مبـــــــــــــــــــــــروك جــــــــــآك قلــــــــق ..؟؟؟

[مهرة]

السلام عليكم ورحمة الله وبركاته ..

(معقولة فيه رجال متخلفين وعندهم بنفس الوقت أعلى الشهادات العلمية ) موجودين في زمنا هذا ؟؟ وفي تطورنا هذا؟؟ وين التزود بالدين؟؟ وتطبيق سنة نبيه؟؟ وين الثقافة والتربية والنشئة الصحيحة؟؟ وين الي يخاف الله في نفسه وفي رعيته؟؟ انتو أعظم وأكبر جهلاء عصرنا جهل من نوع خاص ولكن للأسف موجود بكل جينات الرجال الموروثة لكل الأجيال مهما كان فيه من تطور ونهضة ورقي ..!!

الأولاد والمال فتنة .. كما قال الله تعالى: إِنَّمَا أَمْوَالُكُمْ وَأَوْلَادُكُمْ فِتْنَةٌ
وَاللَّهُ عِندَهُ أَجْرٌ عَظِيمٌ {التغابن:15}.

فالله تعالى يعطي لعباده ما يشاء من الأولاد فمنهم من يهب له الذكور ومنهم من يهبه الإناث ومنهم من يعطيه الجنسين معاً، كما قال الله تعالى: لِلَّهِ مُلْكُ السَّمَاوَاتِ وَالْأَرْضِ يَخْلُقُ مَا يَشَاء يَهَبُ لِمَنْ يَشَاء إِنَاثًا وَيَهَبُ لِمَن يَشَاء الذُّكُورَ* أَوْ يُزَوِّجُهُمْ ذُكْرَانًا وَإِنَاثًا وَيَجْعَلُ مَن يَشَاء عَقِيمًا إِنَّهُ عَلِيمٌ قَدِيرٌ {الشورى:49-50}.

وما شاع عند الناس من كره البنات ذمه الشرع، كما في قوله تعالى: وَإِذَا بُشِّرَ أَحَدُهُمْ بِالأُنثَى ظَلَّ وَجْهُهُ مُسْوَدًّا وَهُوَ كَظِيمٌ* يَتَوَارَى مِنَ الْقَوْمِ مِن سُوءِ مَا بُشِّرَ بِهِ أَيُمْسِكُهُ عَلَى هُونٍ أَمْ يَدُسُّهُ فِي التُّرَابِ أَلاَ سَاء مَا يَحْكُمُونَ {النحل:58-59}.

يسأل المؤمن الصالح بلسان متلعثم شيخاً جليلاً مطأطأً راسه جاثو على ركبتيه بأحد مساجد المسلمين فيقول : ( هل انجاب الإناث ابتلاء.؟؟ وهل هناك مايثبت من القرآن والسنه) ..!

فكان الرد كالتالي : عن عقبة بن عامر قال: سمعت رسول الله صلى الله عليه وسلم يقول: من كان له ثلاث بنات، فصبر عليهن وأطعمهن وسقاهن وكساهن من جدته، كن له حجابا من النار يوم القيامة..

وعن أنس بن مالك قال: قال رسول الله صلى الله عليه وسلم: من عال جاريتين حتى تبلغا جاء يوم القيامة أنا وهو ـ وضم أصابعه,, أي كهاتين الأصبعين المضمومتين في قرب المنزلة..

وعن عائشة ـ رضي الله عنها ـ قالت: دخلت امرأة معها ابنتان لها تسأل فلم تجد عندي شيئا غير تمرة، فأعطيتها إياها فقسمتها بين ابنتيها ولم تأكل منها، ثم قامت فخرجت، فدخل النبي صلى الله عليه وسلم علينا فأخبرته، فقال: من ابتلي من هذه البنات بشيء كن له سترا من النار..

طرحت هالموضوع لأنه من كم يوم رزقت صديقتي بالبنت الثالثة وكانت مستائة من أهل زوجها وحتى أهلها من مواساتهم لها وكأنها ابتليت بلاءَ عظيماَ وحتى زوجها يواسوه وكأنه بعزاء بقولهم ( والله مسكين مايستاهل) حتى انه خبر ولادتها كان متكتمين عليه كما لو كان خبر فيه عار او نذير شؤم !! ومازال الكثير منكم يُحمل المرأة سبب انجابها للبنات و( العلة منه هو) اذا شايف انها فعلاً علة ومرض يجب التخلص منه بالزواج من اخرى لأن زوجته ماتجيب الا العار أقصد البنات ..!! طبعاً ناهيكم عن كلام الحريم العجائز والهمز واللمز من أغلب نساء العائلة الكريمة والضغط النفسي الي يمارسه الزوج الساذج او الملكوم ياحرام:rolleyes2::rolleyes2: على زوجته المسكينة حتى لا تكاد تستطيع رفع عينيها لرؤية وجهه المسود وكأنها أجرمت فيه حقه .. ( ياويلك من الله)

سؤال لكم وبكل أمانه تردون : هل صحيح تتضايقون من ولادة الأنثى؟؟ يعني اذا بُشرت بولادة بنت تتضايق وتتكدر وتتقبل الخبر بصعوبة ؟؟

فيه رجال ليحين بهالعقلية؟؟ انا صج مصدوووومة:eek5::eek5::eek5:
حسبي الله ونعم الوكيل ..

[قطريه22]

كل ريال يتمنى ولد يشيل اسمه ويكون من بعده هو ريال البيت
وفي رياييل مايحبون ولادة البنات وفي العكس

[بومحمد المطاوعه]

موضوع قيم

راجع ان شاءالله

[المحاميه]

نفس ماقالت قطريه22

يبون ولد يشل اسمهم
مهما كان متقبل البنت تبقى فرحة الولد غير

وهالظاهره ﻻمفر منها فالعالم الشرقي بشكل عام

[عاشق العديد]

استغفر الله ..

ولد او بنت جاني من الله .. فهو هديه ونعمه .. والحمد لله والي يفكر لو جاته بنت انه عيب او حرام هذا غلط واكبر غلط ..

هاذي كلها نعم من الله اشكره واحمـده وانه ربي عطاك واحد من الاثنين غيرك تم بالسسنين يتعالج بالمستشفيات ولاجاله ولاشي

الي يفكر هذا التفكير انصحه انه مايتزوج كلش ..

