زواج معقول جدا جدا هل توافق /توافقين ؟؟؟

[OM_OMAR_QATAR]

زين ولا تزعلين فندق شرق اسبوع

:victory:

3 * 7 = 21 الف على شرق مايسوى
3*2 = 6 تذاكر لماليزيا والا تايلند
وستة مثلها تكلفة سكن اسبوعين بمناطق مختلفة
والباقي مصرف وونسة ودخوليات

قطر :weeping:

[قطريه22]

مع احترامي هالكوشه ما اشوف لها معنى كلش

اشفيها يعني لو ما كان في دي جي والا طقاقات !!!

ترى احنا قاعدين نتآثم وندري بس مشاين فيه الغناء والطق ..

بس الله يغفر لنا ويرحمنا برحمته ..

وناخذ اثم الحاضرين ..


ماجات على الطقاقات والدي جي والاثم مب في الاغاني وبس
ليش الرياييل يسوون عرضه وسامري في اعراسهم ؟
خل هم بعد يوقفون هالشيء والا حلال عليهم وحرام علينا

[شبح الصمت]

ماجات على الطقاقات والدي جي والاثم مب في الاغاني وبس
ليش الرياييل يسوون عرضه وسامري في اعراسهم ؟
خل هم بعد يوقفون هالشيء والا حلال عليهم وحرام علينا




ما اقدر افتي

صراحة ننتظر الاجابة من اصاحب الشأن

للعلم العرضه ما ينقطون فلوس

[حسن]

ا

مرحبا بو علي

موضوعك ساخن ولعت الموضوع وشردت شكلك
ربعك هنيه معروفين بس جيب لهم موضوع
زواج ولا طلاق ولا سالفة فيها حريم وهدهم
ههههههههههههه


كل مجتمع وله مستوى اجتماعي ومادي وعلى ضوء هذا المستوى
تكون ممارسات اهله في المأكل والمشرب والملبس والعادات والزواج.

والمثل اللي ضربته للصديق البحريني ربما يكون مقبول أكثر
في البحرين ومعروف عن البحرين والبحرينين البساطة في كل شي
ما غيرهم التطور من ناحية المباهاة والتكلف في حفلات الزواج والمأكل والسيارات.

أيضا لو ننظر في اعراس السعودية بنلاقيها بسيطة جدا وما فيها تكلف
لكن شوف عندنا في قطر والامارات والكويت بتلقى السالفة غير لأن هاذي
المجتمعات طغت عليها المادة والمظاهر بشكل كبير جدا وما كان قبل ثلاثين سنة
من عادات وقيم تغيرت تماما مع الطفرة المادية .
فصار التباهي والغلو شي يعتبر دارج في المجتمع وأصبح التنازل عنه
والرجوع للمارسات القديمة البسيطة صعب جدا.

الله يهني سعيد بسعيدة :nice:

وين اشرد ياكابنت اللي يشرد مايشرد من موضوع في هل الكثر ردود مايحققها من مواضيع الشعوذه وقراءه الفنجان في اسبوع
هو موضوع مهم ويهم شريحه ضخمه وكبيره ومستدامه

هو مانقولك هناك ارتفاع االمواد بس بعد الناس تحط مظاهر مالها داعي ليله حنه هذه موضه قديمه انتهت من زمان والحين طلعلو لنا فنتك جديد رجعوها وبعدين ليله الحنا في البيت الحين لا فندق ولا يقل عن الالف ليش وش الهدف الاول الحنه له دور لان مافيه زينه غير الحنه والديرم والكحر والمشموم اللي المكيب والبيكب والمني كير والبدي كير ومادري شنهوخلها على الله

عجل تايد ان شبابنا يروحون برع وبرخص الاتراب
في الاردن الحين ب 500 دولار تتزوج ها نروح
ولا نقولهم روحو

المظاهر وخوف النسوان من بني جنسهم هذه من اكبر الاسباب واهم الاسباب
ولا الباقي كلمه دوديه وكلمه تجره

حياك الله يالكبتن
:victory:

[بـــــدوي]

الخوف يسافر وياها واذا رجع يسحب عليها ويقول هوّنت من العرس :d

[حسن]

الخوف يسافر وياها واذا رجع يسحب عليها ويقول هوّنت من العرس :d

مش متزوج
زين ابشرك عرس مكلف مليون ونصف
وعقب اسبوع ورجعو من السفر المره اسحبت عليه

هاه
من اللي دافع التلكفه رد علي يالبدوي
الزوجه ولا الزوج

هذا مثل لك تفضل

:discuss:

[OM_OMAR_QATAR]

الخوف يسافر وياها واذا رجع يسحب عليها ويقول هوّنت من العرس :d

بربك بذمتك هذا رد !!
لو يبي يسافر مع وحدة للونسة يامرخصهم ماتكلفه عُشر الزوجة ..

