فله للايجار

[سهم سهم]

السلام عليكم

عندي مشروع بناء فله للايجار
بغيت المواصفات من اهل الخبره
ابي شي مضبوط وتكلفتة زينه
ابي الفله تعمر سنين باذن الله
وما تحتاج صيانه قويه خلال عشر سنوات

[معماري قطري]

إستعمل حديد مغلف " ايبوكسي " لما تحت وفوق الأرض لحد إرتفاع متر وبعدها ممكن تستخدم حديد عادي.

ركب بايبات بي بي ار الألمانية الأصلية للحمامات المضمونة 50 سنة والمقاومة لأشعة الشمس .. لتسوي الخليط برا نحاس وداخل بي بي آر .. وخل اللحام يكون حراري.

الكهرباء خذ مواصفات زينة وحط إحتياط زيادة حمل أثناء التصميم.

أي بورسلان خل تحته أرضية خرسانية ولو تشوف مواصفات الأرضيات اللي سويتها لبيتي بدون حديد كلش حتى للحوش .. معلق عليها وموضحها في موضوع العقود اللي موجود في توقيعي .. أول شيء أوفر لك وثاني شيء ما تتكسر وتدوم.

التكييف خله سبلت ولو تسويه إنت وتسوي تمديداته وتركب التكييف وتأجرها مكيفة أفضل لك بس لتنسى تاخذ تأمين على المكيفات من المستأجر.

الأرضيات سوها وحده بورسلان إماراتي .. عن تجربة انا ركبت بيج كامل وطلع وايد حلو مع التركيب بس مهم القراوت تحط لون زين مناسب وخاص ما يتقطع ولا ينفك.

وباقي المواصفات الضرورية من عزل ومن غطاء خرساني كافي للحديد .. الأبواب شوف أبواب جاهزة ونعلات مقاربة ومصنعة أفضل لك وأسرع.

[سهم سهم]

إستعمل حديد مغلف " ايبوكسي " لما تحت وفوق الأرض لحد إرتفاع متر وبعدها ممكن تستخدم حديد عادي.

ركب بايبات بي بي ار الألمانية الأصلية للحمامات المضمونة 50 سنة والمقاومة لأشعة الشمس .. لتسوي الخليط برا نحاس وداخل بي بي آر .. وخل اللحام يكون حراري.

الكهرباء خذ مواصفات زينة وحط إحتياط زيادة حمل أثناء التصميم.

أي بورسلان خل تحته أرضية خرسانية ولو تشوف مواصفات الأرضيات اللي سويتها لبيتي بدون حديد كلش حتى للحوش .. معلق عليها وموضحها في موضوع العقود اللي موجود في توقيعي .. أول شيء أوفر لك وثاني شيء ما تتكسر وتدوم.

التكييف خله سبلت ولو تسويه إنت وتسوي تمديداته وتركب التكييف وتأجرها مكيفة أفضل لك بس لتنسى تاخذ تأمين على المكيفات من المستأجر.

الأرضيات سوها وحده بورسلان إماراتي .. عن تجربة انا ركبت بيج كامل وطلع وايد حلو مع التركيب بس مهم القراوت تحط لون زين مناسب وخاص ما يتقطع ولا ينفك.

وباقي المواصفات الضرورية من عزل ومن غطاء خرساني كافي للحديد .. الأبواب شوف أبواب جاهزة ونعلات مقاربة ومصنعة أفضل لك وأسرع.

الف شكر لك اخوي معماري قطري
ما شاء الله عليك كفييت ووفييت
وعقب اسبوع راح تجهز الخرايط النهائية
وبمر على شركتكم
والله ايجيب الي فيه الخير

[Bozizoo]

مع كامل احترامي و تقديري لخبرته وانا اتعلم منه اخوي معماري قطري
انصحك لاتركب حديد ايبوكسي ركب الحديد العادي
لعدة اسباب السبب الاول اذاكانت الارض ليست سبخه ولا يوجد بها بالفيلا بيسمنت ماله داعي
والسبب الثاني وهو الاهم انه طريقة تركيب الحديد الايوبكسي غلط كل المقاولين يركبونه غلط
وذا حصلت واحد يركبه بطريقه صحيحه يعني بروفيشنال هذا بيكون سعره واااايد غالي
و المشروع مثل ماقلت للايجار او تجاري
اما بخصوص الكهربه و البيبات مب خسارة تحط اغلى الانواع لانها دائمة مع البيت و الفرق مب كبير
بين النوع الممتاز و الوسط او اقل
البورسلان غير بو 30 او35 ريال للمتر لاتركب و البيت كامل لون واااحد
واذا عندك اكثر من فيلا دبي الله لايهينك السوق الصيني وخذ الابواب بالمرة
وديزاين البيت يكون بوكس و ابعد عن الاقواس سواء الشبابيك او الابواب

[Stars]

ما شاء الله عليك اخوي معماري خبرة ومعلومات قيمة
شسم شركتك ؟
الله يبارك لك

[معماري قطري]

ما شاء الله عليك اخوي معماري خبرة ومعلومات قيمة
شسم شركتك ؟
الله يبارك لك

الظاهر الأخ سهم سهم فاهم معماري قطر لليو بي في سي إنها شركتي .. الله يرزقني وأفتح في أي مجال وإن شاء الله ما اقصر مع الكل.