[ولد العرب]

لبيه امي لبيه بناتي لبيه بناتي لبيه خواتي لبيه خالاتي الله يرحم عماتي :(

[كازانوفا]

انا بنظري الرجل اللى تعدى على اعراض النساء المسلمات يوم يتزوج وتكون كل خلفته بنات هو هنا يحس ان رب العالمين بينتقم منه عن طريق بناته والدنيا سلف ودين
لكن الرجل اللى يخاف الله هذا غير بيكون طريقة تفكيره بالعكس بيمشى على وصية رسولنا الكريم ويهتم فيهم ويربيهم احسن تربيه ويجهز اخرته ويبعد عن النار عن طريق بناته

والله الدنيا مليانه اخر مره سمعت ان الرجل زوجته خبرته انها هاي المره حامل بالولد وهو مبسوط وفرحان لانو عنده بنتين بعد الولاده خبروه انها بنت هنا انجن وصار يصارخ وحاول يدخل لعندها لغرفة الولاده ومنعوه ولما طلعت لغرفتها دخل عليها غرفتها وضربها وطلع
وبعدها حملت وصلت الشهر الخامس قالولو انو ولد وبعدها بكم يوم مات في بطن امه وبعدها حملت جابت البنت الثالثه وبعدها الرابعه بس باخر بنت ما حضر ولادتها كان بره البلاد ينسي نفسو
لانو هو شايف انها بالفعل عار طبعا من عمايله اللى سواهااا بالدنيا في بنات الناس فالدنيا سلف ودين بكل شي

[حسن]

{ وإذا بشر
احدهم بالانثى ظل وجهه مسودا وهو كظيم # يتوارى من القوم من سوء مابشر به
ايمسكه على هون ام يدسه في التراب ألا ساء مايحكمون }


صدق الله العظيم

مادري الصراحه الحين في ولا لا اذا انتي تعرفين قولي لنا ومن هم

[مهرة]

خواتي قطرية والمحامية .. اكيد الرجل يبي ولد يشيل اسمه بس بالأول والأخير هذي رزق من الله هو الي يهب ويعطي مايشاء ذكوراً وإناثاً .. مب يعترض على حكمة ربه ..!

يعطيكم العافية عالمداخلة..

[المرحب]

استغفر الله ..

[مهرة]

استغفر الله ..

ولد او بنت جاني من الله .. فهو هديه ونعمه .. والحمد لله والي يفكر لو جاته بنت انه عيب او حرام هذا غلط واكبر غلط ..

هاذي كلها نعم من الله اشكره واحمـده وانه ربي عطاك واحد من الاثنين غيرك تم بالسسنين يتعالج بالمستشفيات ولاجاله ولاشي

الي يفكر هذا التفكير انصحه انه مايتزوج كلش ..



فعلاً فيه ناس كثير كان يحاولون بس ينجبون حتى لو طفل واحد يكفيهم يبون يحسون بالأبوة وطبعاً من قبلهم الأمومة .. الكلام حق العازب سهل وعادي ومايحس فيها إلا إذا تزوج ممكن قناعاته تبدا تتغير مع وصول أول بنت له من لحمه ودمه ..

مداخلة طيبه .. موفق ان شاءالله

[بن مفتاح]

يا زين البنات في البيت ابتسامة وضحكة ودلع وحنان ورقة .. والانثى هي الام والاخت والزوجة ومن بعدهم البنت ..

اللي يجيبه الله حياه الله ..

بنت بارة وطايعة لربها خير من الف ولد عاصي وينزلون الراس ..

[عنيــــد]

هذا رزق الرحمن و المفروض يفرح فيه ،، غيره يتمنى و لا يحصل ،،

و للاسف بعض الناس جاهله و لا الاغلبية صارت تعرف ان تحديد النسل يكون من الرجل ولا يكون من المرأة ،،

[مهرة]

لبيه امي لبيه بناتي لبيه بناتي لبيه خواتي لبيه خالاتي الله يرحم عماتي :(



ارحم الله والديك والله يخليلك الوالدة وبناتك وكل من يعز عليك .. شكراَ لمروركم الطيب موفق ان شاءالله ..

[همر]

اسمحيلي اذا كانت صديقتك بهذه السذاجه

لدرجة انها تحس انه الذنب ذنبها !!!!


الحين كل الناس يدرون ان تحديد جنس

الجنين من الرجل مش بسبب المرأه ...


انتي متأكده من القصه ؟؟!!


اخاف قاريتها في مجلة سيدتي طبعة 1985 !!!

[Dmy Enabi]

إلي يقولون يبي ولد يشيل اسمه ،السؤال وليش يشيل اسمه أصلا ؟ هل في مشكلة إذا انشال اسمه ؟
وإذا يبي اسمه ينشال يروح يستشهد في سبيل الله ،ولا يألف كتاب ،ولايسوي عمل يخلد

الحمدلله أنعم وأكرم بالإسلام الذي أنصفنا منذ قرون مضت

[ضوى]

ياحلو البنات وخلفة البنات وصوت البنات وضحكة البنات فديتهم بناتي والله

تصدقني يا مهرة زوجي يحب البناات اكثر من الاولاد ، يا ويله اللي بيغلط عليهم جدامه ، اتذكر مرة ولدي العفطي بيطلع شخصيته على اخته اللي اكبر منه بسنتين تقريبا بمعنى اني ريال البيت ، والله يا انه ابوه زقره زقره بغى يغمى عليه منها ، انه اشلون يكلم شيخة البنات بهالطريقة ، والله البنات ماشاء الله عليهم يشليون لج البيت شيل ، الاولاد بعد الله يبارك فيهم مب مقصرين ، بس الولد مصيره لمرته وعياله في حين البنت بتبقى ببيت اهلها هي وعيالها ولا ينتهي الاهتمام فيها اطلاقا حتى وهي ام عيال اشكبرها

وفي كل ااحوال الجنسين حلوين والله لا يحرم احد من نعمة العيال ، واللي يفكر بولد وبنت هذا انسان مافيه انسانية ومحروم من خير كثير

[مهرة]

انا بنظري الرجل اللى تعدى على اعراض النساء المسلمات يوم يتزوج وتكون كل خلفته بنات هو هنا يحس ان رب العالمين بينتقم منه عن طريق بناته والدنيا سلف ودين
لكن الرجل اللى يخاف الله هذا غير بيكون طريقة تفكيره بالعكس بيمشى على وصية رسولنا الكريم ويهتم فيهم ويربيهم احسن تربيه ويجهز اخرته ويبعد عن النار عن طريق بناته

والله الدنيا مليانه اخر مره سمعت ان الرجل زوجته خبرته انها هاي المره حامل بالولد وهو مبسوط وفرحان لانو عنده بنتين بعد الولاده خبروه انها بنت هنا انجن وصار يصارخ وحاول يدخل لعندها لغرفة الولاده ومنعوه ولما طلعت لغرفتها دخل عليها غرفتها وضربها وطلع
وبعدها حملت وصلت الشهر الخامس قالولو انو ولد وبعدها بكم يوم مات في بطن امه وبعدها حملت جابت البنت الثالثه وبعدها الرابعه بس باخر بنت ما حضر ولادتها كان بره البلاد ينسي نفسو
لانو هو شايف انها بالفعل عار طبعا من عمايله اللى سواهااا بالدنيا في بنات الناس فالدنيا سلف ودين بكل شي


لا حول ولا قوة إلا بالله .. ممكن يكون فيه شي من الصحة او العضة او اختبار لهذا الأنسان الضعيف .. بس بقول كلمة ( شُلت يداه ان شاءالله) على ضرب ويمكن صفع زوجته المسكينه وهي توها طالعة من جهاد (ولادة) يحسبون اخراج نفس من نفس بالأمر الهين .. سبحانك ربي ما أعظمك برحمتك وبعطائك ..

