تذبذب المشاعر،، هل يصنف كمزاجية أو تناقض أو انفصام ؟؟؟

[ضوى]

كثيرا ما نتواجه مع ناس مزاجيين أو متذبذبين المشاعر ، تجدهم صباحا في مزاج عكر ، وتجدهم في وسط النهار بمزاج معتدل ، وعصرا متنعنشين وليلا متنشيين ، كيف تكون هذه المشاعر والأمزجة مكونات لإنسان واحد ، كيف هو تعاملنا مع شخص يعاملك طوال اليوم بمزاجية متقلبة ، اليوم يحبني وبعد ساعة يكرهني وبعد ساعات يعود ليبحث عني ؟؟؟
نؤمن ان هناك ظروف وعوامل تساعد على تغير المزاج ولكن ليس بهذه الطريقة ابداً ، اذ كيف يتحول النشاط لكسل ام كيف يتحول الروقان إلى كدر ، تجدهم يتصلون بك ويتشرهون عليك وعندما تقترب منهم ابتعدوا ، والعكس صحيح ، هذا تناقض أم ماذا ؟

مشاعر الفرح مشاعر الحزن كيف لها ان تجتمع خلال وقت قصير ؟

مشاعر الحب وإحساس السعادة كيف لها أن تتبدل خلال وقت قصير ؟؟

ماذا تسمون هذا التحول العجيب ؟؟ مزاجية ؟؟ تناقض ؟؟ انفصام شخصية ؟؟

اترك لكم التعليق والنقاش بهذا الموضوع ، وصباحكم ملئ بذكر الله

الله أكبر الله أكبر الله أكبر لا إله إلا الله ، الله أكبر اله أكبر الله أكبر ولله الحمد

[R 7 A L]

هذا هو الانسان
مشاعرة كفصول السنة لابد أن تتغير
خاصة في ظل ظروف الحياة التي نمر بها حالياً
ولكن الحل ان نستطيع ان نتعامل مع تقلب مشاعر من حولنا لكي تمضي الحياة بأقل المخاسير .

[عاهد بن علي]

هذه هي المزاجيه
بكل ما تحملها الكلمه من معنى

[ولد العرب]

الله الله الله ضوى وين مواضيعك ذي من زمااان
بالنسبة لي بالمنتدى انوواع مشاعر ولكن ممنها مضرة لاحد كان بسبب الاسم المستعار
واما بالحياة اليوميه انا ابدا ماتضره مني اي شي لو ويش الالتزم الصمت والهدواء ماتركب على ابدا الزعل والعصبيه وقلة الحيله كلها احتفظ فيها بقلبي
مثل ماقالت تحداني اني قلبي نوووع كذاااااب خله كذاااب دامه كافي الشر :(

[نور الحور]

أعترف إني مزاجية :(

بس مو بالطريقة اللي وصفتيها ..لأ ..
بسرعة تتقلب مشاعري ويتغير مودي ..لأني أعاني من الحساسية (سرعة التأثر) ..
ممكن موقف مؤلم واحد أشوفه أو أسمعه يخليني أصيح ويخترب مزاجي السعيد .. وأتم لعدة ساعات لين أرجع لطبيعتي ..وما أنسى الموضوع استرجعه لكن بحدة أخف ..

حماسي ..مرات يصير شغفي واصل حدود السما وأحياناً الحماس صفر على الشمال :(

الحل ..إني أتعايش مع مزاجيتي ..وما أحاول أتغلب عليها لأنها طبع ..

[ضوى]

هذا هو الانسان
مشاعرة كفصول السنة لابد أن تتغير
خاصة في ظل ظروف الحياة التي نمر بها حالياً
ولكن الحل ان نستطيع ان نتعامل مع تقلب مشاعر من حولنا لكي تمضي الحياة بأقل المخاسير .

الانسان تكوينته غريبة اوافقك بهالشي ، بس انه هالمشاعر تتغير خلال وقت قصير هذا اللي انا استغربه ؟؟ ظروف الحياة غيرت وايد من مشاعرنا صحيح هالشي بس هل معنى هذا انه نعيش في تناقض بمشاعرنا ؟؟ لاحظت هالشي بناس حوالي ، الصبح من اروع مايكون معاك تعال لهم بعد ساعتين متغير المود تماماً ، طيب اذا فيه سبب مقنع الواحد بيعذر ، بس انه تناقض المشاعر بهالسرعة هو اللي يخلي الواحد يشك انه اللي امامه يعاني من انفصام في الشخصية

شاكرة لك اخي الكريم مشاركتك الجميلة

[حمد 2002]

شيء طبيعي ،،، :) :) :)

الانسان :- خلق من مشاعر واحساس وليس من الملائكه وليس صنم متبلد المشاعر ،، :rolleyes2:

فطبيعي اذا تعرض لموقف ايخرعه :eek5: بيخاف :secret: وطبيعي اذا تعرض لموقف حزين :( بيصيح :weeping: وطبيعي اذا حصله موقف حلو :shy: بيستانس :victory: ،،

مع التحيه :nice:

[ضوى]

هذه هي المزاجيه
بكل ما تحملها الكلمه من معنى

ليه ماسميتها تناقض المشاعر ؟؟

[تحداني]

علميا في فرق بين المزاحيه والانفصام .. وفرق كبير جدا

لكن لو قسناها على الصعيد الشخصي .. لايمكن احمل احساس الفرح ناحيه ضوى ولما تتقرب مني اعطيها وجهه اخر مخالف لما اشعر به .. " اعتقد هذا يسمونه جنون في المشاعر "
او " محاوله اجبار النفس على شئ لا نرغب به " لمجرد اننا ملزومين او مجبورين


اما عن اجتماع الفرح والحزن في آن واحد
نعم انا هكذا استطيع ان اجمع الحزن والفرح في آن واحد .. لان الغير ماله ذنب
ازعل من ضوى واكدر خاطر مريم ليش





جملك الله برضاه

[تحداني]

ليه ماسميتها تناقض المشاعر ؟؟




تناقض المشاعر معناه اني كأنسان لايمكن استبعد الحزن دام الفرح موجود
ولا يمكن استغرب من الدموع دام الابتسامه موجوده

معناه ان الانسان خليط من هذا كله
في مواقف تظهر الدموع .. وموتقف اخرى تختفي


جملك الله برضاه

[همر]

انا اعاني من هذه المزاجيه..

لا بل اللي حواليني المساكين هم اللي يعانون وانا مريح بالي :)

حتى مسؤولي يناديني مودي ...

عبالي يدلعني في البدايه :shy:

اتضح لي بعدين انه يقصد moody :(

هو بعيد عن انفصام الشخصيه..

لان الانفصام عباره عن شخصيتين في شخص..

ومش تناقض مشاعر اذا جائت بترتيب معين

مش في نفس الوقت مثل اللي مايعرف هو فرحان

ولا زعلان !!


انما هي ببساطه احاسيس عابره بس تأثيره قوي

حبتين على الشخص المزاجي.. يكوت الصبح رايق

بعد ساعه يتذكر موقف صارله من فتره يعتفس

مزاجه .. عقب يتكلم مع واحد يعزه يروق .. العصر

من التعب والارهاق يضيق خلقه .. في الليل يتذكر

ان مديره طالبه الصبح يبوز وهكذا ...


لا تظلمون الموودي تراه حساس اكثر من غيره :shy:

[تحداني]

المزاجيين ادواهم الواحد يسفه لهم
لان لو ركض وراهم بيتعب .. وبيخلق لنفسه ولهم مشكله جديده

المزاجيين يحتاجون حد يتعامل معاهم بالمثل لما ايكونون رايقين
عشان يعرفون ان الله حق

[نور الحور]

انا اعاني من هذه المزاجيه..

لا بل اللي حواليني المساكين هم اللي يعانون وانا مريح بالي :)

حتى مسؤولي يناديني مودي ...

عبالي يدلعني في البدايه :shy:

اتضح لي بعدين انه يقصد moody :(

هو بعيد عن انفصام الشخصيه..

