اطفالنا وكبارنا واستخدام الفيزا في الالعاب الالكترونية !!

[حمد 2002]

السلام عليكم

هلا هلا بالجمييييييع

الموضوع يحمل العنوان التالي


(( اطفالنا وكبارنا واستخدام الفيزا في الالعاب الالكترونية !! ))

الموضوع يتكلم عن الألعاب الالكترونية اللي في الايباد والايفون
والجالكسي ،،


مثل السنافر والمزرعة وكاندي كراش وغيرها وغيرها
الالعاب هذي مجانية لكن اذا تبي تكمل لعبه لازم تشتري ادوار
او اغراض تساعدك انك تتخطى مراحل ،،

فمن الملاحظ ان الاطفال صاروا يهتمون في مثل هالالعاب بشكل كبير
والاكثر ملاحظة ان الكبار اكثر ادمان منهم ،،

فتنصرف مبالغ كبيرة اسبوعيا مب لشراء اللعبة وانما لشراء الفوز في اللعبة !!


الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع ،،،


تــــــــــــــحياتي للجمـــــــــــيع ،،

[غير البشر]

حمد امس واحد من ربعي حاط ايتونز في الايباد قدامي 2000 دولار

وقبل 3 ايام حاط 2000 دولار وقدامي :victory:

[أم علي 2010]

نزل لعبة simpsons tapped out عجيبه :omg:

بالنسبة لي منزله الالعاب المجانية التعليمية اللي تعلمهم اسماء الاشياء

والالوان و عادي اشتري لهم لان القيمة بسيطة

الحمدالله ماعندهم ادمان على الالعاب ،،،

اشتري كرت 100 دولار ويتم معاي حول ال5 شهور

[قلبي الطيب]

وانا اتحسف على الدولار اللي ياخذونه مني حق التسجيل

[قطريه ماركه]

و الله سالفة هالالعاااب

أشووف ولدي يشترى كرت بو 100 دولار حق يومين

طلعوا مستانسيين ع اليهال !!!!!!

[أم محمد 90]

انا شريت كل الشخصيات في فن ران بفيزتي
وحق قريتي بعد

عادي الموضوع وأي مبالغ كبيرة ههههههههههههههههههه مبالغ جداً بسيطة (بالنسبة لي)

اهم شي يونسني ويسعدني ويقضي وقتي

والحمدلله

[حمد 2002]

حمد امس واحد من ربعي حاط ايتونز في الايباد قدامي 2000 دولار

وقبل 3 ايام حاط 2000 دولار وقدامي :victory:

والله حرام هالفلوس الي تنصرف على هالشيء :) :) ،،،

ماحولت تنصحه اخوي غير البشر :telephone: ،،


تــــــــحــــــــــياتي لك يالذيب :victory:

[غير البشر]

والله حرام هالفلوس الي تنصرف على هالشيء :) :) ،،،

ماحولت تنصحه اخوي غير البشر :telephone: ،،


تــــــــحــــــــــياتي لك يالذيب :victory:



والله العظيم ياحمد
كنت بروح اتصل حق الرجال الي بجيب له الايتونز
وبقول له فلان خلاص مايبغي هههههههههه
قال لا خله يجي اوعدك اخر مره اخذ :rolleyes2:


والف تحيه لك يا ذيبان :telephone::nice:

[bo-ibrahem]

انا من ناحيتي اشوفها عادي ومافيها اي شي

[aziz4z]

شكلك حمد جربتها لأنك تعرف المراحل ههههه
طبعا حرام تصرف كل هالفلوس في هذه الالعاب , إذا الوالد يكون مع عياله و يلعب معهم و يعلمهم شيء جديد في الحياة أفضل بلميون مرة يطكع حق عياله
المشكلة في الاباء
الطفل من طبعه مايحب يعيش بروحه , يحب حد يشاركه , عندما مايجد حد معاه , يروح لعالم الخيال , و يكتشف ها الالعاب اللي يقدر يتواصل مع غيره

أما الكبار :( :( عاد هاي مرض

[المحاميه]

انا العب وافوز بمجهودي
ماحب سالفة التشري احسها غش ومافيها متعه

بس لو اليهال يبون شنسوي نقولهم ﻻ :( ماعتقد بس عالاقل شي معقول

[ام السعف]

الموضوع هذا شاغلني كثيرا ،،

لأن الموضوع له ابعاد كثيرة مب محصور بس في الاسراف في الفلوس فقط

لأن الطفل لو تعلم انه يدفع علشان يعدي المراحل ،، فهو ما يتعلم اشلون
يكافح ويصبر علشان يعدي المراحل ،، فالشي هذا يزرع فيه توظيف المال
لخدمه وان كانت في ارتكاب حماقات يحاسب عليها القانون في المستقبل ،

ومن ثم الطفل يتعلم على الاتكالية في حل مشاكله من ناحية ثانية
فهو بدل ما يكافح ويلعب ويخصص وقت للخروج من المرحلة نلقاه
على طول صوب كشك الشراء ويشتري اللي يوفر له التقدم في اللعبة
بينما ربعه يقاحصون اماكنهم وهم يفكرون اشلون يتطورون وهو يقضي
عليهم بكل سهولة بفلوسه ،،

وغير هذا الاباء يجهلون اهمية متابعة عيالهم ، فاللي حاصل
اللحين ان اليهال في جرير يتشرون من بطاقات ايتونز مثل
ما يروحون المكتبة علشان ياخذون لهم حلاوة !!