اختي كازانوفا مداخلتج مزعجة اشوي:weeping: بالمثال الواقعي الي فيها .. بس مشكورة حبيبتي .. موفقة يارب

[بـــــدوي]

شكراً على الموضوع وفعلاً فيه ناس كذا وأخس من كذا الله لا يبلانا ويهديهم ،

كلهم خير وبركه وكلهم زينة الحياة الدنيا ، اسأل الله ان يرزقنا ويرزقكم بالذريه الصالحه

[ام السعف]

ترى في حريم بعد يتضايقون من ولادة البنت مب لأنها بنت
ولكن لأنهم يبون ولد يشل اسم ولدهم ،،

فالموضوع مب محصور في الرجل فقط ،،

وفي ناس بعد يتضايقون من كثر خلفة الاولاد
ويتمنون ريحة البنت ،،

فالموضوع مب متعلق في البنت نفسها لأن هالبنت اكثر واحد بيدلعها الأب
بس
اشوف ان رغبة كثيرين في ولد يحمل اسمهم هو سبب الضيقة

المفروض ما يتضايق ولا يقلق ويشكر به ويحمده ،

[مهرة]

{ وإذا بشر
احدهم بالانثى ظل وجهه مسودا وهو كظيم # يتوارى من القوم من سوء مابشر به
ايمسكه على هون ام يدسه في التراب ألا ساء مايحكمون }


صدق الله العظيم

مادري الصراحه الحين في ولا لا اذا انتي تعرفين قولي لنا ومن هم



من صجك؟؟ تبي تقنعني انه الرجال الي من هالنوع المتخلف ينعدون عالأصابع بس ..!!!!!!! وانه مافيه تزنت وتعنت وتعصب في وقتنا الحالي وحساسية من هالموضوع بالذات ..!!!!!!

[ولد العرب]

من صجك؟؟ تبي تقنعني انه الرجال الي من هالنوع المتخلف ينعدون عالأصابع بس ..!!!!!!! وانه مافيه تزنت وتعنت وتعصب في وقتنا الحالي وحساسية من هالموضوع بالذات ..!!!!!!

مواضيع حمد2002:deal:

[مهرة]

استغفر الله ..


أستغفره وأتوب إليه .. جميل توقيعك لو أنه بعض هالأزواج اذكروها بيكونون بألف خير
لا إله إلا أنت سبحانك اني كنت من الظالمين )) .. موفق اخوي الكريم

[مهرة]

يا زين البنات في البيت ابتسامة وضحكة ودلع وحنان ورقة .. والانثى هي الام والاخت والزوجة ومن بعدهم البنت ..

اللي يجيبه الله حياه الله ..

بنت بارة وطايعة لربها خير من الف ولد عاصي وينزلون الراس ..



اصيح:weeping: اصيح:weeping: اصارخ:omg: ماشاءالله عليك الله يعطيك على قد نيتك ردك جميل بارك الله فيك .. (مومصدقة سوري:shy:) ..

[مهرة]

هذا رزق الرحمن و المفروض يفرح فيه ،، غيره يتمنى و لا يحصل ،،

و للاسف بعض الناس جاهله و لا الاغلبية صارت تعرف ان تحديد النسل يكون من الرجل ولا يكون من المرأة ،،


صح .. هو يعرف ومتأكد انه هو من يحدد النسل بس مع شعوره بالضعف والفشيلة وانه شي غلط صار له يقط اللوم على زوجته على اي حد.. المشكلة وين الوعي ولا هو معند ومايبي يتقبل الموضوع هذا بس ان جاته بنت ..

مشكور وموفق يارب ..

[ولد العرب]

اصيح:weeping: اصيح:weeping: اصارخ:omg: ماشاءالله عليك الله يعطيك على قد نيتك ردك جميل بارك الله فيك .. (مومصدقة سوري:shy:) ..

ليه ماتصدقين من حقك طيب بسالك سؤال اليس عائشه رضي الله عنها نقلت العلم لصحابه بعد وفاة النبي المصطفى صلى الله عليه وسلم اليس هي انثى هي من قامت بنشر العلم عن حبيبها صلى الله عليه وسلم اجل فضلكم عظيم عظيم ويكفي فخر لكم

[بنت مريخ]

اعرف ناس الريال عنده 6 بنات و ولد
قاسي مع الام والبنات
تزوج الثانيه عشان الاولاد
جابت متخلفين يارب لاتبلينا

[بـــــدوي]

اسمحيلي اذا كانت صديقتك بهذه السذاجه

لدرجة انها تحس انه الذنب ذنبها !!!!


الحين كل الناس يدرون ان تحديد جنس

الجنين من الرجل مش بسبب المرأه ...


انتي متأكده من القصه ؟؟!!


اخاف قاريتها في مجلة سيدتي طبعة 1985 !!!



اخووي همر

تحديد الجنس من رب العالمين لا من الذكر ولا من الانثى :omg:

[partyQtr]

تحديد جنس الجنين من الرجل مب المرأه وهالشئ درسناه في المدارس المفروض الحين

الكل يعرف هالشئ كروموسومات المراه xx اما الرجل xy وهو اللي يحدد الجنس وكل شئ

من رب العالمين


من فترة كنت في انتظار مستشفى الولاده الا وحدها تنطر بنتها بتولد تقول لنا انه بنتها عندها

5 او 6 بنات مااذكر وفي كل مره تحمل فيها ريلها يهددها انه ياويلها لو يابت بنت هالمره عاد

اخر مره لما ولدت قالت حق الدكتور الحين ريلي بيذبحني لودرى انها بنت قال لها الدكتور انا بتصرف

الدكتور راح للابو قاله مبروك مرتك جابت ولد بس للاسف الولد مب طبيعي فيه وفيه وفيه

تم يعدد له بلاوي عاد الريال هني حس بالذنب وقال للدكتور ماابي الولد البنات ابرك وبس عقب قاله

ومن يومها صار عادي عنده

العبره انه المفروض الواحد مايعترض على امر ربه لانه ربي قادر انه يعاقبه اهم شئ

الصحه والخلق الحسن

[مهرة]

اسمحيلي اذا كانت صديقتك بهذه السذاجه

لدرجة انها تحس انه الذنب ذنبها !!!!


