ابي حد يشرحلي بضبط

[خيالة قطر]

السلام عليكم

شخباركم عساكم طيبين

بغيت. حد يشرحلي شلون اطلب من امازون
بتفصيل وشنو المطلوب مني اسويه

وكم يوم يوصلني لين مايبونه قطر

ياريت حد يساعدني

[H H]

اول شي طلعيلك فيزا من البنك
ثاني شي سويلك صندوق بريد خارجي عن طريق ارامكس واسم الخدمه shopandship
وهالشي جداً بسيط مجرد انك تطلعين الفيزا وتدخلين موقعهم وتشتركين وتدفعين 175 ريال تقريبا
ويصير عندك ثلاث صناديق بريد مدى الحياة فهالثلاث دول

بعدها سويلك حساب فالمواقع الي تبين تطلبين منها وعبي بيانات صندوق بريدك واشتري الي تبين وحطي
بيانات الفيزا وادفعي واول مايشحنونها بيرسلونلك رقم التتبع حق الشحنه وتقدرين تشيكين عليها الكترونياً لين توصل وتروحين تاخذينها


انصحك انك تبدين بامازون واي بي والمواقع المضمونه قبل ماتنطلقين للمواقع الثانيه والصينية
انصحك الفيزا الي تطلعينها تكون مسبقة الدفع عشان اذا جبتي العيد يرروح المبلغ البسيط الي فيها فقط
تدخلين مواضيع الطلب من الخارج وتجمعين لستة بكل المواقع الصينية المضمونه لان الصين اغلب مواقع
الشراء فيه ماهي صحيحه وكلها احتيال فاحتيال وايضاً بعضها يتاخرون وبعضها بضاعتهم اي كلام و و والخ
انصحك تربطين الفيزا بالبي بال وماتطلبين الا من المواقع الي عندهم الدفع بالبي بال
انصحك تشتركين مع الworldship لصناديق البريد لان عندهم خدمة تجميع الشحنات
يعني مثلا بتطلبين خمس اشياء تطلبينها واذا وصلت كلها تدخلين حسابك وتححطين شحن وبيشحنونها
على عكس الشوب اند تشيب الي يرسلونلك وحده وحده وماعندهم خاصية تجميع الشحنات

وان شالله الاخوان يفيدونك اكثر , بس لاتتهورين ابدي بطلب اشيا بسيطه وبعدها انطلقي

وهذا موضوع قديم يسال نفس سؤالك ورديت عليه رد طويل مع شرح تفصيلي , اذا مافهمتي هالرد اكيد بتفهمين من الرد هذاك

http://www.qatarshares.com/vb/showpost.php?p=9048494&postcount=23


بالتوفيق

[خيالة قطر]

طيب اخوي انا بالاول بطلعلي فيزا من وين اطلعه ؟ انا بنك قطر اسلامي !

وشي ثاني شنو المطلوب في ارامكس اذا بغيت اشترك شننو اوديلهم

واخر شي كم يوم يستغرق لو طلبت واشتركت ف ارامكس ورلد ان شيب

[H H]

المصرف عندهم خيارات جيده ,, انصحك تاخذين بطاقة فيزا كلاسيك الي فيها الفين او الذهبية الي فيها خمس الاف
هالبطاقة تشترين بالمبلغ الي فيها مثل ماتبين وفنهاية الشهر تسحب من حسابك الاصلي المبلغ الي سحبتيه منها

يعني تسددين المبلغ الي سحبتيه من الفيزا نهاية كل شهر وهالشي يتم تلقائياً يوم 28 تقريباً
هالبطاقة ميزتها انها اسلاميه يعني ماياخذون عليك فوايد اذا استخدمتيها فالشراء من النت او فالمحلات
وفنفس الوقت نهاية كل شهر يسحبون كل الي خذيتيه منها وايضا تكون بمبالغ معينه يعني ماتكون مفتوحه!
في كلاسيك يكون فيها الفين ريال وفي ذهبيه يكون فيها خمس الاف وفي اعلى ! وهالشي بيضمنلك الحماية اذا
لاسمح الله انسرقت البطاقه والا شي, ماراح ينوخذ منها الا المبلغ الي فيها

وفنفس الوقت اذا خلصتي المبلغ الي فيها فنص الشهر مثلاً تقدرين تدخلين على حسابك الاساسي وتسددين الفيزا
ويرجع المبلغ مثل ماهو وتكملين شراء!

