رايكم في نيسان باترول بدون ضمان

[بحرقطر]

السلام عليكم
ناوي اخذ نيسان ( اس اي ) ان شاءالله، لكن احترت اخذه من المعارض بسعر اقل تقريبا من 35 الى 40 الف او اخذه من الوكاله.الوكاله يعطون ضمان ثلاث سنوات او ستين الف كيلو متر، المعارض بدون ضمان ويقولون لك الموتر وارد الامارات وينصحونك تفتح دفتر ضمان من شركه اسمها aaa ب 4000 ريال، يقولون هالشركه تعطيك ضمان نفس الوكاله بالضبط . اتمنى من الي تعاملو مع المعارض يعطونا رايهم وراي اهل الخبره بالنيسان اس اي. ويعطيكم العافيه *

[عازف]

أخوي تأكد من المواصفات ان كان خليجية تقدر تفتح ملف في الوكالة ومجاناً

[MzYoN-QaTaR]

مرحبا أخوي أنا توني مأخذ le الفل وارد الامارات وفتحت له ضمان عال aaa ب ٤٢٠٠ لمدة ٥ سنوات من صدام لين صدام بس لازم تسوي السيرفس عند كراج اوتوزي فالصناعية عشان الضمان ما يطيح ( هو الكراج المعتمد من شركة aaa )

بس إذا سويت ضمان ال ١٥٠٠ اللي يشمل مكينة ودفريشن وقير عادي تسوي السيرفس في مكان ثاني

وبخصوص موضوع فتح الملف فالوكالة مايصير .. المواتر كلها مواصفات خليجية بس وكالة النيسان من بداية ٢٠١٢ قاموا يرفضون يقبلون أي سيارة مش وارد المانع

تقبل مروري

[أسد الجزيرة]

بكم اخذت النيسان الفل

[qatari 111]

مرحبا أخوي أنا توني مأخذ le الفل وارد الامارات وفتحت له ضمان عال aaa ب 4200 لمدة 5 سنوات من صدام لين صدام بس لازم تسوي السيرفس عند كراج اوتوزي فالصناعية عشان الضمان ما يطيح ( هو الكراج المعتمد من شركة aaa )

بس إذا سويت ضمان ال 1500 اللي يشمل مكينة ودفريشن وقير عادي تسوي السيرفس في مكان ثاني

وبخصوص موضوع فتح الملف فالوكالة مايصير .. المواتر كلها مواصفات خليجية بس وكالة النيسان من بداية 2012 قاموا يرفضون يقبلون أي سيارة مش وارد المانع

تقبل مروري

نفس كلام اخوي

عندنا 3 نياسين وارد البريمي والامارات
وضمان شركة aaa هي الشركة اللي تتعامل مع شركة المناعي او المتحده للمانع لتمدييد الصمان

[وحيد-الشوق]

ضمان الوكالة افضل وعن نفسي مستحيل اخذ موتر جديد بدون ضمان الوكالة

في حالة اذا المكينة خبطت كمثال الوكالة غصبا عنهم يبدلونها لك والضمان الثاني عادي يقولك دورني :)

[بوفهد@]

انا الي اعرفه ان الوكاله عادي تستقبل السيارات الخليجيه بس تسوي السيرفس عندهم اذا انت تاخذ موتر عمر اخذ من الوكاله اذا لك نيه تبدله بعد فتره اخذ من المعارض ارخص وافر

[بحرقطر]

أخوي تأكد من المواصفات ان كان خليجية تقدر تفتح ملف في الوكالة ومجاناً
يفتحون ملف يمكن لكن مجانا مافي امل

[النهار]

تقصد وارد الامارات من الوكيل او المعارض
لان في الامارات المعارض قاموا يجيبون سيارات من اليمن والعراق

[بحرقطر]

[QUOTE=MzYoN-QaTaR;9183428]مرحبا أخوي أنا توني مأخذ le الفل وارد الامارات وفتحت له ضمان عال aaa ب 4200 لمدة 5 سنوات من صدام لين صدام بس لازم تسوي السيرفس عند كراج اوتوزي فالصناعية عشان الضمان ما يطيح ( هو الكراج المعتمد من شركة aaa )

بس إذا سويت ضمان ال 1500 اللي يشمل مكينة ودفريشن وقير عادي تسوي السيرفس في مكان ثاني

وبخصوص موضوع فتح الملف فالوكالة مايصير .. المواتر كلها مواصفات خليجية بس وكالة النيسان من بداية 2012 قاموا يرفضون يقبلون أي سيارة مش وارد المانع


يعطيك خيره ويكفيك شره ان شاءالله
لكن ياخوي ودي اعرف اشلون تعامل شركة aaa في حالة المشاكل الكبيره يتحملون التصليح ولا يتهربون

[بحرقطر]

نفس كلام اخوي

عندنا 3 نياسين وارد البريمي والامارات
وضمان شركة aaa هي الشركة اللي تتعامل مع شركة المناعي او المتحده للمانع لتمدييد الصمان
ماشاءالله هالشركه طلعت معروفه مب بسيطه

[بحرقطر]

ضمان الوكالة افضل وعن نفسي مستحيل اخذ موتر جديد بدون ضمان الوكالة

في حالة اذا المكينة خبطت كمثال الوكالة غصبا عنهم يبدلونها لك والضمان الثاني عادي يقولك دورني :)

صح كلامك بس ضمان الوكاله معقد شوي لان موظف المبيعات قالي لازم كل 5000 تغير الايل في كراج النيسان ولا الضمان يطيح عاد هاذي مب سالفه شكلهم يدورن الزله بس عشان يطيحون الضمان

[بحرقطر]

انا الي اعرفه ان الوكاله عادي تستقبل السيارات الخليجيه بس تسوي السيرفس عندهم اذا انت تاخذ موتر عمر اخذ من الوكاله اذا لك نيه تبدله بعد فتره اخذ من المعارض ارخص وافر

اذا الوكاله تستقبل باخذ خليجي وافتح ضمان عندهم

[بحرقطر]

تقصد وارد الامارات من الوكيل او المعارض
لان في الامارات المعارض قاموا يجيبون سيارات من اليمن والعراق

صحيح النيسان شكله وارد دول ثانيه غير الامارات لاني قلت لراعي المعرض اذا الموتر وارد الامارات عطني الضمان الاماراتي او على الاقل فاتوره تثبت ان الموتر وارد الامارات قالي ماعندي لا فاتوره ولا ضمان ماعندي الا الموتر. *

[وحيد-الشوق]

اكيد الي عنده وارد البريمي او من العراق او اليمن وهالمواتر ماينفتح لها ضمان عكس الخليجي خذه وافتح له ضمان عادي

[abo0o0od QtR]

نصيحة خذ من الوكالة وريح بالك

و على قولة المثل لا تنام بين القبور ولا تشوف منامات وحشة