بعدين اشهروا زواجهم وراحوا مو بالخش ..

/
علماً اني ضد الفكرة بس كلن وظروفه الآنية

[قطريه22]

ما اقدر افتي

صراحة ننتظر الاجابة من اصاحب الشأن

للعلم العرضه ما ينقطون فلوس

وفي اعراس ماينقطون فلوس ويكتبون في بطاقات الدعوه ممنوع رمي النقود
واذا رموها تلاقي ناس من عيد الخيريه يجمعونها ويتبرعون فيها

[OM_OMAR_QATAR]

استغفر الله .. الحين وين الرد الي فيه الحرمة تضحي لما تكبر بالسن :(

[ديار الخير]

شكراً أخي [ بو علي ] ...

.،

أوافق ...

.،

للأسف؛ فالحديث عن أعراف الناس في الزواج يصيبنا بالدهشة، كيف لا وسلفنا لهم السير الحسنة والمعطرة بأزكى الكلمات ...

ثم؛ بعض النفر من أصحاب جلدتنا بدلوا وغيروا ... والله المستعان ...

<< تزوجة فاطمة رضي الله عنها بدرع ...

بل حتى أمهاتنا لم تصل بهن المواصيل إلى ما آله عليه الأبناء ...

السؤال لك أخي :

من المتسبب في ذلك ؟

والسؤال الآخر :

ما هي خطواتك العملية كرب أسرة في التصدي لهذا العرف [ الخاطئ ] ؟!

ولك الشكر من قبل ومن بعد ...

[شبح الصمت]

وفي اعراس ماينقطون فلوس ويكتبون في بطاقات الدعوه ممنوع رمي النقود
واذا رموها تلاقي ناس من عيد الخيريه يجمعونها ويتبرعون فيها




شيء طيب صراحة الجمعيات الخيرية داشه في الاعراس والنقوط ياخذونه

الله يجزاهم خير

[حسن]

بربك بذمتك هذا رد !!
لو يبي يسافر مع وحدة للونسة يامرخصهم ماتكلفه عُشر الزوجة ..

بعدين اشهروا زواجهم وراحوا مو بالخش ..

/
علماً اني ضد الفكرة بس كلن وظروفه الآنية

اشكرك ياام عمر
قلنا له زوجته عقد واشهار وشهود وطلقها ولا طلقته مهب نهايه الكون والعالم
كل له سوق لازم نغير نظرتنا ان المره اذا تطلقت مش اصبحت سياره عتيجه
للاسف الاول المطلقه ولا الارمه من تطلق يصبحونا الكثير من الخطاطيب
والحين كانها شي مستهك ولا شي مستخدم ونقطه
حرام هذه النظره السائده للاسف المره تطلقت خير ياطير
بيجيها نصيبها

يبيلها موضوع ان شاء الله

[OM_OMAR_QATAR]

اشكرك ياام عمر
قلنا له زوجته عقد واشهار وشهود وطلقها ولا طلقته مهب نهايه الكون والعالم
كل له سوق لازم نغير نظرتنا ان المره اذا تطلقت مش اصبحت سياره عتيجه
للاسف الاول المطلقه ولا الارمه من تطلق يصبحونا الكثير من الخطاطيب
والحين كانها شي مستهك ولا شي مستخدم ونقطه
حرام هذه النظره السائده للاسف المره تطلقت خير ياطير
بيجيها نصيبها

يبيلها موضوع ان شاء الله
يبيلها موضوع ، ويبيلها تذكّر .. ان الرسول عليه الصلاة والسلام غير عائشة ما اخذ بنت .. كلها ثيّبات ..

وابي رد الحرمة الي تكبر تضحي بخيارات حباب :weeping:

[حسن]

يبيلها موضوع ، ويبيلها تذكّر .. ان الرسول عليه الصلاة والسلام غير عائشة ما اخذ بنت .. كلها ثيّبات ..