الخطوه الثانيه , ارامكس مايحتاج تروحينلهم اصلاً! تسوين هالخدمه اونلاين!
اول ماتطلعين بطاقة الفيزا ادخلي shopandship.com واشتركي وادفعي اونلاين والتفعيل يمكن ياخذ كم ساعه وتقدرين
تفعلينها فنفس الوقت اذا اتصلتي على ارامكس قطر وقلتيلهم ابي تفعيل بيفعلونلك اياه وانتي عالسماعه

بعدها بتجيك عناوين البريد على الاميل , وتقدرين تدخلين على حسابك فارامكس وتشوفين صناديق البريد!
تروحين وتحطين عنوان صندوق البريد فامازون او اي موقع تبين تطلبين منه وتشترين الي تبين وبتوصلك الشحنه
لين الدوحه وتقدرين تطلبين منهم يوصلونها لك للبيت مجاناً

ارجع واقولك اذا تبين تطلبين طلبات كثيره ومن بائعين مختلفين انصحك تشتركين فشركة شحن عندها خاصية تجميع الشحنات
مثل Worldship و MyUs تقريبا هذي افضل شركتين عندها خاصية تجميع الشحنات
بالتوفيق ..

[للصبر اخر]

طيب اخوي انا بالاول بطلعلي فيزا من وين اطلعه ؟ انا بنك قطر اسلامي !

وشي ثاني شنو المطلوب في ارامكس اذا بغيت اشترك شننو اوديلهم

واخر شي كم يوم يستغرق لو طلبت واشتركت ف ارامكس ورلد ان شيب

اولا نصييحه
طلعي بطاقه من مصرف الريان اسمها pay and go
وعبيها متى ماحبيتي
اللمت صار 10 الاف
وثانيا ارامكس خدمت شوب اند شيب
وتقدرين تفتحين حساب عن طريق النت
بس حاولي تدورين شركه ارخص
والله اليوم جاتني اغراض كنت طالبتها ب 400 ريال خذو شحن مني 1700 من ارامكس
:( واي استفسار انا حاظرة

[للصبر اخر]

المصرف عندهم خيارات جيده ,, انصحك تاخذين بطاقة فيزا كلاسيك الي فيها الفين او الذهبية الي فيها خمس الاف
هالبطاقة تشترين بالمبلغ الي فيها مثل ماتبين وفنهاية الشهر تسحب من حسابك الاصلي المبلغ الي سحبتيه منها

يعني تسددين المبلغ الي سحبتيه من الفيزا نهاية كل شهر وهالشي يتم تلقائياً يوم 28 تقريباً
هالبطاقة ميزتها انها اسلاميه يعني ماياخذون عليك فوايد اذا استخدمتيها فالشراء من النت او فالمحلات
وفنفس الوقت نهاية كل شهر يسحبون كل الي خذيتيه منها وايضا تكون بمبالغ معينه يعني ماتكون مفتوحه!
في كلاسيك يكون فيها الفين ريال وفي ذهبيه يكون فيها خمس الاف وفي اعلى ! وهالشي بيضمنلك الحماية اذا
لاسمح الله انسرقت البطاقه والا شي, ماراح ينوخذ منها الا المبلغ الي فيها

وفنفس الوقت اذا خلصتي المبلغ الي فيها فنص الشهر مثلاً تقدرين تدخلين على حسابك الاساسي وتسددين الفيزا
ويرجع المبلغ مثل ماهو وتكملين شراء!

الخطوه الثانيه , ارامكس مايحتاج تروحينلهم اصلاً! تسوين هالخدمه اونلاين!
اول ماتطلعين بطاقة الفيزا ادخلي shopandship.com واشتركي وادفعي اونلاين والتفعيل يمكن ياخذ كم ساعه وتقدرين
تفعلينها فنفس الوقت اذا اتصلتي على ارامكس قطر وقلتيلهم ابي تفعيل بيفعلونلك اياه وانتي عالسماعه

بعدها بتجيك عناوين البريد على الاميل , وتقدرين تدخلين على حسابك فارامكس وتشوفين صناديق البريد!
تروحين وتحطين عنوان صندوق البريد فامازون او اي موقع تبين تطلبين منه وتشترين الي تبين وبتوصلك الشحنه
لين الدوحه وتقدرين تطلبين منهم يوصلونها لك للبيت مجاناً

ارجع واقولك اذا تبين تطلبين طلبات كثيره ومن بائعين مختلفين انصحك تشتركين فشركة شحن عندها خاصية تجميع الشحنات
مثل worldship و myus تقريبا هذي افضل شركتين عندها خاصية تجميع الشحنات
بالتوفيق ..

