شاهد مشروع كورنيش الدوحه الجديد

[كود نمبر]

‏​‏​مشروع كورنيش الدوحة الجديد #

Doha Grand Park

http://t.co/pXyCv1U9ii

[NOOUR]

يعني قصدك بعد كل هالحفريات .. كمان رح يحفرو في المستقبل !!!!!!:omg:

[فلتة زمانها]

ماشاء الله مشروع حيوي وعملاق واايد اعجبتني فكرة الطراز الاندلسي
احس هالمشاريع والانجازات راح تغير شغلات كثيره في المجتمع مع الانفتاح والعولمة

[كود نمبر]

يعني كل الي صار ها الايام مجرد ترتيبات موقته
وراح تنشال عن قريب

المشروع حلو ورائع في اليوتوب ولكن على ارض الوقع ماهو بحوله
ويابخت احفاد عيالي بيلحقون عليه

[AHLAM222]

عشان تظهر قطر بصورة أحلى في المستقبل راح نتحمل كل شي لترابها

الله يحفظ قطر ويعمر ارضها يارب ويحميها من كل شر

[Azizuk]

المشروع حلو بس منطقة الكورنيش ضيقة جداً وبعدين وين المداخل ومواقف السيارات المفروض ينتقل المشروع مكان أوسع وبعيد عن وسط المدينة

[القائــد]

مشروع جميل متى ان شاءالله؟

[وليف الشوق]

تعتقدون متى هالحلم القطري راح يتنفذ على ارض الواقع ؟ واللي لاحظته بالتصميم وجود فنادق ومطاعم خمسة نجوم وسؤالي اهو هل المطاعم المقصوده والتي سوف ترى النور في هذا المشروع مخصصه للاغنياء وكبار الدخل ؟ وهل اصحاب وعوائل ذوي الدخل المحدود لهم حصه في التمتع في خدمات المشروع ؟ اسئله يجب وضعها قبل البدء في هذا المشروع ومراعاة على ان جميع الطبقات سوف تستفيد من التمتع بارجاء المشروع دون دفع تكاليف طائلة للمواطن والمقيم والسائح

[المجروح81]

مشروع خيالي ولن يتحقق

[فرهود]

هذا مشروع الاجيال القادمه احنا خلاص راحت علينا يالله حسن الخاتمه:( .

[البانوش]

مادري والله كني اشوف فلم هندي

لاني تذكرت مشروع جزيرة النخيل وسفاري حديقة الحيوان والابراج المعلقة

ياكثر مشاريعنا بس ماشفنا شي

غير زحمة .... ومنتخب مجنسين يفشلنا وين راحوا...

http://www.built-form.net/images/bf/projects/qatari-landmark/03.jpg

[معماري قطري]

بعض المكاتب الهندسية تسوي مقترح ويكون تخيلي 100% وغير قابل للتطبيق لأنه ما يفي بالمتطلبات .. الكورنيش له سنوات طويلة وهو نفس الكورنيش ونفس الشوارع و الثلاث مسارب لكل اتجاه هو الطاغي والموجود سواءً في الطبيعة أو المقترح الخيالي .. والمباني المصممة والفندق مؤكد واحد من اللي يدورون أرض حق الفندق طلب من المصمم يحطه علشان يمشي طلبه وإنه يصير.

الكورنيش لازم يخلط بين جمالية الشكل وعراقة التصميم وانتماءَه للبيئة القطرية ولا نبي تصاميم أندلسية ولا بيزنطية ولا رومانية ولا شرق أوسطية، وكذلك الموازنة مع الجهة الخدمية وهي تمرير أكبر عدد من السيارات وزيادة المسارب إلى الضعف على أقل تقدير .. ما نسوي شيء آني ونتورط بعد سنه ونقعد نحط أعذار واهية.

