صدور قانون تسجيل المركبات الجديد؟ في المرور!!موضوع لنقاش [الأرشيف]

مشاهدة النسخة كاملة : صدور قانون تسجيل المركبات الجديد؟ في المرور!!موضوع لنقاش

المغبون78

06-10-2013, 08:48 PM

اليوم صدر قانون جديد في المرور ؟؟
لا يتم تسجيل المركبه ( السياره ) بسمك ،، اذا عندك مركبة أخري منتهيه أستمارتها ؟؟؟
اما ان تقوم بتجديد الاستماره او شطب المركبه اذا كانت غير صالحه للاستخدام ؟؟
&& السؤال ،، هنا
طيب اذا كان الشخص عنده اكثر من سياره منتهيه الاستماره ؟؟
او عنده سيارات خارج قطر ومازالت مسجله بسمه ولكن منتهية الاستماره ؟؟
ويش الحل ،، وهو مشتري سياره جديده او مستعمله .. ويبغي يسجلها بسمه ؟؟
سؤال هل القانون يطبق علي الشركات ،،

أتمني اي واحد لديه اي تفاصيل عن الموضوع لا يبخل علينا ،،،
!!مرجع الخبر!! اليوم المغرب سمعة الخبر من صاحب معرض سيارات ؟؟

qatari 111

06-10-2013, 09:20 PM

اول مره اسمع هالخبر

الظاهر صاحب المعرض فهم غلط

بطل الفريج

06-10-2013, 09:40 PM

عندي سيارة محجوزة والاستمارة منتهية وعندي سيارة في دبي منتهية الاستمارة ... الحل ؟

vanity

06-10-2013, 10:44 PM

من شوي مسجل موتر باسمي وعندي موترين منتهيه استماراتهم ولا حد قالي شي

للعلم المواتر لها اكثر من ٣سنين منتهيه

وحيد-الشوق

06-10-2013, 11:10 PM

كلام فاضي مستحيل يطبقون شيء غبي مثل هذا بعدين لاتصدق كلام فلان وعلان

al-obaidly

06-10-2013, 11:15 PM

هاي قانون ابوظبي

البحار00

06-10-2013, 11:36 PM

يعني بذمتك هالكلام يدخل العقل !!!!

حمد بن سعد

07-10-2013, 11:27 AM

اشوف الموضوع عادي دام فيه

واســـطه

الامور طيبه

للأسف هذا الواقع الي انعيشه

راشد محمد

07-10-2013, 11:53 AM

اول مره اسمع هالخبر

راعي ال VXR

07-10-2013, 01:54 PM

ما اعتقد ياشيخ اللي عطاك المعلومات غير صحيحه تاكد

adel777

07-10-2013, 03:37 PM

الخبر صحيح وتطبيقه من اليوم

المغبون78

08-10-2013, 12:55 PM

الله لا يهينكم علي مروركم الكريم علي الموضوع ،،،

بن جعران

08-10-2013, 05:09 PM

والله الموضوع صحيح امس ارفضو يسجلون سياره باسمي لانه عندي سياره منتهيه استمارتها

بويعقوب

08-10-2013, 05:25 PM

بااال عاد هالحركه كلش مالها داعي

باسجل الموتر باسم اخوي او حد من الاهل

ماعندنا واسطه شنسوي بعد :)

المزاجي قطر

08-10-2013, 07:48 PM

عاد لا تفعلون الموضوع وصير صج

qatari 111

08-10-2013, 09:33 PM

والله الموضوع صحيح امس ارفضو يسجلون سياره باسمي لانه عندي سياره منتهيه استمارتها

الخبر صحيح وتطبيقه من اليوم

:omg::eek5:

تحكيييره صح

زين واللي موتره فالحجز او عطلاال ويبيله طلبيه للقطع الغيار وين محله من الاعراب ويش الحل معااه

بن جعران

08-10-2013, 09:42 PM

لا وابشركم بالجديد الي صار بعد معاي اليوم

رحت اجدد استماره السياره علشان اقلب السياره باسمي قالي بعد مايصير قتله ليش قالي لانه عندك بعد سياره ثانيه منتهيه استمارتها قتله خلاص مراح اقلب السياره باسمي بس بجدد الاستماره قالي بعد ما تقدر لانه لازم اتجددهم كلهم

والله مصخره

المغبون78

08-10-2013, 10:14 PM

وزيدك من الشعر بيت ؟؟؟ ماتقدر تبيع سياره مسجله ،، بسمك ،،وعندك سياره ثانيه منتهيه الاستماره ؟؟

