ماهذا يامؤسسة حمد الطبية؟!

[ساعي الخير]

نريد أن نسألكم يامؤسسة حمد الطبيّة عن هذه الأزمة في التصوير بالرنيين المغناطيسيm.r.i وهل هناك سبب وجيه لهذه المشكلة أم لا؟ فإذا كانت أهم المشكلات المعهودة في بعض البلدان وهي (الموارد) غير موجودة ((ولله الحمد)) فما أسباب هذا الزحام الشديد عليه؟! إنني لا أجد - على ماأظن - مبرراً لاستمرار معاناة المرضى في هذا المجال إلاّ إذا كنتم ترون أن الصرف في هذا الباب هو من باب الرفاهية! فهذا شأن آخر!!

ودمتم/ ساعي الخير

[elders]

المشكلة في هذا الموضوع بالذات رغم تكلفته العالية في المستشفيات الخاصة الا ان النتيجة لاتكون دقيقة ويعتمد عليها الا في مستشفى حمد

[وليف الشوق]

انا من المرضى المحتاجين للنرير المغناطيسي بشكل مستمر وذلك لمتابعه تطورات الحالة الى اين وصلت الحالة المرضيه للديسك والغضروف ولا زلت اعاني من مشكله موعد الرنين المغانطيسي 0

مع ان الاستشاري كتب لي بشكل عاجل الا ان المواعيد طويلة واخر شي خبروني يمكن تحديد اقرب موعد اما عن طريق مستشفى الخور او الوكرة او الرميله واضطررت لاخذ الموعد في مستشفى الرميله قسم الرنين المغانطسي يوم السبت القادم وهو اقرب موعد يمكن اجراء فحص الرنين المغانطيسي لي او لغيري من المرضى المحتاجين ويفترض من المستشفى اما زيادة عدد غرف اشعه الرنين المغناطيسي واما زيادة اوقات الدوام للاشعه من الساعه 7 صباحا الى الساعه 10 مساء كل يوم ماعدا يوم الجمعه فقط وتزداد غرف الاشعه في جميع المستشفيات الكبيرة في الدولة ايضا"وبهذه الطريقة سوف يزول الازدحام

[hanayen]

السلام عليكم ينلام اللي يلوم المستشفى عدد السكان السنه يزداد يوميا والضغط على حمد بعد في ازدياد ملحوظ اذا تبي موعد اقرب خلهم يعطونك موعد في الوكره او الخور أبدا ما في زحمه الضغط فقط على حمد

[رهج السنابك]

اعتقد لان مافي غير جهازين فقط في حمد وقدامك طابور هنود


مره كنت محتاجه الرنين بشكل عاجل للفحص عن ورم
قالوا لي انطري شهر !!
حتى لو ورم ننطر شهر لو لا سمح الله كان خبيث كيف بتكون الحاله بعد شهر!

[بوحارب]

اتفق معاك اخوي عندي أزمة في الأشعة المغناطيسية


وين وزير الصحة يعرف اللي صاير ولا يسوي نفسه ما يشوف !!!

[qrt_trading]

هو جات على الرنين المغناطيسي بعد أمس كنت في زياره لوحدة من الأهل في الولادة انصدمت لما عرفت انهم بس يخلون الوحده ٢٤ ساعة وبعدها يرخصونها وإذا كانت تعبانه بس ٤٨ ساعه، والعذر انه زحمه وااااايد واللي تولد قيصري لها ساعه وحده في الإفاقة وقبل كان يوم كامل ولا وبعدها يقطونها في جمعيه، المفروض اللي تولد قيصري لها غرفه خاصه لانها تحتاج حد يساعدها ويشيل الياهل اشوي عنها والجمعيه الممرضات ما يساعدون باليالله هذي اذا ردوا على الجرس جابوا للوحده ادوية

[Riku3]

قالولك السبت زين .. انا قبل رمضان كنت بسوي موعد قالولي شهرين .. رحت الوكره خذت بعد اسبوع .

انا ما الوم الناس لما تشتكي لان الموارد موجوده ولله الحمد بدل جهازين المفروض ١٠ .

الناس تسافر دول تعتبر فقيره وتسوي كل الفحوصات بيوم واحد والنتيجه ثاني يوم واحنا فحص الدم ياخذ اسبوع في المراكز.

[ولد الشحانية]

مو غريبه عليهم

[wesam82]

ذكرتني بكلمة كندي مسلم قال أن عندنا نسوي حقوق الله لكن ما نسوي حقوق العباد
أما في كندا العكس يسوون حقوق العباد لكن ما يسوون حقوق الله
الأدهى والأمر أن المسؤولين يعرفون أهمية حقوق العباد أكثر من الكافر بكثير لكن للأسف يوجد تقصير
لاحول ولا قوة إلا بالله

[wesam82]

السلام عليكم ينلام اللي يلوم المستشفى عدد السكان السنه يزداد يوميا والضغط على حمد بعد في ازدياد ملحوظ اذا تبي موعد اقرب خلهم يعطونك موعد في الوكره او الخور أبدا ما في زحمه الضغط فقط على حمد


صح، أصلا الشغالين في المستشفى أجانب ويخدمون المرضى الأجانب لكن على أرض قطر

[معماري قطري]

السلام عليكم ينلام اللي يلوم المستشفى عدد السكان السنه يزداد يوميا والضغط على حمد بعد في ازدياد ملحوظ اذا تبي موعد اقرب خلهم يعطونك موعد في الوكره او الخور أبدا ما في زحمه الضغط فقط على حمد

شيء بديهي يا اخوي مع زيادة عدد السكان تزيد الخدمات وأي جهاز عليه ضغط ينجلب ثاني وثالث .. حكومتنا بنت مستشفى قلب من دورين وفي أرض وسطية ومخصصة للمستشفيات .. زادوهم 8 أدوار فوقهم وجهزوا بس 3 شخسرانين .. لا والمواقف ما ادري من قايل السيارات بتنقرض بعد سنه والقطار بيستوي هو وسيلة المواصلات الوحيدة .. ما دام فيه بناء من البداية وفيه قدرة المفروض يتم بناء مواقف متعددة الأدوار تكفي لضعف ولا ضعفي العدد المتوقع.

انا ألوم مخططينا العظام في كل المشاريع .. يشوفون بس متر جدام أرجلهم.

[معماري قطري]

هو جات على الرنين المغناطيسي بعد أمس كنت في زياره لوحدة من الأهل في الولادة انصدمت لما عرفت انهم بس يخلون الوحده ٢٤ ساعة وبعدها يرخصونها وإذا كانت تعبانه بس ٤٨ ساعه، والعذر انه زحمه وااااايد واللي تولد قيصري لها ساعه وحده في الإفاقة وقبل كان يوم كامل ولا وبعدها يقطونها في جمعيه، المفروض اللي تولد قيصري لها غرفه خاصه لانها تحتاج حد يساعدها ويشيل الياهل اشوي عنها والجمعيه الممرضات ما يساعدون باليالله هذي اذا ردوا على الجرس جابوا للوحده ادوية

لو يسون مستشفيات خاصة للقطريين بس بتحصلون المستشفى شبه خالي.

[OM_OMAR_QATAR]

الناس تسافر دول تعتبر فقيره وتسوي كل الفحوصات بيوم واحد والنتيجه ثاني يوم واحنا فحص الدم ياخذ اسبوع في المراكز.
صحححححح

[المستعصم بالله]

الله المستعان