الاقصى للاستشارات و العلي للاستشارات اللي جربهم يدش ..

[مواقف النجادة]

السلام عليكم ..

الرجاء من الاخوان اللي جرب وحدة من الشركتين في الاشراف .. يقول لي رايه فيهم .. انا محتار بين الشركتين و لازم بكرة على اقصى تقدير اوقع مع وحدة منهم ..

و مشكورين مقدماً...

[مضارب دوسري]

انا جربت الاقصى
ورايي فيهم جيد جدا
حسب التعامل والاخلاق
ولكن في نفس الوقت ماجربت شركات ثانيه

[مواقف النجادة]

انا جربت الاقصى
ورايي فيهم جيد جدا
حسب التعامل والاخلاق
ولكن في نفس الوقت ماجربت شركات ثانيه

جعلك تسلم يالدوسري ..
بارك الله فيك..

[معماري قطري]

الله يوفقك

مشكلة المكاتب ما تحصل مكتب مستواه ثابت الا قليل .. وفيه تنقلات واستقالات لبعض المهندسين وصراحة أغلب المكاتب تحصل فيها مهندس زين وشغال حق كم تخصص وتحصل بعض التخصصات بعيدة عن خبراته لكن ما يعترف ينسخ تصميم سابق .. يعني نموذج دائرة كهربائية ولوحة كهربائية لكل المشاريع .. وعمود مبالغ فيه وأبيام مبالغ فيها وأساسات مبالغ فيها وماشية لكل مشروع .. ويجي الكهربائي والفورمن بعدين يعدلون على تصميمه أو يسوون أخطاء وتحترق الليتات من قوة الكهربة وغير من أخطاء عدم تناسق المخططات.

لو قبل لتوقع العقد تاخذ مقترح شبيسون لك وتعرف المكتب شقدرته وتخصصات المهندسين فيه وعددهم .. وتعرف العقد شبيغطي من تصاميم وتحاول بعد تتفق على إدارة المناقصة وإدارة الشغل كامل .. يعني أي مقاول بالباطن أو شيء تاخذ تنسيقه وشغله عليك هم يساعدون ويساهمون فيه والإجتماعات تكون عندهم .. مثل تصميم الأبواب وتنفيذها، والنوافذ والعزل إذا عليك .. الإشراف المتواصل وشبيغطي لك .. هل بيرسل لك تقارير كل 3 أيام على ايميلك ومفصله أو كل اسبوع؟ وهل بيتابع كل شغلة وبيتفق على طريقة تركيبها وبيسوي زيارات حسب الحاجة وبمهندسين مختصين بكل تخصص .. والا بتشوف نفس الشخص السوبر مهندس " بتاع كله " كله معاك ولازم تحضر انت ويدوشك بما اولت لك والي واولت له واحنا اتفأنا على كدا.

من رايي والمفروض لجنة ترخيص المهندسين تتدخل إن قبل الإتفاق النهائي المكتب يكون موضح كل شيء ويكون مصنف وواضح في تصنيفه كل التخصصات اللي يسويها، وأي تخصص بيسويه عن طريق مكتب ثاني لازم ينذكر في العقد ويكون الإتفاق بحضور وموافقة المالك .. أما مرحلة السكتش فتكون مرحلة يجتهد فيها المكتب في استجلاب العملاء ويوضح لهم قدراته بالرسم والتخطيط اللي يتفقون عليه خل نقول بنسبة 80% .. وبعد هذي المرحلة تكون مرحلة بدء الدفعات والرسوم التفصيلية والمتابعة.

[معماري قطري]

على ما اعتقد إن العلي للإستشارات وشركة العلي للمشاريع شريك فيهم محمد بن راشد العلي وهو مهندس قطري من أصحاب الخبرة القديمة ومتوقع ادارة المكتب إذا هو متفرغ لها بتكون ممتازة .. حاول تشوفه وتتفق معاه على النقاط اللي ذكرتها قبل.