وحيد-الشوق

09-10-2013, 08:25 AM

ليش هالقوانيين الصعبة المرور يحبون يحكرون حق المساكين :(

الـخـور

09-10-2013, 08:30 AM

انا مع هالقانون

السيارة المنتهية ممكن تجدديها او التنازل عنها او التصرف فيها .. انا اشوف مالها داعي تخليها منتهية وتستعملها او تركنها

الله يكتب الي فيه الخير

وطن

09-10-2013, 08:53 AM

سؤال ليش الاستمارات المنتهية لم يتم تجديدها في وقتها
؟؟

MAZEN37

09-10-2013, 08:58 AM

ليش الاغلب منتقد الفكره في الموضوع
انا مؤييد للقرار ويا ريت يطبقونه وخلك قانوني وسجل ميه سياره بسمك
او يفرضون رسوم عاليه واجباريه حال ما تم تجديد المركبه لاكثر من 3 شهور
رح شف العالم تقط السيارات بين البيوت وبالشوارع العامه راعيها ما يكلف نفسه يشطب الرقم
اعتقد هدف المرور التنظيم يعني كنسل السياره من عندهم وسحب الرقم وودها البلديه
الي حط القانون يفهم والله يقوي الداخليه وعلى راسهم الوزير

Rayane

09-10-2013, 09:53 AM

لا والله عاد اسمحوا لي انا ضد هالقانون اللي ماله داعي

السيارات المحذوفه والمكنسله فيه اداره اسمها البلديه. تصرف فيها.

وبخصوص اللي عنده عزبه وفيها برازيلي ولا جمس قديم. ما يقدر يجدده الا عقب الفحص الفني. وما نجح. شي سوي؟. لازم أخذ لي شاص جديد ولا عراوي اقل شي 60 الف قيمتها؟

ما أشوف اي نتيجه ايجابيه من الموضوع وما أشوف اي تطور من ورا إدارة المرور مع الأسف الشديد.

كل إدارات الداخليه في تطور لخدمة المواطن والمقيم الا هالاداره.

اتمنئ يراجعون قراراتهم

الجوكر90

09-10-2013, 11:01 AM

نفس كيوتل ماتسوى اي عمليه الا يوم تدفع المتاخرات الي عليك
اشوف شي طيب عشان الي عليه مخالفات يتادب ويدفع ومايخالف وايد

ام الجماجم

09-10-2013, 11:09 AM

كلام صحيح ماتقدر تجد الاستماره وبالعكس انا مع هذا القانون وهو شي ايجابي وليس سلبي واذا كان سلبي فهو للشخص السلبي فقط وياريت لو الكل يحترم القانون ولكن الواسطه فوق القانون

MAZEN37

09-10-2013, 12:46 PM

يوم يدعمك اي شخص موتره ماعليه استماره بتم وراه تبوس يده يصلحلك وتلف الدوحه طول بعرض ولا يخلص موضوعك
مره سمعت واحد كلفت سيارته مية الف وبعد النيابه والمحاكم ولوعه قسطها الحبيب 500
تخيل تخيل تصير وياك ياالمعارض

qatari 111

09-10-2013, 03:47 PM

والله بعد مافكرت في هالقانون الجديد اكتشفت انه في محله لاني الصراحه مره دعمني واحد من الشباب الطيش وشرد وزين اني سجلت رقمه وبلغت عليه فقسم الحوادث طلع الحبيب استمارة سيارته منتهيه من سنتين وغير المخالفاات وعدم احترام شرطي المرور وفالنهايه قالوا بنحوله قضيه وسالفه واللي يتعب من المتضرر اللي هو انا وغير الملتزمين واللي عنده موتر يستخدمه للعزبه زفالبر اشطبه من المرور وامورك طيبه دام انك تسوقه فالبر حاله حال البطابط