وابي رد الحرمة الي تكبر تضحي بخيارات حباب :weeping:

كفكفي دموعك ياام عمر
نشاء الله اشوف يوم وتحترك قريحتي الحواريه وننزل موضوع
فعلا يستحق ليش هذه النظره السيئه من المجتمع للمطلقه

انتظروني ان شاء الله

:)

[حمد 2002]

بوعلي في قطر ايقولون لك الزواج ايكلف نفس بنيان البيت تخيل ههههههه ،، اتجيك الطلبات من كل صوب ،،

اذا بتبني بيت الكهربائي يبي ووووووووووووووووووو كل واحد يبي ،، نفس الشيء الزواج ،،

الله المستعان

[OM_OMAR_QATAR]

بوعلي في قطر ايقولون لك الزواج ايكلف نفس بنيان البيت تخيل ههههههه ،، اتجيك الطلبات من كل صوب ،،

اذا بتبني بيت الكهربائي يبي ووووووووووووووووووو كل واحد يبي ،، نفس الشيء الزواج ،،

الله المستعان
بمناسبة البيت يخي ماتحصل لي قطعة ارض 100-150 :weeping:
ابني عليها مستقبلي

[حمد 2002]

بمناسبة البيت يخي ماتحصل لي قطعة ارض 100-150 :weeping:
ابني عليها مستقبلي

في شخص اسمه شبح الصمت ، راسليه تراه عنده مكتب عقاري معروف بقطر :shy:

[رفيع الهامه]

بمناسبة البيت يخي ماتحصل لي قطعة ارض 100-150 :weeping:
ابني عليها مستقبلي




تاجره وتدورين ارض ,, لا لا مايصير


الحين اكثر الشباب هابين يدورون التاجرات على سنة الله ورسولة ,, بيوفرون اراضي 1000 الف متر ولا يهمج

[OM_OMAR_QATAR]

تاجره وتدورين ارض ,, لا لا مايصير


الحين اكثر الشباب هابين يدورون التاجرات على سنة الله ورسولة ,, بيوفرون اراضي 1000 الف متر ولا يهمج

اقولك 100 .. مئة تقولي الف ههههههههههه خير ان شاء الله
بعدين انا ام عمر احم .. :secret:

[حسن]

بعض الاباء وبناتهم يساومون على عفتهم وعفة شباب ديرتهم بوصخ الدنيا ويرمون بعرض الحائط كل الاحاديث النبوية اللي تحذر من غلاء المهور وتبعاته. (الا تفعلوا تكن فتنة في الأرض وفساد كبير) صلى الله على محمد وعلى اله و صحبة اجمعين

هذولا الابهات يبيلهم سنع ولا يتقون الله في بناتهم

لو حسون بالذنب كان هم اول من دور لبناتهم ازواج

الله يهديهم ويصلح بالهم

حياك لله ياخوي

:)

[حسن]

لا بوعلي واكثريت الحريم ايقولون احنا نشتري رجال ، مع شويه ابتسامه وتمويه بتبتدي تنهال الطلبات المفزعه والمخيفه الي ماتخلي الواحد ايعرف ليله من نهاره :eek5: :eek5:

هذا هو الكذب بعينه والنفاق افتحو قلوبكم اقعدو مع نفوسكم حاسبوها
شوفو وين رايحين

الله يهديهم ان شاء الله

قولو امين

منور يابوشهاب لو عندي بنت زوجتك بلاش
بعد

:victory:

[شبح الصمت]

في شخص اسمه شبح الصمت ، راسليه تراه عنده مكتب عقاري معروف بقطر :shy:




:eek5:

:eek5:

:eek5:

هههههههههههههههههههههههههههههههههههاي
ههههههههههههههههههههههههههههههاي
ههههههههههههههههههههههههاي
هههههههههههههههههاي
هههههههههههاي
هههههاي
ههه

بوشهاب ياخي من قص عليك قالك اني عندي مكتب وانا راعي عقارات ..

قصووووووا عليك صدقني انا هاووووي سابقاً والحين متقاعد على هالسوالف

اطقطق خفيف خفيف
والله يسمع منك وصاير اكبر تاجر عقارات وسمعتاً طيبه عند الجميع ..

