المناحس فالشوارع !!!

[مشاكل]

ثقافة المناحس فالشوارع لم نكن نعرفها في السابق ,,,
ومع دخول اجناس مختلفة وثقافات متعدده في هذه الشوارع ,,, نقلت معها النحس والمناحس ,,وانتشرت العدوى عند الاخرين ,,, واصبحنا فالشوارع كأننا في حرب !!

هذا مايرضى يفتحلك ,,
وذاك يضيق عليك ,,
والثاني يوقف بوجهك متعمد ,,
وغيره يلف عليك ,,
وواحد صاف في موقف مايبي يطلع نحاسه فيك ,,

والكثير الكثير من حركات المناحس المتعمده ,,

واغلب اصحاب هالحركات النحيسة يتصنع الاستهبال في سواقته انه مايدري شسالفة وان الموضوع خارج عن ارادته ,,, وخاصة اذا جيت احذاه وطالعته تشوفه يطالع سيده وكن ماله خص ,,,

ماكفانا ضيق الشوارع والحفريات وزحمة الطريق ,,, وفوق هذا كله يجيك من يكملها بالمناحس والملعنه ,,,

والحل معاهم ؟!

[حنظلة]

مافي حل الا أنك تدعمه او تنزل تتهاوش معاه وفي الحالتين انت الخسران , أو تكبر عقلك وتتعوذ من ابليس

[OM_OMAR_QATAR]

:weeping::weeping::weeping::weeping::weeping:

[احبك يابلد]

((القيادة فن وذوق واخلاق )) اختفت هذه المقولة للاسف

[همر]

الحل معاهم يتحرك الخرجي ويترك الركضه

ورى مخالفات الشباب والرادار والحزام ويحرك

تحريات مروريه بسيارات مدنيه مهمتم التمشي

في الشوارع ورصد الجنس النحيس ومخالفتهم

فورياً ..


فالحين بس يوقفوني كل يوم والثاني .. سيارتك

ليش عليها خطوط ؟!! داااااا خطوط الشركه يالحبيب...


مجرد ماينتشر الخبر بين المناحيس اللي اسميهم

الخيول ان في دوريات منتشره في الشارع واذا مافتحت

الخط لاي حد او مشيت 20 في اقصى اليسار

توقع اللي وراك يولع الرماق ويوقفك فوراً ويعطيك

مخالفة عرقلة حركة السير ذيك الساعه بس مابتشوف

قريقع يوطوط اقصى اليسار ولا عربي مايفتح لك الخط

ولا اجنبي خايس مايعطيك مجال :anger1:

[حسن]

للاسف في كل طلعه اعاني منه وبكثره
وفي اغلبها اللي يناحس الف عليه على طول دون تردد هذا اسلوبي معاهم
لان الوضع اصبح لايطاق ولا يوجد نظام سير في البلد
كل من هب ودب يسوق بقانون كيفه لو كان في دبي مهب كفو يسوي اللي يسويه هني
هناك نظام انسيابيه
عندنا فوضى خلاقه

او تشكل دوريات دراجه على طول الخطوط ومافي مشكله ارسم لهم الخطه اذا ارادو المساعده وبدون مقابل
وعوده الخيزرانه الى الخدمه العسكريه
نظام المخالفات انا اشوفه نظام اقتصادي ربحي فقط

ولا اري في الافق أي امل في التغير

للاسف

:weeping:

[khalid Qtr]

الحمد لله من المشاكل المذكورة أعلاه ما يواجهني إلا " واحد ما يرضى يفتح لي " وطبعاً اعتبره شي بسيط لانه اذا ما فتح هو اللي وراه يفتح ، عموما في بعض الاحيان ووسط شدة الزحمة أدخل قدام واحد غصب واحس انه ما كان ناوي يفتح لي بس دخلت غصب عنه ، فمثل هذا ما اوجه له تحية ، اما اللي يفتح لي مجال بطيب نفس احييه وانا ماشي ..

أما بالنسبة للي مسوي فيها بطل ويلف على الناس ويضايقهم لازم يتوقف عند حده ..

[shadad]

تبي تحس بالشي هاي اركب موتر البيت الاكورد او اي موتر صغير وبتشوف الجيات تعطيك فلاشات و ووو....ولو ما وخرت .....راحت عليك ههههه .

[توشيبا]

أي والله راحو الطيبين من تطلع في وجهه ترفع أيدك تسلم يطفي سيارته ويقظ المفتاح علي الطبلون علي شأن تعدي من قدامه
أما الحين تطلع من لفه شارع فرعي علي الشارع العام وقدامك طابور من الزحمه تمد أيدك تسلم علي شأن تعدي من قدامه مايمدي تمد أيدك إلا رافع رجله لين واصله أذنه وريس حتى صرت تخاف لا يدعم اللي قدامه بس علي شأن لا تمر

[النشميه]

الحل معاهم يتحرك الخرجي ويترك الركضه

ورى مخالفات الشباب والرادار والحزام ويحرك

تحريات مروريه بسيارات مدنيه مهمتم التمشي

في الشوارع ورصد الجنس النحيس ومخالفتهم

فورياً ..


فالحين بس يوقفوني كل يوم والثاني .. سيارتك

ليش عليها خطوط ؟!! داااااا خطوط الشركه يالحبيب...


مجرد ماينتشر الخبر بين المناحيس اللي اسميهم

الخيول ان في دوريات منتشره في الشارع واذا مافتحت

الخط لاي حد او مشيت 20 في اقصى اليسار

توقع اللي وراك يولع الرماق ويوقفك فوراً ويعطيك

مخالفة عرقلة حركة السير ذيك الساعه بس مابتشوف

قريقع يوطوط اقصى اليسار ولا عربي مايفتح لك الخط

ولا اجنبي خايس مايعطيك مجال :anger1:






:nice:

[qatari 111]

الحل يبغي لنا علاج قتل الاعصاب عشان نفتك من العصبيه ونكون مثل اخوانا السودانيين

[بوخالد911]

هلا


الحين للأسف يحترمون نوعية السيارة أكثر من الشخص اللي يسوق

جرب تسوق بموتر سنع

وجرب تسوق مثلا بكامري او اكورد
عالم تهررررررررررررررن وتلف عليك ووووووووووو

[الفا برافو]

اذا انا ممشاي تمام ويفلش لي احد وهو شوي ويصدمني وماعندي مجال مثلا افتح له طريق ....
ادوس على البريك خفيف اخليه يكع بريك.. :)

[كيلو حديد]

((القيادة فن وذوق واخلاق )) اختفت هذه المقولة للاسف

و تعاون مع الآخرين

[حسن]

[QUOTE=
القطرين اصبحو 8% تعرف ولا لا
واللي يسوقون نسبه لا عاد تذكر
وماعمري شفت سواق قطري مش محترف
صحيح انا اسرع بس بفن صحيح انا ازرق بس بفن

السواقه اسمها فن وذوق

الحين احنا اصبحنا حبيسين البيوت
ليش
من هل البشمرقه ياجوج وماجوج اللي من كل حدب وصوب
شوف من يومين وانا كنت فوق كبري 6 اكتوبر
الا ذاك الشاب وشكلو من بعلبك
ياعم افتح امسك يمين وسيب حاره اليسار للشجعان
مش راضى يفتح
يرضيك ياعم ليت هرن خفيف
الاخ مناحس
استنفذت ارشادات الادب والفن والذوق معاه
هني
:victory:
نرفس ال400 حصان ونعطيه قصه من يمينه ولفه خفيفه يعني ابعد شي بين الاحتكاك من 5الىى10 سانتي
هني تتغير المعادله وتصبح الغلبه للزعران اللي مثلنا
اذا هي السالفه فتنونه وعربجه
لا ياحبي فوق اصحى مبروم على مبروم مابيلفش