واشكر ادارة المرور والقائمين عليه ومن اقترح وطبق هالقراار والله يعطيهم العافيه

qatari 111

09-10-2013, 03:49 PM

ابوجابر

09-10-2013, 04:07 PM

قرارممتاز

البحار00

09-10-2013, 05:19 PM

البارحه في المرور قالي الضابط بلسانه هالكلام على الاجانب بس

اما هالقطر ﻻ

بن جعران

09-10-2013, 07:35 PM

البارحه في المرور قالي الضابط بلسانه هالكلام على الاجانب بس

اما هالقطر ﻻ

الكلام غير صحيح لانه اقولك صار معي الموضوع

مافي مثلي

09-10-2013, 11:12 PM

لحد يفتي ولا يالف من عنده هالقانون من اسبوع
موترك منتي مطلوب تحريات قضيه مشكله على سياره
مالك حق بيع ولا شر اي سياره اخرى
قدامي اليوم ضار عالم اليوم ترجه من المرور وماتمشي معاملتاهم قطري شيخ اجنبي

عالى فكره القانون انه ضده
يعني اشوفلي موتر. ولا رقم ابي اشتريه اقول لريال روح. شيك على رقمك الشيخصي بالمرور شوف تقدر تبيع ولا اقدر ابيعك !!!ة!!!!

شدعوه شيء بالعقل صراحه قنون مدري كيف

KingQatar

10-10-2013, 02:36 AM

بالتوفيق

فقط قطر

10-10-2013, 04:34 AM

المغبون78

10-10-2013, 12:39 PM

إدارة المرور لو عطوووو الناس مهله ( 3 شهور ) مهله قبل تطبيق القانون كان الوضع طيب ،، علشان كل واحد يعدل وضعه !!
لكن مع الاسف طبقو القانون بشكل مفاجي علي الجمهور ،،
وكل واحد له ظرف خاص ( حد عنده سياره خربانه في الكراج منتظر قطع غيار للحين ماوصلت،، وحد سيارته خارج البلد ،، واللي عنده سياره في عزبه والا مزرعه من سنين !!

نتمني من إدارة المرور مهله ( تعديل وضع المركبات ) قبل تطبيق القانون ؟؟

q6ri_vip

10-10-2013, 01:04 PM

طيب واللي عنده سيارة كلاسيك ومخزنه عنده في البيت

بويعقوب

10-10-2013, 01:18 PM

وزيدك من الشعر بيت ؟؟؟ ماتقدر تبيع سياره مسجله ،، بسمك ،،وعندك سياره ثانيه منتهيه الاستماره ؟؟

يالربع من صجكم :eek5:

شالسالفه ؟؟؟!!!!

باقول لبوفيصل .. والله احروقهاااا عوماااان :nice:

بويعقوب

10-10-2013, 02:06 PM

طيب واللي عنده سيارة كلاسيك ومخزنه عنده في البيت

اي والله انك صادق , هذا اللي صاير معاي بالضبط

باختصار:

اللي حطوا القانون للاسف ماعندهم نظره مستقبلية للاضرار التابعه للقانون .

وبدال مايحلون مشكله بتزيد المشكله ... هل كيف ؟؟

مثلا : انا عندي سياره كلاسيك ماستخدمها ومنتهيه استمارتها من سنيين , بس كل سنتيين تقريبا اجدد الاستماره وادفع الغرامه 500 ريال .

طبعا سيارتي الشخصيه استمارتها تكون جديده وامورها طيبه .

@@بعد القانون الجديد .... هذا اللي بيصير @@

ابغي اجدد استمارة سيارتي .. المرور: لاياحبيبي مايصير ,روح جدد السياره القديمه وجيب الاثنين مع بعض ( طابور.. اثنيين اثنيين) :anger1:

اول مشكله انك بتستخدم الموتر بدون استماره ولاقدر الله لو دعمت او ادعموك ..

هذي مشكله ثانيه .. نيابه ومراكز وقضايا :rolleyes2:

في النهاية باقرر انني ماجدد استماره ولاسياره لانها خربانه خربانه :secret:

(( يا ادارة المرور الحل بسيط جدا جدا ))

أولا : تغيير غرامة تأخير تجديد الاستماره من 500 ريال من بعد الشهر المهلة الى 200 ريال .

ثانيا : يتم زيادة الغرامة بنسبة 100 % بعد الشهر الأول , (مثال: سياره استمارتها منتهيه من 4 شهور الغرامة تكون 800 ريال )

ثالثا واخيرا: يتم إعطاء مهلة لتعديل الوضع الحالي لكل مركبة ويتم تطبيق القانون بعد 3 شهور من تاريخ اعتماده ونشره .

في النهاية ,, الموضوع في صالح الجميع , وانا متاكد ان الاخوان في المرور همهم وشغلهم الشاغل خدمة الوطن والمواطن .

واسمحولي على الإطاله .

