%أحتاج استشاري ممتاز جداً في العيون..ممكن تدلوني؟%

[طائر النورس]

سواءً كان خاص أم حكومي.....

واحد يكون ممتاز جداً وشاطر....ومشهود له بالخبرة....

أرجو موافاتي بالأسماء المقترحة في أقرب وقت جزاكم الله خيراً

[قطريه22]

الدكتور عمر القحطاني في مستشفى حمد هو اخصائي اتوقع بس ممتاز
من احسن الدكاتره في حمد

[بونووف]

دكتور رمزي البشاره في مجمع الكندي الطبي اللي فالنصر

قبل اسبوعين سوبت عملية الليزك عنده ...

وفي دكتوره يمدحونها ..سوت عملية لابوي قبل رمضان ..في مستشفى حمد او رميله ماذكر

[تأملات]

من افضل الدكاترة في قطر في تخصص العيون الدكتور فهد القحطاني والعيادة في شارع النصر وما فيه حجز مواعيد بس حسب الدور

[أم علي 2010]

فهد القحطاني بس ماتحصله في العيادة داينا القى دكاتره غيره

عندك خالد الشريف مركز العيون التخصصي يجي زياره ممتاز

[العربية نت]

مع احترامنا للدكتور فهد القحطاني اشوفه في الفترة الاخيرة صار مادي الى درجة كبيرة حتى اشوفه مايبعد عن بعض الدكاتره المصريين الي يكتب الوصفه بالنظر بس بدون فحص :eek5:

اسمع ناس تمدح فاطمة المنصوري في مؤسسة حمد قسم العيون بس ما ادري هلى تقدر تدخل لها مباشرة ولا لازم تمر على الاختصاصي وقبل ذلك تحويل من المركز الصحي سالفه طويله ههه :omg:

[طائر النورس]

المشكلة أن عيون زوجتي فيها مشكلة من سنين....وما انحلت إلى الآن....

حساسية من نوع خاص.....وما أريد اجعلها حقل تجارب!!!

يعني أريد الأجود من أول مرة

[درب السعادة]

هل مشكلتها جفاف بالعين والا التهابات متكررة . ممكن التوضيح

[طائر النورس]

والله البعض قال جفاف في العين...والبعض قال تحسّس....وكل واحد يشخّص كما يريد....وهي لا تزال تشتكي الآلام من عينيها

[w.qatar]

اخوي اذا عندها حساسية بالجيوب الانفية ترا هي السبب

[فرهود]

ودها دبي مستشفى مورفيلد للعيون هو فرع من المستشفى الرئيسي في بريطانيا الي عمره اكثر من 100سنه . دكاترتهم على مستوى عالمي .

[تأملات]

اخوي من واقع تجربة التحسس اللي في العين اقل شي يبيله شهر وبعدها تتحسن العين اما الجفاف اولا. لازم. ينعرف السبب. مثل لبس عدسات او بسبب ثاني ويبليه شهور لين تتحسن الحالة. دكتور فهد عشان تصيده تعال للعياده. قبل موعد فتح العيادة. بعشر دقائق.
ملاحظة العيادة تفتح 4. وتقدر تتصل فيهم 3.30 بردوا عليك وتقدر تعرف الدكتور جاي او لا

[مـراحـب]

دكتور رمزي البشاره في مجمع الكندي الطبي اللي فالنصر

قبل اسبوعين سوبت عملية الليزك عنده ...

وفي دكتوره يمدحونها ..سوت عملية لابوي قبل رمضان ..في مستشفى حمد او رميله ماذكر

كم سعر الليزك

ممكن الرقم ما عليك أمر

[درب السعادة]

والله اخوي الوالدة قبل سبع سنين كان يصيدها احمرار في البداية ومن بعدها بسنه بدت أعراض التهابات عليها وصار الوضع يتفاقم لحد ما صارت عندها التهابات وجروح في القرنية . راجعت كل الأطباء اللي ذكروهم الإخوان ومن ضمنهم دكتور فهد وكل مرة كان يعطيها قطرات مرطبة ومضادات لين مل منها وقال ما فيها شيء بس حساسية وتروح .

المهم مشوار العذاب استمر سنة لحد ما راجعنا دكتور يوسف بو الفين واللي بعد ما عرف ايش القضية وسجل لها موعد مع برفسور زائر نسيت اسمه ، وأول ما شافها الدكتور قال التهاب حاد سببه الجفاف .

