افضل طريقه لتمديدات المياه بالفله ?

[MAZEN37]

انا اتوقع محد يشتغل على الخرايط وكل مهندس يرسم تمديدات الله اعلم هي عمليه او مفيده
صرت اشك فيهم وان جبت بيفيتر كل واحد يقولك طريقه و فكره اما سؤالي هو موضوع المياه وتمديداته للفيلا اولا تنكي ارضي وجنبه دينمو يرفع للعلوي وعموامه تومتك فوق وبرشر يدفع المياه للحمامات تحت او كيف تجاربكم المفيده ايش افضل تمديد
و كل عام وانتم بخير والله يتقبل

[naklan]

هلا باخوي MAZEN37 وكل عام وانت بخير
اخوي كل واحد وله طريقة ومواصفات وقد تعجبه ولا تعجب غيره
بالنسبة لي بيبات بي بي ار داخل الطوفه في دورات المياه ووصلات اصليه بي بي ار
البيبات للصرف قلف بحريني وفوق السطح بيبات نحاس افضل عن الشمس
واما قصة الخزان وبجانبه دينمو تستطيع ان تركب بدون عوامة اتماتيك
يشتغل كل ما نقص الماي في الخزان في حال تعذرالتمديد

وبخصوص الشغل المفروض على الخرايط افضل لك
توضع المواصفات وتشتغل على حسب الخريطة علشان ما تستغل من بعض
ضعاف النفوس اذا على كيفه ممكن ينقص من طريقة التمديد ويوفر على حساب
الجودة وانت بتكون خسران ممكن يركب بدل بيبين المجاري واحد مثلا
وممكن يوفر قيمة اللزق بدل ابو 20 بابو 8 ريال لذالك انتبه
وحط مواصفات وشروط واخذ شركة مرموقة لضمان
نظافة الشغل قد توفر عند الرخيص وتخسر
في المستقبل لا سمح الله لذالك


نصيحتي تمديدات الكهرباء وتمديدات الماي لا تتهاون فيهم
هم اهم شي في المبنى تحياتي بلا حدود

اخوك/ naklan :)

[شموخ دائم]

,

,


مرحبا

اخوي الكريم

اسمع كلام naklan

وانت مغمض

:)

انا داخل بس اسلم عليكم


,

,

اخوك


شموخ دائم

[MAZEN37]

تحياتي للاخ نكلان واشكرك على النصيحه الثمينه
وتحياتي على الاخ شموخ دائم بس كنا حابينه يقعد ويتقهوى عندنا

[almaf1a]

اهم شئ تتأكد ان الحمام يطلع منه 3 بيبات مب 2
واحد حار وواحد بارد والثالث للسركليشن علشان يجيك الماي الحار على طول
ومهم جدا تتأكد من ارتفاع البيبات بالنسبه لارضية الحمامات
ما ينزلهم وايد مع الارض ولا يرفعهم ويسويلك درب الحيه فوق وتحت علشان مستقبلا ما تضرب برغي لاي اكسسوار وتضرب البيبات بالغلط

[MAZEN37]

اهم شئ تتأكد ان الحمام يطلع منه 3 بيبات مب 2
واحد حار وواحد بارد والثالث للسركليشن علشان يجيك الماي الحار على طول
ومهم جدا تتأكد من ارتفاع البيبات بالنسبه لارضية الحمامات
ما ينزلهم وايد مع الارض ولا يرفعهم ويسويلك درب الحيه فوق وتحت علشان مستقبلا ما تضرب برغي لاي اكسسوار وتضرب البيبات بالغلط
شكلك معاني
شسويت وين افضل شركة برايك

[مضارب دوسري]

اهم شئ تتأكد ان الحمام يطلع منه 3 بيبات مب 2
واحد حار وواحد بارد والثالث للسركليشن علشان يجيك الماي الحار على طول
ومهم جدا تتأكد من ارتفاع البيبات بالنسبه لارضية الحمامات
ما ينزلهم وايد مع الارض ولا يرفعهم ويسويلك درب الحيه فوق وتحت علشان مستقبلا ما تضرب برغي لاي اكسسوار وتضرب البيبات بالغلط

على ماظن الثلاث بابيات ادا كان السخان مب مركزي
صح؟

انا ركبت بايبين لكل حمام وبركب سخان مركزي
وان شاء الله يكون اللي سويته صحيح

[Azizuk]

على ماظن الثلاث بابيات ادا كان السخان مب مركزي
صح؟

انا ركبت بايبين لكل حمام وبركب سخان مركزي
وان شاء الله يكون اللي سويته صحيح

نصيحه ركب 3 بيبات يكون الثالث لدوران الماي ( سركليشن ) عشان يجيك الماي الدافئ بسرعة
بيت عمي مركب 2 وتلعوز وآخر شئ ركب لكل حمام وانتو بكرامة سخانة

[almaf1a]

شكلك معاني
شسويت وين افضل شركة برايك

اي والله طردت الكهربائي والبيب فيتري من البيت
يتفلسفون ويسون اعمارهم فاهمين وشغلهم كله غلط
والله يا خوي الشركات كثيرة خايف اشور عليك بالي عندي وانا للحين ما خلصت معاه توه بادي عندي

اهم شئ يكون شخص مجرب

[almaf1a]

على ماظن الثلاث بابيات ادا كان السخان مب مركزي
صح؟

انا ركبت بايبين لكل حمام وبركب سخان مركزي
وان شاء الله يكون اللي سويته صحيح

انا بركب سخان مركزي اذا في مجال تغيير الى 3 بيبات انصحك بالتغيير