الحين كل الناس يدرون ان تحديد جنس

الجنين من الرجل مش بسبب المرأه ...


انتي متأكده من القصه ؟؟!!


اخاف قاريتها في مجلة سيدتي طبعة 1985 !!!




لااااااااااااااه ياظريف :con2: هي مدرسة شريعة يعني ظليعة في مثل هذة الأمور وتعرف الدين أحسن من زوجها ومن كثير نفسه .. بس (الغامض بسلامتوه) مايبي يصدق هالشغلة انه منه يبي يتهرب يحس هالموضوع متعلق برجولته وانه مايقدر ينجب الا البنات يبي حد يسمعه العكس ويطبطب عليه (جعله بمطرقة وسندان يطيحون على ظهره) ..! كسر بخاطرها التعيس وهي والله اتحب بناتها واستقالة من وظيفتها وجابلة ابنياتها الحلوات وساكتة على كلام السم الي من أهله .. شاقول وشاخلي .. ترى فيه مثلها كثير والله العظيم انتو الحين بالمنتدى صدمتوني :eek5:..!!!!

لايكون انت محرر المجلة وقضيت على هالسلوك الهمجي بآخر قضية طبعتها بمجلتك ..!!
جــــــــآوب أشوف :waiting:

[GRNAS2002]

لا حول ولا قوة الا بالله
حنا ما ذبحنا ورجعنا ورا الى الجهل وقلة التفقه في الدين
الناس متى بيعرفون انهم ما انخلقو على هذي الدنيا الى علشان عبادة الله فقط

وان الخلفه وتحديد النسل هو من عند الله الواحد القهار فقط

روى مسلم (315) عن ثَوْبَانَ مَوْلَى رَسُولِ اللهِ صَلَّى اللهُ عَلَيْهِ وَسَلَّمَ قَالَ: ( كُنْتُ قَائِمًا عِنْدَ رَسُولِ اللهِ صَلَّى اللهُ عَلَيْهِ وَسَلَّمَ فَجَاءَ حِبْرٌ مِنْ أَحْبَارِ الْيَهُودِ فَقَالَ: السَّلَامُ عَلَيْكَ يَا مُحَمَّدُ فَدَفَعْتُهُ دَفْعَةً كَادَ يُصْرَعُ مِنْهَا فَقَالَ: لِمَ تَدْفَعُنِي؟ فَقُلْتُ: أَلَا تَقُولُ يَا رَسُولَ اللهِ، فَقَالَ الْيَهُودِيُّ: إِنَّمَا نَدْعُوهُ بِاسْمِهِ الَّذِي سَمَّاهُ بِهِ أَهْلُهُ. فَقَالَ رَسُولُ اللهِ صَلَّى اللهُ عَلَيْهِ وَسَلَّمَ: « إِنَّ اسْمِي مُحَمَّدٌ الَّذِي سَمَّانِي بِهِ أَهْلِي »، فَقَالَ الْيَهُودِيُّ: جِئْتُ أَسْأَلُكَ، فَقَالَ لَهُ رَسُولُ اللهِ صَلَّى اللهُ عَلَيْهِ وَسَلَّمَ: « أَيَنْفَعُكَ شَيْءٌ إِنْ حَدَّثْتُكَ؟ » قَالَ: أَسْمَعُ بِأُذُنَيَّ ، فَنَكَتَ رَسُولُ اللهِ صَلَّى اللهُ عَلَيْهِ وَسَلَّمَ بِعُودٍ مَعَهُ، فَقَالَ: « سَلْ » فَقَالَ الْيَهُودِيُّ : أَيْنَ يَكُونُ النَّاسُ يَوْمَ تُبَدَّلُ الْأَرْضُ غَيْرَ الْأَرْضِ وَالسَّمَاوَاتُ ؟ فَقَالَ رَسُولُ اللهِ صَلَّى اللهُ عَلَيْهِ وَسَلَّمَ: « هُمْ فِي الظُّلْمَةِ دُونَ الْجِسْرِ » قَالَ: فَمَنْ أَوَّلُ النَّاسِ إِجَازَةً ؟ قَالَ: « فُقَرَاءُ الْمُهَاجِرِينَ » قَالَ الْيَهُودِيُّ: فَمَا تُحْفَتُهُمْ حِينَ يَدْخُلُونَ الْجَنَّةَ ؟ قَالَ: « زِيَادَةُ كَبِدِ النُّونِ »، قَالَ: فَمَا غِذَاؤُهُمْ عَلَى إِثْرِهَا ؟ قَالَ: « يُنْحَرُ لَهُمْ ثَوْرُ الْجَنَّةِ الَّذِي كَانَ يَأْكُلُ مِنْ أَطْرَافِهَا » قَالَ: فَمَا شَرَابُهُمْ عَلَيْهِ؟ قَالَ: « مِنْ عَيْنٍ فِيهَا تُسَمَّى سَلْسَبِيلًا » قَالَ: صَدَقْتَ ، قَالَ: وَجِئْتُ أَسْأَلُكَ عَنْ شَيْءٍ لَا يَعْلَمُهُ أَحَدٌ مِنْ أَهْلِ الْأَرْضِ إِلَّا نَبِيٌّ أَوْ رَجُلٌ أَوْ رَجُلَانِ ، قَالَ: « يَنْفَعُكَ إِنْ حَدَّثْتُكَ؟ » قَالَ: أَسْمَعُ بِأُذُنَيَّ ، قَالَ: جِئْتُ أَسْأَلُكَ عَنِ الْوَلَدِ؟ قَالَ: « مَاءُ الرَّجُلِ أَبْيَضُ، وَمَاءُ الْمَرْأَةِ أَصْفَرُ ، فَإِذَا اجْتَمَعَا ، فَعَلَا مَنِيُّ الرَّجُلِ مَنِيَّ الْمَرْأَةِ ، أَذْكَرَا بِإِذْنِ اللهِ ، وَإِذَا عَلَا مَنِيُّ الْمَرْأَةِ مَنِيَّ الرَّجُلِ ، آنَثَا بِإِذْنِ اللهِ » ، قَالَ الْيَهُودِيُّ: لَقَدْ صَدَقْتَ ، وَإِنَّكَ لَنَبِيٌّ ، ثُمَّ انْصَرَفَ فَذَهَبَ ، فَقَالَ رَسُولُ اللهِ صَلَّى اللهُ عَلَيْهِ وَسَلَّمَ : « لَقَدْ سَأَلَنِي هَذَا عَنِ الَّذِي سَأَلَنِي عَنْهُ ، وَمَا لِي عِلْمٌ بِشَيْءٍ مِنْهُ، حَتَّى أَتَانِيَ اللهُ بِهِ »