تخيل انت عاقل واحطينك في مستشفى المجانين شنهو بيكون شعورك وكيف بتصبح عقليتك الى نهايه عمرك
عاقل ولا بتسير مثل الربع
ها
:discuss:

فا دام الشارع فوضى وانا انبه ونبهت مرات وناشدت شوفو دبي خلونا نجيب ضاحي
يرتب
الجماعه يتحسسون من ضاحي

اطالب واناشد وزير الداخليه عوده العصى الى رجل المرور
والغاء جميع دفاتر المخالفات
لم تحقق الهدف الى زياده دخل البلد
وفائض في ميزان المدفوعات

والسلام ختام والباشه يدق الصبه
واحولكم على كراني

:)

[غير البشر]

اخوي مشاكل بخصوص المناحس
اذا حصلت واحد في شارع 22 فبراير يمسك بريكات قدام الناس
ترا هذا حسن عشان تكون عارف :telephone:

[غير البشر]

((القيادة فن وذوق واخلاق )) اختفت هذه المقولة للاسف



أي نعم اخوي اختفت
والسبب الدخلاء خلو اهل المكان تختفي عندهم هالخصله
بصراحه سواقتهم مزعجه
يرفعون الضغط
لما يجيك واحد على الخط السريع ويعطل الناس ويمشي 50
اليس قله ذوق منه

وغير الامور الاخرى

[بومحمد المطاوعه]

صدقت بارك الله فيك

انا عندي قاعده الي يتجاوز عن اليمين من صوب الباركنات

لو شنو ما اعطيه مجال يدخل امامي حتى لو توصل لدرجه اني ادعمه بدعمه

لان قله احترام فيه ف ليش احترمه وانزل نفسي لمستواه

اما المناحس فالشارع اتفاديه الا المتجاوزين

لانهم اخلاقهم غير محترمه

[حسن]

اخوي مشاكل بخصوص المناحس
اذا حصلت واحد في شارع 22 فبراير يمسك بريكات قدام الناس
ترا هذا حسن عشان تكون عارف :telephone:

شنسوي ياغير البشر
قمنا نشتغل تاديب السواقين بادب واخلاق السواقه
تريلا ماسكه يسار ولا في نص الشارع والحيوان حاره اليمن فاضيه
هل البشمرقيه حولو مسار الشارع قصب على قانون المرور اصبحت حارت اليمين فاضيه نهائيه وحاره اليسار والنصف مليانه
والله اني الف على التريلات لف تخيل اغير مساره غصب الى اليمين
شنهو هذا قمت اشتغل دور رجل مرور خربو بلادنا وتبنا نسكت ليش مانعلمهم النظام غصب
واحد غبي قالص بورت كبن وماسك يسار ولا في النص معرض حياه الاخرين للخطر
ليش ياغبي ماتمسك اقصى اليمين وتفكني من شرك

من كم يوم طلعت في الجمني زول قبل لا يدخل الدور هبابه يتحرك ومعرقل السير ويوم تهرن له تطالع ويضرب بريك في وجهك
بعد
هي حصلت
على مين يازول
حسن وتستهين بالجمني
كان اطوفه والف عليه وادبه والله لو عندي كلبشات كن كلبشته

والله كنت بانزل موضوع في الحوار

ياوزير الداخليه تنكر بساره عاديه وبتشوف شلون المعامله من الوافدين لك

لقد تمادو الى اقصى الحدود
واناوراهم طال الزمن او قصر
بلادنا واحنا مسؤلين عنها
:victory:

[همر]

زمان ... كان الكل متفاهم وكلن

يفتح الخط للثاني .. سياره من هنا وسياره من

هنا وتمشي الامور ... وهذا اللي تعودنا عليه

ولازلنا ولله الحمد.. اذا شفت ان الشارع الفرعي

مايمشي اوقف امشي كم سياره مش مثلكم

تلصقون السياره بالسياره ولاحد يدخل قدامكم

وكأن السياره الوحده هذي اللي بتعديها

هي اللي بتأخر مشوارك !!!


لكن اذا مر الاشقر ابو عيون زرق قدامك

تفتح له الطريق مع تعظيم سلام ...


اللي مش عاجبته البلد واهلها و "سيادتهم"

في بلادهم لا يضغط على نفسه اكثر..

المطار يرحب بالجميع ...

[الفهد1]

اكرة السواقة بسبب النحاسة الزايدة بين الكل ولا في تعاون ولاحترام مع احترامي لصاحب الموضوع

[حسن]

وانت شكلك عندك عقدة نقص من القطريين

زمان .. قبل لا تجون ... كان الكل متفاهم وكلن

يفتح الخط للثاني .. سياره من هنا وسياره من

هنا وتمشي الامور ... وهذا اللي تعودنا عليه

ولازلنا ولله الحمد.. اذا شفت ان الشارع الفرعي

مايمشي اوقف امشي كم سياره مش مثلكم

تلصقون السياره بالسياره ولاحد يدخل قدامكم

وكأن السياره الوحده هذي اللي بتعديها

هي اللي بتأخر مشوارك !!!


لكن اذا مر الاشقر ابو عيون زرق قدامك

تفتح له الطريق مع تعظيم سلام ...


اللي مش عاجبته البلد واهلها و "سيادتهم"

في بلادهم لا يضغط على نفسه اكثر..

المطار يرحب بالجميع ...


والله ياهمر هناك غبى بشكل فضيع ولا هل نيبالي بوسيكل في بلاده
يااني افتح لهم واطوفهم كثير واميز المرور تبي تطلع من باب المدرسه السيد واقف زين دام السيد واقف ياخي افتح لغيرك شي مش طبيعي قالبيتها فهلوه
ماهو في بلدانهم جذي القوي ياكل الضعيف
الاشارات يغلقونها زين الشارع وقف اكسر الموتر وغير الاتجاه ابدا اشاره تفتح واالثانيه تفتح ابدا
يتشابكون
والله في دبي اني شفتهم جميع الجنسيات سواقه بادب وفن وحمد يتجاوزك وكلن ماسك حارته وبسرعات عاليه مهب احنا ولا تشوف حادث واحد احنا السرعه 20 ويتادعمون ما دري من وين جايبين هل الوادم وانا اشك ان شلون حصلو على لياسن شلون
والله لو اني اختبر كل واحد اخليه يلف فينا اكثر من ربع ساعه

ناس ماشافو سيارات واصبحو يركبون سيارات رئيسهم مايركبها

[سهم عتيج]

ضيق الطريق يؤدي الى سوء الخُلُق

وعلى المسؤلين دراسة لماذا ضاق الطريق عشان ما نوصل لسوء الخلق

[دااانة قطر]

بصراحة انا عقدتي من الاجانب بدون ذكر جنسيات لكن عرب
صج عندهم المنااحس غير طبيعي
اخر موقف امس عند مطابخ الدوحه الاخ لاهو اللي بيدخل الموقف ولا هو اللي بيخليني ادخل والقهر دورية فزعة واقفه ولا حد فيهم التفت يشوف جاين ياخذون طلبهم
وانا بنص الشارع معطلة اللي وراي



بصراحة اشوفهم مستقوين وايد حسبي الله عليهم

[بومحمد المطاوعه]

قطري ولا غير قطري

المحترم محترم

واكثر المخالفين والمتجاوزين هم المقيمين

وشوف الحوادث واكثر السيارات المدعومه ومحذوفه فالشارع شنهي

سيارات مقيمين
بدون ذكرر اسماء

انا فاتح فوق ال 10 بلاغات على المقيمين من جنسيات عربيه

مالي اذكر واتكلم

الله يهديهم ويستر عليهم

هالمثل الي يقول ياكلون ويمشون ايدهم فالطوفه

[قلم صادق]