ممكن طريقة الاشتراك بهالشركات

[قطريه22]

نصيحه لاتتعاملين مع ارامكس بياخذون دبل عليج خلج مع البريد العادي
حتى موقع امازون صعب الطلب منه واجراءاته وايد ومنها بريد خارجي

تقدرين تدورين على نفس الغرض في موقع ebay ويوصل بالبريد العادي لاتخافين مايضيع واذا ضاع الموقع نفسه يتحمل يرد لج الفلوس.

ونفس ماقالت لج الاخت للصبر أخر طلعي الفيزا الي انتي تحطين فيها مبلغ أأمن لج
في المصرف بطاقة اسمها هديتي أسألي عنها .

[R 7 A L]

سبحان الله تقولون موقع امازون صعب

وهو من اسهل المواقع بالنسبة لنا يالي في امريكا
لا من طريقة التسجيل ولا من طريقة الشحن والتوصيل

[عذايب قطر]

وانا بعد ابي اعرف طريقة التسجيل في شركة الشحن اللي قلت عنها اذا ممكن

( انصحك تشتركين مع ال worldship لصناديق البريد لان عندهم خدمة تجميع الشحنات )


تحياتي لكم جميعا

[فيصـــل]

انا شخصيا اتعامل مع ارامكس للشحن الجوي ( shopandship ) واتعامل مع شركة myus

اول شي عشان تقدرين تطلبين اي بضاعه من النت تحتاجين فيزا

وعندج ثلاث خيارات: يا انج تطلعين فيزا مرتبطة براتبج فالدولي الاسلامي

او تاخذين بطاقة pay and go من مصرف الريان، هالبطاقه غير مرتبطه بالراتب وتعبينها متى مابغيتي ومايتحاج يكون عندج حساب عندهم، اقل شي تقدرين تعبين ٥٠٠ واكثر شي ١٠٠٠٠ ريال

او تاخذين بطاقه من المجموعه. شوفي الاريح لج ، انا عن نفسي جربت هالبطاقات كلهم لكن حاليا ادفع عن طريق فيزتي من الدولي الاسلامي واحيانا من بطاقة pay and go

ثاني شي، تحتاجين انج تفتحين حساب في شركة من شركات الشحن: المعروف عندنا والمتداول هو شركة ارامكس shopandship ولما تفتحين حساب عندهم، المفروض يعطونج حساب في ٨ دول : امريكا + بريطانيا + الامارات+الصين+هونج كونج+جنوب افريقيا + الهند + تركيا

يعني بالعربي تقدرين تطلبين من اي دوله من هالدول وبكل بساطه تحطين الshipping address اللي يخص الدوله اللي بتطلبين منها

موقع www.myus.com يختلف عن امازون، الشركة هذي مقرها في florida, USA يعني اكثر شي بتفيدج اذا كنتي بس بتطلبين من امريكا

ميزة هالشركه انها اسرع من ارامكس في الشحن ( على حسب نوع حضويتج مثلا ) وياخذون منج اشتراك شهري تقريبا ٢٠ ريال او سنوي، يعتمة عليج

لكن ، بالسنبة للشحنات الخفيفه ارامكس يعتبر ارخص من myus اما بالنسبة للشحنات الثقيله my us ارخص بوايد عن تجربة

تقدرين تطلبين عن طريق البريد العادي بس المشكلة ان الشحنات تطول لما توصل ، وبالنسبة للتكلفه تقريبا نفس الشي لما بتطلبين من ارامكس او البريد العادي ، ومرات كثيره ارامكس يكون ارخص !!

انتي بمجرد ما تطلعين الفيزا وتفتحين لج حساب في اارامكس او my us, بعدها تقدرين تطلبين من اي موقع تبين ( شرط يكون موثوق ) وتحطين بينات الفيزا وبيانات ارامكس

واي استفسار ثاني احنا حاضرين

[H H]

اول شي يعطيكم العافيه جميعاً على الردود التوضيحية ماقصرتوا
وياليت ياليت تحطون هالموضوع مرجع لكل شخص يحاول يسال عن طريقة التسوق الالكتروني
وبمشاركاتكم ان شالله بيكون شامل لكل شي ممكن يحتاجه المستجد في الشراء من المواقع!