يعني قضيتها جفاف من الاساس وهاي حالة تصيب نسبة كبيرة من النساء اكثر من الرجال بالاضافة الى كبار السن ومرات نتيجة وراثة او مرض جيني تجف فيها الغدد الدمعية وما تشتغل .

وصف لها مضاد حيوي كبسولات تشربهم بعد الأكل لمدة شهر وراجعناهم بعد شهر تأكد له ان السبب الجفاف . ووصف لها علاج عبارة عن قطرات تستخدم لسنوات وفي حالات مدى العمر للي ما تتحسن حالتهم . وفي ناس بعد سنتين ثلاث تتحسن الغدد وترجع تفرز الدموع .

الدموع الصناعية او القطرات مافيها نفس المكونات اللي في الدموع الطبيعية من مواد دهنية وبروتينات واملاح تحفض العين لذلك الغدد لازم ترجع تشتغل والقطرات هذي عبارة عن محرض للغدد انها ترجع تشتغل .
المشكلة ان القطرات مو موجودة في الدوحة وما تحصلها الا في صيدليات دبي واافضل صيدلية هي صيدلية ابن سينا في دبي مول .

هاي القطرات مضاده للالتهاب والجفاف ويجب مراجعة استشاري وليس طبيب عادي لان اغلب الاطباء عندنا ما يعرفونها .

القطرة اسمها restasis cyclosporine ophthalmic emulsion 0.05 % allergan
ممكن تدخل الموقع وتقرا عنها .

وممكن تراجعون المغربي وتشوفون استشاري وتسالونه عنها . او عيادة دكتور يوسف بو الفين وتسالون عن برفسور أسامة متى يجي وبالتوفيق

[دفرنت]

مستشفى مورفيلدز .. دبي

http://www.moorfields.ae/ar/About/Default.aspx

[qrt_trading]

أمي تمت اتروح وتنتقل بين حمد والمغربي لين ما ودرو اعيونها الحين هي في ألمانيا عين وحده خلاص راحت والثانية وبعد العملية قالوا لها ما راح أتشوف فيها إلا بنسبة 10%، صراحة أنا فقدت ثقتي في حمد والمغربي بعد إللي سووه في الوالدة.

[حسن]

المشكلة أن عيون زوجتي فيها مشكلة من سنين....وما انحلت إلى الآن....

حساسية من نوع خاص.....وما أريد اجعلها حقل تجارب!!!

يعني أريد الأجود من أول مرة

مافي اغلى من العين

ودام ماتبيها تسير حقل تجارب احجز على برشلونا مستشفى العيون هناك باريكير
ولا تروح غيره في العالم

وسلامات

[كازانوفا]

سبحان الله عن تجربه شخصيه كان عندي جفاف بالعين ونصحتني سيدة عجوز بالاكثار من اكل الخوخ اللى اسمه ابو فروه يقولك فيها ماده تزيد من افراز الدموع وتنظف العين وترطبها
ولله الحمد بالفعل ربنا ما خلق شي من غير ما يكون في منه فائده لبني ادم
عافانا الله واياكم

[وليف الشوق]

والله ياخوي الطب متطور عندنا في موضوع العيون واي مستوصف خاص بالعيون او مستشفى حمد كلهم يمشون على اخر بتركول دولي ماشي عليه العالم من حيث التقنية لاخر التطورات في مسألة العيون وبالنسبة لحالة زوجتك اعتقد وحسب مافهمته منك ان الوقاية هو خير العلاج من اشعة الشمس خاصه نحن في فصل الصيف ومنها عوامل كثيرة في هذا الفصل مع احمرار العين مع وجود الم واحساسها بالجفاف ويجب استعمالها لبعض الادوية التي تساعدها في حماية القرنية او الشبكيه وكما ذكرت سابقا ان الوقايه خير من العلاج او حتى تلبس نظارات شمسيه مع استعمال مواد غير كيماوية لغسول العين مع الحرص بمراجعة الاستشاري المختص بين كل فترة واخرى 0
ملاحظه : يجب عليك من الان تحديد استشاري واحد فقط دون التعدد والتغيير بعدد الاطباء لكي يقم بمعرفة الحالة في ظل وجود ملف خاص لمتابعة الحالة 0
والخطوة الثانية يجب عليك بقريتها الشرعيه من قبلك او من قبل شيخ مختص يقوم بالرقية عليها وسبحان الله يمكن عندها مس او اي نوع من الحسد لاسمح الله