[معماري قطري]

عندك بعد من المكاتب اللي أذكرها جيدة مكتب عمار في شارع السد ومكتب ديوان العمارة تحت في مواقف الستي سنتر ملك الشيخ فيصل بن جاسم .. ديوان العمارة كان فيه معماري عراقي شيبة من أفضل المهندسين .. وعندك قطر دزاين كونسبت وهم مختصين بالفنيات والعمارة وجيرانهم اتحاد قطر للتخطيط بس اتوقع الأخيرين يدورون مشاريع كبيرة .. مكتب غالي بس سوبر راقي عندك إم زد صوب مطعم بيروت في بن محمود.

ما اسوي دعاية بس هذي المكاتب بالاضافة الى المكتب العربي للشؤون الهندسية - إبراهيم الجيدة من أقوى المكاتب وأثبتها على مستوى واحد لفترات طويلة .. والله يوفقك وممكن اللي عندك أفضل بس ركز على العقد معاهم وعلى ترخيصهم ومهندسينهم.

[مواقف النجادة]

على ما اعتقد إن العلي للإستشارات وشركة العلي للمشاريع شريك فيهم محمد بن راشد العلي وهو مهندس قطري من أصحاب الخبرة القديمة ومتوقع ادارة المكتب إذا هو متفرغ لها بتكون ممتازة .. حاول تشوفه وتتفق معاه على النقاط اللي ذكرتها قبل.

مشكوور اخوي معماري على النصايح الطيبة .. وبيض الله وجهك..

[معماري قطري]

ووجهك أبيض إن شاء الله

يطلع تصنيف للمكاتب مختصر كالعادة من التخطيط العمراني .. والمفروض يكون مفصل بالمشاريع اللي أنجزها المكتب وحتى صور لبعضها .. ويتم فيه ذكر المشاريع المستمرة وعدد المهندسين وتخصصاتهم وأُمور كثيرة تهم الشخص المتعامل مع المكتب .. المفروض حتى صيغ العقود يتدخل فيها التخطيط حتى يضمن حق الطرفين.

لا البلدية ولجنة قبول وتصنيف المكاتب موقعهم بدائي وما فيه أي تحديث وتصنيف للمكاتب وحتى لستة المكاتب غير موجودة .. شكلهم تعبوا من لف ودوران بعض المكاتب اللي يسون اقامات حق 100 مهندس ويرجعونهم بلادهم ويشتغل في قطر مهندس واحد " بتاع كله "... دخلت موقعهم وياليتني ما دخلت كني داخل دواعيس منطقة الأبراج.

[فروخ]

مرحبا بالشيخ
ياخوي أنا جربت استشاري عربي وكان جيد بس مب ملحق الشغل ومافي تقارير ووو
قررت إني أروح للعلي للاستشارات والحمد لله ارتحت معاهم
وقعت معاهم بالنزله
يعني لما اتصله يشم ريحة فلوس ويراكض وراك
المهندسين فلبينيين
ممتازين الصراحة وما يمشون أي شي للمقاول حتى شكل الديكور محكرين له فيه
تقارير بروفيشنال عقب كل نزلة
طلعوا عين الفورمان
أنا تعاملت مع اثنين منهم: مايكل و فيجاردو
اثنينهم جيدين بس حسيت مايكل أفضل

ونصيحة تابع حلالك مهما يكون ،،، حتى الاستشاري خليه يحس انك متابع ورآه

وشخصيا أنا لما وقعت معاهم بالنزلة ارتحت،، لأن يمكن تجيك شهور ما تحتاج الاستشاري
وهم بيعطونك جدول مقترح بالنزلات
وبالتوفيق

[مواقف النجادة]

مرحبا بالشيخ
ياخوي أنا جربت استشاري عربي وكان جيد بس مب ملحق الشغل ومافي تقارير ووو
قررت إني أروح للعلي للاستشارات والحمد لله ارتحت معاهم
وقعت معاهم بالنزله
يعني لما اتصله يشم ريحة فلوس ويراكض وراك
المهندسين فلبينيين
ممتازين الصراحة وما يمشون أي شي للمقاول حتى شكل الديكور محكرين له فيه
تقارير بروفيشنال عقب كل نزلة
طلعوا عين الفورمان
أنا تعاملت مع اثنين منهم: مايكل و فيجاردو
اثنينهم جيدين بس حسيت مايكل أفضل

ونصيحة تابع حلالك مهما يكون ،،، حتى الاستشاري خليه يحس انك متابع ورآه

وشخصيا أنا لما وقعت معاهم بالنزلة ارتحت،، لأن يمكن تجيك شهور ما تحتاج الاستشاري
وهم بيعطونك جدول مقترح بالنزلات
وبالتوفيق

تسلم يالغالي على الرد والنصيحة..