للاسف صار الحين يمشون على مبدأ البقاء للأقوه .. ولا مكان للقلوب الضعيفه .. وبالذات مع كروه مستعد يدخل في السياره عادي عنده بس ما تمر قدامه

[قلم صادق]

بصراحة انا عقدتي من الاجانب بدون ذكر جنسيات لكن عرب
صج عندهم المنااحس غير طبيعي
اخر موقف امس عند مطابخ الدوحه الاخ لاهو اللي بيدخل الموقف ولا هو اللي بيخليني ادخل والقهر دورية فزعة واقفه ولا حد فيهم التفت يشوف جاين ياخذون طلبهم
وانا بنص الشارع معطلة اللي وراي



بصراحة اشوفهم مستقوين وايد حسبي الله عليهم


معاج حق

[بومحمد المطاوعه]

مثل ماقال اخوي همر

الي مب عاجبه هل قطر

المطار يرحب به

او من الميناء احسن بعد

[قلبي الطيب]

مب مضطرة افتح انا اناحس لان هذيلا يحبون يشقحون السيارات يتعمدون يطلعون من الرئيسي ويدشون الفرعي ويرجعون للرئيسي شذنبي انا واقفة طابور ويجي واحد يشقح ؟؟ لا واللي كل شوي يغير الحارة الزحمة هي هي
الصراحة شبابنا القطريين اهما اللي علموا المقمين هالحركات قبل ماكنت اشوف الا الشباب يسون هالحركة لكن الحين انتشرت وطبعا ماساة الطرق خلت ضعاف النفوس تسرح وتمرح في الشوارع بلا رقيب
افففف متى يركبون كاميرات ترصد المتجاوزين عن اليمين ؟؟؟

[ديار الخير]

مشاكل شكراً لمشاركتنا موضوعك .،



والحل معاهم ؟!

أرى أن الدولة كونها جهة تنفيذية مسؤولة عما يحدث ...

<< هنالك دولتان خليجيتان طبقتا قانون المرور بحذافيره [ بقانونه العالمي ] ، والقيادة في تلك الشوارع آمنة ...

شكراً مشاكل .،

[MAZEN37]

لازم الانسان يكون هادي ويلتمس العذر ويحاول يكون هادي
انا قد ما اقدر اطنش

[بومحمد المطاوعه]

لازم الانسان يكون هادي ويلتمس العذر ويحاول يكون هادي
انا قد ما اقدر اطنش


والله ياخوي لين متى بتطنش
المشكله اهم يتعمدون

هذي رصه على راسه

[MAZEN37]

والله ياخوي لين متى بتطنش
المشكله اهم يتعمدون

هذي رصه على راسه
بو محمد شفيك اليوم معصب ههه
انا اشوف الي يناقز ويسوي حركات بالشارع توه
وبالنهايه كل شخص يعبر عن اخلاقه وانت المفروض ما تزل لمستواه :)

[بو خليفه 123]

يقولون المرور مسوين دراسه مؤخراً لتطبيقها وهي منع النساء من السواقه في اوقات معينه مثل اوقات الذروه و ذلك لتقليل "التسبب" في الحوادث المروريه

في ذمة الراوي انا مجرد مستمع

[ضوى]

لازم الانسان يكون هادي ويلتمس العذر ويحاول يكون هادي
انا قد ما اقدر اطنش

والله انا مثلك ، يلفون علي اشكثر ، شاسوي انزل اتهاوش والا اناحس ، بيضيع وقتي عالفاضي ، الله يهديهم والله يهدي اشغال والمرور ونخلص من هالزحمة اللي مبين مالها اخر عالاطلاق ،

[قطريه ماركه]

السواقة في الدوحة في ظل الزحمة صارت مأساااااااة

[بومحمد المطاوعه]

بو محمد شفيك اليوم معصب ههه
انا اشوف الي يناقز ويسوي حركات بالشارع توه
وبالنهايه كل شخص يعبر عن اخلاقه وانت المفروض ما تزل لمستواه :)


والله لاني متأذي من البعض منهم

ياخي مايحشمون
واذا كلمته يفاتن ههههه

[Engineer]

:nice::nice::nice::nice: صدقت 100%



للاسف في كل طلعه اعاني منه وبكثره
وفي اغلبها اللي يناحس الف عليه على طول دون تردد هذا اسلوبي معاهم
لان الوضع اصبح لايطاق ولا يوجد نظام سير في البلد
كل من هب ودب يسوق بقانون كيفه لو كان في دبي مهب كفو يسوي اللي يسويه هني
هناك نظام انسيابيه
عندنا فوضى خلاقه

او تشكل دوريات دراجه على طول الخطوط ومافي مشكله ارسم لهم الخطه اذا ارادو المساعده وبدون مقابل
وعوده الخيزرانه الى الخدمه العسكريه
نظام المخالفات انا اشوفه نظام اقتصادي ربحي فقط

ولا اري في الافق أي امل في التغير

للاسف

:weeping:

[Rider]

بصراحة البعض ومب وجه حشيمه الناس ماسكين سيد والاخ متجوز عن اليمين ويبغي يدخل في السيد لا خله يحس على دمه لانه لو كل واحد فتح له الخط بيعتبر الموضوع عادي

[N!GHTWOLF]

وانت شكلك عندك عقدة نقص من القطريين

زمان .. قبل لا تجون ... كان الكل متفاهم وكلن

يفتح الخط للثاني .. سياره من هنا وسياره من

هنا وتمشي الامور ... وهذا اللي تعودنا عليه

ولازلنا ولله الحمد.. اذا شفت ان الشارع الفرعي

مايمشي اوقف امشي كم سياره مش مثلكم

تلصقون السياره بالسياره ولاحد يدخل قدامكم

وكأن السياره الوحده هذي اللي بتعديها

هي اللي بتأخر مشوارك !!!


لكن اذا مر الاشقر ابو عيون زرق قدامك

تفتح له الطريق مع تعظيم سلام ...


اللي مش عاجبته البلد واهلها و "سيادتهم"

في بلادهم لا يضغط على نفسه اكثر..

المطار يرحب بالجميع ...


رحم الله والديك

[أم محمد 90]

شكلك ماجربت الرمانة

[وليف الشوق]

كلمة حق تقال ان الاجانب والمقيمين مالهم ذنب في الموضوع والمصايب كلها من شبابنا هدانا الله واياهم

[طيب]

كلمة حق تقال ان الاجانب والمقيمين مالهم ذنب في الموضوع والمصايب كلها من شبابنا هدانا الله واياهم
جزاك الله خير

[سهم عتيج]

كلمة حق تقال ان الاجانب والمقيمين مالهم ذنب في الموضوع والمصايب كلها من شبابنا هدانا الله واياهم

كم عدد شباب قطر من سن 18 الى 25 سنة يقودون سيارة في وقت واحد في شوارع قطر ،، نقول10 الاف مثلا،، وكم نسبة المخالفين منهم ،، نقول ١٠٠٠

هل تحمّل كل هؤلاء مشكلة الاختناقات والفوضى المرورية ،، ولا تنسى على حسب كلام مدير المرور ان هناك مليون سيارة مسجلة في إدارة المرور

اتقوا الله في شبابنا

والله كريم

[وليف الشوق]

كم عدد شباب قطر من سن 18 الى 25 سنة يقودون سيارة في وقت واحد في شوارع قطر ،، نقول10 الاف مثلا،، وكم نسبة المخالفين منهم ،، نقول ١٠٠٠

هل تحمّل كل هؤلاء مشكلة الاختناقات والفوضى المرورية ،، ولا تنسى على حسب كلام مدير المرور ان هناك مليون سيارة مسجلة في إدارة المرور

اتقوا الله في شبابنا

والله كريم

انت مب راضي تقتنع ان المصايب من عيالنا وشبابنا والدليل كل ماطلعت من البيت كم جي اكس ار او اي سيارة فورويل يسوي لي مصايب وكم رقم سيارة حفظته وبلغت عنه ، اقسم بالله خروجي من البيت قاعد اسوي لها الف حساب بسبب طيش هالشباب في الشوارع ! اقتنعت ولا مااقتنعت مب مهم والمهم اللي قاعده اشوفه من طيش الشباب والوفيات اللي كل يوم نشوفها

[سهم عتيج]

^
^

سؤالي لك هل تعتقد ان شبابنا هم سبب الفوضى والاختناقات المرورية ؟؟

[الخـود]

ثقافة المناحس فالشوارع لم نكن نعرفها في السابق ,,,
ومع دخول اجناس مختلفة وثقافات متعدده في هذه الشوارع ,,, نقلت معها النحس والمناحس ,,وانتشرت العدوى عند الاخرين ,,, واصبحنا فالشوارع كأننا في حرب !!

