أيكيا وبطاقتي الفيزا

[عيون الدوحة]

صباح الخير
أمس العشاء رحت أيكيا قسم المطابخ وأتفقت معاهم على أخذ القياسات
وراح يسون لي تصميم
المبلغ كان 500 ريال تم الدفع عند الكاشير ووصلني مسج من البنك خصم 500
ورحت قسم التوصيل عشان يعطوني موعد
كل شي تمام لحد الحين
رحت البيت الساعة 11 وصلني مسج من البنك سحب 100 يورو في فودافون uk
:rolleyes2:
:telephone::telephone: أتصلت البنك قسم الفيزا وبلغتهم وقالي فعلا العملية صارت في uk
وطلبت منه يوقف البطاقة
وقال لي الناس قاعدة تحاول تشتري من البطاقة بعد في عدت محاولات

الحمدالله كنت قاعدة وشفت المسج :shy: وتلاحقت الموضوع

وموظف البنك سألني أخر عملية وين كانت قلت له في أيكيا وقال أكيد حد سرق الرقم يوم كنت عندهم

كل وأحد يدير باله على بطاقته ماعاد في أمان :rolleyes2:

[Dana’1]

إحتراف سرق!
جزاك الله خير عالتنبية

[شيخ الديرة]

شكرا على التنبيه, أرجو تقديم شكوى الى مدير أيكيا لكي يعرفوا من قام بالسرقة ويوقفوا عند حده ويكون عبره للأخرين

[دااانة قطر]

بصراحة انا اتضايق من عيون البعض من افتح البوك بطلع البطاقة ايا كانت عيونهم عالجهاز استغرب منهم في اللي اقول لهم خير فيه شي او اني اسكت

الله المستعاان والحمدلله انك تداركت الموقف
وانا دايم اي مسج يجيني اشيك عليه

[وطن]

مب شرط يكون ايكيا
ولا شرط تكون السرقة من اخر عملية

احتمال من قبل

ممكن من استخدام البطاقة في احد المواقع اللي ما عليها نظام حماية

او في بلاد ثانية

يعني المعلومات ممكن تكون عندهم من فترة و استخدموها الحين


الحمدلله انج انتبهتي و وقفتيها

[بويعقوب]

انتبهوا منة هالموضوع وخاصة في المطاعم لاتعطونهم البطاقة .

الله يحفظنا جميع المسلمين

[shadad]

مب شرط يكون ايكيا
ولا شرط تكون السرقة من اخر عملية

احتمال من قبل

ممكن من استخدام البطاقة في احد المواقع اللي ما عليها نظام حماية

او في بلاد ثانية

يعني المعلومات ممكن تكون عندهم من فترة و استخدموها الحين


الحمدلله انج انتبهتي و وقفتيها

بالظبط ! :nice:

موظف البنك الذكي ( لو فعلا قاله بان ايكيا انسرق الرقم عندهم ) بيكون طيح نفسه في مشكلة هو غنى عنها وهي انه سوى نفسه المحقق كونان. ولو تم الاثبات ان السرقه صارت برع ايكيا وطبعا تعرفون كل المكالمات مسجله مع البنك ( عميل لموظف ) بتروح عليه . لان احتمال ارقم انسرق قبل.

على العموم مبلغ 100 يور مب شويه هههه ومعوض خير ان شاء الله . ونصيحه للجميع سو حسابين جاري وتوفير وقط في الجاري بس اللي يكفيك الشهر .

[عيون الدوحة]

شكرا على التنبيه, أرجو تقديم شكوى الى مدير أيكيا لكي يعرفوا من قام بالسرقة ويوقفوا عند حده ويكون عبره للأخرين

أتصلت اليوم الصبح في ايكيا وقدمة شكوى
وخذ رقم تلفوني وراح يرجع يكلمني بعد ما يكلم البنك

[يحفظك ربي]

فعلا هذي الحركات تصير للفيزا كارد

انا بعد عودتي من لندن بيومين وصلني مسج خصم بمبلغ 2200 دولار للبرتش اير وييز-فرع امريكا

عقب المسج بدقيقة جاني اتصال من مصرف قطر الاسلامي هل فعلا قمت بهالعملية قلت لا
وهم لانهم شكوا بالموضوع على طول وقفوا البطاقة ولكن بعد ماتم السحب !!
ولكن الحمدلله بعد محاولات وعقب شهرين تقريبا ارجعت لي فلوسي

بس اتوقع لما انكشفت بطاقتي في قسم التاكس فري لان طلبو رقم الفيزا حد لقط الرقم وحصلت السرقة

[miss.qa]

والله اتجيني خصومات لكن عيزانة اسكر بطاقتي واروح اسوي وحده يديده

[أم محمد 90]

والله اتجيني خصومات لكن عيزانة اسكر بطاقتي واروح اسوي وحده يديده

غلط واكبر غلط !