لا هو من الرجال ولا من المرأه
وان البنات او الأولاد هي امانه استودعها الله عند الوالدين ويمكن يسترجعها في اي وقت ويمكن يحرمها من ناس واجد لحكمه عظيمه الله جل وتعالى اعلم بها

(لِلَّهِ مُلْكُ السَّمَاوَاتِ وَالْأَرْضِ يَخْلُقُ مَا يَشَاء يَهَبُ لِمَنْ يَشَاء إِنَاثًا وَيَهَبُ لِمَن يَشَاء الذُّكُورَ (49) أَوْ يُزَوِّجُهُمْ ذُكْرَانًا وَإِنَاثًا وَيَجْعَلُ مَن يَشَاء عَقِيمًا إِنَّهُ عَلِيمٌ قَدِيرٌ (50) الشورى)

[مهرة]

اخووي همر

تحديد الجنس من رب العالمين لا من الذكر ولا من الانثى :omg:


هـــــــــــــــــــــــــاه انا اشقلت ؟؟ يلا أخ همر تفضل استلم جائزتك؟؟؟؟

[ام السعف]

اخووي همر

تحديد الجنس من رب العالمين لا من الذكر ولا من الانثى :omg:

في طرق ممكن يحددون فيها جنس الجنين ،، وفي ناس جربوها ونفعت

كل شي علم ،، وسبحانه وتعالى يقول : "وما أتيتم من العلم الا قليلا "

[مهرة]

إلي يقولون يبي ولد يشيل اسمه ،السؤال وليش يشيل اسمه أصلا ؟ هل في مشكلة إذا انشال اسمه ؟
وإذا يبي اسمه ينشال يروح يستشهد في سبيل الله ،ولا يألف كتاب ،ولايسوي عمل يخلد

الحمدلله أنعم وأكرم بالإسلام الذي أنصفنا منذ قرون مضت




لا والأدهى والأمر من هذا كله انت منو؟؟ لا عبد شكور ولا تأدي فروضك؟؟ ولا تغسل ضروسك ؟؟:tease: ويمكن يكون عاصي بوالديه ووجوده كعدمه محسوب علينا رجال؟؟ ومرته عن عشر رجاجيل .. بسكم خرابيط ! وتبينه بعد يألف كتاب قوية خليه بالأول يعرف حق الجوال الي بيده عقب يعرف يقرا له آيتين من كتاب الله ..

شكراً لمرورج الطيب ومداخلتج العجيبة:victory:

[مهرة]

ياحلو البنات وخلفة البنات وصوت البنات وضحكة البنات فديتهم بناتي والله

تصدقني يا مهرة زوجي يحب البناات اكثر من الاولاد ، يا ويله اللي بيغلط عليهم جدامه ، اتذكر مرة ولدي العفطي بيطلع شخصيته على اخته اللي اكبر منه بسنتين تقريبا بمعنى اني ريال البيت ، والله يا انه ابوه زقره زقره بغى يغمى عليه منها ، انه اشلون يكلم شيخة البنات بهالطريقة ، والله البنات ماشاء الله عليهم يشليون لج البيت شيل ، الاولاد بعد الله يبارك فيهم مب مقصرين ، بس الولد مصيره لمرته وعياله في حين البنت بتبقى ببيت اهلها هي وعيالها ولا ينتهي الاهتمام فيها اطلاقا حتى وهي ام عيال اشكبرها

وفي كل ااحوال الجنسين حلوين والله لا يحرم احد من نعمة العيال ، واللي يفكر بولد وبنت هذا انسان مافيه انسانية ومحروم من خير كثير


هلا والله باختي العزيزة ضوى .. صدقتي ياختي مافيه أحلى ولا ألطف من ابتسامة البنوته لأمها وأبوها خاصة الصبح تشرح الصدر وتنسينا التعب ويفز القلب لها فديت البنات ومهما تعبتي معاهم بتلقين البر والمردود الخير أكثره من البنات حتى لو تزوجوا وبعدو بعد هم الخير والبركة والولد الله يهديهم لرضى والدينهم بس مشكلتهم يتزوجون وينشغلون وتصير أولوياتهم الزوجة والعيال ويتغيرون اشوي اشوي عسى الله يهديهم .. الله يخليلج عيالج ويبلغج فيهم بأعلى المراتب .. يارب .. مشكورة على مرورج وردج الطيب:nice:

[بوحارب]

للأسف عندنا هالتخلف موجود الى الآن

اعرف واحد موقف العملية الجنسية مع مرته ومكتفي بالأطفال اللي عنده

لانه خايف يرزق ببنت !!!!!

وهو حالياً عنده 3 بنات وولد واحد

وش تقولين عنه هذا يا مهره ؟

انا شخصياً اميل للأولاد بس بعد حنان البنات ما احصله في ألف ولد :)

وللحين وضوح بنتي لها مكانها الخاص في قلبي :tooth: :app2:


شوكراً ع الطرح :)

[مهرة]

ترى في حريم بعد يتضايقون من ولادة البنت مب لأنها بنت
ولكن لأنهم يبون ولد يشل اسم ولدهم ،،

فالموضوع مب محصور في الرجل فقط ،،

وفي ناس بعد يتضايقون من كثر خلفة الاولاد
ويتمنون ريحة البنت ،،

فالموضوع مب متعلق في البنت نفسها لأن هالبنت اكثر واحد بيدلعها الأب
بس
اشوف ان رغبة كثيرين في ولد يحمل اسمهم هو سبب الضيقة

المفروض ما يتضايق ولا يقلق ويشكر به ويحمده ،


هذي المشكلة الجذرية ام الزوج .. اخوانه المتزوجين.. ربعه .. ابووه بعد .. كلهم هذول يمارسون عليه شد الوتر والضرب والرص على مكان الجرح على وعسى يستوي رجال ويعرف يجبيله بزر يرفع اسمه ..!! وهو ينفس عن نفسه بصب جام غضبه على زوجته المسكينه والتهديد القديم والمعروف ( ترى بتزوج عليج) روح تزوج 10 بعد فكنا من شرك بس ..