هذا مايرضى يفتحلك ,,
والكثير الكثير من حركات المناحس المتعمده ,,

واغلب اصحاب هالحركات النحيسة يتصنع الاستهبال في سواقته انه مايدري شسالفة وان الموضوع خارج عن ارادته ,,, وخاصة اذا جيت احذاه وطالعته تشوفه يطالع سيده وكن ماله خص ,,,

ماكفانا ضيق الشوارع والحفريات وزحمة الطريق ,,, وفوق هذا كله يجيك من يكملها بالمناحس والملعنه ,,,

والحل معاهم ؟!

بالعكس أنا أأيد هذه الحركة،، لان مع هالزحمة الواحد ينقهر لما يكون واقف سااااعة في سيد طوييييل و تجي سيارة تبي تلف علي وتتجاوز وتأخرني زيادة ،،
في غير الزحمة انا ما اناحس، لكن مع هالزحمة نعم للمناحس :)

شكرا

[همر]

الاخ همر أرجو ان تحترم نفسك وتهذب ألفاظك في الكلام أولاً أنا قطري ولست اجنبي ثانياً تفكيرك المتخلف ان القطريين هم أسياد في بلادهم وبناءً عليه يبرر على ضوءه كل ما يصدر منهم من تجاوزات قانونية وأخلاقية هذا التفكير قمة في الرجعية والتخلف ودليل على مرض اسمه التكبر والتعالي

الاخ طلال يبه انا قطري ولكني ما اقول الا كلمة الحق سواء ضد القطريين ام غير القطريين والأعتراف بالخطأ فضيله .
ثانياً أبو اعيون زرق مستحيل أنه يقوم بحركاتكم الوسخة.

سؤال لكما ارجو الإجابة عليه ماذا تسمي فعل الشخص الذي يقوم بصدم سيارتك متعمدأً فقط لأنك لم تسمح له بأن يأخد مكانك في (السيد) الصف ؟.


اولا انا محترم نفسي ولا غلطت عليك بس اللي على راسه

بطحه تعوره اذا حد ضغط عليها !!!


ومن كلامك اتحداك اذا كنت قطري .. يعني العب غيرها..


وثالثاً تفكيري "المتخلف" نعم يبرر للقطريين السياده

في بلادهم .. يبرر لهم التزامكم باحترام الارض اللي ضافتكم

واحترام اهلها من باب رد الجميل وجزاء حسن الضيافه

لكن هيهات تلقى الاحترام من قلوب مليانه غل وحقد وحسد

تظهر ملامحهم واضحه جليه في تصرفاتكم في الشوارع

بعد ماكنتوا شرذمه ماحد يلاحظكم لين ماتكاثرتوا مثل

الفيران ...

التجاوزات الاخلاقيه انتوا ادرى فيها هذي مش في قاموسنا

لكن دخلت البلد الاونه الاخيره في جيوبكم ..

والتجاوزات المروريه يجبرونا عليها امثالكم ممن تملكوا الشوارع

لانهم مفلسين نفسيا ومب عارفين كيف يغايضون اهل البلد

ويطلعون حقدهم الا بهالطريقه ...


العميد الخرجي يقول لاتعرقل حركة السير ولا تنام عالخط

اليسار واي واحد يبيك تفتح له الخط وعندك مجال افتح ..

افتح ...

افتحوا جعل تفتح عقولكم المسكره ان شالله قول امين...


وجواب على سؤالك مع انك ماتستاهل الجواب ...

لو كنت قطري .. وهذا دليل انك وافد جديد ماتعرف سلوم

العرب.. بمجرد ما اشوف واحد طالع من لفه او شارع فرعي

انا ابادر واوقف له مع ان الخط لي .. يسلم ويمشي..

هذا اللي تعودنا عليه ..

لكن من دخلتوا انتوا قمنا نشوف سيارات تتلصق ببعضها

بس عشان مايمشون حد خاصة اذا كان قطري ...

في هالحاله تستاهل اللي ينشب الدعاميه في شنطتك


ولا تنسى الابتسامه :)

[بوحارب]

أنا حاليا ادورلي على جمس قديم حق الناس اللي تناحس

وخااااااصة الآسيويين :anger1:

[بريق الحق]

أنا حاليا ادورلي على جمس قديم حق الناس اللي تناحس

وخااااااصة الآسيويين :anger1:

عندك الهدد شتبي بعد

بخصوص الموضوع صار مناحس شسالفه
كل واحد يحترم نفسه ويحشم الموجودين

[NBA_]

لآ آكره شي لما واحد يتجـاوز آنزين وآحنا ,, يعني خلاص كلش آنت المستعجل وحنا ما عندنا شغل بنتم واقفين ..

والله صج يقهرون هذي الفئة !!

[بن غيث]

هامر.. سهم عتيج ،، يعطيكم العافية
واهم شئ ... اﻻبتسامة :)

[بو الجوري]

أعتقد في سوء فهم من البعض :)

الموضوع مايتكلم عن واحد جاي من الشارع اللي عاليمين و ياخد مكانك فالسيد ،
هذا غلط وأنا ما أفتح لأي حد يتجاهل اللي واقفين ويجيك من اليمين ويدخل عليك سواء كان قطري وإلا أجنبي
عنده بنتلي وإلا كورولا

الموضوع عن المحترمين اللي يمسكون الخط اليسار ومايفتحلك ويناحس خصوصا إذا محد قدامه ومحد جنبه يعني يقدر يفتحلك
هذول الصراحـه يبطون الجبد ويبيلهـم كعّة بريك :)

ورجاءً لحد يغلط ويختار كلمات محترمه مثله :)

فالنهايه ياريت قبل لاتكعون بريك في وجه أي حد تتأكدون إذا السياره فيها حريم أولا !
لأنه يمكـن تكون حامل ويصير شي لاسمح الله

[بوحارب]

عندك الهدد شتبي بعد

بخصوص الموضوع صار مناحس شسالفه
كل واحد يحترم نفسه ويحشم الموجودين

الهدد صبغ شركة حرام العب فيه

ابي جمس صدام حديد عشان يعور عدل :victory:

[مجلان]

وصلنا مع الزحمه المرض النفسي ونحتاج بدل فتح الطرق فتح مستشفيات نفسيه قبل لاناحس بعظ في الشوارع

[ألعب بعيد]

انا انسان من قوةة القهر والغبنة اللي اذوقها كل صبح وانا رايح الدوام على 22 فبراير
مافيه موتر ماعكف مرايته بمرايتي
يا كم واحد عطى رمانة موتري بوسة وهي مازالت صامدة

[مخطط قطري]

خلكم من هذا كله موقفك في الدوام واسمك شكبر يبط عين العمي يجي واحد ويصف المشكله ماتقدر تسكر عليه لانه في مواقف يمنيك فيها سيارات مالهم ذنب تسكر عليهم بعد
وسالفه الصنقل والقفل غير مسموح بها

[qatari 111]