[حسن]

أييد الفكره وبشده

اهم شي السعاده وكف عيون الحساد

وفيه بنات واجد يرضون بالهشي بس وين الي يدري عنهم
الرجال يحب الدلوعه راعيه الزبو والفشخره والي تقصم ظهره بالمصاريف:)

اشكرك على تايد الفكره
احسيتان الكثير مؤيد بس هناك خوف من نظره المجتمع واللي حولهم
الحسد اه لو لا الحسد
كان الكثير عايش بساعده ولكن
عين الحسود فيها عود على مايقولون
الدلع مطلوب بس في حدود والدلع المطلوب من قبل الرجال مهب صرف الفلوس على لافاضي لا احنا نعرفه زين مازين
لا طالنا عنب اليمن ولا بلح الشام

وش يسوي الحبيب يمشي على نظريه مجبر اخاك لابطل

كل شي حولي يذكرني بشي

حياك الله يا لافام فاتال اسمك سعب رقم سري لبطاقه صراف

هلا وغلا

:)

[حسن]

ماذكر اعلاه يكلف عندنا 150 الف بالتمام والكمال

( واقلهن مهوراً اكثرهن بركة )

ياابوفهد لاتزيد الطين بله وتفت العيون
هذه سلفيه سياره وكوارث تسد


الله كريم الله كريم

:)

[تحداني]

نصيحه ام محمد اتقول :

حلاه البنت شيخه في بيت ابوها .. تلبس الغالي والثمين والرخيص
تدلع وتدلل .. تتمخطر وتتشيك .. وان جاها ولد الحلال ترضى بالنصيب
ان كان فقير رب العالمين ماهو بخيل على عباده
وان ظل فقير عاشت على الفقر لان هذا نصيبها



الله يهنيكم كلكم يارب
وصار الرنج مثل العراوي في كل فريج
من صجكم هاذي ابــ 700 الف

[حسن]

نصيحه ام محمد اتقول :

حلاه البنت شيخه في بيت ابوها .. تلبس الغالي والثمين والرخيص
تدلع وتدلل .. تتمخطر وتتشيك .. وان جاها ولد الحلال ترضى بالنصيب
ان كان فقير رب العالمين ماهو بخيل على عباده
وان ظل فقير عاشت على الفقر لان هذا نصيبها



الله يهنيكم كلكم يارب
وصار الرنج مثل العراوي في كل فريج
من صجكم هاذي ابــ 700 الف

بريك ياشباب هذه تحداني

لها استثناء غير

الحمد لله على النعمه والخير الفضيل الي يتمع فيه الشعب
بفضل الله ورجالها الاولين
والحكومه الرشيده وعلى راسهم الامير

يقول بوعبده ياغالي الاثمان غلوك بالحيل من يوم سموك جميل المحيا

:)

شفنا وشفنا بنات كان يعيشون الذل في بيوتهم
وبعد الزواج جاهم العز والدلال ومن عقب العراوي اصبح البنتلي مثال

هذا النصيب انكتب احب انا صغيرون
يقول فرج عبد الكريم الله يرحمه

نصيب الله عوضهم ومانقدر نطلع على القدر
ولا كان الوضع تغير من زمان
لكن مانقول هناك علامات نقدر نستدل بها
من الشكل والتصرف والعقل والفعل والاخلاق
وشهاده الناس بصدق
وبعدها الاستخاره ونتوكل على الله
مهب كل بنت تروح بنصيبها كل من طق الباب
ولا كل زوج ينقبل به ولا كل زوجه يرضى بها الزوج
هذه وجهه نظري قد تكون صحيحه وقد تكون خاطئه

ولانقدر نقيس بزوجه صالحه بلميون بنتلى
بعد عندي

قدر الزوجه كبير كبير كبير
ياتحداني
الله جعلها سكن وموده وميثاق غليظ

الله يكتب الخير لكل من اراد الخير

وشرفتي ونورتي ومانستغني عن توجهاتك رؤيتك نصائحك

ولك راي سديد دائما اعتز به

حياك الله ياتحداني
والله يوفق الجميع
:)

[الدمعه]

موضوعكم صعب وماله حل ،،،

عيل عرس حق الرجال وبدون عرس حق الحريم :eek5: ليش الظلم

تبون تستانسون وترتاحون على حساب راحة و وناسة الحريم

اغلب الحريم اللي يشتغلون يساعدون الريال في هالمناسبات ويخففون عليه

لو سياره والا رقم والا كبينه مافكر في الفلوس ،،،


لو الريال من اول ما اشتغل حط في باله يجمع حق عرسه جان وفرر على نفسه وايد وماتشكى ،،،