عندي مثال وقصة حقيقية صارت عندنا بالدوام توها العام .. الله يسلمج ياسعوووفة هذا فلان عرس السنة الي طافت وعقبها بكم شهر مانشوف الا التهاليل والتبريكات والسلامات حق اخونا في الله انه ( المرة) حامل ومن هالكلام مبروووك بتصير أب .. وهو طبعاً شاق الحلج:yes: نسينا السالفة الي هي فترة حمال هالزوجة المسكينة مع اني ماعرفها .. فجأة قبل رمضان باسبوعين قامت الهندية المتينة الي كله همها (التريت) الحلاوة يعني على اي مناسبة تبي تحتفل وتاخذ هي البشارة وهي الي توثق كل أحداث الموظفين المواطنين بالشغل عندها مجلد كامل .. المهم راحت له وتقوله (هاه بشر وش جاك) صارك شهرين من ربت المدام وين التريت ..!:eek5: احنا انصدمنا ونسينا السالفة بكبرها بس الهندية حاسبتها عدل قام من مكتبه وطلع ولا كلمها ولا قال شي .. جات هي عندنا اتحسب نعرف شي عن الموضوع كلنا كنا جذي:confused: .. اليوم الثاني ماداوم وعقبها خذ اجازة وجانا خبر انه جاته بنت وهو ماحب يخبر الناس وماله داعي يدرون عنه ؟؟؟؟؟ انه متفشل ..؟؟ هاه اشرايكم:secret:

[ديار الخير]

شكراً مهرة

.،


موضوعكِ أكتمل بالآيات التي سقتِها والأحاديث ...

يبقى أن للبعض رؤية غريبة تخصهم؛ وما كان عليهم إلا الرضا [ على تقدير أن للإناث شر ] بقضاء الله خيره وشره .

أو لير كيف أن الله فضله على آلاف الناس الذين لم يرزقوا بمولود سواء أنثى أو ذكر ... بل أن بعضهم لم يرزق بزوجه ...

.،

شكراً مهرة ...

[chillis]

للأسف عندنا هالتخلف موجود الى الآن

اعرف واحد موقف العملية الجنسية مع مرته ومكتفي بالأطفال اللي عنده

لانه خايف يرزق ببنت !!!!!

وهو حالياً عنده 3 بنات وولد واحد

وش تقولين عنه هذا يا مهره ؟

انا شخصياً اميل للأولاد بس بعد حنان البنات ما احصله في ألف ولد :)

وللحين وضوح بنتي لها مكانها الخاص في قلبي :tooth: :app2:


شوكراً ع الطرح :)

معروفات البنات بدلعهم على الابو بالذات يملكون قلب الابو بسرعه وتكون دلوعه على ابوها بس

[ام السعف]

مهرة رايي هو .....> الله يعينه على ما بلى نفسه فيه

[فلتة زمانها]

ما ادري هالولد الي بيشل الاسم شبيسوي
بيطلع محارب مثلا والا قائد إسلامي وصاحب فتوحات هاهاهاهاها
سواء بنت والا ولد كلهم فيهم الخير والبركة ان شاءالله
والي للحين يفكر هالتفكير الجاهلي أنصحه ياخذ لفه على قسم
العجزه في ارميله ويشوف بنفسه شلون البنات بارين بوالدينهم
وقايمين فيهم اكثر من الشباب

شكرًا مهره

[مهرة]

شكراً مهرة

.،


موضوعكِ أكتمل بالآيات التي سقتِها والأحاديث ...

يبقى أن للبعض رؤية غريبة تخصهم؛ وما كان عليهم إلا الرضا [ على تقدير أن للإناث شر ] بقضاء الله خيره وشره .

أو لير كيف أن الله فضله على آلاف الناس الذين لم يرزقوا بمولود سواء أنثى أو ذكر ... بل أن بعضهم لم يرزق بزوجه ...



شكراً مهرة ...



شكراً لج انتي على مداخلتج الطيبة :).. موفقة ان شاءالله :)..

[الزعفراني]

فديت البنات ويازينهم ..

[مهرة]

ليه ماتصدقين من حقك طيب بسالك سؤال اليس عائشه رضي الله عنها نقلت العلم لصحابه بعد وفاة النبي المصطفى صلى الله عليه وسلم اليس هي انثى هي من قامت بنشر العلم عن حبيبها صلى الله عليه وسلم اجل فضلكم عظيم عظيم ويكفي فخر لكم



بيردون عليك وبيقولون هذاك قبل على زمن الرسول ولا تقارنون حريمنا بأمهات المسلمين .. حجج واهية وعقول مريضة.. وهل لنا أسوة وخير مثال من أمنا عائشة رضوان الله عليها زوجة نبينا الكريم صلى الله عليه وسلم ..

يعطيكم العافية اخوي وجُزيت خيراً .. ان شاءالله

[khalid Qtr]

اللهم لك الحمد ، ولد أو بنت كله خير ونعمة من رب العالمين ..
البنت تدخل أبيها الجنة ان أحسن تربيتها ، لا وألف لا لمفاهيم وعادات الجاهلية

[مهرة]

اعرف ناس الريال عنده 6 بنات و ولد
قاسي مع الام والبنات
تزوج الثانيه عشان الاولاد
جابت متخلفين يارب لاتبلينا


لا حول ولا قوة إلا بالله .. وهذا فعلاً ابتلاء وجزاء لعدم شكر المولى والأقتناع بما قسمه الله تعالى .. يمكن هالبنيات يكونون حنونات وبارات بأبوهم مع كل الي سواه فيهم .. الله يستر عليهم

الحمدلله الذي عافانا مما ابتلى به غيرنا من خلقه ..

موفقة اختي في الله ..

[مهرة]

اختي بـــارتي قطر .. مشكورة حبوبة على مرورج وردج الطيب ..

اخوي قرناص 2002 يعطبك العافيه وشكراً لمداخلتك القيمة ..

ياريت في ناس تقرا ردودكم وتفهم وتتقبل وترضى أهم شي ..

موفقين يارب ..:)

[مهرة]

للأسف عندنا هالتخلف موجود الى الآن

اعرف واحد موقف العملية الجنسية مع مرته ومكتفي بالأطفال اللي عنده

لانه خايف يرزق ببنت !!!!!

وهو حالياً عنده 3 بنات وولد واحد

وش تقولين عنه هذا يا مهره ؟

انا شخصياً اميل للأولاد بس بعد حنان البنات ما احصله في ألف ولد :)

وللحين وضوح بنتي لها مكانها الخاص في قلبي :tooth: :app2:


شوكراً ع الطرح :)



طبعاً البنت تتربع وسط قلب ابوها .. وتكون صج ملكة في بيت ابوها .. الله يحفظهم ولا يحرمنا من حنانهم ان شاءالله ..

اما مثالك هاي بروحها قصة من خيالات القصص الأغريقية القديمة مادري فيه ناس جذية .. بشرك الله بالخير يا بو حارب :rolleyes2: عطنا بعد ماتجود به نفسك عطنا بعد من هالأمثلة الزينه .. خلهم يدرون الي يقولون لااااااا مافيه مثل هالناس وعقولهم الحجرية ..!