كلمة حق تقال ان الاجانب والمقيمين مالهم ذنب في الموضوع والمصايب كلها من شبابنا هدانا الله واياهم

خاف الله ياخوي كل شي عالشباب مسوينهم شماعه تعلقون فيهم المشاكل

الشبااب هالاياام عاافت نفسهم من الطلعه والسواقه وبعدين اذا احنا المواطنيين من جمبع الفئات العمريه مانبين من بين الوافدين يمكن خط 22 فبراير بكبره تحصل 2 الى 3 قطريين

نسبة الحواادث كلها من الوافدين وغير عرقلة السير وسبب الزحام والفوضى
الا الاقلييه جدا

[حسن]

خلكم من هذا كله موقفك في الدوام واسمك شكبر يبط عين العمي يجي واحد ويصف المشكله ماتقدر تسكر عليه لانه في مواقف يمنيك فيها سيارات مالهم ذنب تسكر عليهم بعد
وسالفه الصنقل والقفل غير مسموح بها

هذه مايبيلها شي هات معاك اللي تبطل ابره التاير وشيلها خله يطلع يقلى موتره على صوب
واذا كررها عندك الاربع
وانتهي

[مخطط قطري]

هذه مايبيلها شي هات معاك اللي تبطل ابره التاير وشيلها خله يطلع يقلى موتره على صوب
واذا كررها عندك الاربع
وانتهي

المشكله كم واحد بتسوي وياه هالشي هم تقريبا 2 او 3 وكلمناهم ومافي فايده
واعذارهم نحسبك في اجازه او شفنا الوقت ضحى قلنا مب جاي مايحلاهم الى موقفي وبعدين ماتدري هذولا بلشتيه يمكن يسوي نفس الشي في سيارتك
وخصوصا قيمه سيارتي تعادل 20 مره قيمه سيارته هذا اذا مب اكثر بعد

[الجوكر90]

ههههههه
الصراحه كنت اسوق مرسدس او بي ام او فكسار او لكزس اغلبهم يحترموني
طلعت فموتر البيت الالتيما صرت حول وعمى الوان من الفلاشات

الحين عندي جمس غمارتين وفي دعاميه حديد جدام
ياحبيبي كانك كنغ فالشارع الكل يخاف منك
وطبعا مافتكر فالدعمات ﻻن الي بيدعمني هو الخسران موتري ماراح يصيده شي
ذاك بيتلته فالصناعيه

نصيحه الي يبي يناحس عليه بالجمس اهم شي الدواسات والدعاميه والرمانه

[حسن]

ههههههه
الصراحه كنت اسوق مرسدس او بي ام او فكسار او لكزس اغلبهم يحترموني
طلعت فموتر البيت الالتيما صرت حول وعمى الوان من الفلاشات

الحين عندي جمس غمارتين وفي دعاميه حديد جدام
ياحبيبي كانك كنغ فالشارع الكل يخاف منك
وطبعا مافتكر فالدعمات ﻻن الي بيدعمني هو الخسران موتري ماراح يصيده شي
ذاك بيتلته فالصناعيه

نصيحه الي يبي يناحس عليه بالجمس اهم شي الدواسات والدعاميه والرمانه

تهقي عيل ننطر 14 ينزل ونحط فيه ونش من قدام منه نسحب العالم ببلاش في البحر نضرب اللي يتشرطون ومنه وقار وهيبه في الشارع
:victory:

[شبح الصمت]

اليوم ما ناحست بس اليوم زرقت تزارريق لين قلت بس

آسف يا خط 22 فبراير ما خليت فينا صبر :rolleyes2:

رجاء الحين واحد مسوي حادث على الخط اليسار توقف ليش تكفى توقف ليش ياخي خلاص داعمك من وراء تراه غلطان نازلين وسولف وزقاير وقسم بالله في ناس يبي لها مخالفة وسجن على هالحركة دعمت موترك ما يمشي اوكي اما يمشي وواقف لي ليش يبه ..


:rolleyes2:

[طلعة الروح]

ههههههه
الصراحه كنت اسوق مرسدس او بي ام او فكسار او لكزس اغلبهم يحترموني
طلعت فموتر البيت الالتيما صرت حول وعمى الوان من الفلاشات

الحين عندي جمس غمارتين وفي دعاميه حديد جدام
ياحبيبي كانك كنغ فالشارع الكل يخاف منك
وطبعا مافتكر فالدعمات ﻻن الي بيدعمني هو الخسران موتري ماراح يصيده شي
ذاك بيتلته فالصناعيه

نصيحه الي يبي يناحس عليه بالجمس اهم شي الدواسات والدعاميه والرمانه

زين والدعمات الجانبية ودعمات العميان والمستهبلين شلون بتتفاداها ، البيبان والرفارف ماعليها صدام!

[طلعة الروح]

اليوم ما ناحست بس اليوم زرقت تزارريق لين قلت بس

آسف يا خط 22 فبراير ما خليت فينا صبر :rolleyes2:

رجاء الحين واحد مسوي حادث على الخط اليسار توقف ليش تكفى توقف ليش ياخي خلاص داعمك من وراء تراه غلطان نازلين وسولف وزقاير وقسم بالله في ناس يبي لها مخالفة وسجن على هالحركة دعمت موترك ما يمشي اوكي اما يمشي وواقف لي ليش يبه ..


:rolleyes2:


مخالفات العمالة الوافدة واللي يسوقون سيارات شحن أو سيارات خاصه أصبح الواحد يضطر يبلعها مثل العظم في البلعوم قسم بالله قرف، يمشي لك نص الشارع في شارع مثل طريق فبراير حبه حبه عشان يطلع من الخط الخدمي وتعطيه هرانه ولا يتحرك، تضطر تتجنبه وخلاص

[الجوكر90]

تهقي عيل ننطر 14 ينزل ونحط فيه ونش من قدام منه نسحب العالم ببلاش في البحر نضرب اللي يتشرطون ومنه وقار وهيبه في الشارع
:victory:

اي شرايك
ان لم تكن ذيبا اكلتك الذئاب

[الجوكر90]

زين والدعمات الجانبية ودعمات العميان والمستهبلين شلون بتتفاداها ، ماعليها صدام!

عاد مب كل شي ع الموتر انت عليك تخرعهم والباقي لازم تحاسب وشوي واذا دعمت قدر ومكتوب

[طلعة الروح]

اليوم ما ناحست بس اليوم زرقت تزارريق لين قلت بس

آسف يا خط 22 فبراير ما خليت فينا صبر :rolleyes2:

رجاء الحين واحد مسوي حادث على الخط اليسار توقف ليش تكفى توقف ليش ياخي خلاص داعمك من وراء تراه غلطان نازلين وسولف وزقاير وقسم بالله في ناس يبي لها مخالفة وسجن على هالحركة دعمت موترك ما يمشي اوكي اما يمشي وواقف لي ليش يبه ..


:rolleyes2:

والله عليه قلب يعني مدعوم وبعد واقف في خلق الله وطاقها سوالف وزقاير، اتوقع هذاك اول تجي شرطة المرور الا في الحالات الخطيرة ، استغفر الله العظيم...