واعليه عليها القطريه عومه ماكوله ومذمومه ،،،

في عوايل مهروهم 70 ومالهم طلبات وايد غير انه يكون عرس بسيط ومرتب ،،

يعني جايينك ضيوف لازم تحسن ضيافتهم ،،، طبعا في حدود المعقول ،،

فكروا فيها قبل لاتفكرون بنفسكم ،،،

[قطريه22]

موضوعكم صعب وماله حل ،،،

عيل عرس حق الرجال وبدون عرس حق الحريم :eek5: ليش الظلم

تبون تستانسون وترتاحون على حساب راحة و وناسة الحريم

اغلب الحريم اللي يشتغلون يساعدون الريال في هالمناسبات ويخففون عليه

لو سياره والا رقم والا كبينه مافكر في الفلوس ،،،


لو الريال من اول ما اشتغل حط في باله يجمع حق عرسه جان وفرر على نفسه وايد وماتشكى ،،،

واعليه عليها القطريه عومه ماكوله ومذمومه ،،،

في عوايل مهروهم 70 ومالهم طلبات وايد غير انه يكون عرس بسيط ومرتب ،،

يعني جايينك ضيوف لازم تحسن ضيافتهم ،،، طبعا في حدود المعقول ،،

فكروا فيها قبل لاتفكرون بنفسكم ،،،

مشكلة البعض العنصريه
وللأسف لين الحين موجوده وان تكلمو عن مواضيع العنصريه قالو استغفر الله لالا مايصير
بس يوم الموضوع يصير عن الحريم طلعو فيها عيوب الدنيا مب كأنه عندهم حريم في البيت ولا كأنهم متزوجين

ينكرون معروف المرأه الي هي كانت الام والاخت والزوجه على حساب انانيتهم وحقدهم.

[لاجل QT]

شوفو هذا الرد جاء ورا بعض
وحده لاتقبل


شفو الرد الثاني
انا احلف ان هناك تجربه وان هناك فرق سن بين الاثنين

صح والله انا غلطان

انا معى كلامك يالاجل وااريده كله بدع في بدع لا وانتي الصاجه خرابيط خرابيط

يازين عشا على قد المئام وسفره بحر المالديف لان صافي
:)

هههههههههه

هو مهب عن كبيرة وصغيرة

كل شي بالدين و بالعقل حرام ادفع على كراسي وطوالات هالمبلاغ اين عقلي:rolleyes2:



يعنى لو الرسوال علية افضل الصلوات والسلام معنا الان هل كان بقول حلال اللى نصرفة على اعراسنة

من خلال اللى افهمة من دينى ان حرام لن يدخل في التبذير والبذخ اللى حرمة الله

طيب شالمشكلة اذا تزوج الشخص زواج دينى على السنة؟؟

منه رضيت الرحمن وبارك الله في زواجك ومنة ابتعد عن ماحرم الله

بعدين جزر المالديف كلها بحر وكمن كابينة

مافيها ناس:(

كلن منخش في الكبايين:(
حلاته السفر مكان مفتوح كله قهاوي:o

وي ياحسن الجنة من غير ناس ماتنداس;)

[نتفـه]

والله الي مثلج قليل ونادر :nice::nice::nice::nice:

:victory: لا في :nice:

[حمد 2002]

بوعلي بس ماتحس نفسي ان احنا كرجال نرضى بزواج عادي وبسيط ماعندنا مشكله بس الحريم اهم الي دائما يختلقون مثل تلك الابتكارات والمصاريف المرهقه والغير مهمه ،،

[حسن]

بوعلي بس ماتحس نفسي ان احنا كرجال نرضى بزواج عادي وبسيط ماعندنا مشكله بس الحريم اهم الي دائما يختلقون مثل تلك الابتكارات والمصاريف المرهقه والغير مهمه ،،

سؤال مهم ياحمد
الرجل يبحث عن الستر ولا يحب المظاهر والفشخره ولا هذا قال عرسك حلو ولا طقاقكم كان حلو ولا كوشتكم حلوه
بشت ووقافي يمشي حلاته ماعندنا مشكله
كلها نصف ساعه ولا ساعه وانتهي

حمد انت يبيلك حد يحلل شخصيتك انت مش طبيعي
يااخي حرام مايتسغلونك في مراكز ابحاث متقدمه
مثل معهد ام الجماجم

[حمد 2002]