بالنسبة للأخ بو زيزو .. من مشاهدات واقعية وفي بيوت مر على بنائها 10 سنين .. شفت التصدع والتكسر في الأبيام الأرضية وسببه معروف صدأ الحديد والحديد في الأساسات وفي الأبيام الأرضية دايم ومستحيل حد يغيره متى ما يبغي .. وصدقني ترقيعه ينفع فترة بسيطة ويرجع الصدأ ينفخ الخرسانة حوله.

تدري إن الخرسانة المصمتة والقوية والمصنوعة حسب أعلى المواصفات تعتبر نسيج إسفنجي مسامي مجهري وتسرب الماي .. وعندك ماي وكلورات وحديد = صدأ مؤكد.

وبعدين شالخبرات الخاصة حق تركيب الحديد المغلف؟ ووشي فرقية السعر +/- 5% !!

عني انا اشتغلت في كم مبنى وكله أشترط هذي النوعية من الحديد ومبنى كسرت درج خارجي وطلع الحديد تقول جديد والخرسانة بصعوبة تكسرت .. ما ابالغ إذا قلت لامه على الحديد تقول لا فراق للأبد .. ويا اخوي المهندسين الموجودين كثير منهم عن جهل يحب الحديد العادي وسامع من الباش مهندس بُرعي ولا الباش مهندس تيمور ولا مستر راجيش إن الخرسانة ما تمسك مع الحديد المغلف ومقتنع لا إرادياً، وفي نفس الوقت كثيرين يشوفون المستقبل ويعرفون الرطوبة اللي تمتصها التربة وتمتصها الخرسانة شتسوي في الحديد وفي الخرسانة.

[Bozizoo]

على فكره معماري قطري
انا مهندس مدني ..كلامك صحيح من ناحية الحديد الايبوكسي انه افضل و الخرسانه مساميه ولكن انا وضحت انه المشكلة في طريقة تركيبه غلط .. اما من ناحية فرق السعر ليس 5% الفرق تقريبا الفرق يطلع في بعض اقطار الحديد 20% وبعض الاقطار يزيد عن ذلك..
اخوي معماري قطري انا حضرت تجارب علمية توضح الفرق بين تماسك الخرسانه مع الحديد الايبوكسي و الحديد العادي محد قالي ..

[معماري قطري]

على فكره معماري قطري
انا مهندس مدني ..كلامك صحيح من ناحية الحديد الايبوكسي انه افضل و الخرسانه مساميه ولكن انا وضحت انه المشكلة في طريقة تركيبه غلط .. اما من ناحية فرق السعر ليس 5% الفرق تقريبا الفرق يطلع في بعض اقطار الحديد 20% وبعض الاقطار يزيد عن ذلك..
اخوي معماري قطري انا حضرت تجارب علمية توضح الفرق بين تماسك الخرسانه مع الحديد الايبوكسي و الحديد العادي محد قالي ..

وانا كذلك يا اخوي ودرست مميزات النوعين والصدأ يكون أسوأ بكثير من غلاف الإيبوكسي لأنه يكون قطعة مفصولة أما غلاف الإيبوكسي إذا ضغطت عليه الخرسانة وتصلبت مع مرور الزمن واستوت عملية ال curing صح ما يكون عندنا تأثير الا من السلفايت .. اللي هي الكبريتات .. ولتربة قطر وساحل الخليج كله يفترض نستخدم إسمنت وطابوق مصنوع من اسمنت مقاوم للأملاح .. وصدقني هذي بعد طلعوا فيها بعض المهندسين بأن الإسمنت المقاوم للأملاح ضعيف .. وعن السعر انا سمعت من عدة مصادر إنه قريب ال 5% وحتى لو 20% الغالي سعره فيه.