[طلعة الروح]

عاد مب كل شي ع الموتر انت عليك تخرعهم والباقي لازم تحاسب وشوي واذا دعمت قدر ومكتوب

هههه الله يحفظنا من كل شر ، انا كان قصدي يبيله دعاميات من كل جهه ضد السواقين المسبهين خصوصا الزفته كروه

[طلعة الروح]

أعتقد في سوء فهم من البعض :)

الموضوع مايتكلم عن واحد جاي من الشارع اللي عاليمين و ياخد مكانك فالسيد ،
هذا غلط وأنا ما أفتح لأي حد يتجاهل اللي واقفين ويجيك من اليمين ويدخل عليك سواء كان قطري وإلا أجنبي
عنده بنتلي وإلا كورولا

الموضوع عن المحترمين اللي يمسكون الخط اليسار ومايفتحلك ويناحس خصوصا إذا محد قدامه ومحد جنبه يعني يقدر يفتحلك
هذول الصراحـه يبطون الجبد ويبيلهـم كعّة بريك :)

ورجاءً لحد يغلط ويختار كلمات محترمه مثله :)

فالنهايه ياريت قبل لاتكعون بريك في وجه أي حد تتأكدون إذا السياره فيها حريم أولا !
لأنه يمكـن تكون حامل ويصير شي لاسمح الله


صار هم السايق هالأيام هو الانسيابية والفكة من الاختناقات مش خط يمين أو يسار ومن يفتحلك ومن لا، اللي مايفتح لك أبسط شي تتجنبه وتغير مسارك خصوصا اذا ماكان فيه زحمه ع خط الوسط، القضيه المهمه الحين هي انك تمشي على 60 وتوصل بعد نص ساعه احسن من توقف ربع ساعه في زحمة ولا طريق محول وطق مطاقق بين الناس وبعد توصل في نص ساعه....

[جمال اليافعي]

انا ياما اندعم موتري يمكن فوق الست حوادث خلال سنتين والحمدالله كلها لمسات وامشي العالم بلا تعطيل شارع على لمسه

[مافي مثلي]

طريق 22 فبراير يوميا امر عليه
1. تحصل ناس ماسكين الخط اليسار ويمشي 50 وعند كل جسر بريكات

2. حادث تافه تحصلهم واقفين بنص الشارع ينطرون دوريه

3. حادث الصوب الثاني تحصل العالم واقفين يطالعون

4. تحصل ززحمه وعفسه والسيد شاير ورزيلك الباص والردار وراه

[مافي مثلي]

ههههههه
الصراحه كنت اسوق مرسدس او بي ام او فكسار او لكزس اغلبهم يحترموني
طلعت فموتر البيت الالتيما صرت حول وعمى الوان من الفلاشات

الحين عندي جمس غمارتين وفي دعاميه حديد جدام
ياحبيبي كانك كنغ فالشارع الكل يخاف منك
وطبعا مافتكر فالدعمات ?ن الي بيدعمني هو الخسران موتري ماراح يصيده شي
ذاك بيتلته فالصناعيه

نصيحه الي يبي يناحس عليه بالجمس اهم شي الدواسات والدعاميه والرمانه


والله عاد وقواعد الي طيحين فيهم العالم الي على الجموس حسستني ححديد صب
نص الي مركبينهم اقل دعمه ينطعج الشاصي من قدام لانه. براغيهم مربوطه على الشاصي مباشره

وتبي تشوف الحديد قوي ولا لا حاول تضغط عليه بريلك وجرب

[بونووف]

قبل كم يوم دعمت واحد ناحسني

[بوخالد911]

من اشوي شفت مقطع ع البي بي
الزحمة في روسيا

1 عصب ع الثاني وقام طلع مسدسه !!!!!!!!!!!!!!!!!

[بوعلاوي]

للاسف عندنا وحوش في الشوارع ما يحترمون قوانين المرور ولا اداب الطريق

[شـــوق]

ههههههه
الصراحه كنت اسوق مرسدس او بي ام او فكسار او لكزس اغلبهم يحترموني
طلعت فموتر البيت الالتيما صرت حول وعمى الوان من الفلاشات

الحين عندي جمس غمارتين وفي دعاميه حديد جدام
ياحبيبي كانك كنغ فالشارع الكل يخاف منك
وطبعا مافتكر فالدعمات ﻻن الي بيدعمني هو الخسران موتري ماراح يصيده شي
ذاك بيتلته فالصناعيه

نصيحه الي يبي يناحس عليه بالجمس اهم شي الدواسات والدعاميه والرمانه

ماشوفهم يحترمون السيارات ذات الرفاهيه
:telephone:

[شـــوق]

من اشوي شفت مقطع ع البي بي
الزحمة في روسيا

1 عصب ع الثاني وقام طلع مسدسه !!!!!!!!!!!!!!!!!

لو يحصل لي كان تصرفت بنفس الطريقه:secret:

[طلعة الروح]

ماشوفهم يحترمون السيارات ذات الرفاهيه
:telephone:

معاك حق هالأيام لو بيدهم يدوسون الموتر اللي قدامهم داسوه ولا طاروا فوقه!!!

[رجل مثالي]

بقلم : مبارك الفياض الخالدي ..
هل سألتم أنفسكم يا شباب الغد لماذا الحوادث وما هي الأسباب المؤدّية لحدوث مثل تلك الحوادث الشنيعة ومن المتضرّر في ذلك؟.

فاليوم أصبحت الشوارع مزدحمة بالسيارات والكل يريد أن يصل قبل ألا يتأخّر إما إلى العمل أو المدرسة أو لقضاء حاجياته ولا يدرك أن في التأني السلامة وفي العجلة الندامة والنتيجة يذهب ضحيتها إما شاب في مقتبل العمر أو رب أسرة أو أسرة بأكملها، ولو ذهبتم إلى أحد المستشفيات لوجدتم عِبرًا وشبابًا لا يستطيعون الحراك بعدما كانوا يصولون ويجولون في كامل قواهم التي أنعم الله تعالى بها عليهم وأمرهم بألا يهملوها أو يلحقوها بسوء.


نوجّه كل الشكر لوزارة الداخلية وإدارة المرور لما تبذله من جهود جبّارة لمُرتادي الطرق وبسلاسة وسلامة وبث الوعي، كما أن هناك حلولاً كثيرة لتفادي الحوادث منها الخروج المُبكر وترك فرصة الاستمتاع بالطريق وعدم التزاحم والتجاوز وأيضًا عدم الانشغال بالهاتف النقّال أثناء السواقة، واعذر غيرك والتمس له العذر، أما الذين لا تنفع معهم لا غرامات ماديّة ولا وضع النقاط فيجب أن يصدر قانون إخضاع للذين تكثر مخالفاتهم ونقاطهم للفحص الطبّي يشمل النظر والسمع والحالة النفسيّة على أيدي أطباء نفسيين وذلك عن طريق أمر من وزارة الداخلية لضمان حمايته من الحوادث المُميتة وغيرها، وإن اجتاز الفحص تُلغى المخالفات مع وقف التنفيذ ويصدر له شهادة وكتاب شكر من إدارة المرور، وهذا سيكون تحفيزًا للشباب القطري وأيضًا سيُقلل من الحوادث المُميتة وغيرها.

منققققول

[الكنترول]

كل للي ينطون قدام الواحد أكثرهم قطريين

داعس على الكروزر تقول الشارع شارع ابوه

ويسرق مره يمين مره يسار بسيارته ولا هامه شيء كأن مأحد مداوم إلا هو

وأكثر ماشوف من يقطع الإشارة قطريين يومهم كثرة

فلوسهم ويطالبون لا غلبيه بالزيادة ,,,

والله خلال هذا الشهر شفت الكثير من القطريين يقطع الإشارة

لا خوف على الناس ولا احترام الشارع ولا قانون


:omen2:

[فلتة زمانها]

بعض الناس راكبهم جني
من الصبح يناحسون ويمسكون بريكات عشان تدعم وحركات مالها داعي
مافي غير نصبر وتحتسب الاجر

[kmk]

:weeping::weeping::weeping::weeping::weeping:

مع هذى الاجناس الى جات الى البلد مافى فن وذوق ناس متعرف الذوق والاخلاق مجرد سواقه

[فــلان]

صدقت أخوي الغالي " مشاكل " هذي ظاهره سيئه إنتشرت بشكل ملحوظ وصارت تأرق الكثيرين على الطريق بما فيهم أنا. مثل ما تفضلت و أنا معاك السبب الأساسي هو كمية الوافدين اللي إقتحمت البلاد و حازت على رخص قياده و إنفلتت علينا فالشارع ولعل الكثيرين منهم ما شاف السياره غير يوم دخل قطر و إبتلشنا فيه وفي سواقته.

