثوم خنقها

[الفا برافو]

زحمه يا دنيا زحمة.....
2 مليون والحسابه تحسب....

[حمد 2002]

ليش مانوزع هال 2 مليون على جميع مناطق الدوله 500 الف شرق و 500 الف غرب و500 شمال و500 جنوب

[همر]

شكله الياثوم خنقها



تستاهلين جائزة نوبل على هالتشبيه البليغ :nice:

نعم .. ان العماله الوافده كالجاثوم الذي يجثم على صدورنا

بس المشكله هالجاثوم ماتنفع معاه المعوذات :weeping:

[قطريه22]

ليش مانوزع هال 2 مليون على جميع مناطق الدوله 500 الف شرق و 500 الف غرب و500 شمال و500 جنوب



عجبني اقتراحك حلو


وبعد انا عندي اقتراح

بالنسبة لمنطقة الابراج والدفنه والدوحه بشكل عام تكون منطقة تجاريه واقتصاديه فقط بدون اي سكن ومنازل

اشرايك؟؟

[همر]

ليش مانوزع هال 2 مليون على جميع مناطق الدوله 500 الف شرق و 500 الف غرب و500 شمال و500 جنوب



حمد الله يهداك حد قال لك قطر بتغرق تبي توازنها من جميع

الجهات ؟!!

اقتراحك معقول في حاله وحده بس ...

اذا قدرت توزع الابراج والمولات والمستشفيات على جميع هالمناطق :rolleyes2:


يعني تخيل تروح تسوي موعد في مستشفى حمد في الرويس

وتدخل على الدكتور في دخان

وتاخذ دواك من الصيدليه في مسيعيد :)


الناس بتلعب سوبر ماريو عالخريطه والدوحه بتفضى :nice:

[حمد 2002]

عجبني اقتراحك حلو


وبعد انا عندي اقتراح

بالنسبة لمنطقة الابراج والدفنه والدوحه بشكل عام تكون منطقة تجاريه واقتصاديه فقط بدون اي سكن ومنازل

اشرايك؟؟

اقتراح حلو والله بتحويل الدفنه ومنطقه الابرج لمنطقه تجاريه بحته ، وذلك بازاله البيوت الي فيها وتعويض اصحابها عن ذلك ، ممممم بس اشرايج قطريه لو ايشلون الوزارات الي هناك ؟ لان بعد المراجعين للوزارات والموظفين الي ايروحون دواماتهم هناك ايسببون زحمه ؟ :telephone:

[قطريه22]

اقتراح حلو والله بتحويل الدفنه ومنطقه الابرانج لمنطقه تجاريه بحته ، وذلك بازاله البيوت الي فيها وتعويض اصحابها عن ذلك ، ممممم بس اشرايج قطريه لو ايشلون الوزارات الي هناك ؟ لان بعد المراجعين للوزارات والموظفين الي ايروحون دواماتهم هناك ايسببون زحمه ؟ :telephone:


لالا يخلون الوزارات بس البيوت يشيلونها
ومكان البيوت تصير توسعه في الشوارع وجسور
بهالطريقه بتختفي الزحمه والكل بيجي الدوام وهو مرتاح
لان البيوت اذا تلاحظ اغلبيها قريبه وايد من الشوارع الرئيسيه مايقدرون يوسعون الشارع بسبب البيوت

[حمد 2002]

حمد الله يهداك حد قال لك قطر بتغرق تبي توازنها من جميع

الجهات ؟!!

اقتراحك معقول في حاله وحده بس ...

اذا قدرت توزع الابراج والمولات والمستشفيات على جميع هالمناطق :rolleyes2:


يعني تخيل تروح تسوي موعد في مستشفى حمد في الرويس

وتدخل على الدكتور في دخان

وتاخذ دواك من الصيدليه في مسيعيد :)


الناس بتلعب سوبر ماريو عالخريطه والدوحه بتفضى :nice:


انزين ليش مانسوي مستشفى متطور عالمي ((( حكومي ))) بالبر مممم بام صلال مثلا ولا بالخيسه ولا باحدى المناطق الشماليه الي مب بعيده وايد وبذلك بنخفف الزحمه شوي ،،،

وليش مجمعاتنا متركزين بمنطقه وحده وخير دليل ازدان مول والولو ورامز والاند مارك ووو بمنطقه وحده ،،،

وفيلاجيو والجمع الي جنبه بمنطقه وحده وووو الاصمخ مول والمجمع الي جنبه نسيت اسمه بمنطقه وحده ،،، المفروض المجمعات تتوزع بس مب بعييده كلش ممم يعني مانقطها بالرويس مثلا ولا بام سعيد لا لا لا لا انقطها بمسافات مب بعيده وايد ،،،


ونفس الوزارات كلها متوزعه بالدفنه او بالاحرى بمنطقه الابراج ،،،

مع التحيه :nice:

[كازانوفا]