لازم نشوف الصورة شاملة ولا نركز بس على بعض النقاط المهمة وننسى النقاط الأهم .. عندنا ممر المشاة على البحر وعندنا التشجير وعندنا أثاث الشارع وعندنا الجزيرة اللي في البحر " النخيل سابقاً "، وعندنا المداخل والمخارج وأمن الطريق وطريق خاص بسيارات الشرطة والمطافيء والإسعاف .. أرى كل هذا يجب أن يتضمنه التصميم الحديث للكورنيش وأرى لو وفقنا في تصميم جيد أن يكون مبدأ توسعة الشارع في اتجاه البحر لهو الحل الأجدى.

[معماري قطري]

مادري والله كني اشوف فلم هندي

لاني تذكرت مشروع جزيرة النخيل وسفاري حديقة الحيوان والابراج المعلقة

ياكثر مشاريعنا بس ماشفنا شي

غير زحمة .... ومنتخب مجنسين يفشلنا وين راحوا...

http://www.built-form.net/images/bf/projects/qatari-landmark/03.jpg

صدقت والله ولا ننسى إن المنطقة اللي موجودة في الصورة عندك أغلبها مدفونة ومن زمان ومب خسرانين شيء لو ندفن شوي ونوسع الكورنيش ككل لأنه معلم مهم لبلادنا.

[alkhaleje]

الله كريم

[duhail535]

-للأسف مشروع فاشل إلا من الإبهار الإعلاني المبالغ فيه .

-الشيء الوحيد الجيد فيه ساحة ألعاب الأطفال .

-طراز روماني وأوروبي وأندلسي وحوار حضارات ، ضاعت فيه الهوية واهمل الطراز القطري الخليجي .

-فكروا في ارضاء جميع الأذواق إلا ذوق المسلم . في خضم الشاو نسوا بنا مسجد ويبدو أن المساجد الموجودة من قبل في الكورنيش سيتم ازالتها لصالح حوار الحضارات في جو طبيعي خلاب .

-الفكر التجاري النفعي طاغ على التصور العام للمشروع الوهمي محاولة لارضاء هوامير الفنادق والشيشة وتأجير السياكل .

-الساحة المجاورة لمنصة الاستعراض فاشلة فشلا ذريعا من الناحية الأمنية .

[ابوسعود]

مشروووع روووووووعه

ولكن ولكن

لم يستغل الاستغلال الاقتصادي الامثل

هناك قاعده اقتصاديه معروفه وهي

تعظيم المنفعه الحديه

وكنت اتمنى ان تصل المنفعه الحديه

في المشروع الى80%

[@الأدعم@]

شي حلو وهذي عوايدها قطر

[qatari 111]

ممتاااز رووووعه

الله يهني سعيد وسعيده احنا بتروح علينا يالله نسألك حسن الخاتمه

[بوخالد911]

الله يتمم ع خير

[كلاسيك قطر]

مشروع من افضل المشروعات بس متى يبتدون فيه

ومشروع جسر المحبه لحد الان ماخلص وتبي يخلص هاي

[المحاميه]

ليش تقولون خيال؟
ﻻخيال وﻻمستحيل

مسألة وقت فقط ﻻ اكثر

[النهار]

مشروع خيالي

[عالي الهمم]

المشروع حلو ولكن ما فيه شي جديد او بالاخص ان السائح يزوره مره ويتشوق يزوره مره ثانيه ..

اعتقد الشي اللي ناقصه العجلة الكبيره مثل اللي بلندن ( عيــن لندن) .. ليش ما يكون عندنا (عيــــن الدوحه) الواحد يركبها يطالع من جهه ابراج الدفنه والحديقه نفسها ومن جهه سوق واقف ومشيرب مستقبلا والمتحف الاسلامي ..

[فــلان]

الله يهني عيالنا و أحفادنا و بالنسبه لنا الله يصبرنا على الإختناقات و نكبات الحركه المرورية

[ANONYMOUS]

حلو حق شهر 10 لين 4 مع موسم العزب

باقي السنه رطوبه و شمس ولواهيب

[مضارب دوسري]

الحل يدفنون من البحر

ويوسعون الكورنيش

[تغلبية]

لفت انتباهي .. برغم جمالية التصميم وخياليته بنفس الوقت

الاستماته على استيراد التصاميم من الثقافات الاخرى

ماتعبتوا ؟!

