مسجات الـ sms " للتخييم الشتوي "

[QTR ALTHANI]

بسم الله الرحمن الرحيم

يرجي من زوار هذا الموضوع والي ينتظر مسج sms :rolleyes2:
من وزارة البيئة بخصوص دفع التامين للموسم 2014/2013م

يفيدنا اذا استلم

ولكم جزيل الشكر عالمرور والكلمة الطيبة

[شبح الصمت]

واحد من الربع حاط في البي بي انه جاته الموافقه خلاص ..

واعرف ناس نرفض طلبهم !!

والله يجزاك خير على فتح هالموضوع

:secret:

[حسن]

ياجماعه الخير

مافي طلب ينرفض الكمبيوتر خلوه منكم عمري ماحجزت عن طريق النت
ساعات اروح لهم وساعات عقب ماحط المخيم باسبوع اروح لهم وادفع
مادري ليش الكثير مشتط ويحشرون العالم ويسون صجه وضجه انا لين الحين مارحت وعقب العيد ان شاء الله باروح الموضوع عادي لاتكبرون
اشياء تافهه الموسم طويل لو تحط اخر شهر حط ياخي

[برويقن]

وصلني مسج امس الظهر

[بومحمد المطاوعه]

دفعنا الحمدلله

وخذنا رقم التخييم

[فرحة الكواري]

الحمدالله وصلنا مسج الموافقة :)

والتقديم كان عن طريق الانترنت

[FCB 123]

تم إستلام المسج بالموافقة

و

واحد من الربع إستلم لوحة التخييم

[QTR ALTHANI]

للرفع ....

لم يتم استلام مسج لحد الان .....

[mohad00974]

تم استلام مسج
وتم الدفع بنجاح

[qatarman8008]

ممكن افادة .. عن مكان الدفع.. في اي جهه .. ووين مكانها..

[كربيتر كام]

اهم الشي اللي استلم مسج يقولنا عن المكان انا والربع مقدمين بالمرونه والغاريه والمفير ولحد الحين ماجانا ولا مسج وللعلم ٨ اشخاص مقدمين وعن طريق النت ووحدة ام اصلال

[BuFaisal]

قدمت الطلب على منطقة سيلين

استلمت رسالة الموافقة على الجوال بتاريخ ١ اكتوبر

اليوم تم دفع المبلغ واستلام لوحة رقم المخيم من مكتب البيئة خلف فندق الماريوت براس ابوعبود

[البرونزي]

اهم الشي اللي استلم. مسج يقولنا عن المكان انا والربع مقدمين بالمرونه والغاريه والمفير ولحد الحين ماجانا ولا مسج وللعلم 8 اشخاص مقدمين وعن طريق النت ووحدة ام اصلال

نفس الحاله انا والربع ماوصلتنا الرسايل
وهذا حالنا كل سنه مع وحدة الشمال الفاشله
وللعلم في ناس وصلت لهم الرسايل من يومين
اقصد اللي في الغاريه والمرونه والمفير
وللعلم الحين متوهقين لان البلدية امنعت التخييم ( والافضل ماقول سبب المنع )
من شمال شاليهات الغارية لين الخفر ولين الحين ما انحل الموضوع
بالعربي ناس بتخيم وناس بيطلعونهم من للدريشه

[بوخالد911]

هلا

تم الحجز
واستلام مسج ورقم الطلب

الموقع : سيليين

[داااايم السيف]

تم إستلام المسج بالموافقة

و

واحد من الربع إستلم لوحة التخييم
اخوي توني كنت عندهم امس ولما دفعت الرسوم واستلمت الوصل قالوا اللوحات مب جاهزه راجعونا عقب اسبوع:telephone:

[الخط الساخن]

انا رقمي في البداية ثالث اورابع واحد مسجل انا وخوي وماجاني مسج مع أني كل سنة اخيم في المرونة وفي واحد مِنْ

[بني تميم]

انا على الويتنق


:weeping: :weeping: :weeping:

[tradesman]