بخصوص الردود , ماتقدرين تطلبين على بريدك العادي كل الي تشترينه! موب كل البضايع عليها شحن دولي لقطر!
شحن داخلي اوكي بس شحن دولي قليل جداً البائعين الي يوفرون هالخدمه!
اغلبهم يكون عندهم شحن داخلي فقط ولهالسبب الناس تشترك فصناديق البريد وخدمة الشحن

وايضا برايي موقع امازون واي بي من اسهل وافضل واروع مواقع التسوق الالكتروني واذا جربتيه مره مرتين بتفهمين قصدي

بخصوص الي يسالون عن خدمة التجميع في الوورلد شيب و الـ My Us
هذي هي مواقعهم وتقدرون تدخلون وتشتركون علطول

ws1.com

MyUs.com

الموقع الثاني فيه ميزة اشتراك سنتين مجاناً فالبريميوم اذا اشتركت ببطاقة الفيزا لكن ادخل من رابط الاشتراك ببطاقات الفيزا!!
الموقع الاول للامانه تعاملهم ماهو احترافي بما فيه الكفايه وبعض الاحيان يتاخرون فتسجيل الشحنات
وعلى العكس تمااااااماً مع الماي يو اس! تعامل راقي وسريع واحترافي ويسجلون الشحنات بسرعه صاروخيه!

الاسعار الموقع الثاني اعلى من البقيه لكن اذا بتشحن شحنات ثقيله فراح يطلع عليك ارخص من البقيه بكثير!
ارامكس اسعاره جداً جداً ممتازه لكن مايجيني شخص يطلب بخمسه دولار بنش حديد وفالاخير يقول اسعار الشحن عاليه!
هي تعتمد على وزن الشحنه! يعني لو تشتري خاتم سعره مية الف دولار بيطلع عليك الشحن كم وثلاثين ريال!
لكن لو تطلب شحنه ثقيله جداً بدولار واحد اكيد اكيد بتطلع عليك قيمة الشحن عالية جداً جداً جداً

بالتوفيق للجميع

[فيصـــل]

نصيحه لاتتعاملين مع ارامكس بياخذون دبل عليج خلج مع البريد العادي
حتى موقع امازون صعب الطلب منه واجراءاته وايد ومنها بريد خارجي

تقدرين تدورين على نفس الغرض في موقع ebay ويوصل بالبريد العادي لاتخافين مايضيع واذا ضاع الموقع نفسه يتحمل يرد لج الفلوس.

ونفس ماقالت لج الاخت للصبر أخر طلعي الفيزا الي انتي تحطين فيها مبلغ أأمن لج
في المصرف بطاقة اسمها هديتي أسألي عنها .

بالعكس اختي ارامكس رخيص بالنسبة للشحنات الخفيفه ولو ان قوانينهم شوي غلجه

لكن بالنسبة لي اطمن اكثر لما اعرف ان شحنتي عندهم او عند myus وغير هذا توصل فوقت اسرع من البريد العادي

موقع ايباي ممتاز وانا طالب اكثر من غرض عن طريق البريد العادي لكن تتأخر الطلبيه والسعر على حسب البايع والدوله

وفيه موقع ثاني يزيد الضمان والامان وستخدامه مفيد بالذات في ايباي، اللي هو paypal

ميزته في مثل سجل او ارشيف يخزن فيه كل البضايع اللي شريتهم والتواريخ ومعلومات الشحن والعمله بالقطري

[فيصـــل]

بالضبط مثل ماقال اخوي H H ووضح نقطة مهمه

فيه مواقع مثل ebay, etsy , bidorbuy او غيرها من المواقع ، البايع نفسه مايشحن لقطر او للشرق الاوسط

فالواحد بيحتاج حساب في ارامكس، لانه موفر حساب في ٨ دول

myus حساب امريكي فقط واستخدمه بالذات اذا بطلب شي ثقيل او لو كنت مستعيل على شحنه من امريكا

واشوف وبكل صراحه موقع myus افضل موقع شحن مر علي وتعاملهم جدا محترف

الموقع يوفر :

خدمة تجميع كل الشحنات، مع الحرية الخيار لك لارسال شحنه او شحنتين او ثلاثه او كلهم .

يوفر خدمة تصوير الشحنه مع الفاتورة، مثلا اذا وصل حسابك شحنه ومتردد ولا مش عارف شنهي ، تدفع زياده 2 دولار ويعطونك صوره حق الشحنه

شحن سريع dhl او fedex، العاده الشحن السريع عن طريق dhl ياخذ من 3-4 ايام

فيه خدمة حمايه للشحنه، مثل اضافه اكياس هوا زياده او فلين او غيره لحماية الشحنه، وغيرها وغيرها الكثير من الخدمات

يكفي ان يعطون خصومات بين فتره والثانيه على سعر الشحن، يوم ميلادي عطوني خصم ١٠ فالاميه ههههه.