والله يشفيها يارب

[سيمباسون]

من واقع تجربه ومع احترامي لجميع دكاترة قطر انصحك تروح برشلونا مستشفى باراكير احسن مستشفى عيون فالعالم

واذا لا روح عيادة الشرطة عند دكتور احمد نصر استشاري

اسال الله الشفاء لها ولكل مرضى المسلمين

[معماري قطري]

فهد القحطاني بس ماتحصله في العيادة داينا القى دكاتره غيره

عندك خالد الشريف مركز العيون التخصصي يجي زياره ممتاز

يضحك الشريف ذيه مره سويت عنده عملية ليزك في 2001 وفي بداياتها كلفتني حول 6000 ريال .. اللي ضحكني انه ما قال لي إجراءات العملية بس أثناء العملية كان يصارخ أيوا ركز في النور الأبيض ما ادري الأحمر ما ادري الأخضر وانا من الروع ومن زعاقه استويت ما افرق بين الألوان والمشكلة الألوان وايد وقوية .. كان المفروض يقول لي قبل ليبدأ.. بس عطاني درجات بعد نظر والحين عندي بعد نظر وبعوبة أقرأ الحروف الصغيرة.

[حراير قطر]

من واقع تجربه ومع احترامي لجميع دكاترة قطر انصحك تروح برشلونا مستشفى باراكير احسن مستشفى عيون فالعالم

واذا لا روح عيادة الشرطة عند دكتور احمد نصر استشاري

اسال الله الشفاء لها ولكل مرضى المسلمين

اذا كنت تشتغل في الشرطة روح عيادتهم

الدكاترة ممتازة عندهم

والله يشفي زوجتك ...

[معماري قطري]

المشكلة أن عيون زوجتي فيها مشكلة من سنين....وما انحلت إلى الآن....

حساسية من نوع خاص.....وما أريد اجعلها حقل تجارب!!!

يعني أريد الأجود من أول مرة

انا عندي حساسية من نوع قوي ومزعج وأستخدم من وقت لوقت قطرة سبرسادكس كمباوند .. وقبل السبرسادكسولين بس وقفوها ألحين .. الأُولى من أيام حاولت اخذها من الصيدلية ما رضوا الا بوصفة .. فيها كورتيزون وترفع ضغط العين واستخدامها لازم يكون لفترة حسب ارشادات الطبيب أول شيء بسبب انها فيها مضاد حيوي .. ما ادري إحتمال تكون مغامرة انك تجربها بس اسئل طبيب العيون عنها ولازم يقيس ضغط العين قبل وأثناء العلاج... والقطرة ذي كثير تنفع ولكثير من الناس خصوصاً للحساسية والأأمن منها قطرة الدموع الطبيعية بس قوتها خفيفة وممكن استخدامها في اليوم 6 مرات وحتى أكثر يمكن ولا لها أي آثار جانبية وتريح العين كثير إسمها بالانجليزي natural tears from the brand name Alcon

وعندك بعد عيادة الجيش بسهولة تقدر تشوف الطبيب وعندهم كم طبيب زين بس الدسوقي السوداني ضد هذي القطرة الا في حالات صعبة وبعد فحوصات معقدة .. للدخول تحتاج لصورة بطاقة حد من هلك في الجيش.

[حراير قطر]

لا تسمع كلام اخوي معماري قطر

واتخاطر وكل شي الا العيون

يوم السبت رحت المستشفى واكلم الدكتوره

اقولها عين بنتي يطلع منها وصخ

قالت ما اقدر اعطيج شي لازم دكتور عيون يشوفها

اتقول جايتها بنت صغيرة دخلت البركه ودخل شي بعيونها

وامها راحت الصيدلية وعطوها قطور

وزاد عليها واتقول البنت صارت ما اتشوف من عين وحدة :(

[معماري قطري]

لا تسمع كلام اخوي معماري قطر

واتخاطر وكل شي الا العيون

يوم السبت رحت المستشفى واكلم الدكتوره

اقولها عين بنتي يطلع منها وصخ

قالت ما اقدر اعطيج شي لازم دكتور عيون يشوفها

اتقول جايتها بنت صغيرة دخلت البركه ودخل شي بعيونها

وامها راحت الصيدلية وعطوها قطور

وزاد عليها واتقول البنت صارت ما اتشوف من عين وحدة :(

صح كلامج وانا قلت لازم بإشراف طبيب بس تعودنا إحنا نشرح للأطباء العلاج .. أوقات الطبيب يحاول بطرق ثانية ويعقد الأُمور أذكر سالفة واحد مصري عنده بنت صغيرة تقوم الليل تصرخ وتحك صدرها ولا يعرفون شفيها ابوها وامها .. ويركضون من طبيب لطبيب أطفال وطاحوا في دكتور معروف اسمه مهند .. ويسوي لها فحوصات معقدة وغالية وخوفهم بطريقة تفكيرة وقراءته للفحوصات وكل شوي فحص وجرب كم نوع دوا لين ابو البنت قرر يرسل البنت وامها مصر وتعالج هناك .. يقول كنت باحجز لكن زوجتي قالت خل نتصل قبل نحجز ونشوف راي طبيب يقرب لها توه متخرج ومتفوق ويشتغل في مستشفى يستفيد خبرة .. يقول كلم الطبيب وقال حالتها كذا وكذا وبارسل لها الفحوصات ورد الطبيب قال له خذ نوع دواء معين جربه معاها .. وطلع الدوا عبارة عن قطرة تنقط في الماء وتشرب الماء وبقيمة أقل من 5 ريالات .. يقول ما صدقت كيف بعد الخساير اللي خسرناها حول 4000 ريال بين أطباء وفحوص وفي النهاية طبيب من بعيد وتوه متخرج ينصحه يجرب دواء رخيص للغاية .. يقول جربته أول يوم ونامت ولا بكت وثاني يوم وثالث يوم .. واتصل يسئل الطبيب عن الفحوصات والأشعة اللي طرشها بالدي اتش ال .. اسئله الطبيب شلون بنتك؟ قال للحين ما قامت تصيح وتقوم من نومها .. بنته كانت حول سنتين بس ما تقدر تشرح لهم شتحس به بالضبط .. يقول ضحك الطبيب المصري قريبنا وقال تصدق انا للحين ما شفت الفحوصات وحالة بنتك حالة سهلة وبسبب حموضة المعدة وكان المفروض هناك يشخصونها من أول زيارة صح وبدون فحوصات زايدة لأن الدواء خاص بالأطفال ويعادل الحموضة.

نفس الشيء أي طبيب خاص يحاول يجتهد .. أكثر من اللازم ويسوي الصعب والغالي ويخلي السهل والرخيص.

[SOUD.QA]

ما تشوفون شر يارب روحوا عند مغربي دكتور احمد العنتبلي هو اخصائي قرنيه من زمان اتعالج عنده ومن فتره كنت احس بشي داخل عيني ومو عارف اطلعه وبعدها بديت احس بألم كأن عيني منجرحه قال لي جفاف ووصف لي قطره والحمدلله على كل حال

3 ونص خلكم هناك خذوا رقم وافتحوا ملف ما عليكم من سالفة المواعيد

[آنــه]

روح المستشفى الملكي الاسباني في الوعب وخل يكشفون عليها
واذا نفس التشخيص بس استمر وياها على نفس الدوا واذا تبي برشلونه هي الاحسن :)

[شـــوق]

والله البعض قال جفاف في العين...والبعض قال تحسّس....وكل واحد يشخّص كما يريد....وهي لا تزال تشتكي الآلام من عينيها

الله يشفيها.. عندي نفس المشكله في عيوني وجاري البحث عن طبيب يفهم

[خزامئ]

الله يشفيها ويشفي كل مسلم
انا من اول رمضان وحده من عيوني فيها جفاف ودمعه ماتوقف ومرات يطلع منها وصخ
رحت لكذا دكتور
منهم عزمي بشاره ولا نفع
ورحت لفهد القحطاني سار لي سبوعين ولا تغير عندي شي
والحين مب عارفه وين اروح
ياليت لو حد عنده خبره او يعرف حد يعلمنا

[بونووف]

عيادة دكتور رمزي البشارة
Dr. Ramzi El_Bishara Clinic
44215104
مجمع الكندي

[طلعة الروح]

د. يوسف بو ألفين ، المنتزه
يمدحونه بس للأمانه ماجربته شخصيا