[بوحارب]

معروفات البنات بدلعهم على الابو بالذات يملكون قلب الابو بسرعه وتكون دلوعه على ابوها بس

نحاسه لج اول ما توصل وضوح من المدرسة بسطرها :anger1:

[بوحارب]

طبعاً البنت تتربع وسط قلب ابوها .. وتكون صج ملكة في بيت ابوها .. الله يحفظهم ولا يحرمنا من حنانهم ان شاءالله ..

اما مثالك هاي بروحها قصة من خيالات القصص الأغريقية القديمة مادري فيه ناس جذية .. بشرك الله بالخير يا بو حارب :rolleyes2: عطنا بعد ماتجود به نفسك عطنا بعد من هالأمثلة الزينه .. خلهم يدرون الي يقولون لااااااا مافيه مثل هالناس وعقولهم الحجرية ..!
أنها الحقيقة الموره يا ساده

[مهرة]

ما ادري هالولد الي بيشل الاسم شبيسوي
بيطلع محارب مثلا والا قائد إسلامي وصاحب فتوحات هاهاهاهاها
سواء بنت والا ولد كلهم فيهم الخير والبركة ان شاءالله
والي للحين يفكر هالتفكير الجاهلي أنصحه ياخذ لفه على قسم
العجزه في ارميله ويشوف بنفسه شلون البنات بارين بوالدينهم
وقايمين فيهم اكثر من الشباب

شكرًا مهره



لا هم مايهتمون شنو بيطلع هالولد وشنو بتستفيد منه أمة (محمد) .. الموضوع كله منحاس وتقليد وتحصيل حاصل بالنسبة لهم .. يعني اخوانه وعيال عمه وربعه المتزوجين كلن وياه ولد وأكثر وهو ليحين ماعنده الا فرضاً 3 بنات وكله يلوم مرته ويقول اخوي عنده ولد والثاني عنده اثنين وحتى ولد عمي الي أصغر مني عنده أربع أنا ليش غير ؟؟ ليش ماعندي ولد؟؟ وحتى بمجالسهم بعضهم يقولون وين فلان ؟؟ الثاني يرد: (ياريااااااال خله في حاله تعبان مسكين جاته بعد بنت) وماتسمعين الا ( لا حول ولا قوة إلا بالله) كنهم اشوي وبيروحون يعزووونه متخلفين..

ترى أغلبهم يخلف ويقط وراه ولا يدرون شي عن التربية ولا يتعبون نفسهم بأتفه شي .. عندهم آلة تفريخ فقط ويتفاخروون من أكثر ولد وبس.. الله لا يبلانا

مشكورة على مرورج وردج اختي:) .. موفقة ان شاءالله

[مهرة]

اللهم لك الحمد ، ولد أو بنت كله خير ونعمة من رب العالمين ..
البنت تدخل أبيها الجنة ان أحسن تربيتها ، لا وألف لا لمفاهيم وعادات الجاهلية



للأسف اخوي هذي العادات والمعتقدات خلاص قربنا من زمن الموؤدة :( (( واذا الموؤدةُ سُئلت,, بأي ذنب قُتلت)) .. من علامات الساعة يالله خارجنا .. نسألك العفو والعافية

موفق اخوي ..

[meme-93]

اي نعم في مثل هـ الحالات
وفي ريايل عادي مستانس فـ بنته والمره مبوزه ليش جايبه بنت
كلشي في فهـ المجتمع الجميل :)

[R 7 A L]

شباب لا تتعبون انفسكم
الموضوع ملغم
حتى قلتوا الصدق ماراح يعجب الاخت صاحبة الموضوع مع احترامي
شوفوا ردودها وانكارها بماتشعرون به اتجاة بناتكم

[meme-93]

شباب لا تتعبون انفسكم
الموضوع ملغم
حتى قلتوا الصدق ماراح يعجب الاخت صاحبة الموضوع مع احترامي
شوفوا ردودها وانكارها بماتشعرون به اتجاة بناتكم

:eek5:

[بوحارب]

للأسف اخوي هذي العادات والمعتقدات خلاص قربنا من زمن الموؤدة :( (( واذا الموؤدةُ سُئلت,, بأي ذنب قُتلت)) .. من علامات الساعة يالله خارجنا .. نسألك العفو والعافية

موفق اخوي ..

بل بل بل اشدعوة مهره عاد ردي بعقل شوي :)

[sweet qatar]

مشاعر الشخص حر فيها.. في رجال يفرحون بالولد وفيهم الي يفرحون بالبنت

لكن الجهل والتخلف انه يعترض على عطية الله او يعصب او يتهم زوجته
لأن من عادات الجاهلية الحرج من انجاب البنات



كالعادة بعض التعليقات استفزازية لمجرد ان الموضوع عن البنات او المرأة عموما
قالتها أم السعف.. الله يذكرها بالخير


يالله تصبرنا وتعين :)

[بريق الحق]

ضعف الدين هو السبب
لا تاخذون الامور بحساسيه ياجماعه بنت ولد شسالفه ترى كل واحد يحمد ربه

[bo3adel]

الولد فعلا مثل ماتفضلو الاخوان له طعم وفرحه ثانيه

لاكن انا بالنسبه لي اتمنى تجيني بنت اول ماتزوج .. مثل ما الولد له فرحه

ايضا البنت لها طعم ثاني عند الابو ..

هذي نعمة من رب العالمين كيف هالانسان يعتبرها نقمه .. المفروض يحمد ربه انها بصحه وعافيه

واهله اسمحي لي على الكلمه الجهله .. بدال مايتحمدون حق مرته بالسلامه قاعدين يواسوون كانهم بعزا

ماباقي الا يوؤدون البنت بعد ويرجع بو جهل يتمشى بينا

تقبلوا مروري ^_^

[العقل المدمر]

اللي يقولون الولد يشيل اسم ابوه
حسسوني ان البنت شايله اسم يدتها
ترى حتى البنت منسوبه لابوها وتشيل اسمه
واخرتها لين يجي هاللي يشيل اسمه
يطلع متنح ويفشل والا قليل ادب ويده طويله
اصلا لو هالعنصريه بتنقرض ما كان تكلم فيها الدين
وما كان خص الاجر في تربيه البنات
ومع ان الكل يدري ان البنت غير ووجودها خير
بعد بيظل يتمنى الولد ويفرح بالولد اكثر

[نور الحور]

اللي يقولون الولد يشيل اسم ابوه
حسسوني ان البنت شايله اسم يدتها
ترى حتى البنت منسوبه لابوها وتشيل اسمه
واخرتها لين يجي هاللي يشيل اسمه
يطلع متنح ويفشل والا قليل ادب ويده طويله
اصلا لو هالعنصريه بتنقرض ما كان تكلم فيها الدين
وما كان خص الاجر في تربيه البنات
ومع ان الكل يدري ان البنت غير ووجودها خير
بعد بيظل يتمنى الولد ويفرح بالولد اكثر


هم قصدهم استمرار السلالة والاسم ..لأن الأبناء ينسبون للأب مو للأم ..
فلما تتزوج هالبنت بعد ماتكبر بينسبون عيالها لزوجها ..وبيتلاشى مع ذكرهم ..