يببنا ولا حد سمعنا هههه

[حمد 2002]

لالا يخلون الوزارات بس البيوت يشيلونها
ومكان البيوت تصير توسعه في الشوارع وجسور
بهالطريقه بتختفي الزحمه والكل بيجي الدوام وهو مرتاح
لان البيوت اذا تلاحظ اغلبيها قريبه وايد من الشوارع الرئيسيه مايقدرون يوسعون الشارع بسبب البيوت

صااااااااجه بعد فكرتج حلوه ، بس اهم شيء مايخطط الشوارع بعدين مصري ولا سوداني ممم افكارهم مال 60 سنه ورى نبي الي ايخططون الشوارع ناس يشتغلون بذمه وضمير وافكارهم شبابيه ومخهم صافي ومتفتح نبي مهندسين عندهم ابتكاااااااااااااااااااار :victory:

[قطريه22]

صااااااااجه بعد فكرتج حلوه ، بس اهم شيء مايخطط الشوارع بعدين مصري ولا سوداني ممم افكارهم مال 60 سنه ورى نبي الي ايخططون الشوارع ناس يشتغلون بذمه وضمير وافكارهم شبابيه ومخهم صافي ومتفتح نبي مهندسين عندهم ابتكاااااااااااااااااااار :victory:

تدري من الي بيصير تخطيطه للشوارع والجسور ابتكاري؟؟


انتو رجاجيل قطر لو يجتمعون معاكم وياخذون أفكاركم بتصير شوارع قطر ممتازه لأن انتو خبرتكم اكثر من الي يجيبونهم ومايعرفون يخططون ويدفعون لهم بالملايين..

[حمد 2002]

تدري من الي بيصير تخطيطه للشوارع والجسور ابتكاري؟؟


انتو رجاجيل قطر لو يجتمعون معاكم وياخذون أفكاركم بتصير شوارع قطر ممتازه لأن انتو خبرتكم اكثر من الي يجيبونهم ومايعرفون يخططون ويدفعون لهم بالملايين..

:shy: :shy: :victory: :victory:

[بوحمد111]

الهدف وصول عدد السكان الى 5 ملايين وبعدين بنعرف الزحمه الصح وكل مشوار اقل شي يبي لنا اربع ساعات رايح واربع ساعات راجع والشغله ما تاخذ نص ساعه بالكثير والحسابه بتحسب
وإن اله عطانا عمر الى سنة 2022 اتوقع عدد السكان بيوصل 10 مليون ويازين قعدة البيت

[بوعجيل]

يعني من البيت الى الشغل وتعود البيت ولا تحرك بالعربي ننثبر بالبيت رحنااااااااااا وطي

[Dmy Enabi]

الله يزيد ويبارك

همر تسلم عالموضوع

[قطريه22]

الله يزيد ويبارك

همر تسلم عالموضوع


أمين يارب ويحفظ أمير وشعب قطر وكل من ساكن على ارضها


استغربت بعض الردود الي تفكر بنفسها وبتصير زحمه لهدرجه حقد وأنانيه في البعض

الله المستعان

[همر]

انزين ليش مانسوي مستشفى متطور عالمي ((( حكومي ))) بالبر مممم بام صلال مثلا ولا بالخيسه ولا باحدى المناطق الشماليه الي مب بعيده وايد وبذلك بنخفف الزحمه شوي ،،،

وليش مجمعاتنا متركزين بمنطقه وحده وخير دليل ازدان مول والولو ورامز والاند مارك ووو بمنطقه وحده ،،،

وفيلاجيو والجمع الي جنبه بمنطقه وحده وووو الاصمخ مول والمجمع الي جنبه نسيت اسمه بمنطقه وحده ،،، المفروض المجمعات تتوزع بس مب بعييده كلش ممم يعني مانقطها بالرويس مثلا ولا بام سعيد لا لا لا لا انقطها بمسافات مب بعيده وايد ،،،


ونفس الوزارات كلها متوزعه بالدفنه او بالاحرى بمنطقه الابراج ،،،

مع التحيه :nice:

والله مب من مخباي يا حمد :weeping:

لو من مخباي اول شي باستنسخ مستشفى حمد ومستشفى

النساء والولاده نسختين وحده في ام العمد ووحده في الشحانيه

واحط قانون يحدد المسافه بين المولات بحد ادنى 10 كيلو بين المول

والمول..

واقشع الدوارات والاشارات من مخ اشغال ..

ولكن ما كل مايتمنى المرء يدركهو.. سير الرياح بما لاتبّي السفنو ...



يببنا ولا حد سمعنا هههه


شكله يباب صامت حداد على وزن دقيقتين صمت :tease:



تدري من الي بيصير تخطيطه للشوارع والجسور ابتكاري؟؟


انتو رجاجيل قطر لو يجتمعون معاكم وياخذون أفكاركم بتصير شوارع قطر ممتازه لأن انتو خبرتكم اكثر من الي يجيبونهم ومايعرفون يخططون ويدفعون لهم بالملايين..