الموقع جدا ممتاز وانصح به شخصيا + بالاضافه الى حساب في اارامكس

ونقطه مهمه، ارامكس مايشحنون سوائل اكثر من ١٥٠ مم فالشحنه الواحده، يعني تقريبا ثلاث اغراش عطر اصغار ،

ومايقدر يرسل الشحنه قطر اذا بدون فاتورة او invoice

واظن متشددين شوي من ناحية الذهب، ماقد جربت لكن هذا على حد علمي

[فيصـــل]

طريقة الطلب من موقع امازون www.amazon.com

اول شي وعقب ماندخل الموقع، نضغط على

Hello. Sign in
Your Account

بعدها نضغط على الخيار New customer? Start here

بعد الضغط على start here بتنفتح لنا صفحه ونسجل فيها هالبيانات :

- الاسم
- الايميل
-اعادة ادخال الايميل
- الخيار الرابع مب ضروري

وبعدها ادخال ارقم السري ، واعادة ادخاله فالخانه اللي تحت على طول بعدها نضغط على

create account

فهالحاله بنكون سجلنا فالموقع، بعدها نختار شاللي نبغي نطلبه بالضبط في خانة البحث اللي فوق

في حال اخترنا شي, عاليمين فيه صندوق اصفر مكتوب فيه add to cart

نضغط عليه ونكمل التغرض، او نتوجه لل cart للدفع

لما نضغط على زر الكارت، فهالحاله بيدخلنا الموقع الكارت وبتكون عندنا خاصيية تعديل الكميه في خانة ال quantity , نغير الكميه اذا احتجنا ونضغط update

بعدها عاليمين فيه صندوق اصفر مكتوب عليه proceed to checkout

بعد الضغط عليه، بيتفح لنا صفحه تطلب العنوان او shippind address

في هالمكان نحط بالضبط المعلومات اللي زودوننا فيه ارامكس، واللي سجل وناسي هالبيانات، يقدر يحصلها في موقع shopandship.com بعد تسجيل الدخول بيحصل كافة حساباته

يضيف البيانات مثل ماهي باينه من ارامكس مثل هالصوره ، هالصوره من موقع ارامكس ويوضح لي شلون اعبي بياناتي في اي موقع من المواقع

http://www.shopandship.com/images/shopandship-how-to-use-US.jpg

بعد مانعدي هالخطوه، نحط بيانات الفيزا وهي : ١٦ رقم اللي موجودين فوق الاسم

ونكتب الاسم مثل ماهو فالفيزا + تاريخ الانتهاء

( في بعض المواقع بتطلب بالاضافه الى هذي الامور، بتطلب الثلاث ارقام الموجودين ورى البطاقه )

بعد مانخلص بيانات الفيزا، بيطلب الموقع بيانات ال billing address وفي هالحاله نخليه بالضبط نفس بيانات ال shipping address عن طريق خيار موجود فالصفحه

لما نخلص هالخطوات، فيه خطوة بتخيرنا عن نوعية العمله، افضل شي نحط الريال القطري

وآخيرا، بتطلع لنا تكلفة البضاعه مع الشحن المحلي الداخي ( تكلفة الشحن من البايع لين مكتب ارامكس اللي فامريكا ) واحيانا تكون بلاش

وبالضغط على place your order *بينسحب من الفيزا المبلغ المذكور والموقع بنفسه بيكمل باقي الاجراءات

وبس

[خيالة قطر]

فيصل و hh
ماقصرتو والله فيكم الخير شرحكم واضح ووافر

قواكم الله وهالموضوع مهم لكل اللي يبي يشتري فالانترنت
وواكيد بخليه فالمفضله وان شاءالله بطلعلي الفيزا والحساب وبشترك ان شاءالله
ع الخطوات اللي كتبتولي


ومشكووورين مره ثانيه

[H H]

اذا ودكم تسجلون فخدمة الوورلدشيب (www.ws1.com) (عندهم خدمة التجميع)

هذا كوبون يخليكم تسجلون مجاناً

FREEBASIC

اذا جت صفحة الدفع حطو الكود فخانة الكوبون وبيصير المبلغ صفر علطول ومايحتاج تحط بيانات الفيزا !