لان الانفصام عباره عن شخصيتين في شخص..

ومش تناقض مشاعر اذا جائت بترتيب معين

مش في نفس الوقت مثل اللي مايعرف هو فرحان

ولا زعلان !!


انما هي ببساطه احاسيس عابره بس تأثيره قوي

حبتين على الشخص المزاجي.. يكوت الصبح رايق

بعد ساعه يتذكر موقف صارله من فتره يعتفس

مزاجه .. عقب يتكلم مع واحد يعزه يروق .. العصر

من التعب والارهاق يضيق خلقه .. في الليل يتذكر

ان مديره طالبه الصبح يبوز وهكذا ...


لا تظلمون الموودي تراه حساس اكثر من غيره :shy:




نفس الحالة :(

[نور الحور]

المزاجيين ادواهم الواحد يسفه لهم
لان لو ركض وراهم بيتعب .. وبيخلق لنفسه ولهم مشكله جديده

المزاجيين يحتاجون حد يتعامل معاهم بالمثل لما ايكونون رايقين
عشان يعرفون ان الله حق


لا تسوين لي جي تحداني..
ما أحب حد يسفه لي ..ترى أزعل زود ويعتفس المود :(

[تحداني]

لا تسوين لي جي تحداني..
ما أحب حد يسفه لي ..ترى أزعل زود ويعتفس المود :(



عشان اتذوقون الي اتذوقونه اياه
انا بسوي فيكم جي اذا ما قدرت اغير مزاجكم

[ولد العرب]

المزاجيين ادواهم الواحد يسفه لهم
لان لو ركض وراهم بيتعب .. وبيخلق لنفسه ولهم مشكله جديده

المزاجيين يحتاجون حد يتعامل معاهم بالمثل لما ايكونون رايقين
عشان يعرفون ان الله حق

:(:(:( مهب انتي تقوولين انك نفسية كيت وكيت ترضين احد يسفه لك :anger1:

[تحداني]

:(:(:( مهب انتي تقوولين انك نفسية كيت وكيت ترضين احد يسفه لك :anger1:




اي انا ذاك اليوم كنت امعصبه .. بس ما اعصب عليكم
انتوا مالكم ذنب
:( ...

[ولد العرب]

اي انا ذاك اليوم كنت امعصبه .. بس ما اعصب عليكم
انتوا مالكم ذنب
:( ...

لا مالنا خص حطيتي حرتك بام الليف والجن :(

[تحداني]

لا مالنا خص حطيتي حرتك بام الليف والجن :(



لانها افهمتني غلط وانا كنت ادافع عن نفسي
:( .. مب عشان كنت امعصبه

[ضوى]

الله الله الله ضوى وين مواضيعك ذي من زمااان
بالنسبة لي بالمنتدى انوواع مشاعر ولكن ممنها مضرة لاحد كان بسبب الاسم المستعار
واما بالحياة اليوميه انا ابدا ماتضره مني اي شي لو ويش الالتزم الصمت والهدواء ماتركب على ابدا الزعل والعصبيه وقلة الحيله كلها احتفظ فيها بقلبي
مثل ماقالت تحداني اني قلبي نوووع كذاااااب خله كذاااب دامه كافي الشر :(

تصدق ياولد العرب

حتى بالمنتدى فيه تناقض ، بمواضيعك يدخلون ويمدحون فيك ويرفعونك السما وبينهم وبين ربعهم يذمون فيك ويقطعونك ، هذا شنو ؟ شنهو هالمزاج اللي يخليك تحب موضوع شخص ومن وراه تذمه ؟؟ بسم الله اللي مايحب احد مايحبه بالمطلق بس مب بهالطريقة

قلبك كذاب ؟؟ يمكن تكون اصدق قلب بهالمنتدى ياولد العرب

[نور الحور]

تصدق ياولد العرب

حتى بالمنتدى فيه تناقض ، بمواضيعك يدخلون ويمدحون فيك ويرفعونك السما وبينهم وبين ربعهم يذمون فيك ويقطعونك ، هذا شنو ؟ شنهو هالمزاج اللي يخليك تحب موضوع شخص ومن وراه تذمه ؟؟ بسم الله اللي مايحب احد مايحبه بالمطلق بس مب بهالطريقة

قلبك كذاب ؟؟ يمكن تكون اصدق قلب بهالمنتدى ياولد العرب


ضوى هذا نفاق مو مزاجية ..
المزاجية تكون على مستوى المشاعر ..متقلبة مع المود ..
لكن مو معنى إن المزاجية بتكون ضد مبادئي وقيمي أو إني بحب شخص اليوم وبكرهه بكرة بدون سبب :rolleyes2:

[ولد العرب]

تصدق ياولد العرب

حتى بالمنتدى فيه تناقض ، بمواضيعك يدخلون ويمدحون فيك ويرفعونك السما وبينهم وبين ربعهم يذمون فيك ويقطعونك ، هذا شنو ؟ شنهو هالمزاج اللي يخليك تحب موضوع شخص ومن وراه تذمه ؟؟ بسم الله اللي مايحب احد مايحبه بالمطلق بس مب بهالطريقة

قلبك كذاب ؟؟ يمكن تكون اصدق قلب بهالمنتدى ياولد العرب

ضوى بالمنتدى لقيت حاجتي وارتياحي بينكم صحيح مشارك 2005 ولكن خوف منعني انتم شجعتوني بالامور ذي ولا اني منافق مثل ماقلت نور
والله ماعرفت اكتب ياضوى ولا عرفت وش اقوول ولا عرفت اعبر عن قلبي انا احاول واستميت بالكتابه بموضوع تحداني هي فاهمتي وش بقول
لاتسالين ليه انا مختلف بمنتدى عن الحياة اليوميه باختصار انتم ابخص بمعرفته حياة عن اللي حوالي
اسف ماعرفت اعبر والله ولا اقدر اكتب مثلك اقلام متمكنه

[ولد العرب]

ضوى هذا نفاق مو مزاجية ..
المزاجية تكون على مستوى المشاعر ..متقلبة مع المود ..
لكن مو معنى إن المزاجية بتكون ضد مبادئي وقيمي أو إني بحب شخص اليوم وبكرهه بكرة بدون سبب :rolleyes2:

اسلوبي مهب نفاق يانور مانفاقت احد سوى بالمنتدى ولا بالخارج ولا كرهت احد مهما وصل عداوته لي غير 3 خارج المنتدى بس

[ضوى]

شيء طبيعي ،،، :) :) :)

الانسان :- خلق من مشاعر واحساس وليس من الملائكه وليس صنم متبلد المشاعر ،، :rolleyes2:

فطبيعي اذا تعرض لموقف ايخرعه :eek5: بيخاف :secret: وطبيعي اذا تعرض لموقف حزين :( بيصيح :weeping: وطبيعي اذا حصله موقف حلو :shy: بيستانس :victory: ،،

مع التحيه :nice:


شكرا لمشاركتك الطيبة

[نور الحور]

اسلوبي مهب نفاق يانور مانفاقت احد سوى بالمنتدى ولا بالخارج ولا كرهت احد مهما وصل عداوته لي غير 3 خارج المنتدى بس


آسفة ولد العرب ..شكلك فهمتني غلط ..
أنا كلامي مو موجه لك.. هو بس تعقيب على رد ضوى في العموم

[ولد العرب]

آسفة ولد العرب ..شكلك فهمتني غلط ..
أنا كلامي مو موجه لك.. هو بس تعقيب على رد ضوى في العموم

لا تتاسفين نور كل يدلي بدلوه
انتي اقتبستي رد ام عليا والرد موجه لي ونصح وهنا حصل :(

[السامـي]

لا تفسير لدي،إلا إنها طبيعة "النفس البشرية".
حزن فرح
زعل رضى
يأس أمل

[حمد 2002]

شكرا لمشاركتك الطيبة

العفو :victory:

[تغلبية]

كثيرا ما نتواجه مع ناس مزاجيين أو متذبذبين المشاعر ، تجدهم صباحا في مزاج عكر ، وتجدهم في وسط النهار بمزاج معتدل ، وعصرا متنعنشين وليلا متنشيين ، كيف تكون هذه المشاعر والأمزجة مكونات لإنسان واحد ، كيف هو تعاملنا مع شخص يعاملك طوال اليوم بمزاجية متقلبة ، اليوم يحبني وبعد ساعة يكرهني وبعد ساعات يعود ليبحث عني ؟؟؟
نؤمن ان هناك ظروف وعوامل تساعد على تغير المزاج ولكن ليس بهذه الطريقة ابداً ، اذ كيف يتحول النشاط لكسل ام كيف يتحول الروقان إلى كدر ، تجدهم يتصلون بك ويتشرهون عليك وعندما تقترب منهم ابتعدوا ، والعكس صحيح ، هذا تناقض أم ماذا ؟

مشاعر الفرح مشاعر الحزن كيف لها ان تجتمع خلال وقت قصير ؟

مشاعر الحب وإحساس السعادة كيف لها أن تتبدل خلال وقت قصير ؟؟

ماذا تسمون هذا التحول العجيب ؟؟ مزاجية ؟؟ تناقض ؟؟ انفصام شخصية ؟؟

اترك لكم التعليق والنقاش بهذا الموضوع ، وصباحكم ملئ بذكر الله

الله أكبر الله أكبر الله أكبر لا إله إلا الله ، الله أكبر اله أكبر الله أكبر ولله الحمد

ماشفتي شي ياضوى فيه ناس يعيشون الفصول الاربعة في دقيقة وحدة :(


بس بقولج بما اني شديدة المزاجية مع نفسي مب مع الناس ..
يمكن سببها الحساسية العالية
فاكيد ما راح يفهمها الطرف الخارجي .. فاعتزل الناس فترة .. بس علشان محد يزعل مني
من اسلوب كلامي وتعاملي (حدة او جمود)


الشرهة بتكون على المزاجيين المقربين .. اللي وجودهم مهم .. ولازم نتحملهم بمزاجيتهم التعبانة واللي توصل لجرح الاخرين ولا هم سائلين

اعتقد بيجي يوم .. حتى المقربين يتخلون عنهم لان ماسووا لهم اي اعتبار او .. ماراح يكون فيه اهتمام من صوبهم


يقولون فيه حبوب للمزاجية .. تخليها عدلة على طول :(

[لاجل QT]

ذبذبة المشاعر اصنفها على نقص او عدم الاستقرار العاطفي او النفسي

متى مااستقرت المشاعر ....نلقا الشخص في افضل حلاتة

اما المزاجي هذا عندة مرض نفسي..او شخصية متعجرفة متكبرة .. مرة راضي ..مرة زعلان.. يوتر اللى حوالية

[ام السعف]

هذيه مزاجي والمزاج ما يعرف يطلعه بصورة وحدة في اليوم الواحد ،،

تحصلينه الصبح مفرفرش ويقول لج بايي وياكم المشوار الفلاني
ويتم على رايه من الصبح لين العصر وحزة المغربية فصل الفيز
وقال لا خلاص مب ياي ،، زين ليش ؟ اشحقى شنهي السالفة ؟

مافي مسببات اللهم المزاج تغير ،،

وقيسي عليه مشاعره تجاه الآخرين ،، وممكن تكون حالته مستعصية
وتوصل الى حد الانفصام في الشخصية ،، تلقينه يلعب دور الدراما ويخلص منه
يحول على دور الاكشن ويلتفت على دور الكوميديا ،، وتلقينه بكل بساطة وبراءة
يقول لج انا ما سويت شي ........> حزتها انتي اللي يبي لج علاج :shy:

[ام السعف]

انا اعاني من هذه المزاجيه..

لا بل اللي حواليني المساكين هم اللي يعانون وانا مريح بالي :)

حتى مسؤولي يناديني مودي ...

عبالي يدلعني في البدايه :shy:

اتضح لي بعدين انه يقصد moody :(

هو بعيد عن انفصام الشخصيه..

لان الانفصام عباره عن شخصيتين في شخص..

ومش تناقض مشاعر اذا جائت بترتيب معين

مش في نفس الوقت مثل اللي مايعرف هو فرحان

ولا زعلان !!


انما هي ببساطه احاسيس عابره بس تأثيره قوي

حبتين على الشخص المزاجي.. يكوت الصبح رايق

بعد ساعه يتذكر موقف صارله من فتره يعتفس

مزاجه .. عقب يتكلم مع واحد يعزه يروق .. العصر

من التعب والارهاق يضيق خلقه .. في الليل يتذكر

ان مديره طالبه الصبح يبوز وهكذا ...


لا تظلمون الموودي تراه حساس اكثر من غيره :shy:



nice to meet you Mr. Moody
:shy:

[لما]

http://forums.egyptladies.net/t240729.html

موضوع جميل للحساسين والموسوسين ههههه

[ضوى]

علميا في فرق بين المزاحيه والانفصام .. وفرق كبير جدا

لكن لو قسناها على الصعيد الشخصي .. لايمكن احمل احساس الفرح ناحيه ضوى ولما تتقرب مني اعطيها وجهه اخر مخالف لما اشعر به .. " اعتقد هذا يسمونه جنون في المشاعر "
او " محاوله اجبار النفس على شئ لا نرغب به " لمجرد اننا ملزومين او مجبورين


اما عن اجتماع الفرح والحزن في آن واحد
نعم انا هكذا استطيع ان اجمع الحزن والفرح في آن واحد .. لان الغير ماله ذنب
ازعل من ضوى واكدر خاطر مريم ليش





جملك الله برضاه


تحداني ، كلامك منطقي ، بس شخصيا انا اصنف تذبذب المشاعر بانفصام شخصية ، قولي لي ليش ، الحين واحدة تعزج وتسال عنج وتكلمج وتفاجأج باشياء حلوة ، وتجيج بعد كم يوم تنقطع الاتصالات ولما تسالين عنها تقولج مب فاضية وتكلمج بنفس خايسه !! طيب هذا شنو ؟ اذا انتي نفسيتج تعبانة من شي ما شنو ذنب الناس واللي حواليج ؟!

[aziz4z]

سبحان الله هاي طبع البشر
يمكن من طبع الانسان كرم و إحترام الناس , و بشوش و حب الخير للغير , بس فجأة تلاقيه تغير , و معصب , من هاي الوحلة يجب أن نسأله بهدوء عن السبب
و ممكن تلاقيه طبع سيء , بس في ظرف مر عليه , و يغيره بالكامل
و ممكن الناس تكون كوكتيل في اليوم الواحد , نفس ماذكرت , يتغير إلى أشكال و ألوان في اليوم الواحد

[ضوى]

تناقض المشاعر معناه اني كأنسان لايمكن استبعد الحزن دام الفرح موجود
ولا يمكن استغرب من الدموع دام الابتسامه موجوده

معناه ان الانسان خليط من هذا كله
في مواقف تظهر الدموع .. وموتقف اخرى تختفي


جملك الله برضاه


يمكن مشكلتي ماعرفت اعبر بشكل حقيقي عن ماعنيه هنا ، كنت اتمنى انتي تحديدا تفهميني

[romoz]

ما اعتبرها مزاجية

الانسان خُلق على هذه الجِبلّة ، في كل موقف له شعور مُغاير


بس الكره و الحب لا يجتمعان تجاه شخص واحد في الانسان الطبيعي ، قد يكون زعل و حب


اما المشاعر الغريبه عن الطبيعة الانسانية ( حقد و صداقة / حب و كره / مودة و حسد ) ، كلها تنبع من شخص مريض غير طبيعي

[ضوى]

انا اعاني من هذه المزاجيه..

لا بل اللي حواليني المساكين هم اللي يعانون وانا مريح بالي :)

حتى مسؤولي يناديني مودي ...