[مواقف النجادة]

شكرًا لكل من ساعدني بالرد و النصيحة ..والله يبارك فيكم.
تم الاتفاق بفضل الله وتوفيقه مع العلي للاستشارات .

و تقبلوا أعظم آيات الشكر والامتنان..

[مهاجر]

الله يوفقك ويجعله منزل مبارك , انا شخصيا اتعامل مع مكتب العلي وتعاملهم جداا ممتاز وراقي وانشاءالله عملهم يكون نفس المستوى .

[almaf1a]

روح اي مكتب في الدنيا الا القطري الي في معيذر
مكتب فاشل وتصاميم كلها غلط

[Bozizoo]

مرحبا بالشيخ
ياخوي أنا جربت استشاري عربي وكان جيد بس مب ملحق الشغل ومافي تقارير ووو
قررت إني أروح للعلي للاستشارات والحمد لله ارتحت معاهم
وقعت معاهم بالنزله
يعني لما اتصله يشم ريحة فلوس ويراكض وراك
المهندسين فلبينيين
ممتازين الصراحة وما يمشون أي شي للمقاول حتى شكل الديكور محكرين له فيه
تقارير بروفيشنال عقب كل نزلة
طلعوا عين الفورمان
أنا تعاملت مع اثنين منهم: مايكل و فيجاردو
اثنينهم جيدين بس حسيت مايكل أفضل

ونصيحة تابع حلالك مهما يكون ،،، حتى الاستشاري خليه يحس انك متابع ورآه

وشخصيا أنا لما وقعت معاهم بالنزلة ارتحت،، لأن يمكن تجيك شهور ما تحتاج الاستشاري
وهم بيعطونك جدول مقترح بالنزلات
وبالتوفيق

اخوي فروخ
ما انصحك يكون الاشراف بالنزله او بالزيارة
في اشياء يبيلها متابعه دوريه ومستمرة
ممكن تجيبه يشيك الحديد قبل الصب
لكن الطابوق و البلاستر و الدفان و الكهرباء و السباكه وهل يصب ماء على الخرسانات وووو
يبيلها باستمرار
وناهيك اذا اكتشفت الخطاء متاخر ممكن يحاججك المقاول وينك انت زمان الحين توك متذكر
نصيحه تعاقد مع استشاري لحين الانتهاء من المشروع
الحين الناس يحط استشاري و بين كل فتره وفترة يجيب استشاري يشيك على الاستشاري و اشرافه على قولتك بالزله

[معماري قطري]

اخوي فروخ
ما انصحك يكون الاشراف بالنزله او بالزيارة
في اشياء يبيلها متابعه دوريه ومستمرة
ممكن تجيبه يشيك الحديد قبل الصب
لكن الطابوق و البلاستر و الدفان و الكهرباء و السباكه وهل يصب ماء على الخرسانات وووو
يبيلها باستمرار
وناهيك اذا اكتشفت الخطاء متاخر ممكن يحاججك المقاول وينك انت زمان الحين توك متذكر
نصيحه تعاقد مع استشاري لحين الانتهاء من المشروع
الحين الناس يحط استشاري و بين كل فتره وفترة يجيب استشاري يشيك على الاستشاري و اشرافه على قولتك بالزله

أأيد هالرأي والدفعات بتكون شهرية ولازم تتابع وراه وتتصل له والأهم سمعة المكتب والعقد يربطه بزيارات متعددة أو أقلها اسبوعياً مره وحسب الحاجة مع كتابة تقرير وصور وارسالها واتس أب أو ايميل.