المزعج في الموضوع أنه أمر نفسي وعشان تحط له آلية مخالفه يجب أن تكون هذه الآليه مدروسه بشكل إحترافي ليضمن نجاحها ولا تأخذ منحنى آخر وهذا الشي لا يمكن إتمامه مع إحترامي للجهات المعنيه والسبب بديهي جدا ً وهي إستمرار المخالفات الخطره على الطريق دون رادع مدروس من قبل تلك الجهات فمن باب أولى أنهم ينجزون السهل كأولوية ومن ثم الإنتقال للأصعب يعني ( الله المستعان )

[عضو مشاكس]

ثقافة المناحس فالشوارع لم نكن نعرفها في السابق ,,,
ومع دخول اجناس مختلفة وثقافات متعدده في هذه الشوارع ,,, نقلت معها النحس والمناحس ,,وانتشرت العدوى عند الاخرين ,,, واصبحنا فالشوارع كأننا في حرب !!

هذا مايرضى يفتحلك ,,
وذاك يضيق عليك ,,
والثاني يوقف بوجهك متعمد ,,
وغيره يلف عليك ,,
وواحد صاف في موقف مايبي يطلع نحاسه فيك ,,

والكثير الكثير من حركات المناحس المتعمده ,,

واغلب اصحاب هالحركات النحيسة يتصنع الاستهبال في سواقته انه مايدري شسالفة وان الموضوع خارج عن ارادته ,,, وخاصة اذا جيت احذاه وطالعته تشوفه يطالع سيده وكن ماله خص ,,,

ماكفانا ضيق الشوارع والحفريات وزحمة الطريق ,,, وفوق هذا كله يجيك من يكملها بالمناحس والملعنه ,,,

والحل معاهم ؟!

اكيد بناحسه وبتصنع الاستهبال انا انتظر في الزحمة نص ساعة وهو يجي باردة مبردة يدخل قدامي ومايحترم النظام.
قوة عين والله مخالف ومايحترم العالم ويتحندى من استهبالي لي صف حذاي
الفن والذق ان تمسك الزحمة وتاخذ دورك وماتتعدى لدور الاخرين وبسك تحندي

[يوسف0]

كل للي ينطون قدام الواحد أكثرهم قطريين

داعس على الكروزر تقول الشارع شارع ابوه

ويسرق مره يمين مره يسار بسيارته ولا هامه شيء كأن مأحد مداوم إلا هو

وأكثر ماشوف من يقطع الإشارة قطريين يومهم كثرة

فلوسهم ويطالبون لا غلبيه بالزيادة ,,,

والله خلال هذا الشهر شفت الكثير من القطريين يقطع الإشارة

لا خوف على الناس ولا احترام الشارع ولا قانون


:omen2:

قطع اشارة مرة وحده شدعوة كل شئ الا الاشارة عزيزي

يمكن جفت فلاش وعبالك هذا قاطع اشارة

ترا في فلاش لسرعة الشارع في الأشارة :) (رادار)

ويستاهلون القطريين 100 الف ريال زياده ليش لا ؟

[الرايــق]

من أسبوعين كانت عندنا حالة اصابه ورايح من سيلين الى مستشفى الوكرة قسم بالله في ناس تبط الجبد اللي يسكر عليك
واللي ما يفتحلك الطريق واللي ياشرلك وما يعرف ان اي واحد ممكن يمر بظرف مثل هذا مع اني ظارب دينجر ولكن ما كنت اقول الا حسبي الله ونعم الوكيل

[alsoq]

الحمدلله ما اناحس احد اللي يبي يطوف يطوف الامور طيبه
احرق اعصابي على ايش شي ما يستاهل:)

[alsoq]

كل للي ينطون قدام الواحد أكثرهم قطريين

داعس على الكروزر تقول الشارع شارع ابوه

ويسرق مره يمين مره يسار بسيارته ولا هامه شيء كأن مأحد مداوم إلا هو

وأكثر ماشوف من يقطع الإشارة قطريين يومهم كثرة

فلوسهم ويطالبون لا غلبيه بالزيادة ,,,

والله خلال هذا الشهر شفت الكثير من القطريين يقطع الإشارة

لا خوف على الناس ولا احترام الشارع ولا قانون


:omen2:

لو المخالفه ما تنزل ما كان شفت احد يقطع الاشاره

يروح يدخل على الضابط ويدفع 1000 او 1500 من 6 الالف

[qatari 111]

من أسبوعين كانت عندنا حالة اصابه ورايح من سيلين الى مستشفى الوكرة قسم بالله في ناس تبط الجبد اللي يسكر عليك
واللي ما يفتحلك الطريق واللي ياشرلك وما يعرف ان اي واحد ممكن يمر بظرف مثل هذا مع اني ظارب دينجر ولكن ما كنت اقول الا حسبي الله ونعم الوكيل

مايشوف شر خوييك

يارجال هذولا فاكرين ان كل من عطاه ليتات فل قالوا عنه مستهسر وطايش ويناحس بلفيت انه قوي مب خايف من حد دريينا انك قوي بس حط باعتبارك ان هالشخص عنده حاله طارئه سواء كان المريض او المصاب معاه او اهله متتصلين له او حد من الشباب

ياخوي تحس بعضهم كانهم بهاايم كرمكم الله او مااكل كرتون فوول ومفهي حده

[qatari 111]

كل للي ينطون قدام الواحد أكثرهم قطريين

داعس على الكروزر تقول الشارع شارع ابوه

ويسرق مره يمين مره يسار بسيارته ولا هامه شيء كأن مأحد مداوم إلا هو

وأكثر ماشوف من يقطع الإشارة قطريين يومهم كثرة

فلوسهم ويطالبون لا غلبيه بالزيادة ,,,

والله خلال هذا الشهر شفت الكثير من القطريين يقطع الإشارة

لا خوف على الناس ولا احترام الشارع ولا قانون


:omen2:

عليه بالعافيه دام انه قطري اما غيرهم يحترم البلاد اللي عايش قيها

[Qa10]

أنا مااشوف هالكلام إلا في الأجانب وصغار السن

الحلم مطلوب وأعرف ان اذا سهلت ويسرت على غيرك الله بيسرها عليك

[بومحمد المطاوعه]

الله يهديهم

قمنا نخاف من هالمقيمين الي يتجاوزون بشكل. غريب

المشكله ولايحترمون البلاد

طبعآ مب الكل البعض منهم

[جمال اليافعي]

اليوم الي عانيت منه وانقهرت منه للأسف الشديد عيال البلد ... النفسيات سيئة بشكل مش طبيعي .. وهذا والشوارع فاضيه قمه القهر..

[عازف الاورج]

صراحه السواقه في الدوحه معاناه الناس نفسيات والله مادري شنو صار لاهل قطر؟ الناس صايره نفسيات ....

[Qa10]

صراحه السواقه في الدوحه معاناه الناس نفسيات والله مادري شنو صار لاهل قطر؟ الناس صايره نفسيات ....

!!!