عبالي يدلعني في البدايه :shy:

اتضح لي بعدين انه يقصد moody :(

هو بعيد عن انفصام الشخصيه..

لان الانفصام عباره عن شخصيتين في شخص..

ومش تناقض مشاعر اذا جائت بترتيب معين

مش في نفس الوقت مثل اللي مايعرف هو فرحان

ولا زعلان !!


انما هي ببساطه احاسيس عابره بس تأثيره قوي

حبتين على الشخص المزاجي.. يكوت الصبح رايق

بعد ساعه يتذكر موقف صارله من فتره يعتفس

مزاجه .. عقب يتكلم مع واحد يعزه يروق .. العصر

من التعب والارهاق يضيق خلقه .. في الليل يتذكر

ان مديره طالبه الصبح يبوز وهكذا ...


لا تظلمون الموودي تراه حساس اكثر من غيره :shy:




شخصيا ، ماحب اتعامل مع الشخص المزاجي ، لسبب اني مش بهواه ، متى مازعل بيكشر بويهي ومتى مافرح ضحك بويهي ، عسى ماشر عايش مع قالب ثلج ، اتعامل مع الناس بمشاعر واضحة ، زعلانة ماطلع من البيت ولا اتصل باحد ولا ارد على احد شنو ذنب الناس تتحمل ضيقي

[ضوى]

المزاجيين ادواهم الواحد يسفه لهم
لان لو ركض وراهم بيتعب .. وبيخلق لنفسه ولهم مشكله جديده

المزاجيين يحتاجون حد يتعامل معاهم بالمثل لما ايكونون رايقين
عشان يعرفون ان الله حق

تعرفين نفسج عدل ماتقدرين تسفهين لا ياحد مهما كانت مزاجيته متعبتج :(

[ضوى]

لا تسوين لي جي تحداني..
ما أحب حد يسفه لي ..ترى أزعل زود ويعتفس المود :(

ماتسويها تطمني اعطيج ضمان ماتسويها اطلاقاً

[ضوى]

ضوى هذا نفاق مو مزاجية ..
المزاجية تكون على مستوى المشاعر ..متقلبة مع المود ..
لكن مو معنى إن المزاجية بتكون ضد مبادئي وقيمي أو إني بحب شخص اليوم وبكرهه بكرة بدون سبب :rolleyes2:

هي نفاق هي مزاجية هي انفصام ، تنصب في قالب واحد بالنسبة لي ، يمكن المزاجية اللي انتي فاهمتها يانور غير عن اللي انا اقصدها وماعرفت اوصلها لكم بمفهومها الحقيقي اللي يدور ببالي

[ضوى]

ضوى بالمنتدى لقيت حاجتي وارتياحي بينكم صحيح مشارك 2005 ولكن خوف منعني انتم شجعتوني بالامور ذي ولا اني منافق مثل ماقلت نور
والله ماعرفت اكتب ياضوى ولا عرفت وش اقوول ولا عرفت اعبر عن قلبي انا احاول واستميت بالكتابه بموضوع تحداني هي فاهمتي وش بقول
لاتسالين ليه انا مختلف بمنتدى عن الحياة اليوميه باختصار انتم ابخص بمعرفته حياة عن اللي حوالي
اسف ماعرفت اعبر والله ولا اقدر اكتب مثلك اقلام متمكنه

ماشاء الله عليك يا ولد العرب ، لا تقلل من قيمة نفسك ابدا ، مثلك مثلنا يمكن احنا عندنا خبرة وعندنا مفردات اكثر منك بس هذا مايعني انه احنا احسن منك بشي ، يمكن فيه جوانب من شخصيتك احسن منا بوايد فرجاءً لا تقلل من قيمتك ابدا

[ضوى]

لا تفسير لدي،إلا إنها طبيعة "النفس البشرية".
حزن فرح
زعل رضى
يأس أمل

تعليق مختصر مفيد

شكرا لك

[ضوى]

ماشفتي شي ياضوى فيه ناس يعيشون الفصول الاربعة في دقيقة وحدة :(


بس بقولج بما اني شديدة المزاجية مع نفسي مب مع الناس ..
يمكن سببها الحساسية العالية
فاكيد ما راح يفهمها الطرف الخارجي .. فاعتزل الناس فترة .. بس علشان محد يزعل مني
من اسلوب كلامي وتعاملي (حدة او جمود)


الشرهة بتكون على المزاجيين المقربين .. اللي وجودهم مهم .. ولازم نتحملهم بمزاجيتهم التعبانة واللي توصل لجرح الاخرين ولا هم سائلين

اعتقد بيجي يوم .. حتى المقربين يتخلون عنهم لان ماسووا لهم اي اعتبار او .. ماراح يكون فيه اهتمام من صوبهم


يقولون فيه حبوب للمزاجية .. تخليها عدلة على طول :(

تقريبا يا تغلبية فهمتي دانب من اللي اقصده ( عجبني تعبير الفصول الاربعة ) تخيلي كلها بيوم ؟؟ صعب تتحملينها صح ؟

وايد اتفق معاج باللي ذكرتيه ، خففتي عني معاناه افهام الاخرين

[ضوى]

ذبذبة المشاعر اصنفها على نقص او عدم الاستقرار العاطفي او النفسي

متى مااستقرت المشاعر ....نلقا الشخص في افضل حلاتة

اما المزاجي هذا عندة مرض نفسي..او شخصية متعجرفة متكبرة .. مرة راضي ..مرة زعلان.. يوتر اللى حوالية

جدا اتفق معاج ، جبتيها يا لاجل ، عدم استقرار المشاعر سبب هالمزاجية البايخة :victory:

[نور الحور]

لا تتاسفين نور كل يدلي بدلوه
انتي اقتبستي رد ام عليا والرد موجه لي ونصح وهنا حصل :(


حقك علي ..اللي صار سوء فهم .. والله ما كنت أقصدك :(

[رجوان]

كثيرا ما نتواجه مع ناس مزاجيين أو متذبذبين المشاعر ، تجدهم صباحا في مزاج عكر ، وتجدهم في وسط النهار بمزاج معتدل ، وعصرا متنعنشين وليلا متنشيين ، كيف تكون هذه المشاعر والأمزجة مكونات لإنسان واحد ، كيف هو تعاملنا مع شخص يعاملك طوال اليوم بمزاجية متقلبة ، اليوم يحبني وبعد ساعة يكرهني وبعد ساعات يعود ليبحث عني ؟؟؟
نؤمن ان هناك ظروف وعوامل تساعد على تغير المزاج ولكن ليس بهذه الطريقة ابداً ، اذ كيف يتحول النشاط لكسل ام كيف يتحول الروقان إلى كدر ، تجدهم يتصلون بك ويتشرهون عليك وعندما تقترب منهم ابتعدوا ، والعكس صحيح ، هذا تناقض أم ماذا ؟

مشاعر الفرح مشاعر الحزن كيف لها ان تجتمع خلال وقت قصير ؟

مشاعر الحب وإحساس السعادة كيف لها أن تتبدل خلال وقت قصير ؟؟

ماذا تسمون هذا التحول العجيب ؟؟ مزاجية ؟؟ تناقض ؟؟ انفصام شخصية ؟؟

اترك لكم التعليق والنقاش بهذا الموضوع ، وصباحكم ملئ بذكر الله

الله أكبر الله أكبر الله أكبر لا إله إلا الله ، الله أكبر اله أكبر الله أكبر ولله الحمد

هذا الشخص لازم يتعالج عند دكتور نفسي برايي :secret:

[رجوان]

هذيه مزاجي والمزاج ما يعرف يطلعه بصورة وحدة في اليوم الواحد ،،

تحصلينه الصبح مفرفرش ويقول لج بايي وياكم المشوار الفلاني
ويتم على رايه من الصبح لين العصر وحزة المغربية فصل الفيز
وقال لا خلاص مب ياي ،، زين ليش ؟ اشحقى شنهي السالفة ؟

مافي مسببات اللهم المزاج تغير ،،

وقيسي عليه مشاعره تجاه الآخرين ،، وممكن تكون حالته مستعصية
وتوصل الى حد الانفصام في الشخصية ،، تلقينه يلعب دور الدراما ويخلص منه
يحول على دور الاكشن ويلتفت على دور الكوميديا ،، وتلقينه بكل بساطة وبراءة
يقول لج انا ما سويت شي ........> حزتها انتي اللي يبي لج علاج :shy:

صاجه والله يعينا ع هالنفسيات:rolleyes2::anger1:

[فلتة زمانها]

انا شوف نفسي هاديه نوعا ما واتعامل مع ضغوطات الحياة بعقلانية وضبط نفس
بس ما ادري ليش من ادخل المنتدى اتحول الى عضوة مشاكسه وشريره هاهاهاهاهاها

[السامـي]

سؤالي لضوى ولبعض المداخلات،

هل تصنّف المزاجية كمرض؟.

