رايكم في السبوت لايت ؟؟

[RVD]

السلام عليكم

شباب انا عندي غرفة كلها اوف وايت من الارضيه ولا ورق الجدران ولا الكراسي ولا الجبس كلها اوف وايت شبه ابيض يعني تنصحوني اركب ليتات سبوت لايت ابيض ولا قولد ؟؟ لاني محتار والله اخاف احط لون ابيض يطلع مب شي بس اذا حطيت لون قولد بيغير لون الغرفة كامل وبيخليها بيج على اصفر شنو تنصحوني من ناحية لون الاضاءه ؟؟

والسؤال الثاني وين احصل مكان يبيع لمبات حق السبوت لايت تكون جودته عالية ويعيش فترة طويلة ومايحترق بسرعه ؟؟ وشنو احسن صناعة ؟؟

الله لايهينكم ولا يحرمنا من ردودكم الطيبة والله

[Stars]

روح محل الصالحية للإنارة شارع سلوى
بعد جسر مدماك وانت متجه للصناعية

[شموخ دائم]

,

,


مرحبا

منور والله

المكان عندك فاتح كله مركز على البيج لازم تكسر اللون شوي
حط مخدات الكراسي مشجره والستاير وفرشه صغيره بوسط الغرفه ملونه

:)

حط ذهبي ان شاء الله بيطلع احلا باذن الله

الاسبوت لايت ركبه ولا تعتمد عليه
انت تحتاج يكون اناره ( اندايركت ) مخفيه او نيون او ابجورات معاه
خاصه انها غرفه النوم والاسبوت ( جمالي ) للسقف اكثر ما يكون وليس عملي يضايق شوي
يعني حط نوعين اضاءه

الاسبوت الحين انواع واشكال في الحجم وفي منه بمحول وفي بدون محول
احسنهم الاسباني

وفي اضاءه الحين سبوت led

عندك محلات

الترا لايت

غرناطه ( هذا لازم تمر عليه )

المشاعل


بالتوفيق لك


,


,



اخوك


شموخ دائم

[عيون الدوحة]

http://i.imgur.com/2tD0Mww.jpg

http://i.imgur.com/D4zZo0q.jpg

الحلو تدمج بين السبوت لايت حجم الصغير ل اي دي و الإضاءة المخفية بالجبس

[معماري قطري]

بالنسبة للإضاءَة المخفية توجد الآن نوعية نيون بلون قريب من اللون الطبيعي .. الإنارة الطبيعية الهادئة وقت الغيم .. تسمى كول دي لايت نيون، خذت منه من الدرويش وهو يعطي إضاءَة قريبة من اللون الأبيض بس على ذهبي شوي.

[السهم الملتهب]

معظم السبوت لايت في قطر صناعة صينية وفيه منه عالي الجودة ( درجة اولى )

أنصحك ب السبوت لايت led هو الافضل والاقوى ويعيش اكثر ويدوم اكثر من العادي وهو المنتشر حاليا بسبب دوامه واستمراره

اما بنسبة للاضاءة المخفية افضل شيء ما يسمى بالنيون فيه اللون كالاصفر والابيض والازرق

افضل المحلات

1- الترا لايت

2- الشعلة

[RVD]

يعطيكم الف عافيه ماقصرتوا على مشاركتكم في الموضوع استفدت من اراءكم الطيبة

[ابوعلي]

اخوي اذا بتاخذ ال اي دي وكمية فانصحك تاخذ من الامارات السوق الصيني

لاني شفت الاسعار عندهم والاسعار عندنا وللأسف عندنا الضعف ومعظمهم بدون ضمان والبعض عطوني ضمان لمدة ست شهور ولكن بالسوق الصيني لنفس النوعيات ضمان سنه وارخص بالسعر ( النص )

[مهاجر]

حط اووف وايت

[كبير المتداولين]

سبوت لايت اصفر يعطي منظر احسن

وانت تركبهم لاتنسى تبدل وايراتهم اشتر وايرات تركيه بدل الوايرات الي يجون معى الكور لانهم نوعيه رديئه ويسببون باحتراق اللمبه

موفق ان شاء الله

[المحاميه]

انا ارشح القولد ..
بس ليش كل شي مسويه ابيض
لازم تكسر اللون وتضيف الوان للغرفه

[معماري قطري]

انا ارشح القولد ..
بس ليش كل شي مسويه ابيض
لازم تكسر اللون وتضيف الوان للغرفه

مع هذا الرأي لأَن لو كل شيء أبيض حتى لون الإنارة بيكون البياض مزعج وبيبين مب طبيعي

[نور الحور]

أخوي أنا مثلك كل الغرفة أوف وايت مع سلفر .. حطيت السبوت لايت شفاف تجيك حبتين مع بعض مشبوكين وفي نوع ثلاث حبات أو أربع حسب المساحة والتوزيع ..

ولون الإضاءة انصحك باللي اسمها كول وايت (يعني أبيض بارد يجيك بين الأصفر والأبيض) ...ونوعها led ميزتها ما تصير حارة وتعمر لفترة طويلة .. وفي بعضها يجي ملون ..