انا اقول شزيه بعد.. انا ارشح حمد رئيس لجنة تطوير شوارع الدوحه

وضواحيها :victory:

[ضوى]

مليونين ؟؟

غير بدل !!

خلاص يعني ننسى نطلع اي مكان

خلاص باهاجر تركيا باخذ لي بيت هناك وباجي الصيف الدوحة اصيف فيها

[غايه الطواش]

البلاد تعمر
وكل مازادت المشاريع ,زادت العماله الوافده.
2016 راح نوصل لاختناقات مروريه كبيره جدا , بسبب بدايه تنفيذ مشاريع كبيره جدا فالدوله , من الافضل ايجاد حلول بديله قبل خلق المشكله .
بس وين الي بيفكر

[حسن]

البلاد تعمر
وكل مازادت المشاريع ,زادت العماله الوافده.
2016 راح نوصل لاختناقات مروريه كبيره جدا , بسبب بدايه تنفيذ مشاريع كبيره جدا فالدوله , من الافضل ايجاد حلول بديله قبل خل المشكله .
بس وين الي بيفكر

انا افكر يعني انا موجود

انتي قولي حد منهم قراء ولا فهم شنهي الخطه الاستراتيجيه

شرط لا تسئلين وزراء ماعرفوها البعض ولا يدري عنها

هذا انا قلت لهم كم مره ومافي فايده
الخطوط الخارجيه خلهو 16 حاره على الاقل لكن محد يسمع
قلت لهم يامرور الحقو على شوارعنا الحين يسونها وقامو يصغرونها مافي فايده تعالي شوفي وش سوو بالمنطقه ضربوها بكلها مطبات تخيلي شي فضيه مافي فايده
حطيت لهم صور اثبات
المشكله محد مهتم مافي فايده غصب يقتلون في الوطنيه وتسير سلبي
طز اللي يسير يسر اكل وامش يدي في الطوفه

[ام ناصر1]

الاحصائية غير دقيقة من وجهة نظري ...لأنه مواليد الاجانب اليومية من المقيمين ...ما دخلت بالحسبة
انحسبوا بس البالغين من الوافدين ...فالعدد اكبر ...ايقولون انه الضغط مش بسبب المشاريع والعمالة لأنه
عمالة المشاريع يتوفر لهم السكن بعيدا عن تجمعات المنازل ..والباصات تحملهم من والى مقر عملهم ...ويخرجون فقط ايام العطل
السبب مجمعات ازدان المتروسة بالجاليات العربية لرخص اسعار الايجار بها ......

[ALKASER]

عشان جذي كل مكان زحمه

الحل الاستغناء عن العماله الوافده

عشان اقاصاد البلاد الي معنمد عليهم يروح يالسالب؟ من بشيل شغلهم؟

[هاب الريح]

الله يبارك فيك

[دلة الرسلان]

ومن لم يرم صعود الجبال .......... يعش ابد الدهر بين الحفر

الوضع صعب وبيستمر صعب وبحاجة فعلا لتخطيط لخلق نوع من التوازن بين المشاريع التنموية

وما تتطلبه من عمالة ، وبين قصور البنية التحتية عن تلبية هذا التدفق البشري .

[العنيده]

استغفر الله العظيم مانقطع رزق حد بس الاغلبيه جايه بدون عمل ..
ناقصين جرائم وسرقه .. ايش ننتظر وزحمه مب طبيعيه يارب سترك

صرنا اقليه :) والله المستعان

[همر]

الاحصائية غير دقيقة من وجهة نظري ...لأنه مواليد الاجانب اليومية من المقيمين ...ما دخلت بالحسبة
انحسبوا بس البالغين من الوافدين ...فالعدد اكبر ...ايقولون انه الضغط مش بسبب المشاريع والعمالة لأنه
عمالة المشاريع يتوفر لهم السكن بعيدا عن تجمعات المنازل ..والباصات تحملهم من والى مقر عملهم ...ويخرجون فقط ايام العطل
السبب مجمعات ازدان المتروسة بالجاليات العربية لرخص اسعار الايجار بها ......



يعني مجمعات ازدان هي اللي زادت تعداد السكان ؟!! مايصير

المجمعات انبنت لكثرة الطلب الموجود اصلاً ماسووا مجمعات

وجابوا ناس من برع عشان يسكنونها ...


وبعدين موضوع العمال وباصاتهم اللي كلن يبرأهم من الزحمه

اذا البلاد فيها مليون عامل .. كلهم يروحون بباصات...

كم باص لازم توفر لهم ؟!!!

لو فرضنا 100 عامل في الباص .. هذول 10،000 باص

رايحه جايه في هالشوارع !!!





مادري ليش مايبنون لهم سكن مؤقت متنقل في مواقع البناء

بدال المشاوير والروحه والجيه !!!