إن كان كذلك،فعلينا ان نسأل المختصيين!.

[همر]

شخصيا ، ماحب اتعامل مع الشخص المزاجي ، لسبب اني مش بهواه ، متى مازعل بيكشر بويهي ومتى مافرح ضحك بويهي ، عسى ماشر عايش مع قالب ثلج ، اتعامل مع الناس بمشاعر واضحة ، زعلانة ماطلع من البيت ولا اتصل باحد ولا ارد على احد شنو ذنب الناس تتحمل ضيقي


وهذا اللي اتوسل اليه في خضم تقلباتي النفسيه...

خلوني في حالي !!!! :anger1:


شايفني مب طايق نفسي ياخي ابتعد عني !!!

في ناس ماتفهم المشكله لازم اقول له بالعربي

الفصيح: انا الان متضايق بعض الشيء وارجوا

ان تبتعد عني برهةً من الزمن !!!


وليش تعاملين المزاجي على انه قالب ثلج ؟!!

تراها مشاعر اللي تأثر فيه بدال ما نلومه

نقدر ظروفه .. نقدر عواطفه .. يعني انسان

متضايق بيتصل علي تعال نطلع ؟!! لا طبعاً

اكيد بروحه مب طايق نفسه .. لكن اجي انا احن

عليه وتعال اطلع معاي وفي الاخير اقعد اتحلطم

ياخي ليش ساكت ؟!! يا خي ليش مبوز ؟!!

ياخي ماكنت جيه الصبح ؟!!



الصبح هذا بالنسبه لي صار من زماااااان :anger1:

ماسمعت بالبيت اللي يقول

مابين طرفة عين وانتباهتها يغير الله من حالٍ الى حالِ ؟!!!



من حال الى حال !!! فما بالك من شعور الى شعور ...

[ضوى]

سؤالي لضوى ولبعض المداخلات،

هل تصنّف المزاجية كمرض؟.

إن كان كذلك،فعلينا ان نسأل المختصيين!.

اجابتي لك نعم ، وبالتأكيد لا اقصد المزاجية التي دار حولها الموضوع في بدايته ، المزاجية التي ابدعت تغلبية ولاجل كيو في ذكرها

اما عن سؤال المختصين فما رأيك ان كنت تعرف احد المختصين ان تسأله اخي الكريم ليشبع فضولي في ذلك

[ام السعف]

سؤالي لضوى ولبعض المداخلات،

هل تصنّف المزاجية كمرض؟.

إن كان كذلك،فعلينا ان نسأل المختصيين!.
إيه يا اخوي السامي يعتبر مرض
لأنه دائما و أبدا يضر الآخرين بتصرفاته المزاجية ،،
ومرات اكثر يضر نفسه ويبي الناس يفهمونه في حين بروحه
ما قادر يضبط نفسه ،،

يحول لك الفرح حزن وممكن تلقاه حزة حزن يضحك
تخيل الموقف وقول هل هالانسان طبيعي مثلك ؟

[ضوى]

هذيه مزاجي والمزاج ما يعرف يطلعه بصورة وحدة في اليوم الواحد ،،

تحصلينه الصبح مفرفرش ويقول لج بايي وياكم المشوار الفلاني
ويتم على رايه من الصبح لين العصر وحزة المغربية فصل الفيز
وقال لا خلاص مب ياي ،، زين ليش ؟ اشحقى شنهي السالفة ؟

مافي مسببات اللهم المزاج تغير ،،

وقيسي عليه مشاعره تجاه الآخرين ،، وممكن تكون حالته مستعصية
وتوصل الى حد الانفصام في الشخصية ،، تلقينه يلعب دور الدراما ويخلص منه
يحول على دور الاكشن ويلتفت على دور الكوميديا ،، وتلقينه بكل بساطة وبراءة
يقول لج انا ما سويت شي ........> حزتها انتي اللي يبي لج علاج :shy:


فديت اللي فاهمتني والله :shy:

[ام السعف]

فديت اللي فاهمتني والله :shy:

http://www.pic4ever.com/images/2uge4p4.gif

[ضوى]

http://forums.egyptladies.net/t240729.html

موضوع جميل للحساسين والموسوسين ههههه

مافتح معاي الرابط للاسف

[ضوى]

سبحان الله هاي طبع البشر
يمكن من طبع الانسان كرم و إحترام الناس , و بشوش و حب الخير للغير , بس فجأة تلاقيه تغير , و معصب , من هاي الوحلة يجب أن نسأله بهدوء عن السبب
و ممكن تلاقيه طبع سيء , بس في ظرف مر عليه , و يغيره بالكامل
و ممكن الناس تكون كوكتيل في اليوم الواحد , نفس ماذكرت , يتغير إلى أشكال و ألوان في اليوم الواحد

وهل هذا الشي صحي اخي الفاضل ؟

[ضوى]

ما اعتبرها مزاجية

الانسان خُلق على هذه الجِبلّة ، في كل موقف له شعور مُغاير


بس الكره و الحب لا يجتمعان تجاه شخص واحد في الانسان الطبيعي ، قد يكون زعل و حب


اما المشاعر الغريبه عن الطبيعة الانسانية ( حقد و صداقة / حب و كره / مودة و حسد ) ، كلها تنبع من شخص مريض غير طبيعي


شاكر لج تفسيرج المقنع بالفعل هي مشاعر غريبة ومتناقضة

[تحداني]

وهذا اللي اتوسل اليه في خضم تقلباتي النفسيه...

خلوني في حالي !!!! :anger1:


شايفني مب طايق نفسي ياخي ابتعد عني !!!

في ناس ماتفهم المشكله لازم اقول له بالعربي

الفصيح: انا الان متضايق بعض الشيء وارجوا

ان تبتعد عني برهةً من الزمن !!!


وليش تعاملين المزاجي على انه قالب ثلج ؟!!

تراها مشاعر اللي تأثر فيه بدال ما نلومه

نقدر ظروفه .. نقدر عواطفه .. يعني انسان

متضايق بيتصل علي تعال نطلع ؟!! لا طبعاً

اكيد بروحه مب طايق نفسه .. لكن اجي انا احن

عليه وتعال اطلع معاي وفي الاخير اقعد اتحلطم

ياخي ليش ساكت ؟!! يا خي ليش مبوز ؟!!

ياخي ماكنت جيه الصبح ؟!!



الصبح هذا بالنسبه لي صار من زماااااان :anger1:

ماسمعت بالبيت اللي يقول

مابين طرفة عين وانتباهتها يغير الله من حالٍ الى حالِ ؟!!!



من حال الى حال !!! فما بالك من شعور الى شعور ...






