هل خصم 20 % في معظم وكالات السيارات // خدعه

[alsenator]

السلام عليكم

كما تعلمون ان اكثر الوكالات وحين شراء قطع الغيار يعطونك ما بين 15% الى 20% خصم , وهالخصم بيصير لك او لغيرك ,, حتى اني ما قمت اكلم موظف خدمة المبيعات عن الخصم صايرين يخصمون بنفسهم ,,

بصراحة احس انهم زايدين في سعر السلعه 20% واذا بتشتري يخصم لك , بالتاكيد يبون يتجملون فيك وانهم خادمينك خدمة ما بعدها خدمة وتطلع من عندهم راضي

اتمنى من حماية المستهلك دراسة هل خصم ال 20 % الروتيني هو اصلا زيادة في سعر السلعه وتم خصمة وبيعت السلعه بسعرها الحقيقي ام انه بالفعل خصم حقيقي تشكر علية وكالات السيارات

[كازانوفا]

الوكلات بالنسبه لي ذمتهم واااااااسعه مثل البحر

[+abc]

الي اعرفه فيه خصم خاص اذا بتصلح عندهم اما اذا بتصلح برا فقدامك محلات قطع الغيار وشوف الارخص

اما بالنسبة للاسعار نعم هم يعبونها بكيفهم ويطرشونها للاقتصاد والتجارة بناءا على فواتير وهمية من المنشأ

[شيخ الديرة]

سعر القطعة توصلهم ب 100 , يسعروها ب 200 , مع الخصم تصير 160

هدفهم تشعر بالرضى لما يعطيك الفاتورة

من تجربتي مع هوندا, اسعار قطعهم 3 الى 4 مرات السعر اللي يوصلني من أمريكا من ضمنها أجور شحن أراميكس

[مخطط قطري]

صديقي عنده مزاراتي جديده وصارلها حادث
مشكلته التامين ضد الغير وهو الغلطان تكلفه التصليح في الوكاله كانت 120 الف
وعلى حسابه الشخصي شرت عليه يشوف الامارات او السعوديه ويشوف كم الكلفه لكن الشركات هناك ماتمشي بالاوراق جيب السياره ونقيم تصليحها
وبعد مناقشات مع وكاله الفردان تم الوصول الى 80 الف تقريبا مع شغل اليد والقطع وكل شي وبعد ماقبلنا وعقب اتصلو وعطونا 75 الف كسعر نهائي!!
السؤال لو صديقنا قبل ب١٢٠ الف القيمه الاولى الغير حقيقيه وش وضعه بيكون
مع انه يقدر يشترى الوكاله والله يزيده بس ليش تعطيني سعر عالي في البدايه على اساس انك بتخصم عقب

[وليف الشوق]

بأسألك سؤال

تعتقد الوكالة ماتربح من قطع الغيار حتى لو كان خصم 15% او حتى 20% ؟

الجواب عندك

[الزعفراني]

أعتقد مش خدعه .. لان سيستم الفواتير اللي عند الكاشير غير سيستم تكلفة التصليح او الخدمة عند موظف الخدمة .. صارت معاي مره في أحدى الوكالات .. كل مره سعر السيرفس عندي ثابت شهريا .. واخذ الخصم من عند الشخص المختص اللي في يكون في مركز الخدمة .. عاد مره من المرات هالشخص ما كان موجود ..جيت بدفع لقيت المبلغ الاصلي بدون خصم قعدت اشرح لموظف الخدمة ان كل مره ادفع اقل من هالمبلغ .. راح شيك في السيستم اللي عنده لقى كل المبالغ او تسعيرة الخدمة وحده قبل الخصم .. مع اني دافع بعد الخصم .. شيكت مع الكاشير لقيت السعر الحقيقي اللي أنا دافعه .. واللي هو بعد الخصم ..

طبعا اذا فيه زيادة في الاسعار راح تشعر بالفرق وراح يشعرونك اذا هم زادوا في الاسعار او لا ..

[الفا برافو]

مهما حطوا من نسبة تخفيض .. هم في الاخير ربحانيين..وربحانيين بمتيااااااز

[كبير المتداولين]

ما اتوقع انه في الموضوع خدعه بكثر مايكون عمليه تسويقيه للزبون

وتشجيعيه للموظف

سعر القطعه 100 ريال
يصرحون خصم للموظف حتى 20% بحد اقصى
يعني 80 ريال

الموظف الي يبيعها بدون خصم او بخصم 10% يستحق مكافئه من مقدار ربح القطعه

منها شجع الموظف على البيع باعلى الاسعار
ومنها جذب الزبون بوجود خصم نوعا ما تجاري

[الجوكر90]

لان وكالة الام تفرض عليهم اسعار محدده
وهم يسوون خصم حق الزبايين عشان الزباين مايدفعون وايد والوكاله ماتخسر العقد الي بينها وبين شركه الام

[النهار]

الوكالات تعطي الموزعين 35% تخفيض على القطع
والموزع لكسب الزبون يعطي من 20 اي 25% اما الوكاله لاتعطي خصم مثل الموزع بل اقل من ذلك