بعدين انت قلت عن التركيب .. ألحين ممكن تشترط إن الحديد يجيك مقطع ومحني وجاهز للتركيب وحتى نهاياته مصبوغة ابوكسي أو تنصبغ في الموقع وأي مكان مكشوف ينصبغ .. بعدين الصبغ الإيبوكسي ما يقاوم الصدأ 100% بس يقلل تأثيره لدرجات عالية .. ومثل ما قلت لك بيتي كان فيه درج خارجي وفي مكان واطي كنت مخليه حق أسوي فيه حوض سباحة .. وحطيت صور الدرج والحديد شلون يبين جديد بعد 7 سنين من البناء .. غير بنيت مره عمارة برافت فاونديشن وكانت المياه الجوفية مرتفعة .. وحاول الإستشاري بكل الطرق يستعمل حديد عادي وأصريت بكل قوة على الحديد المغلف وتم البناء والحمد لله للحين من 12 سنة البناية لا تفكك الحديد وطاحت ولا فيها شلوخ ولو حاب باراويك .. ونفس الوقت باراويك بيت بعد ما انبنى بعشر سنين تمت الأبيام الأرضية تتكسر وتتنفخ ويطلع الحديد المصدي .. وسوينا له صيانة وبمواد خاصة من فوسروك .. وطلع زين ونظيف بس كم سنه ورجعت حليمة لعادتها القديمة لأن الصدأ خلاص موجود والرطوبة متواصلة وتجي كل وقت.

شكل ما قلت لك قبل ولكل واحد قناعاته والمهندسين منقسمين يمكن 50:50 بين هذا وذاك .. شوف فيه قطعة رصيف الكبير اللي حاجز والمفروض ما ينكسر من أي دعمة .. وهذا مركب قرب دوار مدماك يمكن حول 300 متر وانت جاي من شمال رايح جنوب قبل التقاطع .. من ضربة بسيطة من حادث تكسرت من فوق وطلع الحديد المصدي اللي مسبب انسلاخ وفراغ بينه وبين الخرسانة .. هذي مواصفات أشغال ومواصفات خرسانتنا اللي المفروض ما تتكسر وقوية وتقاوم .. سو بحث بسيط عن الكتل الكبيرة في طرق أمريكا .. صدقني بتحصلها مقواه بأقل كمية حديد ايبوكسي وبفايبر علشان تتماسك .. وتعمر لين 50 سنه وأكثر وعندنا كل شيء مؤقت.

[معماري قطري]

تعقيب على تعليقي على مداخلة المهندس بو زيزو صورت عمود في مدخل مبنى تجاري .. ولتوضيح الصورة فإن الرطوبة بدأت في التأثير في حديد العمود من الأسفل للأعلى وسببت كسور كبيرة في الخرسانة .. وبالعمود وبدونه المبنى متعدد الأدوار قائم.

كذلك يلاحظ مدى التصدع اللي صاب مبنى البريد واللي مبني بأفضل الشركات على ما اعتقد كانت شركة هندية .. أيام كان الوكيل واحد والشركة ما عليها قيود تجيب عمالها وآلياتها وحتى التصميم يجي شبه جاهز .. وألحين المبنى شبه آيل للسقوط ومن خطورته منعوا السيارات من الركوب فوق .. والسبب بإختصار الصدأ ولازم بيجون مؤلفين بيستنتجون أسباب ثانية.

http://im31.gulfup.com/hr3gF.jpg (http://www.gulfup.com/?eyytuy)

[سهم سهم]

الظاهر الأخ سهم سهم فاهم معماري قطر لليو بي في سي إنها شركتي .. الله يرزقني وأفتح في أي مجال وإن شاء الله ما اقصر مع الكل.

بالنسبة للأخ بو زيزو .. من مشاهدات واقعية وفي بيوت مر على بنائها 10 سنين .. شفت التصدع والتكسر في الأبيام الأرضية وسببه معروف صدأ الحديد والحديد في الأساسات وفي الأبيام الأرضية دايم ومستحيل حد يغيره متى ما يبغي .. وصدقني ترقيعه ينفع فترة بسيطة ويرجع الصدأ ينفخ الخرسانة حوله.

تدري إن الخرسانة المصمتة والقوية والمصنوعة حسب أعلى المواصفات تعتبر نسيج إسفنجي مسامي مجهري وتسرب الماي .. وعندك ماي وكلورات وحديد = صدأ مؤكد.

وبعدين شالخبرات الخاصة حق تركيب الحديد المغلف؟ ووشي فرقية السعر +/- 5% !!

عني انا اشتغلت في كم مبنى وكله أشترط هذي النوعية من الحديد ومبنى كسرت درج خارجي وطلع الحديد تقول جديد والخرسانة بصعوبة تكسرت .. ما ابالغ إذا قلت لامه على الحديد تقول لا فراق للأبد .. ويا اخوي المهندسين الموجودين كثير منهم عن جهل يحب الحديد العادي وسامع من الباش مهندس بُرعي ولا الباش مهندس تيمور ولا مستر راجيش إن الخرسانة ما تمسك مع الحديد المغلف ومقتنع لا إرادياً، وفي نفس الوقت كثيرين يشوفون المستقبل ويعرفون الرطوبة اللي تمتصها التربة وتمتصها الخرسانة شتسوي في الحديد وفي الخرسانة.

اسف يا معماري قطري
على بالي انت اليوزر قطري قديم

[معماري قطري]

اسف يا معماري قطري
على بالي انت اليوزر قطري قديم

بالعكس يا اخوي فال خير إن شاء الله