اذا كان معاي حق لما قلت " اسفهو له "
خلوه يمارس مزاجيته على نفسه الى ان يتشبه من هالمزاجيه وبعده حياه الله
لكن للأسف البعض يتعامل مع مزاجيه الشخص الي امامه بالعناد
الا تضحك
الا تبتسم
الا اتقول

ما يبي يقول هو غصب

[ام السعف]

اذا كان معاي حق لما قلت " اسفهو له "
خلوه يمارس مزاجيته على نفسه الى ان يتشبه من هالمزاجيه وبعده حياه الله
لكن للأسف البعض يتعامل مع مزاجيه الشخص الي امامه بالعناد
الا تضحك
الا تبتسم
الا اتقول

ما يبي يقول هو غصب

هذا يرجع بعد الى فهم الطرف الثاني ،،

يعني اذا احنا ملزومين في معاشرته لابد ان نتركه في حاله
دام انه احنا عارفين انه يعاني من المزاج في تقلباته اليومية،،

لكن في الوقت نفسه ما نقدر نقول انه انسان طبيعي :shy:

كلامي عام ومب خاص لهمر ،، فهو اهنيه يوضح لنا
ما يحتاجه المزاجي من الآخرين ،، فشكرا له على التوضيح ،،

[تحداني]

يمكن مشكلتي ماعرفت اعبر بشكل حقيقي عن ماعنيه هنا ، كنت اتمنى انتي تحديدا تفهميني



صدقيني فاهمتج .. انا اسميها مزاجيه فقط
واحيانا اسمهيا قله ادب لما توصل لحد اني اريد ان ابتعد فقط لابتعد
واتكدر خاطرج

لان المزاجيه شعور داخلي قد يترجم لتصرفات
ولكن ليس للحد الي اقول ما ابي اتواصل معاج اليوم وتعالي بكره



تعرفين نفسج عدل ماتقدرين تسفهين لا ياحد مهما كانت مزاجيته متعبتج :(




ماتسويها تطمني اعطيج ضمان ماتسويها اطلاقاً




اسفهه له .. مب معناه ما التفت له
معناه اني اخذ ابخاطر مزاجيته .. لكن ان كان وده يعيش ابمزاجيته اشويه وقت
راح اخليه في حاله الى ان يتشبع من الحاله الي هو فيها
بس بعد لا ننسى في ناس لما تسفهين لهم بتسببين لهم مشكله جديده
ومزاجيه جديده


جملكم الله برضاه

[تحداني]

هذا يرجع بعد الى فهم الطرف الثاني ،،

يعني اذا احنا ملزومين في معاشرته لابد ان نتركه في حاله
دام انه احنا عارفين انه يعاني من المزاج في تقلباته اليومية،،

لكن في الوقت نفسه ما نقدر نقول انه انسان طبيعي :shy:

كلامي عام ومب خاص لهمر ،، فهو اهنيه يوضح لنا
ما يحتاجه المزاجي من الآخرين ،، فشكرا له على التوضيح ،،





مهو هذا هو يا ست الحسن والدلال خلوه في حاله .. خلوه يزعل ..
مدام هو ما امأذي حد .. ولا ماخذ من احد شي .. ولا يسوي شي
لكن في ناس ابمزاجيتهم يقلبون الدنيا فوق تحت وانتي مالج ذنب
وكأن انتي السبب
عاد تعالي الحين

الحين زين مني مستحمله هالمزاج .. بعد جاي تعفس مزاج البشر الي حولك .. وتقلب الدنيا عليهم .. وتلقينهم يدورون مشكله .. الا انعالتي وينها ؟؟ اي انعاله؟؟ الي شريتها قبل سنه
الا وين حطيتو العطر
الا وين هذا

الا الاكل مافيه ملح

اشفيك
اشفيك


لا ويرد يوم يكون رايق
انتوا ما قدرتوا مزاجيتي

اقول استريح

[السامـي]

اما عن سؤال المختصين فما رأيك ان كنت تعرف احد المختصين ان تسأله اخي الكريم ليشبع فضولي في ذلك
إن شاء الله،بحاول أشوف واحد منهم في أقرب وقت ممكن.

[السامـي]

إيه يا اخوي السامي يعتبر مرض
لأنه دائما و أبدا يضر الآخرين بتصرفاته المزاجية ،،
ومرات اكثر يضر نفسه ويبي الناس يفهمونه في حين بروحه
ما قادر يضبط نفسه ،،

يحول لك الفرح حزن وممكن تلقاه حزة حزن يضحك
تخيل الموقف وقول هل هالانسان طبيعي مثلك ؟
هل للتربية دور في مزاجية الشخص؟ام هو طبع جُبل عليه منذ البداية؟.

[القبطان سلفر]

الموضوع متشعب .

اذا كانت الحالة تستمر لايام وبشده ومع قلة النوم وتضخيم الذات لدى متقلب اللمزاج بالاظافة الى امور اخرى فهي تندرج تحت مسمى المرض واسمة العلمي (الاضطراب الوجداني ) . وهنا تنقسم الحالة الى قسمين :

1- ثنائي القطب : نجد ان الحالة تنتابها مشاعر متناقضه بين فرح وكئابه وحزن في نفس الوقت .

2- احادي القطب: تنتاب المريض مشاعر حادة ولكن على وتيرة واحده مثل الحزن او الفرح المتقطع .


وطبعا الاسباب كثيره ومن اراد ان يتعمق بالموضوع ومعرفة الاسباب والعلاج يمكنه البحث تحت مسىمى ( الاضطراب الوجداني )


اما تقلب امزجة البعض في نفس اليوم دون حده وتطرف . فهذا شئ طبيعي على ان لا يكون بشكل مستمر لايام كما ذكرت . فالانسان عرضة لضغوط نفسية داخل وخارج البيت وانفلات بعض مشاعره المكبوته شئ طبيعي خصوصا ان اصبحت حمل ثقيل عليه . وعلى الطرف الاخرفهم و تقبل تلك التقلبات بصدر رحب .

[ام السعف]

هل للتربية دور في مزاجية الشخص؟ام هو طبع جُبل عليه منذ البداية؟.

ممممم
انه يتربى انه يكون مزاجي لا ما اعتقد هو طبع نخلق عليه او توارثه
لـــكن
ممكن التربية يكون لها تأثير لو لاحظوا هالشي عليه وسكتوا عنه
وخلوه في حاله فيساعدونه على الاستمرار وتنمية هالطبع ،،
في حين
ممكن تهذيب هالطبع لو كان هناك اهتمام في التصحيح يا اخوي السامي ،،

[السامـي]

ممممم
انه يتربى انه يكون مزاجي لا ما اعتقد هو طبع نخلق عليه او توارثه
لـــكن
ممكن التربية يكون لها تأثير لو لاحظوا هالشي عليه وسكتوا عنه
وخلوه في حاله فيساعدونه على الاستمرار وتنمية هالطبع ،،
في حين
ممكن تهذيب هالطبع لو كان هناك اهتمام في التصحيح يا اخوي السامي ،،
يعطيكِ العافية.

[استقرار]

خاطري أشطح شوي

حينما تصف نفسك

سيبدأ الأغبياء بإنتقادك بكل كلمة تكتبها عن شخصك !

لهذا أضع هذا الاختيار دائماً بين يدي من يعرفونني فهم أولى بوصفي مني ..

لآ أحب التدخل فى الخصوصيات و أكرهـ التطفل عنيد أكرهـ التملق والمتملقين

قد يثيرٌ مدامعي .. يسارع دقات قلبي مشهد ، أغنية ، منظر ، موقف ، يجعلني أحزنٌ وأفكر في كل الأمور

وبعض الأشياء عندما أُجرح أقابل ذلك بحزن عميق .. يمزق مني القلب ويطفئ من وجهي البريق ..

ويأخذني الألم إلى سرداب الوحدة ، لا أحب الكلام فآلامي لي وحدي ..

لا أحمل أحبتي أية أعباء فأنا لستٌ كباقي الرجال هذا أنا أنَآ مختلف

طَبْعآَ لست لـِ اَلأَسِوَء و َلربما لسِت لـ الأفِضَل ولكني اختلف

لَيس ذَنِبي أنَ اَلِعُقُول "صغِيرَة أَمَآم فأنا بالمثل أعامل ..