وللإضاءة الاندايركت ممكن تحط واير كامل (شريط) يباع بالأمتار وفيه أنواع تجي خمسة متر مرة وحدة .. وفيها اختيار تجي ملونة مع تحكم بالريموت .. وبعد نوعها led .. تعطي جو روعة للغرفة :)

وطبعاً تحط لك إضاءات جانبية (أبجورات) في الغرفة .. بتطلع الإضاءة حلوة ومتوازنة وتقدر تتحكم فيها على مزاجك :)

أحسن الأماكن اللي جربتها : الترا لايت :victory:

[RVD]

يعطيكم العافيه ياشباب على ردودكم الطيبة وايد استفدت من اراءكم واختياركم في الاضاءه

[نور الحور]

امممم .. للإفادة بعد .. في محل عنده إضاءات حلوة اسمه تكنو كيو في شارع سلوى ..

كنت أبي اتذكر اسمه لما كتبت ردي بس نسيته :shy:

[معماري قطري]

امممم .. للإفادة بعد .. في محل عنده إضاءات حلوة اسمه تكنو كيو في شارع سلوى ..

كنت أبي اتذكر اسمه لما كتبت ردي بس نسيته :shy:

الله يهداج مهندسة نور فسرتي الماء بالماء

انا صراحة من كثر المحلات في طريق سلوى ما الحق أشوف الا المحلات الكبرى .. وبعد النفق اللي سووه ما اشوف شيء الا خرسانات ورسومات وسيارات وأوقات يمر علي واحد مسرع سيارتي تهتز من الهواء .. وأوقات يطلع جدامي واحد اتخيله غزال ويطلع هندي يربع بوزاره .. لازم تذكرين وين موقع المحل بالضبط حتى اللي يبي يروح يعرف وين يطلع.

[نور الحور]

الله يهداج مهندسة نور فسرتي الماء بالماء

انا صراحة من كثر المحلات في طريق سلوى ما الحق أشوف الا المحلات الكبرى .. وبعد النفق اللي سووه ما اشوف شيء الا خرسانات ورسومات وسيارات وأوقات يمر علي واحد مسرع سيارتي تهتز من الهواء .. وأوقات يطلع جدامي واحد اتخيله غزال ويطلع هندي يربع بوزاره .. لازم تذكرين وين موقع المحل بالضبط حتى اللي يبي يروح يعرف وين يطلع.


هههههههههههه .. عجبني وصف الغزال هههههه

أنا شارع سلوى بصراحة يخربطني .. بس بقولك الأكيد إنه على الجهة اليسار لو كنت جاي من مدماك

نفس جهة الترا لايت .. بس مو حذاه .. لأ .. قدام كأنك رايح صوب جسر قطر للديكور ..

هذا اللي اتذكره .. وبتلقى قدامه نفق ههههههههه << الله والوصف :shy:

[ضوى]

,

,


مرحبا

منور والله

المكان عندك فاتح كله مركز على البيج لازم تكسر اللون شوي
حط مخدات الكراسي مشجره والستاير وفرشه صغيره بوسط الغرفه ملونه

:)

حط ذهبي ان شاء الله بيطلع احلا باذن الله

الاسبوت لايت ركبه ولا تعتمد عليه
انت تحتاج يكون اناره ( اندايركت ) مخفيه او نيون او ابجورات معاه
خاصه انها غرفه النوم والاسبوت ( جمالي ) للسقف اكثر ما يكون وليس عملي يضايق شوي
يعني حط نوعين اضاءه

الاسبوت الحين انواع واشكال في الحجم وفي منه بمحول وفي بدون محول
احسنهم الاسباني

وفي اضاءه الحين سبوت led

عندك محلات

الترا لايت

غرناطه ( هذا لازم تمر عليه )

المشاعل


بالتوفيق لك


,


,



اخوك


شموخ دائم

صح معاك حق السبوت لايت يصلح للصالات والميالس ومايصلح لغرف النوم ، انا تجنبت تمام احط بغرف النوم اعتمدت عالاضاءة المخفية والثريات اللي اضائتها للسقف والاباجورات ، السبوت لايت يضايق وحار

[Bozizoo]

لا خاب ظني التاك نكيو بعد محطه بترول التيسير وانت نازل الدوحه قبل جسر مدماك

[معماري قطري]

هههههههههههه .. عجبني وصف الغزال هههههه

أنا شارع سلوى بصراحة يخربطني .. بس بقولك الأكيد إنه على الجهة اليسار لو كنت جاي من مدماك

نفس جهة الترا لايت .. بس مو حذاه .. لأ .. قدام كأنك رايح صوب جسر قطر للديكور ..

هذا اللي اتذكره .. وبتلقى قدامه نفق ههههههههه << الله والوصف :shy:

ما قصرتي وايد أوضح من قبل .. مع اني مب رايح انا توه مخلص أول شهر وجدامي خمس شهور أقل شيء لين ارجع قطر .. ويا حلو السواقة هنيه لا حد يضايق والكل يحترم القانون والشوارع واضحة وكل محل له لافتة قريب الرصيف تبين من بعيد .. عندنا المفروض كل مبنى يسوي لافتة على المدخل وكل مدخل يكون واضح وتنحط علامة كل محل واسمه بوضوح .. يعني مكان ممكن يركز الواحد نظره عليه ويقرأ اللوحة بسهولة .. هذا بعد قصور كبير في شوارعنا .. وحتى يوم سووا هذا الداعوس اللي تحت الأرض المسمى شارع سلوى يفترض على المخارج تنوضع لافتة للمحلات حتى يعرف الواحد إن لازم يطلع من هذا المخرج علشان يوصل للمحل هذا.