مشروع ليموزين ؟

[جيمس بوند]

الاخوة والاخوات شرايكم بشروع ليموزين ؟ افكر حالياً بإقامة هذا المشورع ولكن ابي اعرف كيف طريقة الادارة وتحقيق الاررباح الللي عنده لايبخل علي سوواء على الخاص او العام ؟

[شموخ دائم]

,

,


مرحبا


اخوي الكريم

اخذ الموضوع خطوه خطوه

خل الارباح الحين على جنب والاداره

في موضوع اهم كـ خطوه اولى

( اسئل ) عن الرخصه والامور القانونيه

وكيف تقدر تحصل عليها وكيف تفتح المكان وماهي الاجرائات المطلوبه

وبعدها روح للخطوه الثانيه

,

,


اخوك

شموخ دائم

[خبير الانترنت]

مافهمت اخوي .. يعني تقصد سياره ليمو للايجار ـ؟

[اعمار قطر]

هلا اخوي اعرف رجال يسوى دراسات جدوى ويفيدك بكافة التفاصيل المالية للمشروع اذا حبيت ممكن ادزلك رقمه

[الهاجري_قطر]

اول شئ رخصة ليموزين ممنوعة توقفت من يوم دخلت بروه في السوق ودراسه بسيطه أنا عندي رخصة وكنت بفتح قبل كم سنه ولكن عندي كذا شغله واغلب وقتي مسافر لاشغالي الثانية عموماً تدفع ١٠٠ ريال كدفعة أولى لسيارات فورد كروان فيكتوريا اوكابرس سعرها تقريباً ٩٠ ألف ويمكن يعطونك اقل كل سائق يعطيك من ١٥٠ في اليوم وان شاء الله يدخل ١٠٠٠ حلال عليه طبعاً المدخول اليومي ١٥٠٠ ضرب ٣٠ = ٤٥٠٠٠ ألف - ١٢٠٠٠ قصد السيارات يطلع صافي في جيبك=٣٣٠٠٠الف ريال

طبعاً أنا حكيت إعلان في الجريده مطلوب سواقين ليموزين خبره وحصلت أكثر من العدد اللي أبيه وشغله حلوه وفي دخل ممتاز وعلى فكره تقدر في خلال سنه توصل السيارات فوق ال٥٠ سياره بس اهم شئ الرخصة وتحمل احد يكذب عليك ويبيعك رخصة تأجير سيارات رخصة الليموزين يكون مثال الملكي لتأجير السيارات وخدمة الليموزين يعني اسم الليموزين يكون في الاسم التجاري نفسه ولو تبي أي استفسار أنا حاضر رقمي عالخاص عندك

[رحال الدوحه]

الاخوة والاخوات شرايكم بشروع ليموزين ؟ افكر حالياً بإقامة هذا المشورع ولكن ابي اعرف كيف طريقة الادارة وتحقيق الاررباح الللي عنده لايبخل علي سوواء على الخاص او العام ؟

السلام عليكم ورحمة الله وبركاته ،،
مشروع الليموزين مجدي والسوق محتاج لخدمة الليموزين ، اما من ناحية الادارة هي سبب نجاح او
الخساره في اغلب المشاريع .

اما من ناحية الاجراءات نفس ما تفضل اخوي شموخ دائم فاحب اوضح مع احترامي لجميع الاراء
اللي شاركت فموضوعك رخصة الليموزين مب ممنوعه ولا موقفه اللهم هي اجراءات وتحتاج لموافقات
معينه( ادارة النقل فالبداية لاستخراج السجل التجاري ) .

وبعد استخراج السجل التجاري بنشاط ليموزين تستاجر محل او شقه ( مكتب ) ويتحول الطلب لموافقة
ادارة المرور وبعد موافقة ادارة المرور تطلع لك الرخصه التجاريه لمزاولة النشاط .