قد أكون قاسيا ً ..لا أرحم .. لا أجامل أنا لستٌ دمية جميلة خرساء ولا رجلٌ سخيف

أنا لآ أكرهـ أحداً ولكنني أتناول لبن أكتيفيآ لأهضم الكثيرين

نعم أناني لكني لآ أخذل من يحتاجني


دائماً أحاول أن إبتسم فأنا لآ أدري من سيقع في حب إبتسامتي

[ضوى]

هل للتربية دور في مزاجية الشخص؟ام هو طبع جُبل عليه منذ البداية؟.

لا اعتقد انه للتربية دور في خلق مزاجية شخص ما ولكن قد تأصل هذه المزاجيه عند الخضوع لها وعدم ردعها ، هي طبع جبل عليه الشخص المزاجي ، ولكن سؤالي لك هل اذا ردعنا الانسان المزاجي من البداية سوف يتغير طبعه ؟!

[فــلان]

س / تذبذب المشاعر،، هل يصنف كمزاجية أو تناقض أو انفصام ؟؟؟ ‏

ج / من وجهة نظري فلا شيء من ما مورد أعلاه. أنا ممكن أفسرها بأن جميع المتغيرات في مختلف النواحي لها تأثير مباشر على المشاعر. ممكن نصورها بمعاناة النفس البشرية في التأقلم و الإستقرار مع متغيرات الحياه المتسارعه و المتناقضه في ذات الوقت. أنا أشوف إن الزمن في تسارع و التغيرات الحياتيه عشوائية ومذبذبه من ما يصعب إرتياح و إستقرار النفس البشريه بفطريتها ونقائها معها. فتذبذب المشاعر أمر طبيعي بشكل ما.

إن أصبت فمن الله و إن أخطأت فمن نفسي و الشيطان.

[السامـي]

لا اعتقد انه للتربية دور في خلق مزاجية شخص ما ولكن قد تأصل هذه المزاجيه عند الخضوع لها وعدم ردعها ، هي طبع جبل عليه الشخص المزاجي ، ولكن سؤالي لك هل اذا ردعنا الانسان المزاجي من البداية سوف يتغير طبعه ؟!
ربما يا ضوى،أعتقد إنها عادة مكتبسة نتيجة صدمة او موقف ما،من الممكن تقويمها منذ الصغر.

[فــلان]

مشاعر الإنسان ليست سوى ضحية الجرائم المرتكبه في حق الإنسانيه عبر الأزمان و العصور


إن أصبت فمن الله و إن أخطأت فمن نفسي و الشيطان.

[همر]

هل للتربية دور في مزاجية الشخص؟ام هو طبع جُبل عليه منذ البداية؟.



النفسيه طبع.. والمزاجيه حاله..

ونعم.. المزاجيه ناتجه عن قصور في التعامل مع

الجانب النفسي للانسان منذ الطفوله..

[ضوى]

انا شوف نفسي هاديه نوعا ما واتعامل مع ضغوطات الحياة بعقلانية وضبط نفس
بس ما ادري ليش من ادخل المنتدى اتحول الى عضوة مشاكسه وشريره هاهاهاهاهاها

هلا فلتة :)

اللي استنتجته من تعليقاتج المختلفة بالمواضيع انج انسانة عملية جدا ، واللي يكون عملي بمرونة كبيرة يكون اكثر قدرة على التحكم بمشاعره ، اما كونج تكونين مشاكسة في المنتدى فهذا اشوفه شي صحي لانج تتعاملين بأريحية اكثر لانه محد يعرفج

[ضوى]

وهذا اللي اتوسل اليه في خضم تقلباتي النفسيه...

خلوني في حالي !!!! :anger1:


شايفني مب طايق نفسي ياخي ابتعد عني !!!

في ناس ماتفهم المشكله لازم اقول له بالعربي

الفصيح: انا الان متضايق بعض الشيء وارجوا

ان تبتعد عني برهةً من الزمن !!!


وليش تعاملين المزاجي على انه قالب ثلج ؟!!

تراها مشاعر اللي تأثر فيه بدال ما نلومه

نقدر ظروفه .. نقدر عواطفه .. يعني انسان

متضايق بيتصل علي تعال نطلع ؟!! لا طبعاً

اكيد بروحه مب طايق نفسه .. لكن اجي انا احن

عليه وتعال اطلع معاي وفي الاخير اقعد اتحلطم

ياخي ليش ساكت ؟!! يا خي ليش مبوز ؟!!

ياخي ماكنت جيه الصبح ؟!!



الصبح هذا بالنسبه لي صار من زماااااان :anger1:

ماسمعت بالبيت اللي يقول

مابين طرفة عين وانتباهتها يغير الله من حالٍ الى حالِ ؟!!!



من حال الى حال !!! فما بالك من شعور الى شعور ...



اصبت في الجزء الاخير من تعليقك ياهمر نعم يغير الله من حال لحال ، وان كان المقصود بها من عسر ليسر :)

شوف ياهمر ، الحين واحد بمثل حالتك متقلب المزاج ومزاجيتك ممكن تضايق من حولك لو عنده زوجة مثلا تحبه وتخاف عليه وتحب اشفيه شارد الذهن او اشفيه عصبي او اشفيه صافن ومب طايق نفسه يجي واحد مثل همر يقوم عليها ويصرخ فيها فكيني خليني بحالي ، ياخي متضايق افتح قلبك لاقرب الناس بترتاح وتريح حبايبك من حواليك اما تكتم بقلبك وتفش خلقك بالناس اللي تداريك هذا بعد مايصير ، شنو يعني متضايق اخليك واروح ؟ شنو يعني اخليك في حالك ، عيل وين المودة والسكن ؟ وين الصداقة والاخوة في الله ؟؟

[ضوى]

إيه يا اخوي السامي يعتبر مرض
لأنه دائما و أبدا يضر الآخرين بتصرفاته المزاجية ،،
ومرات اكثر يضر نفسه ويبي الناس يفهمونه في حين بروحه
ما قادر يضبط نفسه ،،

يحول لك الفرح حزن وممكن تلقاه حزة حزن يضحك
تخيل الموقف وقول هل هالانسان طبيعي مثلك ؟

لا بالله مهب طبيعي ابدا

[ضوى]

صدقيني فاهمتج .. انا اسميها مزاجيه فقط
واحيانا اسمهيا قله ادب لما توصل لحد اني اريد ان ابتعد فقط لابتعد
واتكدر خاطرج

لان المزاجيه شعور داخلي قد يترجم لتصرفات
ولكن ليس للحد الي اقول ما ابي اتواصل معاج اليوم وتعالي بكره







اسفهه له .. مب معناه ما التفت له
معناه اني اخذ ابخاطر مزاجيته .. لكن ان كان وده يعيش ابمزاجيته اشويه وقت
راح اخليه في حاله الى ان يتشبع من الحاله الي هو فيها
بس بعد لا ننسى في ناس لما تسفهين لهم بتسببين لهم مشكله جديده
ومزاجيه جديده


جملكم الله برضاه


:victory::victory::victory:

[نور الحور]

اصبت في الجزء الاخير من تعليقك ياهمر نعم يغير الله من حال لحال ، وان كان المقصود بها من عسر ليسر :)

شوف ياهمر ، الحين واحد بمثل حالتك متقلب المزاج ومزاجيتك ممكن تضايق من حولك لو عنده زوجة مثلا تحبه وتخاف عليه وتحب اشفيه شارد الذهن او اشفيه عصبي او اشفيه صافن ومب طايق نفسه يجي واحد مثل همر يقوم عليها ويصرخ فيها فكيني خليني بحالي ، ياخي متضايق افتح قلبك لاقرب الناس بترتاح وتريح حبايبك من حواليك اما تكتم بقلبك وتفش خلقك بالناس اللي تداريك هذا بعد مايصير ، شنو يعني متضايق اخليك واروح ؟ شنو يعني اخليك في حالك ، عيل وين المودة والسكن ؟ وين الصداقة والاخوة في الله ؟؟

هني أخالفج ضوى ..
لا تتبرع الزوجة بفتح باب جهنم عليها !
نسيتي غموض الرجل ؟
الرجل لما يكون متضايق يحب يتقوقع على نفسه ..
تبرعي بالمساعدة بينقلب علي ..وبتصير هوشة لها أول مالها تالي :(

[ام السعف]

ربما يا ضوى،أعتقد إنها عادة مكتبسة نتيجة صدمة او موقف ما،من الممكن تقويمها منذ الصغر.



