الم يحن الوقت لزياده قرض التنمية [الأرشيف] - منتديات شبكة الأسهم القطرية

مشاهدة النسخة كاملة : الم يحن الوقت لزياده قرض التنمية

alsoq

07-10-2013, 05:41 AM

السلام عليكم
في ضل هذي التغيرات الم يحن زياده القرض

علمآ ان البناء غلا شوي عن السابق

يفضل يخلونه 1800000

musel999

07-10-2013, 05:47 AM

الاسعار اختلفت عن قبل صحيح
لكن اذا زاد القرض بتزيد قيمة العقار والبنيان بنفس المبلغ بالضبط و كذا نكون بس زدنا القرض علي الفاضي ويتحملها المسكين
المقترح الافضل انه يسلم الموطنون بيوت جاهز ١٢٠٠ متر للي عنده ارض وقرض و ٦٠٠ متر للي قرض بدون ارض مثلا

عيسى111

07-10-2013, 05:51 AM

السلام عليكم
في ضل هذي التغيرات الم يحن زياده القرض

علمآ ان البناء غلا شوي عن السابق

يفضل يخلونه 1800000

المفروض يخلونه مليونين على عدد سكان قطر وكل ما زاد عدد السكان يرتفع مبلغ القرض لأنه كل شيء يرتفع سعره

alsoq

07-10-2013, 06:07 AM

لو يردون النظام القديم احسن تستلم بيتك جاهز من الاسكان

الحين تلعوزو الناس معا المقاولين المحاكم متروسه واللي متوقف بيته

يبنون لي ب مليون وميتين ويسلموني البيت

بوحارب

07-10-2013, 06:25 AM

مافيه فايده من الزيادة لانه كل شي بيرتفع دايركت

نبي حلول ثانية افضل

تأملات

07-10-2013, 03:10 PM

مجرد اقتراح
لو تم تأسيس شركة مساهمة بإدارة قطرية تتم هذا الشركة تسليم البيت للمفتاح
ويكون سعرها مناسب للمواطن واقتصادي للمساهمين. يكون. مثلا 10٪
لان أسعار البناء والتشطيب في قطر تعتبر هي الأغلى في المنطقة تقربيا 40٪ من السعر هي ربح للشركات

نسيم الغربي

07-10-2013, 03:18 PM

قرض مليون و ٢٠٠ والفيلا ب ٢ مليون و ٢٠٠ يعني ادفع من جيبك مليون زيادة فوق القرض

المفروض يزيدون القرض ١٠٠٪١٠٠

لاجل QT

07-10-2013, 04:13 PM

الافضل ان تكون هناك هيئة من الدولة هي السؤولة عن بناء فلل الموزعة عليهم اراضي من الدولة...باسعار مناسبة..هيئة فيها المهندسين والاستشاريين والمصممين

يعنى انا حرمة لو بابني بيتي... بايقيني بايقيني لانى ماافهم شي في موضوع البناء

al-obaidly

07-10-2013, 04:41 PM

افضل شي استلم جاهز

تأملات

07-10-2013, 05:13 PM

لو كل شي بنتظر الدولة تكون هي المبادرة اغلب مشاكلنا بتكون بدون حل
لازم يكون عندنا مبادرات. وطنية وصدقوني الحكومة بتوافق على المبادرات.
مجرد اقتراح

مجلان

08-10-2013, 12:42 PM

احنا الي خلينا المقاولين يلعبون علينا مد رجلك علي قد لحافك

الـقـاسـي

08-10-2013, 01:57 PM

لو يسلمون البيوت جاهزه ابرك ويكون بنيان على مستوى عالي ويناسب طبيعه اهل قطر ويعطونك فوقها 500 الف حق تعديلات اذا تبي تسوي او ديكورات واثاث

OM_OMAR_QATAR

08-10-2013, 02:12 PM

شموخ دائم

08-10-2013, 02:31 PM

,

,

مراحب

اخوي الكريم

حبيت اوضح نقطه مهمه ( البيوت الجاهزه ) والشعبيه تجربه ما نجحت بقطر للاسف
اليوم

ولكنها كانت ناجحه في فتره ال سبعينيات
يوم كان الناس ماعندها ذيك الاحلام الكبيره
وكان الحصول على بيت جاهز هو اكبر حلم عندهم