والله ملينا من كثر ماحطيتو اندلسي برازيلي هندي غربي ياباني

متى بتعترفون بالستايل القطري

هل هو حصرا لسوق واقف وخلاص ؟!


شي ثاني


اعتماد الدوائر في التصميم

والدوائر تستخدم في التصاميم الذكية لاعطاء طاقة ايجابية وعالية للمكان.


عاد ما يندرى جات معاهم قصداً او بالصدفة :omen2:


حسنة من حسنات التصميم

[معماري قطري]

أي تصميم يركز على الجماليات المبتذلة والملقطة من هنيه وهناك ويعرضها بسرعة ما يستهويني ولا بينفع الغرض اللي أُنشيء من أجله.

الكورنيش يبغي له توسعة وتصميم متكامل .. الجمال العملي مطلوب لكن تجميل وبيخلون الكورنيش مثل ما كان من بداية الثمانينات كطاقة استيعابية للسيارات .. بنكون ما سوينا شيء.

[jassim_007]

دايما مب عاجبكم شي
دايما تنتقدون
بحق او باطل تنتقدون
بصراحه شعب مايعجبه شي
حتى لو اخترعو لكن لبن العصفور و بيض الديج بعد انتقدتو و طلعتو عيوب!

مشروع اشزينه و ان شاء الله الله يكتب لنا عمر و نشوفه على ارض الواقع

و الله يحفظ قطر ، ارض و حكومة و شعب

[الـراسي]

دايما مب عاجبكم شي
دايما تنتقدون
بحق او باطل تنتقدون
بصراحه شعب مايعجبه شي
حتى لو اخترعو لكن لبن العصفور و بيض الديج بعد انتقدتو و طلعتو عيوب!

مشروع اشزينه و ان شاء الله الله يكتب لنا عمر و نشوفه على ارض الواقع

و الله يحفظ قطر ، ارض و حكومة و شعب

فيه نوعين من الانتقاد انتقاد ايجابي وانتقاد سلبي

والانتقاد ان شاء الله يكون ايجابي لان ما فيه شي في هالدنيا كامل

ومن قال ان كل شي كامل اقول كذاب

الكامل الله سبحانه وتعالى

وما فيها شي اذا حصلت بعض الانتقادات

والله يتمم المشروع على خير وما يكون فيه عيوب كثيره

مثل اغلب المشاريع

[وليف الشوق]

ليش تقولون خيال؟
ﻻخيال وﻻمستحيل

مسألة وقت فقط ﻻ اكثر


مااحد ذكر او قال انه خيال او مستحيل وبلادنا نثق فيها وماتعرف المستحيل بأذن الله لكن اللي نتمناه ان مايعرضون اي مشروع الا لما يبدأون فيه وعلى ارض الواقع والحدث واذا شافوا الناس تسأل وش هالمشروع حزتها الجهه المعنيه تعلن عن المشروع ،، والشي الثاني مثل هالمشروع فكري شوي متى المناقصه ومتى يرسي عطاء المشروع ومتى يبتدون فيه ومتى ومن يتم انجازه ومن اهي الشركة المؤهله لانجاز المشروع بالوقت المحدود وهل الشركة داخل او خارج قطر ؟ هذه اسئله كثيرة ونحن لا نؤمن بأن مشاريعنا سوف تنجز بين يوم وليلة واهي تحتاج لعدة سنوات

[بوNasser]

ليش المشروع ما تكنسل؟؟؟؟؟

كانت اللوحات موجودة في كل حدود المشروع خصوصا على الحوائط المعدنية مقابل وزارة الصحة.

