استفسار عاجل..الله يجزيكم خير

[جود الحزن]

السلام عليكم

لو سمحتو ابي اعرف اي افضل جامعه في بريطانيا من حيث الامان والهدوءوتكون معترف فيها
وحاليا افكر في ليدز فياليت تعطوني رايكم فيها
وابي اعرف شنهي الاجراءات بالتفصيل الممل للتقديم على بعثة للمجلس الاعلى الجامعه لين يتم قبول الطلب في الجامعه
وهل تاخذ الاجراءات وقت والا لا
والله يجزيكم الف خير

[كازانوفا]

موفق ان شالله

[العنود55]

وعليكم السلام ورحمة الله وبركاته

اول شي ادخل على قائمة الجامعات البريطانيه وشوف التخصص اللي تبيه مدرج تحت اي جامعه بعدين راسل الجامعه وإذا طرشولك القبول روح المجلس قدم أوراقك تشمل شهادة الثانويه العامه وقبول الجامعه صورة الجواز والبطاقه الشخصيه حساب من اي بنك قطري صور شخصيه وبعد مايعطونك الضمان المالي ترد اطرشه الجامعه عشان يطرشون لك الكاس نمبر وبعدين الفيزه وبعد ماتاخذها تودي الجواز المجلس عشان يصرفون لك التذكره وبس إجراءات المجلس كلها يومين والجامعة ممكن تراسلهم بنفسك او تشوف ايجنت اذا حبيت ممكن أرسلك ارقام ناس تعاملنا معاهم بخصوص استفسارك لجامعة ليدز اذكر من سنتين صارت مشكله لطلاب قطر بالتحديد رسبو نسبه كبيره من الطلبه مثل ماسمعت الجامعات وايد بس مثل قتلك لازم تشوف التخصص على حسب الجامعه . على فكره فيه جامعات ممكن تنضم لها من هالكورس عندك فرصه يعني عشان مايضيع عليك الكورس الأول بالتوفيق .

[بـــ ح ـــر]

مساء الخير عليكم

يا ليت تنصحوني شنو افضل جامعه في بريطانيا في الماجستير تخصص أداره اعمال

[SOUD.QA]

الله يوفقكم والله لو تشوفون جامعات امريكا افضل من حيث المستوى ورخص المعيشه والامان

[جود الحزن]

الله يجزيكم الف خير
ماقصرتو كفيتو ووفيتو
اختي العنود انا بنت مو ولد وانا اسأل عشان بنتي وهي تبي تخصص ادارة اعمال
ياليت يالعنود اذا تعرفين مكاتب انتي او اي عضو بالمنتدى اللي تقدم طلبات للجامعات وتجيب الموافقه لاني سمعت انه فيه مكاتب تسوي هالخدمه بس تكون ثقه ومجربينها
انا ابي ارتب كل شي بدري عشان ما يضيع عليهاالكورس الاول مدري اذا يمديها او لا لانها بتتخرج هالسنه من الثانويه ان شاء الله
وان شاء الله في ميزان حسناتكم

[جرير]

فيه ارقام ا شخاص تسوي قبول

طرشتها على الخاص

[جود الحزن]

مشكور وماقصرت اخوي

[جود الحزن]

ياليت تدلوني على جامعات في بريطانيا لتخصص ادارة اعمال وتكون دراستها سهله ومب معقده
انا حاليا افكر في ليدز بس مالي خبره بجامعات بريطانيا

[جود الحزن]

لا اله الا الله محمد رسول الله

[بو راشد 1]

Cardiff Business School

[جود الحزن]

مشكور وماقصرت اخوي ابو راشد
بس انا اسال عن جامعه مب مدرسه

[بو راشد 1]

مشكور وماقصرت اخوي ابو راشد
بس انا اسال عن جامعه مب مدرسه

هذة جامعة و فيها ماجستير بعد :nice:

[جود الحزن]

هذة جامعة و فيها ماجستير بعد :nice:

اها انا شفت كلمة school وظنيتها مدرسه
مشكور والله يجزيك الف خير

[جود الحزن]

لا اله الا الله محمد رسول الله

[بو راشد 1]

مساء الخير عليكم

يا ليت تنصحوني شنو افضل جامعه في بريطانيا في الماجستير تخصص أداره اعمال

بحر

اقترح عليك insead هي في فرنسا، الدراسة باللغة الانجليزية و تعتبر من افضل برامج mba عندهم فرع في سنغافورة وقبل كم سنة فتحو فرع في ابوظبي.

[Al-Kuwari]

نصيحة لوجه الله من طالب مغترب

الغربة صعبه واحنا الشباب نواجه صعوبات كثيرة هنا وهي بنت وبتتعب اكثر منا و يفضل لو تخلينها تدرس في قطر بين اهلها

والله يوفقها ان شاء الله

[Right]

نصيحة لوجه الله من طالب مغترب

الغربة صعبه واحنا الشباب نواجه صعوبات كثيرة هنا وهي بنت وبتتعب اكثر منا و يفضل لو تخلينها تدرس في قطر بين اهلها

والله يوفقها ان شاء الله





صدقت .. ومن تجربة أيضاً لكنني خلصت والحمدلله

[جود الحزن]

انا قلت لبنتي رايكم وخليتها تقرا الردود بس هي ملزمه انها تدرس برا
غيرت رايها عن ليدز لان محد مدحها لنا والحين محتاره بين مانشستر وليفربول وبيرمنغهام
فياليت اللي عنده خبره عن احسن جامعه لتخصص ادارة اعمال وتكون منطقه امنه يقول لي
مشكورين وجزاكم الله الف خير

[جود الحزن]

لا اله الا الله محمد رسول الله

[basma222]

الله يوفقها ان شاء الله

[عاشق العديد]

والله ياختي الغربه مامنها امان ..

انتي امها وانتي ادرى بمصلحتها ..

احنا قبل كنا نشوف فلان راح يدرس برع كنا نقول ياحظه ويازينه وفال امها ..
لكن احنا عشنا التجربه .. وعرفنا صصدق ايش معنه الغربه وانت تغترب برع لحالك وانت تتحمل مسؤليت نفسكككك وتمثل نفسك وبلدك في مكان غريب .... اتمنى اتخاذ القرار الصح واتمنى لها التوفيق ..

[جود الحزن]

لا ان شاء الله ماعليها شر وانا بكون معاها مرافق يعني مابخليها بروحها
بس المشكله الحين مب قادره احدد اي جامعه نروح هي تبي ادارة اعمال فياليت اللي يعرف منطقه امنه والدراسه فيها سهالات يبلغني
مشكورين على حرصكم يااخوان والله يجزيكم الف خير