ليش نفسيات ؟
الشارع مليان ناس اللي مريض واللي مستعجل واللي مستانس واللي متكدر
ماننتظر الكمال من الناس الإنسان ناقص
حط للي فالشارع ألف عذر لانك ماتعرف حاله
والله يهدي الجميع

لاحد يتوهم

[الكنترول]

عليه بالعافيه دام انه قطري اما غيرهم يحترم البلاد اللي عايش قيها



لا مب عليه العافية يصفق له واحد وهو طاير

والقانون على القطري والغريب والكل يحترم الطريق
قال رسول الله: صلى الله عليه وسلم:

نزع رجلاً لم يعمل خيراً قط غصن شوك عن الطريق، إما كان في شجرة فقطعه وألقاه،

وإما كان موضوعاً فأماطه، فشكر الله له بها فأدخله الجنة.
واحترام إشارات المرور وكذا خطوط السير من آداب الطريق

[bus3od]

أنا أشوف أغلب اللي يناحسون و يخالفون القانون هم الأجانب حتى سواقيين الباصات قاموا يتجاوزون

في اي زحمه أشوف الأجنبي على طول تجاوز من اليمين او قطع الاشاره اذا شاف مافيها رادار و قدام الدوريات يخالف ولا همه اكبر ضابط فالدوريه

و نفسياتهم في خشومهم ولا يلتفت لك و يسلم عليك اذا خليته يطوف قدامك

هذاك اول اللي يحسب حساب المخالفة يعني ٥٠٠ ريال مب مأثره في راتبه دامه يستلم ١٥ و يدري ان أكثر عقوبه له هي المخالفة و تلاقي ربعه اللي نفس جنسيته فالمرور يضبطونه

[معماري قطري]

شنسوي ياغير البشر
قمنا نشتغل تاديب السواقين بادب واخلاق السواقه
تريلا ماسكه يسار ولا في نص الشارع والحيوان حاره اليمن فاضيه
هل البشمرقيه حولو مسار الشارع قصب على قانون المرور اصبحت حارت اليمين فاضيه نهائيه وحاره اليسار والنصف مليانه
والله اني الف على التريلات لف تخيل اغير مساره غصب الى اليمين
شنهو هذا قمت اشتغل دور رجل مرور خربو بلادنا وتبنا نسكت ليش مانعلمهم النظام غصب
واحد غبي قالص بورت كبن وماسك يسار ولا في النص معرض حياه الاخرين للخطر
ليش ياغبي ماتمسك اقصى اليمين وتفكني من شرك

من كم يوم طلعت في الجمني زول قبل لا يدخل الدور هبابه يتحرك ومعرقل السير ويوم تهرن له تطالع ويضرب بريك في وجهك
بعد
هي حصلت
على مين يازول
حسن وتستهين بالجمني
كان اطوفه والف عليه وادبه والله لو عندي كلبشات كن كلبشته

والله كنت بانزل موضوع في الحوار

ياوزير الداخليه تنكر بساره عاديه وبتشوف شلون المعامله من الوافدين لك

لقد تمادو الى اقصى الحدود
واناوراهم طال الزمن او قصر
بلادنا واحنا مسؤلين عنها
:victory:


تذكرني أخ حسن بسواقتهم في الأُردن النحاسة عندهم توصل 1000/ 100 قطر يحيها .. تحصل واحد يسوق في شارع ضيق من مسارين .. ويشوفك من بعيد مسرع وهو يمشي 50 والسرعة 80 وانت يمكن موصل 100 وينطرك بس لين توصل قربه ويلف الا ياخذ الخط اللي انت فيه .. انا هناك عندي أفلون تون تيربو سوبر جارج ما ادري وشو بعد ادوس لها تطلع البساتن برا من المكينه وامر يمين ولا يسار المهم آمر.

وأوقات 5 سيارات يمشون ورا بعض وعلى اليسار و50 .. ما ادري ليش يحبون ال 50 وانت جاي مسرع وتقرر تطوف من يمين فجأة يتبرع واحد يلف عليك .. إكتشفت انهم يشوفون في المرايه ويتلذذون بإنهم يخلونك وراهم وانت وراك مشوار ساعة طريق ولازم توصل على الوقت.

زين تعال للشاحنات هناك مفهومهم وعقلياتهم الكبير ياكل الصغير .. أوقات على طلعة جبل وشارع من سيدين والشاحنتين ورا بعض ويمشون حتى 30 مب 50 والمكينة تدخن والسيارة محمله وبعد من يشوفك اللي ورا بتطوف يلف يسار يسكر عليك .. انا استويت ادوس عدل واطوف بين الشاحنتين بحركة انتحارية وأوقات ما اقدر يكون وايد قريب واتم وراهم لين واحد يطوف الثاني ويتكيرم علي ويفتح لي اليسار.

قبل لاتخرج بيوم دخنت بواحد خليته يبي ينزل يلحقني ركيض من القهر .. الا نزل الجزيرة الوسطى .. ههههههه يبي يقاتل وانا مب فاضي له وللي معاه كانوا شلة في ميني فان هونداي خليته يكع بريك وراي وأشرت له الحقني لو بتوصلني .. الهونداي ديزل ودخانها أسود على لا شيء ما تقدر تشيل نفسها.

كثير من هالنوعية خصوصاً من الأُردن وسوريا ولبنان يحاولون ينقلون سواقتهم الغير حضارية عندنا .. واحد طالع مره من المخازن ووصل اللفة عند الإشارة وكان في أقصى اليمين بسبب الزحمة وولدي جنبه ومتجه جنوب بيدخل العزيزية، وهذا اللي على يمينه يبي يلف يسار يروح الدوحة ويبي يقطع تقريباً خطين بيروحون سيده .. وصارت مناوشات ولف ولدي عليه غصب لأن صعب يفتح له الطريق .. واضطر يروح سيده وهو معصب وسجل رقم سيارة ولدي ووداه الشرطة .. وطبعاً قال ان ولدي هزأ به جدام زوجته وما احترمه وكلام كثير كله تلفيق .. وثاني يوم حجزوا سيارة ولدي ورحت معاه الصبح وجابوا المشتكي .. أول ما تناقشنا وشرح وضع الطريق قلت له يا اخوي انت تبي تطبق نظام سواقة سوريا في قطر؟
وزين الضابط فهم القصة وعرف إن الغلط على السوري وكنا نقدر والله نبهدله بس انا احترمت سنه وانه رب عائلة وقلت لولدي اعتذر منه .. مع اننا لو حبينا تكون قضية كان بيكون في مشكلة كبيرة .. وطلعوا السيارة نفس اليوم .. بس المفروض الشرطة تحقق صح وإن شافوا المشتكي غلطان يقولون له ما لك حق.

[Anas_G]

والله خلو الاجانب والمواطنين وفكرو بالحل الحل تفعيل مخالفة الوقوف في الشارع بسبب دعمه خفيف اخبر مختالفتها الف ريال بس ما سمعت ولا مرة انها تطبقت وايضا ولا عمري شفت حد تخالف على عرقلة سير !! العرقلة مش صاف على جنب نازل يجيب خبز وفي مجال للسيارات تمر لالالا العرقلة الي يوقف في نص الشارع يطلب كرك والي يتمشى على راحته متملل والناس وراه رايحة الدوام او عندها ظروف وحاسب يا راعي الظروف تهرن او تديم لكروزر بالون ومطيح وقاعد يتمشى حاسبب بس اتمنى من المرور تفعيل المخالفات الي ممكن تحد من الزحمة ويخلو البالون والعازل ولا يضيعون وقتهم ولا وقتنا بالمخالفات البسيطة وتاركين مشكلة الزحمة الكبرى الي صارت حديث الشارع القطري

[زقرت]

ماتواجهني مثل هالمشاكل الا نادر

واذا واحد ناحسني وما سمح لي تلقائيآ الي وراه بيقول لي تفضل

اهم شي تحطون اعصابكم في ثلاجه

والله يخلي لي الاند كروزر :)

[زقرت]

وردينا على اكره نقاش اذا قطري عادي اذا مقيم لا ومب محترم ولازم يحترم قانون البلاد

مادري اشلون فاهمين الحياه بعض الناس

اداب الطريق تنطبق علي انااول شي كقطري وبتكون تصرفاتي انعكاس مشرف للمقيم

واكثر الي يخالفون وللأسف احنا يالقطريين انقص على نفسنا !!!!