كان فيه رسومات و صور ملاهي وحدائق والعاب...الحين وين هي؟؟ . كلها انمسحت ما عاد فيه الا حوائط معدنية (شينكو) ...

سمعنا ان فيه مراجعة وتغيير للمشروع يتماشى مع 2022.
تحياتي للجميع

[مرتبش]

تكنسل وشبع تكنسل

[Abdulraman]

في المشمش

[OM_OMAR_QATAR]

يعني قصدك بعد كل هالحفريات .. كمان رح يحفرو في المستقبل !!!!!!:omg:

هههههههههههه

[fzaa_qatar]

مشروووع روعه بس خساره سمعت انه تكنسل وبصراحه مكانه وتصميمه ابداع في ابداع وكنت اتمنى يسوونه لانه بعد بيشجع السياحه وبيخدم كاس العالم ... يا ريت اللي عنده الخبر الاكيد عن هالمشروع يقول لنا .. يعني حنا كل مافرحنا بمشروع واعلنوا عنه يقومون يكنسلونه ...

[HotBlood]

ما عجبني احم احم
خاصه سالفة النوق تقول فورملا 1 مب نوق

[مهرة]

حلوو المشروع ويشووق .. بنلحق عليه ولاااااااااااا ..!!:weeping:

[الحياة الخالدة]

حلوو المشروع ويشووق .. بنلحق عليه ولاااااااااااا ..!!:weeping:


حبيبتي مهرة .. لا تزعلين وايد .. يقول لج كنسلــــــوه خلاص

[تلفزيون قطر]

مشرع خيالي وأكثر من رائع وراح يتحقق بأذن الله .. والله يحفظ قطر وأميرها وشعبها ومن فيها من كل شر ومن كل عين حاسد .





فالج التوفيق وربي يحميج يابلادي




تلفزيون قطر

[الفا برافو]

الله يبلغنا بطولة العمرونشوف هالمشروع او مشروع متكامل ومشابه له !!!!

والاول خل نشوف مشروع الجسراللي يربط مطار حمد الدولي مع منطقة الابراج !!!

[دايموند]

حلوو المشروع ويشووق .. بنلحق عليه ولاااااااااااا ..!!:weeping:
وين بتلحقين عليه!! يقولون لج تكنسل المشروع :rolleyes2:

[Rider]

يارجال الصور والافلام سهله هم شي بنشوفه في الواقع

[نوفة قطر]

ماقعدت اشوف الفيديو لان مدته عشر دقايق وانا فالدوام !

بس متى هاي كله ؟

[المحاميه]

دايما مب عاجبكم شي
دايما تنتقدون
بحق او باطل تنتقدون
بصراحه شعب مايعجبه شي
حتى لو اخترعو لكن لبن العصفور و بيض الديج بعد انتقدتو و طلعتو عيوب!

مشروع اشزينه و ان شاء الله الله يكتب لنا عمر و نشوفه على ارض الواقع

و الله يحفظ قطر ، ارض و حكومة و شعب


صاج
كل شي مب عاجبهم
قولوا الحمدلله

ارضاء الناس غايه ﻻتدرك

[لاجل QT]

ووي يوم شفتت الفيديو اشوف طريجي من بيتى لين دوامى اقول كل هالمسافة اقطعها ذهابا وايابا

الداد لي

متى المجلس الاعلى يراعون اللى طالبين مدارس قريبة من بيتهم

ليش ماينقلونهم اماكن قريبة من بيتهم ...ليش مايكون في قسم بتنسيق هذا الشئ

احس بيينى شلل من طول المسافة

والمعذرة عن الخروج عن نص الموضوع اخنقتنى العبرة ..اهئ

[ام السعف]

المشروع حلو بس منطقة الكورنيش ضيقة جداً وبعدين وين المداخل ومواقف السيارات المفروض ينتقل المشروع مكان أوسع وبعيد عن وسط المدينة

المنطقة ضيقة بالفعل ،، واايد ضيقة

وربنا يوفقهم