بالنسبة لي يامهرة ..انصدمت من كلامج ومن بعض المشاركات ..
للحين عقلية أبوجهل عندنا؟:(
رحماك ربي :weeping:

[N!GHTWOLF]

بنت تشرفني و لا ولد يشيل اسمي ومنزل راسي

[مهرة]

اي نعم في مثل هـ الحالات
وفي ريايل عادي مستانس فـ بنته والمره مبوزه ليش جايبه بنت
كلشي في فهـ المجتمع الجميل :)



فيه حريم مثل ماقالت ام السعف الله يذكرها بالخير .. مايحبون جية البنت بعضهم يقولون جات وجا الفقر وياها ؟؟ تخيلي:eek5:

الله المستعان .. موفقة اختي

[مهرة]

شباب لا تتعبون انفسكم
الموضوع ملغم
حتى قلتوا الصدق ماراح يعجب الاخت صاحبة الموضوع مع احترامي
شوفوا ردودها وانكارها بماتشعرون به اتجاة بناتكم


:playball:

[شبح الصمت]

اللهم لك الحمد والشكر يآآرب

اللهم ارزقنا الابناء البارين والحافظين لكتابه

اللهم آمين

[مهرة]

بل بل بل اشدعوة مهره عاد ردي بعقل شوي :)



شالي فهمته من الرد؟؟ انا قلت الحين كلن بيذبح بنيته؟؟:rolleyes2: اذا استمر جهل العقلاء في أيامنا هذي وصارت في ازدياد كل ماتقرب علامات الساعة طبعاً غير الي شايفينها الحين.. فهمت اخوي:discuss: اشرب ميرمية ابرك

[مهرة]

مشاعر الشخص حر فيها.. في رجال يفرحون بالولد وفيهم الي يفرحون بالبنت

لكن الجهل والتخلف انه يعترض على عطية الله او يعصب او يتهم زوجته
لأن من عادات الجاهلية الحرج من انجاب البنات



كالعادة بعض التعليقات استفزازية لمجرد ان الموضوع عن البنات او المرأة عموما
قالتها أم السعف.. الله يذكرها بالخير


يالله تصبرنا وتعين :)


هلا باختي الغالية أسعدني مرورج واضافتج الجميلة .. ما عليج من المستفزين ان كثرو او قلو انا لهم بالمرصاد:court:

موفقة ان شاءالله ..

[طرف محايد]

نحتاج لتحرير العقل العربي من غيبوبته !!


وهذا هو الذي ذمه القرآن حينما تحدث عن أهل الجاهلية

قال الله عنهم

(وإذا بشر أحدهم بالأنثى ظل وجهه مسوداً وهو كظيم)

[مهرة]

اخوي بو عابد ,, نقطتك الي ذكرتها صحيحة هالأنسان الجاهل اذا ماكان ملتزم بصلاته وتفقهه بابسط امور دينه ماراح يتوفق وبيحس بالنقص.. الله يهديهم
موفق ان شاءالله ..


اخوي بو عادل ,, يعطيك العافية على ردك القيم واضافتك المميزة .. الله يبلغك بعيالك يارب

[مهرة]

هم قصدهم استمرار السلالة والاسم ..لأن الأبناء ينسبون للأب مو للأم ..
فلما تتزوج هالبنت بعد ماتكبر بينسبون عيالها لزوجها ..وبيتلاشى مع ذكرهم ..

بالنسبة لي يامهرة ..انصدمت من كلامج ومن بعض المشاركات ..
للحين عقلية أبوجهل عندنا؟:(
رحماك ربي :weeping:



ايه والله موجودين ويالله لا تبلانا بناس مثلهم .. ماعليه بعضهم بيعرفون قيمة هالنعمة العظيمة بس بعد مايفوت الفوت .. الله يعين حريمهم لأنه من كثر اللوم عليها بتكره بنتها او بناتها..

موفقة حبوبة ..:)

[الـقـاسـي]

والله البنات مافي احلى منهم .. لكن ماتوصل لمرحلة اني ازعل اذا ماجاني ولد .
كل شي بيد رب العالمين وهو اعلم بالأفضل للعبد لكن ترى في مجتمعنا الاب محتاج لعيال ذكور يعتمد عليهم ويعاونونه مب قصور في البنت ولكن مايصير البنت تسوي كل شي

[مهرة]

بنت تشرفني و لا ولد يشيل اسمي ومنزل راسي



الله يحط فيهم كلهم الخير والبركة .. والله يعينا ويعين المسلمين على التربية الصالحة والنشئة السليمة ويطلعون طايعين لربهم ولأهلهم ..

موفق ان شاءالله

[مهرة]

اللهم لك الحمد والشكر يآآرب

اللهم ارزقنا الابناء البارين والحافظين لكتابه

اللهم آمين



آمين يارب العالمين ..

[مهرة]

نحتاج لتحرير العقل العربي من غيبوبته !!


وهذا هو الذي ذمه القرآن حينما تحدث عن أهل الجاهلية

قال الله عنهم

(وإذا بشر أحدهم بالأنثى ظل وجهه مسوداً وهو كظيم)



ربنا لا تؤاخذنا بما فعل السفهاء منا ربنا انك غفور رحيم ..

[مهرة]

والله البنات مافي احلى منهم .. لكن ماتوصل لمرحلة اني ازعل اذا ماجاني ولد .
كل شي بيد رب العالمين وهو اعلم بالأفضل للعبد لكن ترى في مجتمعنا الاب محتاج لعيال ذكور يعتمد عليهم ويعاونونه مب قصور في البنت ولكن مايصير البنت تسوي كل شي



مو احنا كمسلمين نشكر ربنا على السراء والضراء .. فما بالك بعطايا الرحمن كل شي من ربنا حلو وفيه خير لنا ان كان قريب او بعيد .. بس العبد بطبعه عجوول وضعيف ومايدري الله اش كاتب له.. والولد خير سند لأمه وابوه وعرضه وهو أساس البيت بوجود او بغياب الأب

موفق اخوي ..