* ملاحظه : نشاط ليموزين او تاجير السيارات يكون نشاط واحد فقط لا يسمح بنشاط اخر في نفس السجل او المقر .
واي احد يحب يحصل على معلومات اضافيه او استخراج يقدر يتواصل معاي ، اسال الله يوفق الجميع
واتمنى قدرت افيدكم بالمعلومات ..

اخوكم : رحال الدوحه

[سهم متردد]

اخوي ممكن ترسل لي رقم علي الخاص وبعطيك كل التفاصيل من تجربه حديثه وسابقه مع الشكر

[سميسمة كافيه]

مرحبا اخوي شخبارك

ليش وجع الراس مع الليموزين والسواقين والحوادث والبلاغات رفيجي كان عنده ودايم اسمعه يتشكى منه ما في يوم جلسنا مع بعض الا ويتشكى من الحوادث والسواقين

ممكن تواصلي وياي اعطيك دراسة لمشروع ثاني ان شاء الله يفيدك

[سهم متردد]

اخوي جيمس بنود أرسلت لي رقمك علي الخاص ولكن الجوال مغلق

[المليونير الفقير]

رخصة اللموزين ممنوعه

[تغلبية]

فيه مشروع يحتاجونه الحريم بحكم انهم يدفعون ماعندهم مشكلة وبيكون فريد من نوعه في قطر

شركة توصيل طلبات التاجرات ، هي نوع من انواع شركات الليموزين

موجود منها في الامارات .. بس قطر ماعندنا

للحين التاجرات يتعاملون مع ليموزينات احرار مش رسميين

اذا فيه شركة خاصة وأمينة وتكون مثل شركة الشحن وعندها سيارات تبريد حق تاجرات الكيك بيكون شي ممتاز جداً

بشر تكون الرسوم معقولة

30 داخل الدوحة

وزيادة بسيطة لخارج الدوحة



مادري يصير تسوي الشركة بالشركة مع شركة موجودة أصلاً لكن من صوبك بيكون زيادة راس المال لشراء سيارات اكثر واستخدام سواقين

أو تنوع النشاط .. مثل ليموزين التاجرات ... وماشاءالله كل مالهم في زيادة ..

حتى الناس العاديين بعضهم ماعندهم سواقين يحتاجون حد يوصلهم اغراض ..

و بالتوفيق إن شاءالله

[رحال الدوحه]

السلام عليكم ورحمة الله وبركاته ،،

أشكر الجميع على الردود الطيبه والاقتراحات .. اول شئ الموضوع قديم
وصاحب الموضوع طلع السجل والترخيص والموافقات وربي يسر كل اموره
وأموركم يالطيبين ..

ومن فتره الاخ جمس بوند طلب رأي ومشوره في ادارة نشاط الليموزين ..

رابـــــــط الموضوع (http://www.qatarshares.com/vb/showthread.php?579937-%E3%E3%E3%E4-%E3%D3%C7%DA%CF%C9-%C8%CE%D5%E6%D5-%D4%D1%DF%C9-%E1%ED%E3%E6%D2%ED%E4)

اما شورج اختي تغليبه على الموضوع ما شاء الله ابدعتي وبخصوص توصيل الطلبات
اتوقع في شركة توصل الطلبات على ( موترسكيل ) وهالنشاط موجود فالسجل التجاري .
وأي استفسار بخصوص الاجراءات والرخص انا فالشوفه وحاضر للعلم واحد من الشباب كاتب ان

" رخصه الليموزين ممنوعه "

لا طبعاً مب ممنوعه اللهم اجراءات معينه وتطلع رخصه
ومن فترة بسيطه طلعت رخصة الليموزين .. أسال الله التوفيق للجميع

أخوكم : رحال الدوحه

[الزلزال]

انا عندي نشاط لموزين
بس المشكله اترخيص معقد شوي

[Diamond]

يا شباب محتاج رخصة لموزين او تأجير سيارات مع سائق ضروري ... اللي عنده رخصه وبيبيع بسعر مناسب يكلمني ضروري