انا جاني خصم من موقع صيني ب 1405 ريال
والله ماسكت وتلاحقت وتميت احن ع البنك وعطوني طلب شكوى ووقفت البطاقة بس بعد شهرين وكم يوم رجع المبلغ بحسابي

[ضوى]

بهالشي تحديدا مب حريصة ، كل شي اشتريه بالفيزاولا اهتم بسرية الرقم السري والله هذي مشكلة زين نبهتينا عليها

جزاج الله خير

[d.romance]

الله يستر
كل واحد يحافظ على بطاقته وخصوصا الثلاث ارقام السرية خلف البطاقة

[BoFahed]

زميل بريطاني في العمل باقو من فيزته ١٣الف ريال والعملية صارت في امريكا لما كان في اجازة دفع قيمة اقامة في فندق وباقو البيانات


الحل هو ليمت لكل فيزا حسب الحاجة واذا يبي زيادة اتصل في البنك وحول من حساب الجاري ل الفيزا

[alsoq]

شوفي الحين فيه مكينه صغيره يستخدمونها بعض النصابين في المحلات محد يلحظها مجرد مسح بطاقتك فيها يتسجل جميع البيانات

الحل الامثل تروحي مصرف الريان اخذي بطاقة pay&go تعبيها بالمبلغ المطوب وصالحة لمده كم سنه وتعبيونها وقت ما تبون


اكبر خطاء استخدام الفيزاء فبعض المحلات مهما كان كبير وله شهره

[qatar911]

ايكيا زاد اسعره 100 ريال في وايد من الغراض اللي يبي يشوف الفرق يخذ الكتلوج القديم و يروح يشوف انا مخذ هذا الكرسي 625 شوفو الفرق كم
http://www.ikea.com/qa/en/catalog/products/40103100/

[غايه الطواش]

اختي اذا ماستر كنسليها انا يوم كنت في باريس كلموني البنك وقالولي لي ان شركه الماستر كارد مطرشه لسته بارقام بطاقات كانو شاكين انها منسوخه وطلبت منهم يقفون البطاقه اول يوم ارجع فيه قطر
يعني مب شرط من ايكيا

[ka2ka2]

افضل حل خذ لك فيزا مبسبقة الدفع يعني اذا تبي تشتري حول من حسابك الجاري الى الفيزا وصلى الله وبارك

[وطن]

ايكيا زاد اسعره 100 ريال في وايد من الغراض اللي يبي يشوف الفرق يخذ الكتلوج القديم و يروح يشوف انا مخذ هذا الكرسي 625 شوفو الفرق كم
http://www.ikea.com/qa/en/catalog/products/40103100/

رفيجتي قالت لي عن فرع الإمارات بعد


شكله ايكيا بكبره رفع

[بونووف]

ماله دخل ايكيا تلاقي واحد عنده معلومات بطاقتج

انا قبل سنه تقريبا صارت لي نفس الحركه تقريبا

تموا يخصمون مني 472 تقريبا ورى بعض 7 مرات ..اول 3 مرات فالليل ورقدت طنشت قلت يمكن بالغلط واليوم الثاني قمت وصلني مسجين استوعبت واتصلت البنك وانا اكلمهم وصلني مسجين ههه توهقت لين ردوا علي قلت لهم السالفه وقفوا للبطاقه ورفعوا شكوى لشركة الفيزا وقاول من شهر بين 45 يوم عمل وتميت معاهم 6 لين 7 شهور كلموني قالوا تعال الفنار وجيب جوازك عشان تثبت لنا لنك مب مسافر وبعدها تميت شهر رجعوا لي المبلغ .. والبوقه كانت من نيبال هههه متطورين النيباليين

حسابي ف المصرف

[المحاميه]

الله يكافينا الشر

كل واحد يحاسب فعﻻ مشكله :(

[Riku3]

عندي فيزا السحب العاديه وفيزا مسبقة الدفع للانترنت والسفر ..

الله لا يحوجنا !

[بوخالد911]

الله يحفظنا