واكثر الناس يغير ويعدل بالتصميم ويعمل خرائط خاصه في هذا الوقت وهذه السنوات
من المستحيل الناس تتفق عليها او يعجبها
كان فيه نموذج 20 و 21
وكل الشباب عدلوا عليها للاسف وهذا الي اتاح الفرصه للدوله تترك الناس على حريتها

لا تضيق الموسع
:)
ولا تطلبون التقييد على الناس
ترى هذه الحريه ( نعمه ) الان

المطلوب التعقل ( بالمساحه )
لو عندك ارض وسويت خريطه 400 متر مساحه البناء
راح يكفي القرض على مسئوليتي لو اخترت تشطيب متوسط
:)

المشكله لما الشخص يقعد مع المكتب لعمل الخريطه
يبتدي يتفنن في البيت ومايفكر بالتكلفه ويحط كل شي خاطره فيه
والزوجه تحط كل شي خاطرها فيه ايضا وما في احد يعمل حساب التكلفه وقت البناء
مطبخ داخلي ومطبخ خارجي ومطبخ فوق
:)
ووقت البحث عن مقاول تجي ( الصدمه ) من السعر

اذا بتشطب تشطيب فخم مثل ما يحدث الان
ما بيكفي للاسف

وصدقني زياده القرض ليس في صالحك
راح تزيد المساحه وراح تزيد تكلفه الاثاث وتزيد الاعباء عليك
وفي الاخير هو قرض و مطلوب منك التسديد

التعقل يا ساده في المساحه
انت عندك مبلغ معين ( صمم ) البيت على هذا المبلغ
:)
وليس على ما تتمنى وتحلم

,

,

اخوك

شموخ دائم

تغلبية

08-10-2013, 02:46 PM

^

القرض يوفر بيت يكفل حياة كريمة للأسرة

الجماعة يبون بيت بشكل قصر وتشطيب فندقي .. شلون تجي .. الحكومة مب ملزومة تعطيك قصر !

العربية نت

08-10-2013, 02:50 PM

شرح وافي من اخونا شموخ دائم في الموضوع لكن ما هو بكل مره بيحصل المواطن ارض هي مره وحده فقط :eek5: فمساحة 400 متر اتوقع بتكون ضيقة داخل البيت ومادام عند الواحد ارض 1200 حرام مساحة 400 متر يوسع بس على الواحد انه يحسب الميزانية صح فيه بعضهم يفرز ارضه ويسوي فلتين وكل شوي يسحب قرض من البنك العادي علشان يخلص البناء وماقدر عليه فالتفكير في هالامور مطلوب :shy:

انا ضد زيادة القرض لسبب انه ماراح يكون فيها فائدة لان كل شئ بيغلا معها

تأملات

08-10-2013, 03:19 PM

لو كانت مساحة البناء مثلا ما تزيد عن 500-550 أتوقع القرض بكفي. بشرط وضع أولويات مثلا واجه البيت الصالة والمجلس وغرفة النوم الرئيسية تشطيب فاخر. وباقي الغرف تشطيب متوسط لكن مراعاة الجودة.
احنا بصراحة نفتقر للمهارة التخطيط اضافة الى طبيعة أسواقنا اللي يمتاز بالصغر مقارنة بدول الجوار والاحتكار. هذا ترتب عليه صرف معظم القرض. على العظم وبعدها يبدأ الاستنزاف من موارد الأسر. وأخيرا اللجوء الى القروض
اخواني مجرد أمنية ليش ما نتعاون في كتابة كتيب صغير نحط فيه خلاصة التجارب. والنصائح. اضافة. عنوانين محلات تمنح صاحب الكتيب خصم خاص
اضافة الى شركات البناء المتميزة مع سعر متميز

متواصل

08-10-2013, 03:39 PM

ماهمني المبلغ كم يكون
بقدر مايهمني كف ارجعه بالزيادة 200000