امممم

لما تكون في اسرة مكونة من عدد كبير من الابناء والبنات
وتلقى اثنين منهم لهم مزاج ممكن يعفس جو البيت كله،،

وتلقى الجيل الثاني هناك من حمل نفس المزاج

فهل تعتقد ان السبب تعرضهم لمواقف في طفولتهم يا اخوي السامي ؟

[همر]

اصبت في الجزء الاخير من تعليقك ياهمر نعم يغير الله من حال لحال ، وان كان المقصود بها من عسر ليسر :)

شوف ياهمر ، الحين واحد بمثل حالتك متقلب المزاج ومزاجيتك ممكن تضايق من حولك لو عنده زوجة مثلا تحبه وتخاف عليه وتحب اشفيه شارد الذهن او اشفيه عصبي او اشفيه صافن ومب طايق نفسه يجي واحد مثل همر يقوم عليها ويصرخ فيها فكيني خليني بحالي ، ياخي متضايق افتح قلبك لاقرب الناس بترتاح وتريح حبايبك من حواليك اما تكتم بقلبك وتفش خلقك بالناس اللي تداريك هذا بعد مايصير ، شنو يعني متضايق اخليك واروح ؟ شنو يعني اخليك في حالك ، عيل وين المودة والسكن ؟ وين الصداقة والاخوة في الله ؟؟


ومن قال ان همر يصارخ ؟!! :shy:

واعليه عليه مركب كاتم صوت ولي مر من قدامج تقولين

لكزس من زود الهدوء والسكينه والوقار :shy:




كيفكم لاتصدقون :anger1:




مو المشكله في الناس اللي مب راضيه تفهم ان بوطبيع

مايجوز عن طبعه والطَبِع طُبَعْ ومب شي يقدر يتحكم فيه

ولا يغيره بمزاجه وحتى لو كان مضايقه مايقدر يغيره...

انا انسان اذا تضايقت ما احب اتكلم .. ماقدر .. عضلات وجهي

ماتتحرك يا جماعه .. مب بايدي .. ادري انه شي يضايق

اللي حولي .. بس انا ماغلطت فيكم خلوني في حالي..

الا ينطقونك غصب ..


ياجماعه ترى محد فيكم يرضى يسوى شي عكس طبعه

ايا كان ...

[تغلبية]

اصبت في الجزء الاخير من تعليقك ياهمر نعم يغير الله من حال لحال ، وان كان المقصود بها من عسر ليسر :)

شوف ياهمر ، الحين واحد بمثل حالتك متقلب المزاج ومزاجيتك ممكن تضايق من حولك لو عنده زوجة مثلا تحبه وتخاف عليه وتحب اشفيه شارد الذهن او اشفيه عصبي او اشفيه صافن ومب طايق نفسه يجي واحد مثل همر يقوم عليها ويصرخ فيها فكيني خليني بحالي ، ياخي متضايق افتح قلبك لاقرب الناس بترتاح وتريح حبايبك من حواليك اما تكتم بقلبك وتفش خلقك بالناس اللي تداريك هذا بعد مايصير ، شنو يعني متضايق اخليك واروح ؟ شنو يعني اخليك في حالك ، عيل وين المودة والسكن ؟ وين الصداقة والاخوة في الله ؟؟



اذا تعزين هالشخص ضوى .. سواء كان زوج .. اخت .. اخو .. صديقة مقربة

خليه في حاله وسوي نفسج ماتدرين وموب مهتمة ... وعينج عليه من بعيد ..

من زود الغلا .. اذا هدا هو بيرد يتصل فيج اوو يتواصل واياج وبيقولج اللي فيه



صديقتي صار لها اسبوع تتصل علي و انا ما ارد .. مقفلة .. مالي خلق اتكلم

بس هي عارفة مزاجي ومستحملتني ... الله يعينها علي :shy:

[السامـي]

امممم

لما تكون في اسرة مكونة من عدد كبير من الابناء والبنات
وتلقى اثنين منهم لهم مزاج ممكن يعفس جو البيت كله،،

وتلقى الجيل الثاني هناك من حمل نفس المزاج

فهل تعتقد ان السبب تعرضهم لمواقف في طفولتهم يا اخوي السامي ؟
نعم،ليس بالضرورة ان هناك من الجيل الثاني من تعرض لصدمة او موقف،ولكن
تعاطفاً مع من هم من الجيل الأول،خاصةً إن رأئهم يوعنّفون ويوادّبون على سلبية
مزاجيتهم،اما الجيل الأول فلا تستبعدي تعرضهم لمواقف وصدامات وذلك نتيجة
لمشاكل قد تحدث في البيت من (الكبار).:)

[ضوى]

اذا تعزين هالشخص ضوى .. سواء كان زوج .. اخت .. اخو .. صديقة مقربة

خليه في حاله وسوي نفسج ماتدرين وموب مهتمة ... وعينج عليه من بعيد ..

من زود الغلا .. اذا هدا هو بيرد يتصل فيج اوو يتواصل واياج وبيقولج اللي فيه



صديقتي صار لها اسبوع تتصل علي و انا ما ارد .. مقفلة .. مالي خلق اتكلم

بس هي عارفة مزاجي ومستحملتني ... الله يعينها علي :shy:


ماقدر اتعامل بهالطريقة ، يضايقني هالتصرف ، انا عيالي وهم عيالي ماخليهم قبل ماعرف اشفيهم ، اشلون زوج والا اخت والا صديق مقرب جدا ، احيانا في عز ضيقي اتصل بصديقتي المقربة جدا واطلب اشوفها واقولها انا تعبانة ابي اتكلم وتجيني على طول فما بالج بواحد معاشرني البيت 24 ساعة ؟

[ضوى]

هني أخالفج ضوى ..
لا تتبرع الزوجة بفتح باب جهنم عليها !
نسيتي غموض الرجل ؟
الرجل لما يكون متضايق يحب يتقوقع على نفسه ..
تبرعي بالمساعدة بينقلب علي ..وبتصير هوشة لها أول مالها تالي :(

ووانا اقول وين رد نور ، قمت اخربط بين المواضيع يا نور ، الزهامير مشتغل عدل :shy:

يتقوقع على نفسه في مكان غير بيتي ، انجن اذا احد بالغرفة ومتضايق ومايبي يتكلم مع احد اخماس واسداس:(

[نور الحور]

ووانا اقول وين رد نور ، قمت اخربط بين المواضيع يا نور ، الزهامير مشتغل عدل :shy:

يتقوقع على نفسه في مكان غير بيتي ، انجن اذا احد بالغرفة ومتضايق ومايبي يتكلم مع احد اخماس واسداس:(


تحملي ضوى عيل اللي بيصير لج ..
خلج بعيد عن منطقة الخطر ..تراها ملغمة :(

[ضوى]

تحملي ضوى عيل اللي بيصير لج ..
خلج بعيد عن منطقة الخطر ..تراها ملغمة :(

:rolleyes2::rolleyes2:

[ضوى]

اختي شاهة تسلم عليكم

تقولكم هالنوع يسمونه اكتئاب ثنائي القطب ، هوس وفرح وبعيدن ضيق واكتئاب وهذا له علاج نفسي ، لخبطة في كيميائيات المخ والأدوية تعمل لها توازن ، العلاج سهل ، وهو مرض نفسي مثل ماتفضل السامي ،والقبطان سلفر مسك الخيط :)