سؤال مهم ياحمد
الرجل يبحث عن الستر ولا يحب المظاهر والفشخره ولا هذا قال عرسك حلو ولا طقاقكم كان حلو ولا كوشتكم حلوه
بشت ووقافي يمشي حلاته ماعندنا مشكله
كلها نصف ساعه ولا ساعه وانتهي

حمد انت يبيلك حد يحلل شخصيتك انت مش طبيعي
يااخي حرام مايتسغلونك في مراكز ابحاث متقدمه
مثل معهد ام الجماجم

:shy::shy:

[الدمعه]

مشكلة البعض العنصريه
وللأسف لين الحين موجوده وان تكلمو عن مواضيع العنصريه قالو استغفر الله لالا مايصير
بس يوم الموضوع يصير عن الحريم طلعو فيها عيوب الدنيا مب كأنه عندهم حريم في البيت ولا كأنهم متزوجين

ينكرون معروف المرأه الي هي كانت الام والاخت والزوجه على حساب انانيتهم وحقدهم.

مشكلتهم هذي ،،،

سبحان الله ماتشوفين بعض البنات اللي مهروهم بسيطه محد يتقدم لهم ،،،

يمكن ربي كاتب لهم نصيب في الجنه احسن من هالنصيب البخيل :secret:

يروحون يدورون بنات مهروهم غاليه وطلباتهم ماتخلص ومتربيين

عالماركات والالماسات ويعممون عالكل ،،،

ترا مب ذنب البنت اذا القاعات غاليه ،،، من حقها تشهر زواجها وتكرم ضيوفها

ومن حقها تلبس فستانها اللي تبغيه ،،، بقناعه ،،، والبنات نظرتهم

تغيرت مب مثل قبل تبي كل شي ،،، البساطه حلوه بكل شي ،،،

احمدو ربكم ماتصرفون مثل الامارات في زواجاتهم ،،،، صح القاعات

مدعومه نوعا ما ،،، لكن غير المهر الريال يلبسها فستان الخطوبه

والحنه والعرس كله من مخباه ،،، احنا الخطوبة بعضهم يتقاسمونها ،،،

والحنه على العروس والعرس عالريال الا اذا هي حابه تساعده بشي ،،،

وفساتينها كلهم عليها بروحها هو ماله خص ،،،

وعقب العرس يجون اهل الريل يتحنطمون وين ودت مهرها :eek5:

[دااانة قطر]

ربي يبلغني ببناتي ويقدرني اسوي لهم عرس بدون اسرااف وتبذير لكن راقي

[نوار قطر]

ربي يبلغني ببناتي ويقدرني اسوي لهم عرس بدون اسرااف وتبذير لكن راقي
ااامين يارب ويبلغني في ابنيتي واسوي لها عرس لا صار ولا استوى وعلى حسابي مابي من المعرس شي :shy:

[نور الحور]

ااامين يارب ويبلغني في ابنيتي واسوي لها عرس لا صار ولا استوى وعلى حسابي مابي من المعرس شي :shy:

آميييييييييييييين ..الله يبلغج في البنوته أجمل عروس ..
على حسابج ؟ ..ترى انتوا اللي بتخربونهم اللحين :secret:

[حمد 2002]

ااامين يارب ويبلغني في ابنيتي واسوي لها عرس لا صار ولا استوى وعلى حسابي مابي من المعرس شي :shy:

ماكل مايتمناه المرء يدركه تجري الرياح بما لاتشتهي السفن‎

[نوار قطر]

آميييييييييييييين ..الله يبلغج في البنوته أجمل عروس ..
على حسابج ؟ ..ترى انتوا اللي بتخربونهم اللحين :secret:

فديييتج ويبلغج في ابنياتج ..يختي مابي اثقل على المعرس احنا نشتري الريال .. مهرها لها.. والباقي من عندي انا بتكفل فيه:shy:

[نوار قطر]

ماكل مايتمناه المرء يدركه تجري الرياح بما لاتشتهي السفن‎

ليش تجري الرياح بما لا تبي السفنو:rolleyes2: وين المعضله اذا انا تكلفت بكل شي ... هديتي حق بنتي .. لاتحدني اييب لها محمد عبده يغني في عرسها عاد اذا كان على قيد الحياه ومافنقش:nice:

[حمد 2002]

فديييتج ويبلغج في ابنياتج ..يختي مابي اثقل على المعرس احنا نشتري الريال .. مهرها لها.. والباقي من عندي انا بتكفل فيه:shy:

دائما تضعون الرجال في مواضع محرجه وتاخذونه بالشيمه ، وبعدين تنهالون عليه بالطلبات المميته ،،

مكر وكيد الحريم ،،

[نوار قطر]

دائما تضعون الرجال في مواضع محرجه وتاخذونه بالشيمه ، وبعدين تنهالون عليه بالطلبات المميته ،،

مكر وكيد الحريم ،،

وييييي هههههههه حد قالك ان احنا ملجنا وخلصنا ... وعقب قلت له تعال عطنا وسوو لنا ... حمد يكون في علمك احنا 3 خوات والله العظيم ان يوم يخطوبنا ابوي ماطلب منهم ريال ... هم الي حددو دفعو المهر من غير مانطلب ولا قلنا لهم شوي ولا وايد .. وكل التجهيزات علينا احنا والمهر ماكفى .. مارحنا وطلبنا وقلنا لهم عطونا زود ترى فلوسكم ماكفتنا .. كان ابوي فديته يزيدنا من عنده .. واهل المعرس كانو يحضرون كاشخين مفتكين من كل شي .. .. هذا احنا ماتذمرنا ولاطلبنا ريال زود ... قلت لك من قبل وبرجع اقولها لك لاتحكم على ناس وانت ماتعرف عنهم شي...

[نوار قطر]

وييييي هههههههه حد قالك ان احنا ملجنا وخلصنا ... وعقب قلت له تعال عطنا وسوو لنا ... حمد يكون في علمك احنا 3 خوات والله العظيم ان يوم يخطوبنا ابوي ماطلب منهم ريال ... هم الي حددو دفعو المهر من غير مانطلب ولا قلنا لهم شوي ولا وايد .. وكل التجهيزات علينا احنا والمهر ماكفى .. مارحنا وطلبنا وقلنا لهم عطونا زود ترى فلوسكم ماكفتنا .. كان ابوي فديته يزيدنا من عنده .. واهل المعرس كانو يحضرون كاشخين مفتكين من كل شي .. .. هذا احنا ماتذمرنا ولاطلبنا ريال زود ... قلت لك من قبل وبرجع اقولها لك لاتحكم على ناس وانت ماتعرف عنهم شي...

هذا انت ياحمد اذا شفت رد مقنع ماتعلق ولا اتكلم :victory:

[حمد 2002]

وييييي هههههههه حد قالك ان احنا ملجنا وخلصنا ... وعقب قلت له تعال عطنا وسوو لنا ... حمد يكون في علمك احنا 3 خوات والله العظيم ان يوم يخطوبنا ابوي ماطلب منهم ريال ... هم الي حددو دفعو المهر من غير مانطلب ولا قلنا لهم شوي ولا وايد .. وكل التجهيزات علينا احنا والمهر ماكفى .. مارحنا وطلبنا وقلنا لهم عطونا زود ترى فلوسكم ماكفتنا .. كان ابوي فديته يزيدنا من عنده .. واهل المعرس كانو يحضرون كاشخين مفتكين من كل شي .. .. هذا احنا ماتذمرنا ولاطلبنا ريال زود ... قلت لك من قبل وبرجع اقولها لك لاتحكم على ناس وانت ماتعرف عنهم شي...

يقولون مادح نفسه كذاب

[نوار قطر]

يقولون مادح نفسه كذاب

اعتقد عيب عليك تجذبني.من انت عشان تجذبني وانت ماتعرفني .. هاي الي قدرت اترد علي فيه ... خوش رد الصراحه من طيبك:)

[وطن]

وييييي هههههههه حد قالك ان احنا ملجنا وخلصنا ... وعقب قلت له تعال عطنا وسوو لنا ... حمد يكون في علمك احنا 3 خوات والله العظيم ان يوم يخطوبنا ابوي ماطلب منهم ريال ... هم الي حددو دفعو المهر من غير مانطلب ولا قلنا لهم شوي ولا وايد .. وكل التجهيزات علينا احنا والمهر ماكفى .. مارحنا وطلبنا وقلنا لهم عطونا زود ترى فلوسكم ماكفتنا .. كان ابوي فديته يزيدنا من عنده .. واهل المعرس كانو يحضرون كاشخين مفتكين من كل شي .. .. هذا احنا ماتذمرنا ولاطلبنا ريال زود ... قلت لك من قبل وبرجع اقولها لك لاتحكم على ناس وانت ماتعرف عنهم شي...
فديت أبوي
:victory:


نفس حالتكم احنا
ما يطلبون و يزيدون العروس فوق مهرها و عليهم الحفلة بعد

[وطن]

اعتقد عيب عليك تجذبني.من انت عشان تجذبني وانت ماتعرفني .. هاي الي قدرت اترد علي فيه ... خوش رد الصراحه من طيبك:)

حبيبتي نوار لج الحشيمة

[نوار قطر]

فديت أبوي
:victory:


نفس حالتكم احنا
ما يطلبون و يزيدون العروس فوق مهرها و عليهم الحفلة بعد
وطن لاتقولين جذي مداح نفسه كذااااب وانتي يعني الحين تجذبين علينا :)

[نوار قطر]

حبيبتي نوار لج الحشيمة

كلن من يرى الناس بعين طبعه يا وطن

[نور الحور]

فديت أبوي
:victory:


نفس حالتكم احنا
ما يطلبون و يزيدون العروس فوق مهرها و عليهم الحفلة بعد

سيم سيم :shy:

اللحين حمد بيقول كلكم كذابين ..سوري ..أقصد (كلكن كذابات) :rolleyes2:

الله يبلغني ببنوتي وحيدتي ..أنا بعد بدلعها لكن بخليها تتشرط على كيفها ..:tease:
حمد ..وينك؟:telephone:

[وطن]

وطن لاتقولين جذي مداح نفسه كذااااب وانتي يعني الحين تجذبين علينا :)
هاهاهاهاها
حمد للحين ما ذاق طعم الضنا

باجر ان شاء الله لين الله رزقه بالذرية بتشوفين شبيسوي حق بناته





كلن من يرى الناس بعين طبعه يا وطن

:secret:

:victory:





سيم سيم :shy:

اللحين حمد بيقول كلكم كذابين ..سوري ..أقصد (كلكن كذابات) :rolleyes2:

الله يبلغني ببنوتي وحيدتي ..أنا بعد بدلعها لكن بخليها تتشرط على كيفها ..:tease:
حمد ..وينك؟:telephone:

امين يارب الله يبلغج فيها
:nice:

[توشيبا]

اعتقد عيب عليك تجذبني.من انت عشان تجذبني وانت ماتعرفني .. هاي الي قدرت اترد علي فيه ... خوش رد الصراحه من طيبك:)

999:telephone:

[شبح الصمت]

ااامين يارب ويبلغني في ابنيتي واسوي لها عرس لا صار ولا استوى وعلى حسابي مابي من المعرس شي :shy:





الله يبلغج فيها وتفرحين فيها ويرزقها الرجل الصالح الي يعززها ويرزها ويقدرها ويقدر آهلها يـــآآآآرب

[نوار قطر]

سيم سيم :shy:

اللحين حمد بيقول كلكم كذابين ..سوري ..أقصد (كلكن كذابات) :rolleyes2:

الله يبلغني ببنوتي وحيدتي ..أنا بعد بدلعها لكن بخليها تتشرط على كيفها ..:tease:
حمد ..وينك؟:telephone:

ااامين ياانور ربي يبلغج فيها يارب

[نوار قطر]

الله يبلغج فيها وتفرحين فيها ويرزقها الرجل الصالح الي يعززها ويرزها ويقدرها ويقدر آهلها يـــآآآآرب

ااامين ويبلغكم في نواري الجميله وتسلم على هالدعوه الطيبه

[حمد 2002]

احياننا يجب علينا الا نجاري بعض العقليات الصغيره ، لكي لانضيع وقتنا ولا نتعب . . .

[وطن]

احياننا يجب علينا الا نجاري بعض العقليات الصغيره ، لكي لانضيع وقتنا ولا نتعب . . .

لا صادق



:telephone:
ألوووو الادارة

[حمد 2002]

اذا لم تفيدك الحجة والبرهان والجدال بالنقاش ، يجب ان يكون ردك كالسيف الحاسم ،،،

[نوار قطر]

احياننا يجب علينا الا نجاري بعض العقليات الصغيره ، لكي لانضيع وقتنا ولا نتعب . . .

اذا لم تفيدك الحجة والبرهان والجدال بالنقاش ، يجب ان يكون ردك كالسيف الحاسم ،،،

تعجبني ثقتك في نفسك ههههههه والله انك عجيب.. يابو عقل كبير :nice: انا اغبطك واحسدك على رجاحة عقلك ياااا كبيرررر:victory: