ابي رايكم ونصيحتكم فى فتره الاختبار

[ام حمد ومحمد]

السلام عليكم ورحمة الله وبركاته

مثل ماهو موضح بالموضوع ابي رايكم لان احس حالى متضايقة نفسيا
ابيكم تقولون لى شسوي قبل لااترك الدوام :weeping: لاني حسيت بظلم

الموضوع اني اشتغل من 3 شهور واداوم من الساعة 6 لين الساعة 1:45 دقيقة واوقات اجي 5ونص بعد
والدوام الرسمي 7 لين 1:30
لاتقولون ليش تيين بدري اكيد هروبا من الزحمة ولاني حامل مااطيق اسوق فى الزحمة المهم مب هذا موضوعنا
اللى صار ان انا ياني فى شهر تسمم حمل وطبعا اخذت اجازة اسبوع بس مااخذتهم كلهم اخذت منهم 3يوم

والشهر اللى طاف كان يوم خميس جاني الم وانا بالمكتب قلت بروح اشيك فالمستشفي طبعا حجزوني وماطلعوني من المستشفي لان كان معاي طلق وقلت لهم بطلع ووقعت بالمسئولية يوم السبت ليش لاني قلت بروح الدوام ومابي اغيب لان للحين ماتثبت وقالت الدكتورة انا كاتبة لج اجازة اسبوعين قلتلها والله لاتكتبين لاني ماراح استخدمها وبداوم قالت لازم ماما انتي وقعتي انك تطلعي لازم ترتاحين

المهم ماعطيت كلامها اهتمام ورحت الدوام وجاني الالم بزيادة رحت المستشفي عقب الدوام قالى الدكتور انتي داومتي قلت له ايه قال طيب اذا داومتي وتعبتي لاتيين لاننا معطينج اجازة وقلنا لج ارتاحي لان البيبي تعبان قلتله الموضوع اني توني جديدة ومااتثبت قالى انتي وضعج غير وحامل لو مب عشانج عشان ولدج وهذه اجازة من حمد رسميه المهم غبت 4 ايام بس وعاودت الدوام من الاسبوع اللى عقبه والله احاول مااغيب يعني ظروفى غصب عني ومواعيد المستشفي كلها وتحاليل وكل شي مخليته عصر من داومت

واليوم ياني المدير يقول اوراق التثبيت تم تمديد فترة الاختبار 3 شهور بعد قلت لهم ليش يعني انا احاول مااغيب وعندكم اجازة مرضية مااخذت منها غير للضرورة قال لاا هذي فتره اختبار واحنا مالنا بالاجازة وحاولي لاتغيبي فالثلاث الشهور اليايين قلتلهم انا ولادتي اول 12 قال مب مشكله لاتحاولى تغيبين مهما كان الوضع لان لو غبتي خلاص بنقول لج شوفى مكان ثاني ،، قلت له خلاص ان شاء الله وماادري شسوي اترك لهم المكان واقعد فالبيت ولا شسوي
يعني لو صادني اي شي مااقدر اروح المستشفي بتصل لهم هم يجوني يسعفوني :telephone: هههههه والله هم يضحج وهم يبكي

وهل انا غطانه انزين شسوي انا غصب عني يعطوني اجازة ومااستخدمها اعاند حالي واداوم وفى الاخر يقولون لي تمديد عيل بسوي مثل غيري اجي 7ونص او 8 واطلع فى ميعادي بس احاتي الزحمة الصبح وللعلم انا ضد الاجازات يعني مااحب قاعدة البيت احب اداوم وماغبت الا للضرورة
ويكفي اني مااشوف عيالي وهم رايحين المدرسة ولا هم رادين لاني اطلع قبلهم وارد عقبهم . انتظر رائيكم واي رد انا بتقبل الرد لاني صج محتاجة حد ينصحني ويفهمني نفسيتي تعبانه كللللش

[w.qatar]

اللي ما يقدر وضعج الصحي صراحه خليه يولي ولا حاولي تنقلين قسم ثاني لين دشيتي التاسع شبتسووين اصلا كله اجازات فالتاسع من الثقل و التعب و الالم بيزيد

استخيري و شوفي انا افضل تقعدين في بيتج لين الله ييسر لج و تولدين بالسلامه

[elders]

اول شي انتي مرتاحة للداوم ..يعني متقبلتهم وشايفه المهام ومناسبتك ؟؟
من الاخر لو ما كنتي حامل ,،،رح تكوني مبسوطه معهم؟

[sweet qatar]

حسبي الله ونعم الوكيل


في أسوأ الأحوال يتم تمديد فترة الاختبار بنفس مدة الأيام المرضية..


حاليا صحتج والبيبي أهم من أي شي ثاني.. الله يعينج على هالإدارة الظالمة


أنصحج بالاستخارة .. عسى الله يوفقج للي فيه الخير ويسهل أمورج

[قطريه22]

حبيبتي ماتشوفين شر وان شاء الله تولدين بالسلامه

اذا تشتغلين في مكان حكومي وعندج اجازه طبيه معتمده مايقدرون يفصلونج من الشغل

لان اجازه طبيه اتصلي مجلس الوزرا واسالي واشرحي لهم حالتج المدير مب بكيفه يفصلج وانتي عندج عذر طبي

[ضوى]

شوفي اختي اذا تشتغلين بمكان يطبق قانون الموارد البشرية ، الاجازة المرضية مالهم شغل فيها وتنخصم المدة ويزيدون مدة التقييم ، يعني غبتي اسبوع فترة التدريب تزيد ثلاث شهور واسبوع وهكذا ، اما اذا طلبوا لج تمددي ثلاث شهور فهالشي عادي حتى انا اطلب دايما تمددي ثلاث شهور عشان اواحد يتاكد من الموظف ودرجة التزامه بس هاي مب معناه اني ارفض تثبيته لانه الظروف الخاصة مالها دخل بفترة التدريب

[aziz4z]

حسب القانون المادة ( 107 )
إذا مرض الموظف تحت الاختبار , امتدت فترة الاختبار بقدر فترة المرض , بشرط ألا تتجاوز مدة مرضه مدة مساوية لفترة الاختبار , و يتعين لمنحه الاجازة المرضية حصوله على شهادة من الجهة الطبية المختصة

يعني مب من كيف المدير يزيد فترة الاختبار لفترة أطول من عدد أيام الاجازة المرضية

[طموحي عالي]

اذا هم مب حلويني وانتي مب مرتاحه خليهم مايسوى عليج صحتج اهم


اما هالمدير النحيس واللي اعرف طبعه لان عندنا نفس هالزيجات
راويه الماده وقولي له انا فاهمه القانون وعارفه

بعض المدراء صج حسبي الله ونعم الوكيل

[ام حمد ومحمد]

اي اشتغل فى جهة حكومية وعدد الايام 7 غياب

وقالووو لى بتمددها 3 شهور بعد لو فى يوم غياب دوري لج مكان ثاني
بس عقب مافهمتوني القانون بدخل بكره للمدير وبقوله اشلون عشان اجازة مرضية اسبوع تمدد 3 شهور
وبعدين اجازاتي من مستشفي حمد
حسبي الله عليهم تري للحين بالدوام من ييت الساعه 5:45

[ام حمد ومحمد]

شوفي اختي اذا تشتغلين بمكان يطبق قانون الموارد البشرية ، الاجازة المرضية مالهم شغل فيها وتنخصم المدة ويزيدون مدة التقييم ، يعني غبتي اسبوع فترة التدريب تزيد ثلاث شهور واسبوع وهكذا ، اما اذا طلبوا لج تمددي ثلاث شهور فهالشي عادي حتى انا اطلب دايما تمددي ثلاث شهور عشان اواحد يتاكد من الموظف ودرجة التزامه بس هاي مب معناه اني ارفض تثبيته لانه الظروف الخاصة مالها دخل بفترة التدريب

مافهمت انا سالت ع ورق التعيين والتثبيت قال المدير بنجدد لج 3 شهور بعد ليش عشان الغياب وانتي فى فترة الاختبار ولاتغيبين يوم

[OM_OMAR_QATAR]

اختي الله يحميج ويحفظج
اولا/ صحتج وصحة الطفل اولى وابدى ان تحافظين عليها وانتي مسؤولة عن الطفل حبيبتي ...
فكل اجازة خذيها وماعليج منهم .. هذه اوامر طبيب ولاتحاتين رزقج بيجيج ورزق طفلج بيجي
ثانيا/ انا اقول لو انتي عاجبج الشغل ابقي فيه حتى لو مددولج الثلاث اشهر.. ع الاقل الي بتستلميه هالثلاث اشهر تستفيدين منه بشرط ليس على حساب صحتج ووضع الطفل
ثالثا/ اذا انتي مامستفادة من الشغل مادياً.. وماعاجبج معنوياً.. اتركي واشتري راحة بالج ..

وحاولي تهدين على نفسج وتتوكلين على ربج .. خلي الامور هي تاخذ مجراها ومايمنع تكلمين المدير
الاستخارة والهداوة ...
وحاولي لاتعصبين ولاتتخذين قرار لأنج كونج حامل فوضعج يأثر على نفسيتج وبالتالي على سلامة قرارج

[ام حمد ومحمد]

اختي الله يحميج ويحفظج
اولا/ صحتج وصحة الطفل اولى وابدى ان تحافظين عليها وانتي مسؤولة عن الطفل حبيبتي ...
فكل اجازة خذيها وماعليج منهم .. هذه اوامر طبيب ولاتحاتين رزقج بيجيج ورزق طفلج بيجي
ثانيا/ انا اقول لو انتي عاجبج الشغل ابقي فيه حتى لو مددولج الثلاث اشهر.. ع الاقل الي بتستلميه هالثلاث اشهر تستفيدين منه بشرط ليس على حساب صحتج ووضع الطفل
ثالثا/ اذا انتي مامستفادة من الشغل مادياً.. وماعاجبج معنوياً.. اتركي واشتري راحة بالج ..

وحاولي تهدين على نفسج وتتوكلين على ربج .. خلي الامور هي تاخذ مجراها ومايمنع تكلمين المدير
الاستخارة والهداوة ...
وحاولي لاتعصبين ولاتتخذين قرار لأنج كونج حامل فوضعج يأثر على نفسيتج وبالتالي على سلامة قرارج



هلا ام عمر. حبيبتي انا في الاول ماكنت متقبله الشغل بس الحمدلله تعودت عليه ورضيت فيه. ولولا اني محتاجة الشغل ماكنت تحملت هذا كله وفعلا الله اللي بيكتب الرزق وبيجيني وين ماكنت بس انا استغربت يوم قالوو نمدد 3 شهور تري عادي قلت مب مشكله بس لو غبتي يوم بننهي خدماتج ليش يعني الناس ماتمر بظروف. وبعدين مب مني غصب عني انا لو ماخوفني الدكتور انا كنت داومت ولاهمني. بس حرام يعني اتعب ولدي عشانهم. خلوني اكره حملي استغفر الله. تدرون حتي كنت اقول لو ربيت بالسلامه اجازه الوضع شهرين بااخذ شهر والشهر الثاني بروح نص دوام عشان اتحرك ومنها تغيير جوو وهم تفكيرهم اشلون الله كريم بس وبعتمد ع الله ومتاكده بيوقف معاي بس هل هم يجوز لهم تمديد فترة الاختبار

[المحاميه]

اسمحيلي اقولج ماعندح سالفه
الحين تعبانه والمستشفى يقولونلج ارتاحي والياهل تعبان وانتي تقولين ﻻ الدوام اهم؟

شسالفتج؟

والله الزم ماعليج عيالج
حرام البيبي ماله ذنب
والدوام مالهم حق دام عندج عذر ومب بكيفهم

الصراحه السالفه تحر

[المحاميه]

شوفي هو يجوز مد ال 3 شهور ل 3 شهور اخرى بس مب عشان الغياب عشان اسباب اخرى حسب نص احدى مواد قانون الموارد
وطبعا اللي عن الغياب حطوها لح اﻻخوان

بس حسيت مديرج متعسف ومب متفهم الوضع وانتي بعد الله يهداج معطتهم ويه وناسيه حقج

[ام حمد ومحمد]

اسمحيلي اقولج ماعندح سالفه
الحين تعبانه والمستشفى يقولونلج ارتاحي والياهل تعبان وانتي تقولين ﻻ الدوام اهم؟

شسالفتج؟

والله الزم ماعليج عيالج
حرام البيبي ماله ذنب
والدوام مالهم حق دام عندج عذر ومب بكيفهم

الصراحه السالفه تحر


بس انتي محتره زوجي بعد محتر وانا حرقو اعصابي هذا وهم معطيني اجازه وماكملته عيل لو اخذته كامله شيسوون. انا متوكله ع الله ولو حسيت بتعب بغيب ولا علي منهم اللي الله كاتبه بشوفه والله اللي بيرزق وين مااروح بيكتب لي رزقي ورزق ولدي ،،، يبون يثبتوني يبون يفصلوني كيفهم انا ماراح اتعب ولدي عشانهم باكر لاقدر الله صاده شي محد بينفعني. كرهوني حالي وكرهوني فالحمل الله يهديهم بس

[ام حمد ومحمد]

شوفي هو يجوز مد ال 3 شهور ل 3 شهور اخرى بس مب عشان الغياب عشان اسباب اخرى حسب نص احدى مواد قانون الموارد
وطبعا اللي عن الغياب حطوها لح اﻻخوان

بس حسيت مديرج متعسف ومب متفهم الوضع وانتي بعد الله يهداج معطتهم ويه وناسيه حقج

انزين خبريني يالمحاميه اشلون اخذ حقي لان مااعرف القانون وصح مالي لسان ارد لاني مب عارفه القانون ،،، شقولهم

[ام حمد ومحمد]

لو في سبب ثاني كان خبرني فيه هو كلامه كله كان ع الاجازه.

[حـ ن ـيـ ن]

أختي الصحة أهم من كل شيء

نصيحة مجرّب أي إجازة مرضية من حقك لا تتركيها

واضح من كلامك كم المعاناة التي تعانينها وكم التعسف من قبل مديرك

وهذا يعني أنهم لا يرون مجهودك ...

داومي لكن إذا احتجتي للراحة ارتاحي ...

[ام حمد ومحمد]

أختي الصحة أهم من كل شيء

نصيحة مجرّب أي إجازة مرضية من حقك لا تتركيها

واضح من كلامك كم المعاناة التي تعانينها وكم التعسف من قبل مديرك

وهذا يعني أنهم لا يرون مجهودك ...

داومي لكن إذا احتجتي للراحة ارتاحي ...


تري صج انا مااتكلم في الدوام بس احط بقلبي وافكر تدرين انا من جيت من الدوام حكيت لزوجي ماعجبه الكلام قال مب معقوله مايقبلون الاجازه هذي مب من عياده خاصه وبعدين انتي لج ظروف قال تري لو حسيت انج تعبانه ماخليج تروحين مايسوي عليج وللحين افكر في الموضوع قلت خلاص 3 شهور وبتثبت وبقتك طلع لي بعد هالموضوع هذي الايام وانا بعد احاول مااغيب وعلي حساب صحتي. عيل لو مب مداومه واتاخر شيسووون

[المحاميه]

قوليله شنو سبب المد؟ اذا قالج الاجازه .. قوليله انا تعبانه وعندي عذر طبي ولازم ارتاح.. اذا رضى بهالكلام اوكي اذا مارضى قوليله بس نص الماده في قانون الموارد تقول ان فترة المد تكون بقدر فترة الاجازه مب 3 شهور!!!

اذا شفتيه يلف ويدور .. كلمي الموارد البشريه المسؤول او المدير .. يعني شوفي السالفه ترجع حق من وكلميه ..

المشاكل اللي من هالنوع يكون فيها عناد وماتنحل بسهوله .. مع ان القانون واضح وصريح
الله المستعان

[ام حمد ومحمد]

للعلم تري احنا مرتبطين بقانون الموارد البشريه

[aziz4z]

آسف على التأخير , بما أنكم تتبعون قانون الموارد البشرية
طرشتلج رسالة على الخاص

[ام حمد ومحمد]

آسف على التأخير , بما أنكم تتبعون قانون الموارد البشرية
طرشتلج رسالة على الخاص

تم الرد

[(بوطلال)]

الله يقومج بالسلامه يأم حمد ومحمد ويرزقج بولد تسمينه حمود .

[pink pearl]

هلا ام عمر. حبيبتي انا في الاول ماكنت متقبله الشغل بس الحمدلله تعودت عليه ورضيت فيه. ولولا اني محتاجة الشغل ماكنت تحملت هذا كله وفعلا الله اللي بيكتب الرزق وبيجيني وين ماكنت بس انا استغربت يوم قالوو نمدد 3 شهور تري عادي قلت مب مشكله بس لو غبتي يوم بننهي خدماتج ليش يعني الناس ماتمر بظروف. وبعدين مب مني غصب عني انا لو ماخوفني الدكتور انا كنت داومت ولاهمني. بس حرام يعني اتعب ولدي عشانهم. خلوني اكره حملي استغفر الله. تدرون حتي كنت اقول لو ربيت بالسلامه اجازه الوضع شهرين بااخذ شهر والشهر الثاني بروح نص دوام عشان اتحرك ومنها تغيير جوو وهم تفكيرهم اشلون الله كريم بس وبعتمد ع الله ومتاكده بيوقف معاي بس هل هم يجوز لهم تمديد فترة الاختبار

عسى ماشر الشيخة، ليش ضاغطة على نفسج فوق طاقتها؟؟

حبيبتي لا يكلف الله نفسها إلاوسعها، هوني على نفسج وسوي اللي تقدرين عليه وبس.. ألأزم ماعليج صحتج وصحة البيبي..

أنتي تقولين بعتمد على الله، والنعم بالله بس من شنو خايفة؟؟ الدكتور قال إجازة خلاص أخذيها ولاتناقشينهم أصلاً.. ترى أنتي مسوؤلة عن نفسج قبل كل شي وعن الياهل أمام الله، هذا ضنى والضنى غالي..

اهتمي بنفسج وربي بيفرجها عليج بس توكلي على الله واسمعي كلام الدكتور الثقة ...