ان ستلمت المسج بس غريبه المفروض يحطون رقم الواحد يقدر يتواصل معاهم

عموما شالاجراءات الحين ؟

يعني لازم احط العنه بالاول ولا اروح لهم وعقب احط ؟

[بطران متملل]

انا مقدم اول الناس ٨ الصبح في ام اصلال وفي اول يوم لتقديم وحاولت ليلتها بعد الساعه ١٢ كانو معطلين السستم عشان محد يسجل بالنت وهم يسجلون حق ربعهم وقدمت بالمرونه وجاني مسج انه لايوجد شاغر بعد ١٠ ايام !! تعشمنا خير بالوزير الجديد بس نظامهم مثل كل سنه مافي مصدقايه وكله واسطات الواحد مايقول غير حسبي الله ونعم الوكيل

[الخط الساخن]

انا مسجلً الساعه 12 باليل اول يوم وكان رقمي في اول الأشخاص وجاني رفض في المرونه

[احساس غريب]

انا خمس سنين أحط ف الغاريه ف نفس المكان وملتزم الحمدلله هالسنه قدمت رفضوا لعدم وجود شاغر على قولتهم بس بصدمهم وبحط بخليهم يقولون أوه انت هنيه !!!!
لني ادري اشكره يبون مكاني حق هل الواسطات ...

[كربيتر كام]

انا بعد ارفضو الطلب انه لايوجد شاغر بالمرونه ومقدم اول الناس صج وزاره فاشله ونظامهم فاشل بدون مصداقيه ولاحسيب ولا رقيب واعرف واحد قدم عقبي وكلم له واحد في البيئه وعطوه تصريح كله واسطات ومحسوبيات وشاطرين يكتبون بالجرايد انه لايوجد واسطات ومحسوبيات الكلام والرد سهل خاطري يسون تحقيق وراجعون كله الطلبات وارقامها عشان يعرفون الواقع شي وكلام الجرايد شي ثاني

[heavy duty q]

بكل مكان إذا ما عندك واسطه ما تمشي

[قــطــريــه]

كل سنة يقولون لنا مافي مكان وينرفض طلبنا على الانترنت ودايما نختار راس مطبخ

لين ما نكلمهم وندور عليهم من مسؤول لمسؤول ومن مدير لمدير عقب يقولنا خلاص روحوا اختاروا المكان

طيب ما كان من الاول بما ان فيه مكان يعني خلوا السستم يقبل طلباتنا ولا شكلهم يخشون الاراضي للي يبون يعطونه :)

[كربيتر كام]

بكل مكان إذا ما عندك واسطه ما تمشي

صحيح يالغالي هذي اللي حاصل

[كربيتر كام]

بكل مكان إذا ما عندك واسطه ما تمشي

صحيح يالغالي هذي اللي حاصل المشكله ان مافي رقابه والامور ماشيه بالواسطات والمحسوبيات

[كربيتر كام]

كل سنة يقولون لنا مافي مكان وينرفض طلبنا على الانترنت ودايما نختار راس مطبخ

لين ما نكلمهم وندور عليهم من مسؤول لمسؤول ومن مدير لمدير عقب يقولنا خلاص روحوا اختاروا المكان

طيب ما كان من الاول بما ان فيه مكان يعني خلوا السستم يقبل طلباتنا ولا شكلهم يخشون الاراضي للي يبون يعطونه :)

هذي الشي صحيح المسؤول يفكر انه هو يملك التصاريح ومناطق التخييم كلها تحت يده ويعطي ويوزع على ربعه وهله و اللي يبيه بمزاجه لازم حب خشوم وواسطات ولا كنه وزاره لخدمة المواطنين احنا مره عطونا تصريح في بر وقالو عادي حطو في اي بحر تبون يروح المسؤول يكلم المفتش المسؤول عن المنطقه ويمشي الامور وفي ناس تحط قبل العالم وتشيل اخر العالم وبدون تصريح السالفه واسطات بس لين متى بتم الوزاره على هذي الوضع !!!