[ام السعف]

انا العب وافوز بمجهودي
ماحب سالفة التشري احسها غش ومافيها متعه

بس لو اليهال يبون شنسوي نقولهم ﻻ :( ماعتقد بس عالاقل شي معقول

قولي له لا ،،

ولدي الصغير طلبني اعبي له رصيده في ابل ستور
مع نهاية المدارس كمكافأة على تقريره المتطور
رحت وعبيت له 700 ريال قطري ،، وحذرته وقلت له ،، لو بتشتري لعبة او اي تطبيق
ما عندي مانع ،، لكن تحمل تدفع فلس في لعبة تلعبها ،، قال لي ان شاءالله
واول شي سواه حك الرصيد في لعبة كلاش او كلاندس لأنه يبي يصير مثل سين
من الناس اللي يدفع من فيزته علشان يتطور في اللعبة ،،

في الوقت اللي ارفض انه لو لعب في ستيم يستخدم الغش
واحذره من استخدام الغش في الالعاب في الايباد او التهكير
ما عندي مشكلة يتعلم اشلون يخلون اللعبة اسرع ويتعرف على الطرق
لكني ما ارضى يستخدمها ابدا ،،

والسبب لأني ابيه يتعلم اشلون يوصل للشي اللي يبيه بمجهوده
ومب بالفلوس او الغش ،،

فمن جذيه نصيحة لج ،، ان قالوا نشتري توت او قلوب
في أي لعبة ارفضي علشانهم هم ولازم يسمعون كلامج ،،

وربنا يوفقج ،،

[للصبر اخر]

اخي الفاضل
بدل ماتعطييه الفيزا
انا اعبي حق اختي الصغيره 50 دولار
تقريبا
كل 5 او6 شهور تقولي خلصت
واحاول افهمها ان موكل مره بعبيييه
والحمدالله ماتطلب اكثر
وانا عن نفسي ما عندي وقت اصلا العب في الايبااد :(
امسك شغلي وانا بزرع لك مزرعتك وعندي 5000 دولار في الشهر:shy:

[فرهود]

ماشالله ماشالله omen

[ام السعف]

اخي الفاضل
بدل ماتعطييه الفيزا
انا اعبي حق اختي الصغيره 50 دولار
تقريبا
كل 5 او6 شهور تقولي خلصت
واحاول افهمها ان موكل مره بعبيييه
والحمدالله ماتطلب اكثر
وانا عن نفسي ما عندي وقت اصلا العب في الايبااد :(
امسك شغلي وانا بزرع لك مزرعتك وعندي 5000 دولار في الشهر:shy:

المزرعة اللعبة الوحيدة اللي دفعت علشان اوسع السعة التخزينية للطلبات
وان ما خانتني الذاكرة شريت الماسات حق توم اييب لي طلباتي الناقصة ،،

من اهنيه فهمت سياسة هالألعاب اللي تصعب علينا المراحل علشان
نضطر ندفع ونشتري ،، ومن يومها ضربت اكس على شي اسمه
نشتري من خلال اللعبة نفسها ،، ما عندي مانع ادفع 400 ريال في لعبة
العبها بمجهودي ولا ادفع فلس من خلال اللعبة نفسها ،،

لازم نصحح الفكرة هذي ونمنع عيالنا انهم يركضون وراها
وان كان المدفوع ريال مب حتى خمسين ومع هذا،، الالعاب تنهب
مثلا لعبة كاندي كراش خمس خطوات بدولارين وشي ،،
يرضي من ان الواحد يتحرك خمس خطوات بالمبلغ هذا .؟

[ام السعف]

ماشالله ماشالله omen

تبي تقول فلوس هل قطر زايدة ؟

هذي ثقافة توها دشت عندنا مع الايبادات
وهي موجودة من الثمانينات في العالم المتطور

[همر]

يا زين التركس بس لا فلوس ولا مخاسير..

[ام السعف]

يا زين التركس بس لا فلوس ولا مخاسير..