الدوحه1

10-10-2013, 04:31 PM

اتمنى من ادارة المرور انهم يلزمون اصحاب المعارض من ضرورة وجود سند استلام وتسليم لاصحاب السيارات اللي يعرضون سياراتهم في المعارض.
بحيث يشتمل على تاريخ ووقت الاستلام والتسليم.
وان المعرض يتحمل كافة المسئوليه عن السياره خلال وجودها في المعرض(مخالفات وحوادث).

كربيتر كام

13-10-2013, 04:41 AM

انا امس مجدد ومحد قالي شي وعندي سيارتين منتهين من 2005

A-Alansari

13-10-2013, 12:13 PM

اخوي من اسبوع ماخذ موتر ومارضو يسجلون له الموتر باسمه لانه عنده موتر في البحرين تكنسل واستمارته منتهيه وهو ناطر التأمين يخلصون له الموضوع وانجبر يسجل الموتر باسم مرته

غيم الجنوب

13-10-2013, 12:41 PM

مممم .. من متى هالكلام بالضبط بدا تطبيقه عمليا ؟

موتري فالفردان واقف عندهم من تاريخ 12.فبراير الى الآن ماطلع
استمارته منتهيه شهر خمسة

يوم الاربعاء اللي طاف رحت وجددت استمارة موتري الثاني..ولا حد قال شي ولا حد كلمني
خذيت استمارتي وطلعت وبس

!!!

قطري92

13-10-2013, 02:12 PM

للآسف انا عندي اكثر من موتر كلاسك ومضطر اني اكنسلهم وعقب اجددهم في المستقبل لمن افضى.. لانه بصراحه مافي وقت والقطع غيار نار عندنا.. يعني يبيله مخ فاضي

الله المستعان ..

Qatar+

18-10-2013, 03:05 PM

شفيكم متخرعين القانون حق الاجانب
موتري قبل العيد مجدد استمارته والامور طيبه
وكلمت الوكيل اللي موجود وقال انت قطري مايمشي عليك القانون
والناس من الخوف كبرو الموضوع
وهم مسوين هذا الشي عشان ينظفون الشوارع من السيارات السكراب

المغبون78

31-10-2013, 06:02 AM

حل أزمة اللوحات المفقودة لشطب السيارات
** مصدر الخبر جريدة الراية **
http://www.raya.com/mob/getpage/f6451603-4dff-4ca1-9c10-122741d17432/11dddfd7-037e-46e0-b9b5-09f941171a05

مافي مثلي

31-10-2013, 06:42 AM

هدف ربحي مادي بحت
اولا يببغون يسون مزاد شلون يطلعون اكبر عذ من ارقام السيارات بهاي الطريقه موترك استمارته منتهيه ولا متعطل عندك بالبيت ولا بالكراج عليه خماسي ولا سداسي حليو بيميزونه المرور وبينزلونه ببالمزاد
ثاني شيء نزلتوا قانوا ولا قرار عطوا البشر فرصه تعديل وضعهم مب بالهطريقه اعدام
قدام عيني الي شاري موتر اصفار من الوكاله ودافع مبلغ السياره لشركه وجو يسجلون له
يتفاجا بهل القرار!!! مثلا عنده موتر خارج البلاد ولا بكراج ولا بالبيت بيطر يكنسله العالم بالمرور يكلمون الضباط انه يعطونهم فرصه فالرد جاهز مانقدر!!! بيوم وليله قرار ويتطبق
صراحه شيء تعجيزي عطهم فرصه مب تطرهم يكنسلون مواترهم
ولا ابشركم في مواتر محجوزه بالشبك52 بالصناعيه ونباعت بالمزاد ولا يدرون المرور عنها يلتهون العالم يرحون ويدورون بالحجز اخرتها مباعه

بـويوسف

31-10-2013, 12:39 PM

اذا عندك موتر ما تعرف عنه شي

تروح المرور تاخذ كتاب ان الموتر مسجل باسمك

وعقب تروح شبك المرور وشبك لخويا وبلدية المشاف

يختمون لك ان الموتر مب موجود عندهم

وعقب ترجع مرور مدينة خليفة ويشطبون لك الموتر ان شاء الله

والي موتره برع الدوحة اعتقد يوقعونه ع تعهد

الامور طيبة بس المشاوير كثيرة >> شبك لخويا + شبك المرور + بلدية المشاف

البهتري

31-10-2013, 10:07 PM

النهار

31-10-2013, 10:24 PM

الله المستعان