شنهو تركس ذيه ؟

[همر]

شنهو تركس ذيه ؟


بته :shy:

[Locale]

ماشالله ماشالله omen

هههههههه

[نوار قطر]

حمد امس واحد من ربعي حاط ايتونز في الايباد قدامي 2000 دولار

وقبل 3 ايام حاط 2000 دولار وقدامي :victory:

عطني اكاونته بنسوي شيرنق انا وهو :shy:

[نوار قطر]

عادي في ناس مايحبون ينطرون لين يوصلون المراحل النهائيه او مراحل معينه ف ياخذون البطاقه عشان توفر عليهم هالمراحل ،،، خل ياخذون بس بالشي المعقول والواحد مايبالغ في استخدامها على العاب ،، انا اخذ حق بنتي بس بمبالغ بسيطه ،، واتم البطاقه واايد عندها ،، يمكن للحين ماتعلمت على استخدامها عدل،،، وفي ناس يحبون التحدي ،،، يتحدون نفسهم عشاان يوصلون مراحل متقدمه وبمجهودهم

[qrt_trading]

بالنسبة لي اشتريت بطاقة الايتون مرتين علشان اشتري اللعاب لليهال بس صراحه شفتها خساره لأنهم يلعبون في اللعبة اشوي وبعدها يكنسلونها وصار لي فوق السنه ونص ابي اشتري بطاقه لي أنا علشان اشتري كم لعبه عاجبيني لكن كل شهر يطلع لي شي اهم من هالخرابيط.

[لبيبة]

صحيح اني ما اصرف في هذي الالعاب الا قليل جدا، لكن أفضل كنترول سويته هو ان الباسوورد ما اعطيه للصغار، بحيث لو يبون لازم انا اوافق او اشرح لهم ان هذي المرحلة سهلة ما تحتاج فلوس تعديها او اشرح اهمية هالفلوس وكم قيمتها ووشو ممكن تحصل عليه بقيمة الفلوس مثلا وجبة طعام تطعم جائع، وغالبا يقتنعون.

الاهم هو ان الطفل والكبير يفهمون قيمة المال، لأن الكثير منا ما عاد يحس بالعشر ريالات او الريال وقيمتهم، لما يفهم الواحد ان مصدر المال ممكن يوقف وان هذا المال لو ما حفظته لك ولعيالك ما راح يبقى لكم شي اذا استمر الصرف بهذا القدر، مثلا الأخ اللي قال عنه غير البشر، هذا شخص لا يعي ان المال هذا سينتهي في يوم من الايام وربما في وقت بيكون هو في حاجته، تعبئة رصيد ايتونز بما يقارب 8000 ريال قطري كل يومين هو إسراف يغضب الله.

المال نعمة، وبالشكر والحفظ تدوم النعم بإذن الله.

[معماري قطري]

للي يستخدم ويندوز 8 فيه لعبة حلوة بلاش إسمها مايكروسوفت ماينز سويبر .. محدثة من العادية بس يدخل لعبة الآركيد فيها .. انا وصلت قريب من 200 مليون ووصلت مستوى 96 أتحدى حد يوصل هالمستوى.

اللعبة تحتاج تفكير وتركيز واستراتيجية خاصة بإستخدام المساعدات المتاحة.

[زقرت]

النعمه زواله + واستثمرو اوقاتكم بشي يفيدكم

مادري وش جوكم مع هالالعاب واشتري مراحل وشخصيات

انا مب معور مخي غير 4000 دولار اقطها في لعبه !!!!!

[بونووف]

اعتبرها كاني رايح الملاهي وقاعد العب ...

[حسن]

للاسف صرف مبالغ على لعبات وخرابيط
ومن شوي يقولي فارس هني الامان من يوم هم صغار وهم يقرون كتب شوف الفرق يابوشهاب


الله كريم

:weeping:

[khalid525]

حمد امس واحد من ربعي حاط ايتونز في الايباد قدامي 2000 دولار

وقبل 3 ايام حاط 2000 دولار وقدامي :victory:

اف شكله يعزم الفريج كله

[khalid525]

صحيح اني ما اصرف في هذي الالعاب الا قليل جدا، لكن أفضل كنترول سويته هو ان الباسوورد ما اعطيه للصغار، بحيث لو يبون لازم انا اوافق او اشرح لهم ان هذي المرحلة سهلة ما تحتاج فلوس تعديها او اشرح اهمية هالفلوس وكم قيمتها ووشو ممكن تحصل عليه بقيمة الفلوس مثلا وجبة طعام تطعم جائع، وغالبا يقتنعون.

الاهم هو ان الطفل والكبير يفهمون قيمة المال، لأن الكثير منا ما عاد يحس بالعشر ريالات او الريال وقيمتهم، لما يفهم الواحد ان مصدر المال ممكن يوقف وان هذا المال لو ما حفظته لك ولعيالك ما راح يبقى لكم شي اذا استمر الصرف بهذا القدر، مثلا الأخ اللي قال عنه غير البشر، هذا شخص لا يعي ان المال هذا سينتهي في يوم من الايام وربما في وقت بيكون هو في حاجته، تعبئة رصيد ايتونز بما يقارب 8000 ريال قطري كل يومين هو إسراف يغضب الله.

المال نعمة، وبالشكر والحفظ تدوم النعم بإذن الله.

صح لسانج وبارك الله في عيالج

[رهج السنابك]

حسن ترا واضحه حركتك هههههههههه

[حسن]

حسن ترا واضحه حركتك هههههههههه

:eek5:


:unsure:

[لبيبة]

صح لسانج وبارك الله في عيالج
جزاك الله خير وبارك الله لنا ولك.